| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
8. вад̇д̇агканд̇хагам̣
8. Vattakkhandhakaṃ
1. ааг̇анд̇угавад̇д̇агат̇аа
1. Āgantukavattakathā
356. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааг̇анд̇угаа бхигкуу саубааханааби аараамам̣ бависанд̇и, чад̇д̇абаг̇г̇ахид̇ааби аараамам̣ бависанд̇и, ог̇ун̣тид̇ааби аараамам̣ бависанд̇и, сийсзби жийварам̣ гарид̇ваа аараамам̣ бависанд̇и, баанийязнаби баад̣̇з д̇хованд̇и, вуд̣дхад̇арзби ааваасигз бхигкуу на абхиваад̣̇знд̇и, наби сзнаасанам̣ бужчанд̇и. ан̃н̃ад̇ароби ааг̇анд̇уго бхигку анаж̇жхаавудтам̣ вихаарам̣ гхадигам̣ уг̇гхаадзд̇ваа гаваадам̣ бан̣аамзд̇ваа сахасаа баависи. д̇асса убарибидтид̇о 1 ахи канд̇хз бабад̇и. со бхийд̇о виссарамагааси. бхигкуу убад̇хаавид̇ваа д̇ам̣ бхигкум̣ зд̇ад̣̇авожум̣ – ‘‘гисса д̇вам̣, аавусо, виссарамагаасий’’д̇и? ат̇а ко со бхигку бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааг̇анд̇угаа бхигкуу саубааханааби аараамам̣ бависиссанд̇и, чад̇д̇абаг̇г̇ахид̇ааби аараамам̣ бависиссанд̇и, ог̇ун̣тид̇ааби аараамам̣ бависиссанд̇и, сийсзби жийварам̣ гарид̇ваа аараамам̣ бависиссанд̇и, баанийязнаби баад̣̇з д̇ховиссанд̇и, вуд̣дхад̇арзби ааваасигз бхигкуу на абхиваад̣̇зссанд̇и, наби сзнаасанам̣ бужчиссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, ‘‘ааг̇анд̇угаа бхигкуу саубааханааби аараамам̣ бависанд̇и, чад̇д̇абаг̇г̇ахид̇ааби аараамам̣ бависанд̇и, ог̇ун̣тид̇ааби аараамам̣ бависанд̇и, сийсзби жийварам̣ гарид̇ваа аараамам̣ бависанд̇и, баанийязниби баад̣̇з д̇хованд̇и, вуд̣дхад̇арзби ааваасигз бхигкуу на абхиваад̣̇знд̇и, наби сзнаасанам̣ бужчанд̇ийд̇и. сажжам̣ бхаг̇аваад̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама бхигкавз ааг̇анд̇угаа бхигкуу саубааханааби аараамам̣ бависиссанд̇и, чад̇д̇абаг̇г̇ахид̇ааби аараамам̣ бависиссанд̇и, ог̇ун̣тид̇ааби аараамам̣ бависиссанд̇и, сийсзби жийварам̣ гарид̇ваа аараамам̣ бависиссанд̇и, баанийязнаби баад̣̇з д̇ховиссанд̇и, вуд̣дхад̇арзби ааваасигз бхигкуу на абхиваад̣̇зссанд̇и, наби сзнаасанам̣ бужчиссанд̇и, нзд̇ам̣ бхигкавз аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –
356. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āgantukā bhikkhū saupāhanāpi ārāmaṃ pavisanti, chattapaggahitāpi ārāmaṃ pavisanti, oguṇṭhitāpi ārāmaṃ pavisanti, sīsepi cīvaraṃ karitvā ārāmaṃ pavisanti, pānīyenapi pāde dhovanti, vuḍḍhatarepi āvāsike bhikkhū na abhivādenti, napi senāsanaṃ pucchanti. Aññataropi āgantuko bhikkhu anajjhāvuṭṭhaṃ vihāraṃ ghaṭikaṃ ugghāṭetvā kavāṭaṃ paṇāmetvā sahasā pāvisi. Tassa uparipiṭṭhito 2 ahi khandhe papati. So bhīto vissaramakāsi. Bhikkhū upadhāvitvā taṃ bhikkhuṃ etadavocuṃ – ‘‘kissa tvaṃ, āvuso, vissaramakāsī’’ti? Atha kho so bhikkhu bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āgantukā bhikkhū saupāhanāpi ārāmaṃ pavisissanti, chattapaggahitāpi ārāmaṃ pavisissanti, oguṇṭhitāpi ārāmaṃ pavisissanti, sīsepi cīvaraṃ karitvā ārāmaṃ pavisissanti, pānīyenapi pāde dhovissanti, vuḍḍhatarepi āvāsike bhikkhū na abhivādessanti, napi senāsanaṃ pucchissantī’’ti! Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, ‘‘āgantukā bhikkhū saupāhanāpi ārāmaṃ pavisanti, chattapaggahitāpi ārāmaṃ pavisanti, oguṇṭhitāpi ārāmaṃ pavisanti, sīsepi cīvaraṃ karitvā ārāmaṃ pavisanti, pānīyenipi pāde dhovanti, vuḍḍhatarepi āvāsike bhikkhū na abhivādenti, napi senāsanaṃ pucchantīti. Saccaṃ bhagavāti. Vigarahi buddho bhagavā…pe… kathañhi nāma bhikkhave āgantukā bhikkhū saupāhanāpi ārāmaṃ pavisissanti, chattapaggahitāpi ārāmaṃ pavisissanti, oguṇṭhitāpi ārāmaṃ pavisissanti, sīsepi cīvaraṃ karitvā ārāmaṃ pavisissanti, pānīyenapi pāde dhovissanti, vuḍḍhatarepi āvāsike bhikkhū na abhivādessanti, napi senāsanaṃ pucchissanti, netaṃ bhikkhave appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
357. ‘‘д̇зна хи, бхигкавз, ааг̇анд̇угаанам̣ бхигкуунам̣ вад̇д̇ам̣ бан̃н̃абзссаами яат̇аа ааг̇анд̇угзхи бхигкуухи саммаа вад̇д̇ид̇аб̣б̣ам̣. ааг̇анд̇угзна, бхигкавз, бхигкунаа ‘ид̣̇аани аараамам̣ бависиссаамий’д̇и убааханаа омун̃жид̇ваа нийжам̣ гад̇ваа бабподзд̇ваа г̇ахзд̇ваа чад̇д̇ам̣ абанаамзд̇ваа сийсам̣ виварид̇ваа сийсз жийварам̣ 3 канд̇хз гад̇ваа саад̇хугам̣ ад̇арамаанзна аараамо бависид̇аб̣б̣о. аараамам̣ бависанд̇зна саллагкзд̇аб̣б̣ам̣ – ‘гад̇т̇а ааваасигаа бхигкуу бадиггаманд̇ий’д̇и? яад̇т̇а ааваасигаа бхигкуу бадиггаманд̇и – убадтаанасаалааяа ваа ман̣д̣абз ваа ругкамуулз ваа – д̇ад̇т̇а г̇анд̇ваа згаманд̇ам̣ бад̇д̇о нигкибид̇аб̣б̣о; згаманд̇ам̣ жийварам̣ нигкибид̇аб̣б̣ам̣; бад̇ируубам̣ аасанам̣ г̇ахзд̇ваа нисийд̣̇ид̇аб̣б̣ам̣; баанийяам̣ бужчид̇аб̣б̣ам̣, барибхож̇анийяам̣ бужчид̇аб̣б̣ам̣ – ‘гад̇амам̣ баанийяам̣, гад̇амам̣ барибхож̇анийяа’нд̇и? сажз баанийязна ад̇т̇о ход̇и, баанийяам̣ г̇ахзд̇ваа баад̇аб̣б̣ам̣. сажз барибхож̇анийязна ад̇т̇о ход̇и, барибхож̇анийяам̣ г̇ахзд̇ваа баад̣̇аа д̇ховид̇аб̣б̣аа. баад̣̇з д̇хованд̇зна згзна хад̇т̇зна уд̣̇агам̣ аасин̃жид̇аб̣б̣ам̣, згзна хад̇т̇зна баад̣̇аа д̇ховид̇аб̣б̣аа. д̇знзва уд̣̇агам̣ аасин̃жид̇аб̣б̣ам̣ 4 на д̇знзва хад̇т̇зна баад̣̇аа д̇ховид̇аб̣б̣аа. убааханабун̃чанажол̣агам̣ бужчид̇ваа убааханаа бун̃чид̇аб̣б̣аа. убааханаа бун̃чанд̇зна батамам̣ сугкзна жол̣агзна бун̃чид̇аб̣б̣аа, бажчаа аллзна. убааханаабун̃чанажол̣агам̣ д̇ховид̇ваа 5 згаманд̇ам̣ виссаж̇ж̇зд̇аб̣б̣ам̣.
357. ‘‘Tena hi, bhikkhave, āgantukānaṃ bhikkhūnaṃ vattaṃ paññapessāmi yathā āgantukehi bhikkhūhi sammā vattitabbaṃ. Āgantukena, bhikkhave, bhikkhunā ‘idāni ārāmaṃ pavisissāmī’ti upāhanā omuñcitvā nīcaṃ katvā papphoṭetvā gahetvā chattaṃ apanāmetvā sīsaṃ vivaritvā sīse cīvaraṃ 6 khandhe katvā sādhukaṃ ataramānena ārāmo pavisitabbo. Ārāmaṃ pavisantena sallakkhetabbaṃ – ‘kattha āvāsikā bhikkhū paṭikkamantī’ti? Yattha āvāsikā bhikkhū paṭikkamanti – upaṭṭhānasālāya vā maṇḍape vā rukkhamūle vā – tattha gantvā ekamantaṃ patto nikkhipitabbo; ekamantaṃ cīvaraṃ nikkhipitabbaṃ; patirūpaṃ āsanaṃ gahetvā nisīditabbaṃ; pānīyaṃ pucchitabbaṃ, paribhojanīyaṃ pucchitabbaṃ – ‘katamaṃ pānīyaṃ, katamaṃ paribhojanīya’nti? Sace pānīyena attho hoti, pānīyaṃ gahetvā pātabbaṃ. Sace paribhojanīyena attho hoti, paribhojanīyaṃ gahetvā pādā dhovitabbā. Pāde dhovantena ekena hatthena udakaṃ āsiñcitabbaṃ, ekena hatthena pādā dhovitabbā. Teneva udakaṃ āsiñcitabbaṃ 7 na teneva hatthena pādā dhovitabbā. Upāhanapuñchanacoḷakaṃ pucchitvā upāhanā puñchitabbā. Upāhanā puñchantena paṭhamaṃ sukkhena coḷakena puñchitabbā, pacchā allena. Upāhanāpuñchanacoḷakaṃ dhovitvā 8 ekamantaṃ vissajjetabbaṃ.
‘‘сажз ааваасиго бхигку вуд̣дхо ход̇и, абхиваад̣̇зд̇аб̣б̣о. сажз наваго ход̇и, абхиваад̣̇аабзд̇аб̣б̣о. сзнаасанам̣ бужчид̇аб̣б̣ам̣ – ‘гад̇амам̣ мз сзнаасанам̣ баабун̣аад̇ий’д̇и? аж̇жхаавудтам̣ ваа анаж̇жхаавудтам̣ ваа бужчид̇аб̣б̣ам̣, г̇ожаро бужчид̇аб̣б̣о, аг̇ожаро бужчид̇аб̣б̣о, сзгкасаммад̇аани 9 гулаани бужчид̇аб̣б̣аани , важжадтаанам̣ бужчид̇аб̣б̣ам̣, бассаавадтаанам̣ бужчид̇аб̣б̣ам̣, баанийяам̣ бужчид̇аб̣б̣ам̣, барибхож̇анийяам̣ бужчид̇аб̣б̣ам̣, гад̇д̇арад̣̇ан̣д̣о бужчид̇аб̣б̣о, сан̇гхасса гад̇игасан̣таанам̣ бужчид̇аб̣б̣ам̣ – ‘гам̣ гаалам̣ бависид̇аб̣б̣ам̣, гам̣ гаалам̣ нигкамид̇аб̣б̣а’нд̇и? сажз вихааро анаж̇жхаавудто ход̇и, гаваадам̣ аагодзд̇ваа мухуд̇д̇ам̣ ааг̇амзд̇ваа гхадигам̣ уг̇гхаадзд̇ваа гаваадам̣ бан̣аамзд̇ваа б̣ахи тид̇зна ниллогзд̇аб̣б̣о.
‘‘Sace āvāsiko bhikkhu vuḍḍho hoti, abhivādetabbo. Sace navako hoti, abhivādāpetabbo. Senāsanaṃ pucchitabbaṃ – ‘katamaṃ me senāsanaṃ pāpuṇātī’ti? Ajjhāvuṭṭhaṃ vā anajjhāvuṭṭhaṃ vā pucchitabbaṃ, gocaro pucchitabbo, agocaro pucchitabbo, sekkhasammatāni 10 kulāni pucchitabbāni , vaccaṭṭhānaṃ pucchitabbaṃ, passāvaṭṭhānaṃ pucchitabbaṃ, pānīyaṃ pucchitabbaṃ, paribhojanīyaṃ pucchitabbaṃ, kattaradaṇḍo pucchitabbo, saṅghassa katikasaṇṭhānaṃ pucchitabbaṃ – ‘kaṃ kālaṃ pavisitabbaṃ, kaṃ kālaṃ nikkhamitabba’nti? Sace vihāro anajjhāvuṭṭho hoti, kavāṭaṃ ākoṭetvā muhuttaṃ āgametvā ghaṭikaṃ ugghāṭetvā kavāṭaṃ paṇāmetvā bahi ṭhitena nilloketabbo.
‘‘сажз вихааро углаабо ход̇и, ман̃жз ваа ман̃жо ааробид̇о ход̇и, бийтз ваа бийтам̣ ааробид̇ам̣ ход̇и, сзнаасанам̣ убари бун̃ж̇ийгад̇ам̣ 11 ход̇и, сажз уссахад̇и, сод̇хзд̇аб̣б̣о. 12 вихаарам̣ сод̇хзнд̇зна батамам̣ бхуумад̇т̇аран̣ам̣ нийхарид̇ваа згаманд̇ам̣ нигкибид̇аб̣б̣ам̣; ман̃жабадибаад̣̇агаа нийхарид̇ваа згаманд̇ам̣ нигкибид̇аб̣б̣аа; бхисиб̣иб̣б̣оханам̣ нийхарид̇ваа згаманд̇ам̣ нигкибид̇аб̣б̣ам̣; нисийд̣̇анабажжад̇т̇аран̣ам̣ нийхарид̇ваа згаманд̇ам̣ нигкибид̇аб̣б̣ам̣; ман̃жо нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, нийхарид̇ваа згаманд̇ам̣ нигкибид̇аб̣б̣о; бийтам̣ нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, нийхарид̇ваа згаманд̇ам̣ нигкибид̇аб̣б̣ам̣; кзл̣амаллаго нийхарид̇ваа згаманд̇ам̣ нигкибид̇аб̣б̣о; абассзнапалагам̣ нийхарид̇ваа згаманд̇ам̣ нигкибид̇аб̣б̣ам̣. сажз вихаарз санд̇аанагам̣ ход̇и, уллогаа батамам̣ охаарзд̇аб̣б̣ам̣, аалогасанд̇хиган̣н̣абхааг̇аа бамаж̇ж̇ид̇аб̣б̣аа. сажз г̇зругабаригаммагад̇аа бхид̇д̇и ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа. сажз гаал̣аван̣н̣агад̇аа бхууми ган̣н̣агид̇аа ход̇и, жол̣агам̣ д̇змзд̇ваа бийл̣зд̇ваа бамаж̇ж̇ид̇аб̣б̣аа. сажз агад̇аа ход̇и бхууми, уд̣̇агзна барибпосид̇ваа саммаж̇ж̇ид̇аб̣б̣аа – маа вихааро раж̇зна ухан̃н̃ийд̇и 13. сан̇гаарам̣ вижинид̇ваа згаманд̇ам̣ чад̣д̣зд̇аб̣б̣ам̣.
‘‘Sace vihāro uklāpo hoti, mañce vā mañco āropito hoti, pīṭhe vā pīṭhaṃ āropitaṃ hoti, senāsanaṃ upari puñjīkataṃ 14 hoti, sace ussahati, sodhetabbo. 15 Vihāraṃ sodhentena paṭhamaṃ bhūmattharaṇaṃ nīharitvā ekamantaṃ nikkhipitabbaṃ; mañcapaṭipādakā nīharitvā ekamantaṃ nikkhipitabbā; bhisibibbohanaṃ nīharitvā ekamantaṃ nikkhipitabbaṃ; nisīdanapaccattharaṇaṃ nīharitvā ekamantaṃ nikkhipitabbaṃ; mañco nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbo; pīṭhaṃ nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, nīharitvā ekamantaṃ nikkhipitabbaṃ; kheḷamallako nīharitvā ekamantaṃ nikkhipitabbo; apassenaphalakaṃ nīharitvā ekamantaṃ nikkhipitabbaṃ. Sace vihāre santānakaṃ hoti, ullokā paṭhamaṃ ohāretabbaṃ, ālokasandhikaṇṇabhāgā pamajjitabbā. Sace gerukaparikammakatā bhitti kaṇṇakitā hoti, coḷakaṃ temetvā pīḷetvā pamajjitabbā. Sace kāḷavaṇṇakatā bhūmi kaṇṇakitā hoti, coḷakaṃ temetvā pīḷetvā pamajjitabbā. Sace akatā hoti bhūmi, udakena paripphositvā sammajjitabbā – mā vihāro rajena uhaññīti 16. Saṅkāraṃ vicinitvā ekamantaṃ chaḍḍetabbaṃ.
‘‘бхуумад̇т̇аран̣ам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аатаанз 17 бан̃н̃абзд̇аб̣б̣ам̣. ман̃жабадибаад̣̇агаа од̇аабзд̇ваа бамаж̇ж̇ид̇ваа ад̇ихарид̇ваа яат̇аатаанз 18 табзд̇аб̣б̣аа. ман̃жо од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, ад̇ихарид̇ваа яат̇аатаанз 19 бан̃н̃абзд̇аб̣б̣о. бийтам̣ од̇аабзд̇ваа сод̇хзд̇ваа бабподзд̇ваа нийжам̣ гад̇ваа саад̇хугам̣ аббадигхам̣санд̇зна, асан̇гхаддзнд̇зна гаваадабидтам̣, ад̇ихарид̇ваа яат̇аатаанз 20 бан̃н̃абзд̇аб̣б̣ам̣. бхисиб̣иб̣б̣оханам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабхааг̇ам̣ бан̃н̃абзд̇аб̣б̣ам̣. нисийд̣̇анабажжад̇т̇аран̣ам̣ од̇аабзд̇ваа сод̇хзд̇ваа бабподзд̇ваа ад̇ихарид̇ваа яат̇аабхааг̇ам̣ бан̃н̃абзд̇аб̣б̣ам̣. кзл̣амаллаго од̇аабзд̇ваа бамаж̇ж̇ид̇ваа ад̇ихарид̇ваа яат̇аабхааг̇ам̣ табзд̇аб̣б̣о. абассзнапалагам̣ од̇аабзд̇ваа бамаж̇ж̇ид̇ваа ад̇ихарид̇ваа яат̇аабхааг̇ам̣ табзд̇аб̣б̣ам̣. бад̇д̇ажийварам̣ нигкибид̇аб̣б̣ам̣. бад̇д̇ам̣ нигкибанд̇зна згзна хад̇т̇зна бад̇д̇ам̣ г̇ахзд̇ваа згзна хад̇т̇зна хздтааман̃жам̣ ваа хздтаабийтам̣ ваа бараамасид̇ваа бад̇д̇о нигкибид̇аб̣б̣о. на жа ананд̇арахид̇ааяа бхуумияаа бад̇д̇о нигкибид̇аб̣б̣о. жийварам̣ нигкибанд̇зна згзна хад̇т̇зна жийварам̣ г̇ахзд̇ваа згзна хад̇т̇зна жийваравам̣сам̣ ваа жийварараж̇ж̇ум̣ ваа бамаж̇ж̇ид̇ваа баарад̇о анд̇ам̣ орад̇о бхог̇ам̣ гад̇ваа жийварам̣ нигкибид̇аб̣б̣ам̣.
‘‘Bhūmattharaṇaṃ otāpetvā sodhetvā papphoṭetvā atiharitvā yathāṭhāne 21 paññapetabbaṃ. Mañcapaṭipādakā otāpetvā pamajjitvā atiharitvā yathāṭhāne 22 ṭhapetabbā. Mañco otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāṭhāne 23 paññapetabbo. Pīṭhaṃ otāpetvā sodhetvā papphoṭetvā nīcaṃ katvā sādhukaṃ appaṭighaṃsantena, asaṅghaṭṭentena kavāṭapiṭṭhaṃ, atiharitvā yathāṭhāne 24 paññapetabbaṃ. Bhisibibbohanaṃ otāpetvā sodhetvā papphoṭetvā atiharitvā yathābhāgaṃ paññapetabbaṃ. Nisīdanapaccattharaṇaṃ otāpetvā sodhetvā papphoṭetvā atiharitvā yathābhāgaṃ paññapetabbaṃ. Kheḷamallako otāpetvā pamajjitvā atiharitvā yathābhāgaṃ ṭhapetabbo. Apassenaphalakaṃ otāpetvā pamajjitvā atiharitvā yathābhāgaṃ ṭhapetabbaṃ. Pattacīvaraṃ nikkhipitabbaṃ. Pattaṃ nikkhipantena ekena hatthena pattaṃ gahetvā ekena hatthena heṭṭhāmañcaṃ vā heṭṭhāpīṭhaṃ vā parāmasitvā patto nikkhipitabbo. Na ca anantarahitāya bhūmiyā patto nikkhipitabbo. Cīvaraṃ nikkhipantena ekena hatthena cīvaraṃ gahetvā ekena hatthena cīvaravaṃsaṃ vā cīvararajjuṃ vā pamajjitvā pārato antaṃ orato bhogaṃ katvā cīvaraṃ nikkhipitabbaṃ.
‘‘сажз бурад̇т̇имаа сараж̇аа ваад̇аа вааяанд̇и, бурад̇т̇имаа ваад̇абаанаа т̇агзд̇аб̣б̣аа. сажз бажчимаа сараж̇аа ваад̇аа вааяанд̇и, бажчимаа ваад̇абаанаа т̇агзд̇аб̣б̣аа. сажз уд̇д̇араа сараж̇аа ваад̇аа вааяанд̇и, уд̇д̇араа ваад̇абаанаа т̇агзд̇аб̣б̣аа. сажз д̣̇агкин̣аа сараж̇аа ваад̇аа вааяанд̇и, д̣̇агкин̣аа ваад̇абаанаа т̇агзд̇аб̣б̣аа . сажз сийд̇агаало ход̇и, д̣̇иваа ваад̇абаанаа виварид̇аб̣б̣аа, рад̇д̇им̣ т̇агзд̇аб̣б̣аа. сажз ун̣хагаало ход̇и, д̣̇иваа ваад̇абаанаа т̇агзд̇аб̣б̣аа, рад̇д̇им̣ виварид̇аб̣б̣аа.
‘‘Sace puratthimā sarajā vātā vāyanti, puratthimā vātapānā thaketabbā. Sace pacchimā sarajā vātā vāyanti, pacchimā vātapānā thaketabbā. Sace uttarā sarajā vātā vāyanti, uttarā vātapānā thaketabbā. Sace dakkhiṇā sarajā vātā vāyanti, dakkhiṇā vātapānā thaketabbā . Sace sītakālo hoti, divā vātapānā vivaritabbā, rattiṃ thaketabbā. Sace uṇhakālo hoti, divā vātapānā thaketabbā, rattiṃ vivaritabbā.
‘‘сажз баривзн̣ам̣ углаабам̣ ход̇и, баривзн̣ам̣ саммаж̇ж̇ид̇аб̣б̣ам̣. сажз годтаго углаабо ход̇и, годтаго саммаж̇ж̇ид̇аб̣б̣о. сажз убадтаанасаалаа углаабаа ход̇и, убадтаанасаалаа саммаж̇ж̇ид̇аб̣б̣аа. сажз аг̇г̇исаалаа углаабаа ход̇и, аг̇г̇исаалаа саммаж̇ж̇ид̇аб̣б̣аа. сажз важжагуди углаабаа ход̇и, важжагуди саммаж̇ж̇ид̇аб̣б̣аа. сажз баанийяам̣ на ход̇и, баанийяам̣ убадтаабзд̇аб̣б̣ам̣. сажз барибхож̇анийяам̣ на ход̇и, барибхож̇анийяам̣ убадтаабзд̇аб̣б̣ам̣. сажз аажаманагумбхияаа уд̣̇агам̣ на ход̇и, аажаманагумбхияаа уд̣̇агам̣ аасин̃жид̇аб̣б̣ам̣. ид̣̇ам̣ ко, бхигкавз, ааг̇анд̇угаанам̣ бхигкуунам̣ вад̇д̇ам̣ яат̇аа ааг̇анд̇угзхи бхигкуухи саммаа вад̇д̇ид̇аб̣б̣а’’нд̇и.
‘‘Sace pariveṇaṃ uklāpaṃ hoti, pariveṇaṃ sammajjitabbaṃ. Sace koṭṭhako uklāpo hoti, koṭṭhako sammajjitabbo. Sace upaṭṭhānasālā uklāpā hoti, upaṭṭhānasālā sammajjitabbā. Sace aggisālā uklāpā hoti, aggisālā sammajjitabbā. Sace vaccakuṭi uklāpā hoti, vaccakuṭi sammajjitabbā. Sace pānīyaṃ na hoti, pānīyaṃ upaṭṭhāpetabbaṃ. Sace paribhojanīyaṃ na hoti, paribhojanīyaṃ upaṭṭhāpetabbaṃ. Sace ācamanakumbhiyā udakaṃ na hoti, ācamanakumbhiyā udakaṃ āsiñcitabbaṃ. Idaṃ kho, bhikkhave, āgantukānaṃ bhikkhūnaṃ vattaṃ yathā āgantukehi bhikkhūhi sammā vattitabba’’nti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ааг̇анд̇угавад̇д̇агат̇аа • Āgantukavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. ааг̇анд̇угавад̇д̇агат̇аа • 1. Āgantukavattakathā
