| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
५. मुण्डराजवग्गो
5. Muṇḍarājavaggo
१. आदियसुत्तवण्णना
1. Ādiyasuttavaṇṇanā
४१. पञ्चमस्स पठमे भोगानं आदियाति भोगानं आदातब्बकारणानि। उट्ठानवीरियाधिगतेहीति उट्ठानसङ्खातेन वीरियेन अधिगतेहि। बाहाबलपरिचितेहीति बाहुबलेन सञ्चितेहि। सेदावक्खित्तेहीति सेदं अवक्खिपेत्वा उप्पादितेहि। धम्मिकेहीति धम्मयुत्तेहि। धम्मलद्धेहीति दसकुसलकम्मं अकोपेत्वा लद्धेहि। पीणेतीति पीणितं थूलं करोति। सेसमेत्थ चतुक्कनिपाते वुत्तनयेनेव वेदितब्बं। दुतियं उत्तानत्थमेव।
41. Pañcamassa paṭhame bhogānaṃ ādiyāti bhogānaṃ ādātabbakāraṇāni. Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhubalena sañcitehi. Sedāvakkhittehīti sedaṃ avakkhipetvā uppāditehi. Dhammikehīti dhammayuttehi. Dhammaladdhehīti dasakusalakammaṃ akopetvā laddhehi. Pīṇetīti pīṇitaṃ thūlaṃ karoti. Sesamettha catukkanipāte vuttanayeneva veditabbaṃ. Dutiyaṃ uttānatthameva.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १. आदियसुत्तं • 1. Ādiyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-२. आदियसुत्तादिवण्णना • 1-2. Ādiyasuttādivaṇṇanā
