| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
8. вад̇д̇агканд̇хагам̣
8. Vattakkhandhakaṃ
ааг̇анд̇угавад̇д̇агат̇аа
Āgantukavattakathā
357. вад̇д̇агканд̇хагз ид̣̇аани аараамам̣ бависиссаамийд̇и иминаа убажаарасиймасамийбам̣ д̣̇ассзд̇и; д̇асмаа убажаарасиймам̣ бад̇ваа убааханааомун̃жанаад̣̇и саб̣б̣ам̣ гаад̇аб̣б̣ам̣. г̇ахзд̇ваад̇и убааханад̣̇ан̣д̣агзна г̇ахзд̇ваа. бадиггаманд̇ийд̇и саннибад̇анд̇и. виссаж̇ж̇зд̇аб̣б̣анд̇и бад̇т̇арид̇аб̣б̣ам̣. г̇ожаро бужчид̇аб̣б̣од̇и ‘‘г̇ожараг̇аамо аасаннз уд̣̇ааху д̣̇уурз, гаалассзва бин̣д̣ааяа жарид̇аб̣б̣ам̣ уд̣̇ааху д̣̇иваа’’д̇и звам̣ бхигкаажааро бужчид̇аб̣б̣о. аг̇ожаро наама мижчаад̣̇идтигаанам̣ ваа г̇аамо барижчиннабхигко ваа г̇аамо; яад̇т̇а згасса ваа д̣̇виннам̣ ваа бхигкаа д̣̇ияяад̇и, соби бужчид̇аб̣б̣о. баанийяам̣ бужчид̇аб̣б̣анд̇и ‘‘гим̣ имиссаа богкаран̣ияаа баанийяам̣язва биванд̇и, нахаанаад̣̇ибарибхог̇амби гаронд̇ий’’д̇и звам̣ баанийяан̃жзва барибхож̇анийяан̃жа бужчид̇аб̣б̣ам̣. гзсужи таанзсу ваал̣амиг̇аа ваа амануссаа ваа хонд̇и, д̇асмаа ‘‘гам̣ гаалам̣ бависид̇аб̣б̣ам̣, гам̣ гаалам̣ нигкамид̇аб̣б̣а’’нд̇и бужчид̇аб̣б̣ам̣.
357. Vattakkhandhake idāni ārāmaṃ pavisissāmīti iminā upacārasīmasamīpaṃ dasseti; tasmā upacārasīmaṃ patvā upāhanāomuñcanādi sabbaṃ kātabbaṃ. Gahetvāti upāhanadaṇḍakena gahetvā. Paṭikkamantīti sannipatanti. Vissajjetabbanti pattharitabbaṃ. Gocaro pucchitabboti ‘‘gocaragāmo āsanne udāhu dūre, kālasseva piṇḍāya caritabbaṃ udāhu divā’’ti evaṃ bhikkhācāro pucchitabbo. Agocaro nāma micchādiṭṭhikānaṃ vā gāmo paricchinnabhikkho vā gāmo; yattha ekassa vā dvinnaṃ vā bhikkhā diyyati, sopi pucchitabbo. Pānīyaṃ pucchitabbanti ‘‘kiṃ imissā pokkharaṇiyā pānīyaṃyeva pivanti, nahānādiparibhogampi karontī’’ti evaṃ pānīyañceva paribhojanīyañca pucchitabbaṃ. Kesuci ṭhānesu vāḷamigā vā amanussā vā honti, tasmā ‘‘kaṃ kālaṃ pavisitabbaṃ, kaṃ kālaṃ nikkhamitabba’’nti pucchitabbaṃ.
б̣ахи тид̇знаад̇и б̣ахи нигкаманд̇асса ахино ваа амануссасса ваа маг̇г̇ам̣ д̣̇ад̇ваа тид̇зна ниллогзд̇аб̣б̣о. сажз уссахад̇и сод̇хзд̇аб̣б̣од̇и яад̣̇и саггод̇и, саб̣б̣о вихааро сод̇хзд̇аб̣б̣о. асаггонд̇зна ад̇д̇ано васаногаасо ж̇аг̇г̇ид̇аб̣б̣о. саб̣б̣ам̣ сод̇хзд̇ум̣ саггонд̇асса бана д̣̇ассид̇з вихаарасод̇ханавад̇д̇з винижчаяо махааканд̇хагз вуд̇д̇анаязнзва взд̣̇ид̇аб̣б̣о.
Bahi ṭhitenāti bahi nikkhamantassa ahino vā amanussassa vā maggaṃ datvā ṭhitena nilloketabbo. Sace ussahati sodhetabboti yadi sakkoti, sabbo vihāro sodhetabbo. Asakkontena attano vasanokāso jaggitabbo. Sabbaṃ sodhetuṃ sakkontassa pana dassite vihārasodhanavatte vinicchayo mahākhandhake vuttanayeneva veditabbo.
ааг̇анд̇угавад̇д̇агат̇аа нидтид̇аа.
Āgantukavattakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. ааг̇анд̇угавад̇д̇агат̇аа • 1. Āgantukavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. ааг̇анд̇угавад̇д̇агат̇аа • 1. Āgantukavattakathā
