| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๕. อาทิตฺตวโคฺค
5. Ādittavaggo
๑. อาทิตฺตสุตฺตวณฺณนา
1. Ādittasuttavaṇṇanā
๔๑. สีสนฺติ เทสนาปเทโส, เทสนาย อเญฺญสุปิ วตฺตเพฺพสุ กสฺสจิเทว สีสภาเคน อปทิสนํฯ เตนาห ‘‘ราคาทีหี’’ติอาทิฯ ทาเนนาติ อตฺตโน สนฺตกสฺส ปเรสํ ปริจฺจชเนนฯ ตํ ปน ปริจฺจชนํ เจตนาย โหตีติ อาห ‘‘ทานเจตนายา’’ติ ทานปุญฺญเจตนาติ ทานมยา ปุญฺญเจตนา ทายกเสฺสว โหติ ตํสนฺตติปริยาปนฺนตฺตาฯ นีหตภณฺฑกนฺติ อาทิตฺตเคหโต พหิ นิกฺขามิตํ ภณฺฑกํฯ เอตนฺติ ‘‘ทินฺนํ โหตี’’ติอาทิวจนํฯ อทิเนฺนติ ทานมุเข อนิยุญฺชิเต โภเคฯ ‘‘อเนฺตนา’’ติ ชีวิตสฺส อโนฺต อธิเปฺปโตติ อาห ‘‘มรเณนา’’ติฯ มมาติ ปริคฺคหิตตฺตา ปริคฺคหา, โภคาฯ เตปิ เกนจิ อากาเรน วินาสํ อนุปคตา มรเณน ปหียนฺติ นามาติ วุตฺตํ ‘‘โจราทีนํ วเสน อวินฎฺฐโภเค’’ติฯ โสภนา อคฺคภูตา รูปาทโย เอตฺถาติ สโคฺค, ตํ สคฺคํฯ
41.Sīsanti desanāpadeso, desanāya aññesupi vattabbesu kassacideva sīsabhāgena apadisanaṃ. Tenāha ‘‘rāgādīhī’’tiādi. Dānenāti attano santakassa paresaṃ pariccajanena. Taṃ pana pariccajanaṃ cetanāya hotīti āha ‘‘dānacetanāyā’’ti dānapuññacetanāti dānamayā puññacetanā dāyakasseva hoti taṃsantatipariyāpannattā. Nīhatabhaṇḍakanti ādittagehato bahi nikkhāmitaṃ bhaṇḍakaṃ. Etanti ‘‘dinnaṃ hotī’’tiādivacanaṃ. Adinneti dānamukhe aniyuñjite bhoge. ‘‘Antenā’’ti jīvitassa anto adhippetoti āha ‘‘maraṇenā’’ti. Mamāti pariggahitattā pariggahā, bhogā. Tepi kenaci ākārena vināsaṃ anupagatā maraṇena pahīyanti nāmāti vuttaṃ ‘‘corādīnaṃ vasena avinaṭṭhabhoge’’ti. Sobhanā aggabhūtā rūpādayo etthāti saggo, taṃ saggaṃ.
อาทิตฺตสุตฺตวณฺณนา นิฎฺฐิตาฯ
Ādittasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑. อาทิตฺตสุตฺตํ • 1. Ādittasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑. อาทิตฺตสุตฺตวณฺณนา • 1. Ādittasuttavaṇṇanā
