| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
5. මුණ්‌ඩරාජවග්‌ගො
5. Muṇḍarājavaggo
1. ආදියසුත්‌තවණ්‌ණනා
1. Ādiyasuttavaṇṇanā
41. පඤ්‌චමස්‌ස පඨමෙ භොගානං ආදියාති භොගානං ආදාතබ්‌බකාරණානි. උට්‌ඨානවීරියාධිගතෙහීති උට්‌ඨානසඞ්‌ඛාතෙන වීරියෙන අධිගතෙහි. බාහාබලපරිචිතෙහීති බාහුබලෙන සඤ්‌චිතෙහි. සෙදාවක්‌ඛිත්‌තෙහීති සෙදං අවක්‌ඛිපෙත්‌වා උප්‌පාදිතෙහි. ධම්‌මිකෙහීති ධම්‌මයුත්‌තෙහි. ධම්‌මලද්‌ධෙහීති දසකුසලකම්‌මං අකොපෙත්‌වා ලද්‌ධෙහි. පීණෙතීති පීණිතං ථූලං කරොති. සෙසමෙත්‌ථ චතුක්‌කනිපාතෙ වුත්‌තනයෙනෙව වෙදිතබ්‌බං. දුතියං උත්‌තානත්‌ථමෙව.
41. Pañcamassa paṭhame bhogānaṃ ādiyāti bhogānaṃ ādātabbakāraṇāni. Uṭṭhānavīriyādhigatehīti uṭṭhānasaṅkhātena vīriyena adhigatehi. Bāhābalaparicitehīti bāhubalena sañcitehi. Sedāvakkhittehīti sedaṃ avakkhipetvā uppāditehi. Dhammikehīti dhammayuttehi. Dhammaladdhehīti dasakusalakammaṃ akopetvā laddhehi. Pīṇetīti pīṇitaṃ thūlaṃ karoti. Sesamettha catukkanipāte vuttanayeneva veditabbaṃ. Dutiyaṃ uttānatthameva.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ආදියසුත්‌තං • 1. Ādiyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-2. ආදියසුත්‌තාදිවණ්‌ණනා • 1-2. Ādiyasuttādivaṇṇanā
