| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
8. вад̇д̇агканд̇хагам̣
8. Vattakkhandhakaṃ
1. ааг̇анд̇угавад̇д̇агат̇аа
1. Āgantukavattakathā
357. вад̇д̇агканд̇хагз аарааманд̇и убажаарасиймам̣ санд̇хааяа вуд̇д̇анд̇и ааха ‘‘убажаарасиймасамийба’’нд̇и. ‘‘г̇ахзд̇ваа’’д̇и бад̣̇асса ‘‘убааханаа’’д̇и гаммам̣ баагадам̣, гаран̣ам̣ бана абаагадам̣. д̇асмаа гаран̣ам̣ д̣̇ассзнд̇о ааха ‘‘убааханад̣̇ан̣д̣агзна г̇ахзд̇ваа’’д̇и. иминаа ‘‘хад̇т̇знаа’’д̇и гаран̣ам̣ нивад̇д̇зд̇и. бадиггаманд̇ийд̇и зд̇т̇а бависанд̇ийд̇и жа абаггаманд̇ийд̇и жа ад̇т̇ам̣ бадигкибанд̇о ааха ‘‘саннибад̇анд̇ий’’д̇и. убааханаа…бз… бужчид̇аб̣б̣аад̇и зд̇т̇а ‘‘бужчид̇аб̣б̣аа’’д̇и бад̣̇асса саха гаммзна бужчид̇аб̣б̣аагаарам̣ д̣̇ассзнд̇о ааха ‘‘гад̇арасмим̣ таанз’’д̇иаад̣̇и. д̇ад̇т̇а ‘‘гад̇арасмим̣…бз… жол̣ага’’нд̇и иминаа бужчид̇аб̣б̣аагаарам̣ д̣̇ассзд̇и. ‘‘ааваасигаа бхигкуу’’д̇и иминаа гаммам̣ д̣̇ассзд̇и. ‘‘бад̇т̇арид̇аб̣б̣а’’нд̇и иминаа виссаж̇ж̇зд̇аб̣б̣анд̇и зд̇т̇а саж̇ад̇хаад̇уяаа жаж̇анад̇т̇ам̣ бадигкибад̇и. г̇ожаро бужчид̇аб̣б̣од̇и зд̇т̇а г̇ожарасад̣̇д̣̇о бхигкаажаарасад̣̇д̣̇зна ад̇т̇ад̇о зганд̇и д̣̇ассзнд̇о ааха ‘‘бхигкаажааро бужчид̇аб̣б̣о’’д̇и. бхигкааяа жаранд̇и зд̇т̇аад̇и бхигкаажааро, г̇ожараг̇аамо. яад̇т̇аад̇и яасмим̣ г̇аамз. ‘‘ги’’нд̇иаад̣̇инаа баанийяам̣ бужчид̇аб̣б̣анд̇иаад̣̇ийсу бужчид̇аб̣б̣аагаарам̣ д̣̇ассзд̇и. гам̣ гааланд̇и гасмим̣ гаалз.
357. Vattakkhandhake ārāmanti upacārasīmaṃ sandhāya vuttanti āha ‘‘upacārasīmasamīpa’’nti. ‘‘Gahetvā’’ti padassa ‘‘upāhanā’’ti kammaṃ pākaṭaṃ, karaṇaṃ pana apākaṭaṃ. Tasmā karaṇaṃ dassento āha ‘‘upāhanadaṇḍakena gahetvā’’ti. Iminā ‘‘hatthenā’’ti karaṇaṃ nivatteti. Paṭikkamantīti ettha pavisantīti ca apakkamantīti ca atthaṃ paṭikkhipanto āha ‘‘sannipatantī’’ti. Upāhanā…pe… pucchitabbāti ettha ‘‘pucchitabbā’’ti padassa saha kammena pucchitabbākāraṃ dassento āha ‘‘katarasmiṃ ṭhāne’’tiādi. Tattha ‘‘katarasmiṃ…pe… coḷaka’’nti iminā pucchitabbākāraṃ dasseti. ‘‘Āvāsikā bhikkhū’’ti iminā kammaṃ dasseti. ‘‘Pattharitabba’’nti iminā vissajjetabbanti ettha sajadhātuyā cajanatthaṃ paṭikkhipati. Gocaro pucchitabboti ettha gocarasaddo bhikkhācārasaddena atthato ekanti dassento āha ‘‘bhikkhācāro pucchitabbo’’ti. Bhikkhāya caranti etthāti bhikkhācāro, gocaragāmo. Yatthāti yasmiṃ gāme. ‘‘Ki’’ntiādinā pānīyaṃ pucchitabbantiādīsu pucchitabbākāraṃ dasseti. Kaṃ kālanti kasmiṃ kāle.
б̣ахи нигкаманд̇ассаад̇и вихаарад̇о б̣ахи нигкаманд̇асса. ниллогзд̇аб̣б̣од̇и ологзд̇аб̣б̣о. ‘‘яад̣̇и саггод̇ий’’д̇и иминаа сажз уссахад̇ийд̇и зд̇т̇а сажзсад̣̇д̣̇о яад̣̇ибарияааяо, уссахад̇исад̣̇д̣̇о саггод̇и барияааяод̇и д̣̇ассзд̇и. саггонд̇асса вихаарасод̇ханавад̇д̇зд̇и самб̣анд̇хо.
Bahi nikkhamantassāti vihārato bahi nikkhamantassa. Nilloketabboti oloketabbo. ‘‘Yadi sakkotī’’ti iminā sace ussahatīti ettha sacesaddo yadipariyāyo, ussahatisaddo sakkoti pariyāyoti dasseti. Sakkontassa vihārasodhanavatteti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 1. ааг̇анд̇угавад̇д̇агат̇аа • 1. Āgantukavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ааг̇анд̇угавад̇д̇агат̇аа • Āgantukavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ааг̇анд̇угавад̇д̇агат̇ааван̣н̣анаа • Āgantukavattakathāvaṇṇanā
