| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౫. ఆదిత్తవగ్గో
5. Ādittavaggo
౧. ఆదిత్తసుత్తవణ్ణనా
1. Ādittasuttavaṇṇanā
౪౧. ఆదిత్తవగ్గస్స పఠమే జరాయ మరణేన చాతి దేసనాసీసమేతం, రాగాదీహి పన ఏకాదసహి అగ్గీహి లోకో ఆదిత్తోవ. దానేనాతి దానచేతనాయ. దిన్నం హోతి సునీహతన్తి దానపుఞ్ఞచేతనాహి దాయకస్సేవ హోతి ఘరసామికస్స వియ నీహతభణ్డకం, తేనేతం వుత్తం. చోరా హరన్తీతి అదిన్నే భోగే చోరాపి హరన్తి రాజానోపి, అగ్గిపి డహతి, ఠపితట్ఠానేపి నస్సన్తి. అన్తేనాతి మరణేన. సరీరం సపరిగ్గహన్తి సరీరఞ్చేవ చోరాదీనం వసేన అవినట్ఠభోగే చ. సగ్గముపేతీతి వేస్సన్తరమహారాజాదయో వియ సగ్గే నిబ్బత్తతీతి. పఠమం.
41. Ādittavaggassa paṭhame jarāya maraṇena cāti desanāsīsametaṃ, rāgādīhi pana ekādasahi aggīhi loko ādittova. Dānenāti dānacetanāya. Dinnaṃ hoti sunīhatanti dānapuññacetanāhi dāyakasseva hoti gharasāmikassa viya nīhatabhaṇḍakaṃ, tenetaṃ vuttaṃ. Corā harantīti adinne bhoge corāpi haranti rājānopi, aggipi ḍahati, ṭhapitaṭṭhānepi nassanti. Antenāti maraṇena. Sarīraṃ sapariggahanti sarīrañceva corādīnaṃ vasena avinaṭṭhabhoge ca. Saggamupetīti vessantaramahārājādayo viya sagge nibbattatīti. Paṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. ఆదిత్తసుత్తం • 1. Ādittasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. ఆదిత్తసుత్తవణ్ణనా • 1. Ādittasuttavaṇṇanā
