1. аад̣̇ияасуд̇д̇ам̣

1. Ādiyasuttaṃ

41. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко анаат̇абин̣д̣иго г̇ахабад̇и язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко анаат̇абин̣д̣игам̣ г̇ахабад̇им̣ бхаг̇аваа зд̇ад̣̇авожа – ‘‘бан̃жимз, г̇ахабад̇и, бхог̇аанам̣ аад̣̇ияаа. гад̇амз бан̃жа? ид̇ха, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи ад̇д̇аанам̣ сукзд̇и бийн̣зд̇и саммаа сукам̣ барихарад̇и; маад̇аабид̇аро сукзд̇и бийн̣зд̇и саммаа сукам̣ барихарад̇и; буд̇д̇ад̣̇аарад̣̇аасагаммагараборисз сукзд̇и бийн̣зд̇и саммаа сукам̣ барихарад̇и. аяам̣ батамо бхог̇аанам̣ аад̣̇ияо.

41. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca – ‘‘pañcime, gahapati, bhogānaṃ ādiyā. Katame pañca? Idha, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi attānaṃ sukheti pīṇeti sammā sukhaṃ pariharati; mātāpitaro sukheti pīṇeti sammā sukhaṃ pariharati; puttadāradāsakammakaraporise sukheti pīṇeti sammā sukhaṃ pariharati. Ayaṃ paṭhamo bhogānaṃ ādiyo.

‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи мид̇д̇аамажжз сукзд̇и бийн̣зд̇и саммаа сукам̣ барихарад̇и. аяам̣ д̣̇уд̇ияо бхог̇аанам̣ аад̣̇ияо.

‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi mittāmacce sukheti pīṇeti sammā sukhaṃ pariharati. Ayaṃ dutiyo bhogānaṃ ādiyo.

‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи яаа д̇аа хонд̇и аабад̣̇аа – аг̇г̇ид̇о ваа уд̣̇агад̇о ваа рааж̇ад̇о ваа жорад̇о ваа аббияад̇о ваа д̣̇ааяаад̣̇ад̇о ¹ – д̇ат̇ааруубаасу аабад̣̇аасу бхог̇зхи барияод̇хааяа вад̇д̇ад̇и, сод̇т̇им̣ ад̇д̇аанам̣ гарод̇и. аяам̣ д̇ад̇ияо бхог̇аанам̣ аад̣̇ияо.

‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi yā tā honti āpadā – aggito vā udakato vā rājato vā corato vā appiyato vā dāyādato ² – tathārūpāsu āpadāsu bhogehi pariyodhāya vattati, sotthiṃ attānaṃ karoti. Ayaṃ tatiyo bhogānaṃ ādiyo.

‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи бан̃жаб̣алим̣ гад̇д̇аа ход̇и. н̃аад̇иб̣алим̣, ад̇ит̇иб̣алим̣, буб̣б̣абзд̇аб̣алим̣, рааж̇аб̣алим̣, д̣̇звад̇ааб̣алим̣ – аяам̣ жад̇уд̇т̇о бхог̇аанам̣ аад̣̇ияо.

‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi pañcabaliṃ kattā hoti. Ñātibaliṃ, atithibaliṃ, pubbapetabaliṃ, rājabaliṃ, devatābaliṃ – ayaṃ catuttho bhogānaṃ ādiyo.

‘‘буна жабарам̣, г̇ахабад̇и, арияасааваго удтаанавийрияаад̇хиг̇ад̇зхи бхог̇зхи б̣аахааб̣алабарижид̇зхи сзд̣̇аавагкид̇д̇зхи д̇хаммигзхи д̇хаммалад̣̇д̇хзхи яз д̇з саман̣аб̣раахман̣аа мад̣̇аббамаад̣̇аа бадивирад̇аа канд̇исоражжз нивидтаа згамад̇д̇аанам̣ д̣̇амзнд̇и згамад̇д̇аанам̣ самзнд̇и згамад̇д̇аанам̣ бариниб̣б̣аабзнд̇и, д̇ат̇ааруубзсу саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзд̇и соваг̇г̇игам̣ сукавибаагам̣ саг̇г̇асам̣вад̇д̇анигам̣. аяам̣ бан̃жамо бхог̇аанам̣ аад̣̇ияо. имз ко, г̇ахабад̇и, бан̃жа бхог̇аанам̣ аад̣̇ияаа.

‘‘Puna caparaṃ, gahapati, ariyasāvako uṭṭhānavīriyādhigatehi bhogehi bāhābalaparicitehi sedāvakkhittehi dhammikehi dhammaladdhehi ye te samaṇabrāhmaṇā madappamādā paṭiviratā khantisoracce niviṭṭhā ekamattānaṃ damenti ekamattānaṃ samenti ekamattānaṃ parinibbāpenti, tathārūpesu samaṇabrāhmaṇesu uddhaggikaṃ dakkhiṇaṃ patiṭṭhāpeti sovaggikaṃ sukhavipākaṃ saggasaṃvattanikaṃ. Ayaṃ pañcamo bhogānaṃ ādiyo. Ime kho, gahapati, pañca bhogānaṃ ādiyā.

‘‘д̇асса жз, г̇ахабад̇и, арияасаавагасса имз бан̃жа бхог̇аанам̣ аад̣̇ияз аад̣̇ияад̇о бхог̇аа баригкаяам̣ г̇ажчанд̇и, д̇асса звам̣ ход̇и – ‘яз вад̇а бхог̇аанам̣ аад̣̇ияаа д̇з жаахам̣ аад̣̇ияаами бхог̇аа жа мз баригкаяам̣ г̇ажчанд̇ий’д̇и. ид̇исса ход̇и авиббадисааро. д̇асса жз, г̇ахабад̇и, арияасаавагасса имз бан̃жа бхог̇аанам̣ аад̣̇ияз аад̣̇ияад̇о бхог̇аа абхивад̣дханд̇и , д̇асса звам̣ ход̇и – ‘яз вад̇а бхог̇аанам̣ аад̣̇ияаа д̇з жаахам̣ аад̣̇ияаами бхог̇аа жа мз абхивад̣дханд̇ий’д̇и. ид̇исса ход̇и ³ убхаязнзва авиббадисааро’’д̇и.

‘‘Tassa ce, gahapati, ariyasāvakassa ime pañca bhogānaṃ ādiye ādiyato bhogā parikkhayaṃ gacchanti, tassa evaṃ hoti – ‘ye vata bhogānaṃ ādiyā te cāhaṃ ādiyāmi bhogā ca me parikkhayaṃ gacchantī’ti. Itissa hoti avippaṭisāro. Tassa ce, gahapati, ariyasāvakassa ime pañca bhogānaṃ ādiye ādiyato bhogā abhivaḍḍhanti , tassa evaṃ hoti – ‘ye vata bhogānaṃ ādiyā te cāhaṃ ādiyāmi bhogā ca me abhivaḍḍhantī’ti. Itissa hoti ⁴ ubhayeneva avippaṭisāro’’ti.

‘‘бхуд̇д̇аа бхог̇аа бхад̇аа бхажжаа ⁵, вид̇ин̣н̣аа аабад̣̇аасу мз;

‘‘Bhuttā bhogā bhatā bhaccā ⁶, vitiṇṇā āpadāsu me;

уд̣̇д̇хаг̇г̇аа д̣̇агкин̣аа д̣̇иннаа, ат̇о бан̃жаб̣алийгад̇аа;

Uddhaggā dakkhiṇā dinnā, atho pañcabalīkatā;

убадтид̇аа сийлаванд̇о, сан̃н̃ад̇аа б̣рахмажаараяо.

Upaṭṭhitā sīlavanto, saññatā brahmacārayo.

‘‘яад̣̇ад̇т̇ам̣ бхог̇ам̣ ижчзяяа, бан̣д̣ид̇о гхарамаавасам̣;

‘‘Yadatthaṃ bhogaṃ iccheyya, paṇḍito gharamāvasaṃ;

со мз ад̇т̇о ануббад̇д̇о, гад̇ам̣ анануд̇аабияам̣.

So me attho anuppatto, kataṃ ananutāpiyaṃ.

‘‘зд̇ам̣ ⁷ ануссарам̣ мажжо, арияад̇хаммз тид̇о наро;

‘‘Etaṃ ⁸ anussaraṃ macco, ariyadhamme ṭhito naro;

ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и ⁹. батамам̣;

Idheva naṃ pasaṃsanti, pecca sagge pamodatī’’ti ¹⁰. paṭhamaṃ;

Next: 2. саббурисасуд̇д̇ам̣ • 2. Sappurisasuttaṃ

Footnotes:

1. аббияад̇о ваа д̣̇ааяаад̣̇ад̇о ваа (б̣ахуусу) а. ни. 4.61; 5.148

2. appiyato vā dāyādato vā (bahūsu) a. ni. 4.61; 5.148

3. ид̇исса ход̇и авиббадисааро, (сий. сяаа.)

4. itissa hoti avippaṭisāro, (sī. syā.)

5. г̇ад̇аа д̇ажчаа (га.)

6. gatā tacchā (ka.)

7. звам̣ (га.)

8. evaṃ (ka.)

9. бзжжа саг̇г̇з жа мод̣̇ад̇ийд̇и (сий. сяаа.)

10. pecca sagge ca modatīti (sī. syā.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. аад̣̇ияасуд̇д̇аван̣н̣анаа • 1. Ādiyasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. аад̣̇ияасуд̇д̇аад̣̇иван̣н̣анаа • 1-2. Ādiyasuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact