| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༥. ཨཱདིཏྟཝགྒོ
5. Ādittavaggo
༡. ཨཱདིཏྟསུཏྟཝཎྞནཱ
1. Ādittasuttavaṇṇanā
༤༡. ཨཱདིཏྟཝགྒསྶ པཋམེ ཛརཱཡ མརཎེན ཙཱཏི དེསནཱསཱིསམེཏཾ, རཱགཱདཱིཧི པན ཨེཀཱདསཧི ཨགྒཱིཧི ལོཀོ ཨཱདིཏྟོཝ། དཱནེནཱཏི དཱནཙེཏནཱཡ། དིནྣཾ ཧོཏི སུནཱིཧཏནྟི དཱནཔུཉྙཙེཏནཱཧི དཱཡཀསྶེཝ ཧོཏི གྷརསཱམིཀསྶ ཝིཡ ནཱིཧཏབྷཎྜཀཾ, ཏེནེཏཾ ཝུཏྟཾ། ཙོརཱ ཧརནྟཱིཏི ཨདིནྣེ བྷོགེ ཙོརཱཔི ཧརནྟི རཱཛཱནོཔི, ཨགྒིཔི ཌཧཏི, ཋཔིཏཊྛཱནེཔི ནསྶནྟི། ཨནྟེནཱཏི མརཎེན། སརཱིརཾ སཔརིགྒཧནྟི སརཱིརཉྩེཝ ཙོརཱདཱིནཾ ཝསེན ཨཝིནཊྛབྷོགེ ཙ། སགྒམུཔེཏཱིཏི ཝེསྶནྟརམཧཱརཱཛཱདཡོ ཝིཡ སགྒེ ནིབྦཏྟཏཱིཏི། པཋམཾ།
41. Ādittavaggassa paṭhame jarāya maraṇena cāti desanāsīsametaṃ, rāgādīhi pana ekādasahi aggīhi loko ādittova. Dānenāti dānacetanāya. Dinnaṃ hoti sunīhatanti dānapuññacetanāhi dāyakasseva hoti gharasāmikassa viya nīhatabhaṇḍakaṃ, tenetaṃ vuttaṃ. Corā harantīti adinne bhoge corāpi haranti rājānopi, aggipi ḍahati, ṭhapitaṭṭhānepi nassanti. Antenāti maraṇena. Sarīraṃ sapariggahanti sarīrañceva corādīnaṃ vasena avinaṭṭhabhoge ca. Saggamupetīti vessantaramahārājādayo viya sagge nibbattatīti. Paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡. ཨཱདིཏྟསུཏྟཾ • 1. Ādittasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡. ཨཱདིཏྟསུཏྟཝཎྞནཱ • 1. Ādittasuttavaṇṇanā
