| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๕. อาทิตฺตวโคฺค
5. Ādittavaggo
๑. อาทิตฺตสุตฺตวณฺณนา
1. Ādittasuttavaṇṇanā
๔๑. อาทิตฺตวคฺคสฺส ปฐเม ชราย มรเณน จาติ เทสนาสีสเมตํ, ราคาทีหิ ปน เอกาทสหิ อคฺคีหิ โลโก อาทิโตฺตวฯ ทาเนนาติ ทานเจตนายฯ ทินฺนํ โหติ สุนีหตนฺติ ทานปุญฺญเจตนาหิ ทายกเสฺสว โหติ ฆรสามิกสฺส วิย นีหตภณฺฑกํ, เตเนตํ วุตฺตํฯ โจรา หรนฺตีติ อทิเนฺน โภเค โจราปิ หรนฺติ ราชาโนปิ, อคฺคิปิ ฑหติ, ฐปิตฎฺฐาเนปิ นสฺสนฺติฯ อเนฺตนาติ มรเณนฯ สรีรํ สปริคฺคหนฺติ สรีรเญฺจว โจราทีนํ วเสน อวินฎฺฐโภเค จฯ สคฺคมุเปตีติ เวสฺสนฺตรมหาราชาทโย วิย สเคฺค นิพฺพตฺตตีติฯ ปฐมํฯ
41. Ādittavaggassa paṭhame jarāya maraṇena cāti desanāsīsametaṃ, rāgādīhi pana ekādasahi aggīhi loko ādittova. Dānenāti dānacetanāya. Dinnaṃ hoti sunīhatanti dānapuññacetanāhi dāyakasseva hoti gharasāmikassa viya nīhatabhaṇḍakaṃ, tenetaṃ vuttaṃ. Corā harantīti adinne bhoge corāpi haranti rājānopi, aggipi ḍahati, ṭhapitaṭṭhānepi nassanti. Antenāti maraṇena. Sarīraṃ sapariggahanti sarīrañceva corādīnaṃ vasena avinaṭṭhabhoge ca. Saggamupetīti vessantaramahārājādayo viya sagge nibbattatīti. Paṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. อาทิตฺตสุตฺตํ • 1. Ādittasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑. อาทิตฺตสุตฺตวณฺณนา • 1. Ādittasuttavaṇṇanā
