| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
8. வத்தக்க²ந்த⁴கங்
8. Vattakkhandhakaṃ
1. ஆக³ந்துகவத்தகதா²
1. Āgantukavattakathā
357. வத்தக்க²ந்த⁴கே ஆராமந்தி உபசாரஸீமங் ஸந்தா⁴ய வுத்தந்தி ஆஹ ‘‘உபசாரஸீமஸமீப’’ந்தி. ‘‘க³ஹெத்வா’’தி பத³ஸ்ஸ ‘‘உபாஹனா’’தி கம்மங் பாகடங், கரணங் பன அபாகடங். தஸ்மா கரணங் த³ஸ்ஸெந்தோ ஆஹ ‘‘உபாஹனத³ண்ட³கேன க³ஹெத்வா’’தி. இமினா ‘‘ஹத்தே²னா’’தி கரணங் நிவத்தேதி. படிக்கமந்தீதி எத்த² பவிஸந்தீதி ச அபக்கமந்தீதி ச அத்த²ங் படிக்கி²பந்தோ ஆஹ ‘‘ஸன்னிபதந்தீ’’தி. உபாஹனா…பே॰… புச்சி²தப்³பா³தி எத்த² ‘‘புச்சி²தப்³பா³’’தி பத³ஸ்ஸ ஸஹ கம்மேன புச்சி²தப்³பா³காரங் த³ஸ்ஸெந்தோ ஆஹ ‘‘கதரஸ்மிங் டா²னே’’திஆதி³. தத்த² ‘‘கதரஸ்மிங்…பே॰… சோளக’’ந்தி இமினா புச்சி²தப்³பா³காரங் த³ஸ்ஸேதி. ‘‘ஆவாஸிகா பி⁴க்கூ²’’தி இமினா கம்மங் த³ஸ்ஸேதி. ‘‘பத்த²ரிதப்³ப³’’ந்தி இமினா விஸ்ஸஜ்ஜேதப்³ப³ந்தி எத்த² ஸஜதா⁴துயா சஜனத்த²ங் படிக்கி²பதி. கோ³சரோ புச்சி²தப்³போ³தி எத்த² கோ³சரஸத்³தோ³ பி⁴க்கா²சாரஸத்³தே³ன அத்த²தோ ஏகந்தி த³ஸ்ஸெந்தோ ஆஹ ‘‘பி⁴க்கா²சாரோ புச்சி²தப்³போ³’’தி. பி⁴க்கா²ய சரந்தி எத்தா²தி பி⁴க்கா²சாரோ, கோ³சரகா³மோ. யத்தா²தி யஸ்மிங் கா³மே. ‘‘கி’’ந்திஆதி³னா பானீயங் புச்சி²தப்³ப³ந்திஆதீ³ஸு புச்சி²தப்³பா³காரங் த³ஸ்ஸேதி. கங் காலந்தி கஸ்மிங் காலே.
357. Vattakkhandhake ārāmanti upacārasīmaṃ sandhāya vuttanti āha ‘‘upacārasīmasamīpa’’nti. ‘‘Gahetvā’’ti padassa ‘‘upāhanā’’ti kammaṃ pākaṭaṃ, karaṇaṃ pana apākaṭaṃ. Tasmā karaṇaṃ dassento āha ‘‘upāhanadaṇḍakena gahetvā’’ti. Iminā ‘‘hatthenā’’ti karaṇaṃ nivatteti. Paṭikkamantīti ettha pavisantīti ca apakkamantīti ca atthaṃ paṭikkhipanto āha ‘‘sannipatantī’’ti. Upāhanā…pe… pucchitabbāti ettha ‘‘pucchitabbā’’ti padassa saha kammena pucchitabbākāraṃ dassento āha ‘‘katarasmiṃ ṭhāne’’tiādi. Tattha ‘‘katarasmiṃ…pe… coḷaka’’nti iminā pucchitabbākāraṃ dasseti. ‘‘Āvāsikā bhikkhū’’ti iminā kammaṃ dasseti. ‘‘Pattharitabba’’nti iminā vissajjetabbanti ettha sajadhātuyā cajanatthaṃ paṭikkhipati. Gocaro pucchitabboti ettha gocarasaddo bhikkhācārasaddena atthato ekanti dassento āha ‘‘bhikkhācāro pucchitabbo’’ti. Bhikkhāya caranti etthāti bhikkhācāro, gocaragāmo. Yatthāti yasmiṃ gāme. ‘‘Ki’’ntiādinā pānīyaṃ pucchitabbantiādīsu pucchitabbākāraṃ dasseti. Kaṃ kālanti kasmiṃ kāle.
ப³ஹி நிக்க²மந்தஸ்ஸாதி விஹாரதோ ப³ஹி நிக்க²மந்தஸ்ஸ. நில்லோகேதப்³போ³தி ஓலோகேதப்³போ³. ‘‘யதி³ ஸக்கோதீ’’தி இமினா ஸசே உஸ்ஸஹதீதி எத்த² ஸசேஸத்³தோ³ யதி³பரியாயோ, உஸ்ஸஹதிஸத்³தோ³ ஸக்கோதி பரியாயோதி த³ஸ்ஸேதி. ஸக்கொந்தஸ்ஸ விஹாரஸோத⁴னவத்தேதி ஸம்ப³ந்தோ⁴.
Bahi nikkhamantassāti vihārato bahi nikkhamantassa. Nilloketabboti oloketabbo. ‘‘Yadi sakkotī’’ti iminā sace ussahatīti ettha sacesaddo yadipariyāyo, ussahatisaddo sakkoti pariyāyoti dasseti. Sakkontassa vihārasodhanavatteti sambandho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 1. ஆக³ந்துகவத்தகதா² • 1. Āgantukavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / ஆக³ந்துகவத்தகதா² • Āgantukavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆக³ந்துகவத்தகதா²வண்ணனா • Āgantukavattakathāvaṇṇanā
