๑. อาคนฺตุกวตฺตกถา

1. Āgantukavattakathā

๓๕๗. วตฺตกฺขนฺธเก อารามนฺติ อุปจารสีมํ สนฺธาย วุตฺตนฺติ อาห ‘‘อุปจารสีมสมีป’’นฺติฯ ‘‘คเหตฺวา’’ติ ปทสฺส ‘‘อุปาหนา’’ติ กมฺมํ ปากฎํ, กรณํ ปน อปากฎํฯ ตสฺมา กรณํ ทเสฺสโนฺต อาห ‘‘อุปาหนทณฺฑเกน คเหตฺวา’’ติฯ อิมินา ‘‘หเตฺถนา’’ติ กรณํ นิวเตฺตติฯ ปฎิกฺกมนฺตีติ เอตฺถ ปวิสนฺตีติ จ อปกฺกมนฺตีติ จ อตฺถํ ปฎิกฺขิปโนฺต อาห ‘‘สนฺนิปตนฺตี’’ติฯ อุปาหนา…เป.… ปุจฺฉิตพฺพาติ เอตฺถ ‘‘ปุจฺฉิตพฺพา’’ติ ปทสฺส สห กเมฺมน ปุจฺฉิตพฺพาการํ ทเสฺสโนฺต อาห ‘‘กตรสฺมิํ ฐาเน’’ติอาทิฯ ตตฺถ ‘‘กตรสฺมิํ…เป.… โจฬก’’นฺติ อิมินา ปุจฺฉิตพฺพาการํ ทเสฺสติฯ ‘‘อาวาสิกา ภิกฺขู’’ติ อิมินา กมฺมํ ทเสฺสติฯ ‘‘ปตฺถริตพฺพ’’นฺติ อิมินา วิสฺสเชฺชตพฺพนฺติ เอตฺถ สชธาตุยา จชนตฺถํ ปฎิกฺขิปติฯ โคจโร ปุจฺฉิตโพฺพติ เอตฺถ โคจรสโทฺท ภิกฺขาจารสเทฺทน อตฺถโต เอกนฺติ ทเสฺสโนฺต อาห ‘‘ภิกฺขาจาโร ปุจฺฉิตโพฺพ’’ติฯ ภิกฺขาย จรนฺติ เอตฺถาติ ภิกฺขาจาโร, โคจรคาโมฯ ยตฺถาติ ยสฺมิํ คาเมฯ ‘‘กิ’’นฺติอาทินา ปานียํ ปุจฺฉิตพฺพนฺติอาทีสุ ปุจฺฉิตพฺพาการํ ทเสฺสติฯ กํ กาลนฺติ กสฺมิํ กาเลฯ

357. Vattakkhandhake ārāmanti upacārasīmaṃ sandhāya vuttanti āha ‘‘upacārasīmasamīpa’’nti. ‘‘Gahetvā’’ti padassa ‘‘upāhanā’’ti kammaṃ pākaṭaṃ, karaṇaṃ pana apākaṭaṃ. Tasmā karaṇaṃ dassento āha ‘‘upāhanadaṇḍakena gahetvā’’ti. Iminā ‘‘hatthenā’’ti karaṇaṃ nivatteti. Paṭikkamantīti ettha pavisantīti ca apakkamantīti ca atthaṃ paṭikkhipanto āha ‘‘sannipatantī’’ti. Upāhanā…pe… pucchitabbāti ettha ‘‘pucchitabbā’’ti padassa saha kammena pucchitabbākāraṃ dassento āha ‘‘katarasmiṃ ṭhāne’’tiādi. Tattha ‘‘katarasmiṃ…pe… coḷaka’’nti iminā pucchitabbākāraṃ dasseti. ‘‘Āvāsikā bhikkhū’’ti iminā kammaṃ dasseti. ‘‘Pattharitabba’’nti iminā vissajjetabbanti ettha sajadhātuyā cajanatthaṃ paṭikkhipati. Gocaro pucchitabboti ettha gocarasaddo bhikkhācārasaddena atthato ekanti dassento āha ‘‘bhikkhācāro pucchitabbo’’ti. Bhikkhāya caranti etthāti bhikkhācāro, gocaragāmo. Yatthāti yasmiṃ gāme. ‘‘Ki’’ntiādinā pānīyaṃ pucchitabbantiādīsu pucchitabbākāraṃ dasseti. Kaṃ kālanti kasmiṃ kāle.

พหิ นิกฺขมนฺตสฺสาติ วิหารโต พหิ นิกฺขมนฺตสฺสฯ นิโลฺลเกตโพฺพติ โอโลเกตโพฺพฯ ‘‘ยทิ สโกฺกตี’’ติ อิมินา สเจ อุสฺสหตีติ เอตฺถ สเจสโทฺท ยทิปริยาโย, อุสฺสหติสโทฺท สโกฺกติ ปริยาโยติ ทเสฺสติฯ สโกฺกนฺตสฺส วิหารโสธนวเตฺตติ สมฺพโนฺธฯ

Bahi nikkhamantassāti vihārato bahi nikkhamantassa. Nilloketabboti oloketabbo. ‘‘Yadi sakkotī’’ti iminā sace ussahatīti ettha sacesaddo yadipariyāyo, ussahatisaddo sakkoti pariyāyoti dasseti. Sakkontassa vihārasodhanavatteti sambandho.

Next: ๒. อาวาสิกวตฺตกถา • 2. Āvāsikavattakathā

Related texts:

ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๑. อาคนฺตุกวตฺตกถา • 1. Āgantukavattakathā

อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / อาคนฺตุกวตฺตกถา • Āgantukavattakathā

ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อาคนฺตุกวตฺตกถาวณฺณนา • Āgantukavattakathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact