| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
༨. ཝཏྟཀྑནྡྷཀཾ
8. Vattakkhandhakaṃ
ཨཱགནྟུཀཝཏྟཀཐཱ
Āgantukavattakathā
༣༥༧. ཝཏྟཀྑནྡྷཀེ ཨིདཱནི ཨཱརཱམཾ པཝིསིསྶཱམཱིཏི ཨིམིནཱ ཨུཔཙཱརསཱིམསམཱིཔཾ དསྶེཏི; ཏསྨཱ ཨུཔཙཱརསཱིམཾ པཏྭཱ ཨུཔཱཧནཱཨོམུཉྩནཱདི སབྦཾ ཀཱཏབྦཾ། གཧེཏྭཱཏི ཨུཔཱཧནདཎྜཀེན གཧེཏྭཱ། པཊིཀྐམནྟཱིཏི སནྣིཔཏནྟི། ཝིསྶཛྫེཏབྦནྟི པཏྠརིཏབྦཾ། གོཙརོ པུཙྪིཏབྦོཏི ‘‘གོཙརགཱམོ ཨཱསནྣེ ཨུདཱཧུ དཱུརེ, ཀཱལསྶེཝ པིཎྜཱཡ ཙརིཏབྦཾ ཨུདཱཧུ དིཝཱ’’ཏི ཨེཝཾ བྷིཀྑཱཙཱརོ པུཙྪིཏབྦོ། ཨགོཙརོ ནཱམ མིཙྪཱདིཊྛིཀཱནཾ ཝཱ གཱམོ པརིཙྪིནྣབྷིཀྑོ ཝཱ གཱམོ; ཡཏྠ ཨེཀསྶ ཝཱ དྭིནྣཾ ཝཱ བྷིཀྑཱ དིཡྻཏི, སོཔི པུཙྪིཏབྦོ། པཱནཱིཡཾ པུཙྪིཏབྦནྟི ‘‘ཀིཾ ཨིམིསྶཱ པོཀྑརཎིཡཱ པཱནཱིཡཾཡེཝ པིཝནྟི, ནཧཱནཱདིཔརིབྷོགམྤི ཀརོནྟཱི’’ཏི ཨེཝཾ པཱནཱིཡཉྩེཝ པརིབྷོཛནཱིཡཉྩ པུཙྪིཏབྦཾ། ཀེསུཙི ཋཱནེསུ ཝཱལ༹མིགཱ ཝཱ ཨམནུསྶཱ ཝཱ ཧོནྟི, ཏསྨཱ ‘‘ཀཾ ཀཱལཾ པཝིསིཏབྦཾ, ཀཾ ཀཱལཾ ནིཀྑམིཏབྦ’’ནྟི པུཙྪིཏབྦཾ།
357. Vattakkhandhake idāni ārāmaṃ pavisissāmīti iminā upacārasīmasamīpaṃ dasseti; tasmā upacārasīmaṃ patvā upāhanāomuñcanādi sabbaṃ kātabbaṃ. Gahetvāti upāhanadaṇḍakena gahetvā. Paṭikkamantīti sannipatanti. Vissajjetabbanti pattharitabbaṃ. Gocaro pucchitabboti ‘‘gocaragāmo āsanne udāhu dūre, kālasseva piṇḍāya caritabbaṃ udāhu divā’’ti evaṃ bhikkhācāro pucchitabbo. Agocaro nāma micchādiṭṭhikānaṃ vā gāmo paricchinnabhikkho vā gāmo; yattha ekassa vā dvinnaṃ vā bhikkhā diyyati, sopi pucchitabbo. Pānīyaṃ pucchitabbanti ‘‘kiṃ imissā pokkharaṇiyā pānīyaṃyeva pivanti, nahānādiparibhogampi karontī’’ti evaṃ pānīyañceva paribhojanīyañca pucchitabbaṃ. Kesuci ṭhānesu vāḷamigā vā amanussā vā honti, tasmā ‘‘kaṃ kālaṃ pavisitabbaṃ, kaṃ kālaṃ nikkhamitabba’’nti pucchitabbaṃ.
བཧི ཋིཏེནཱཏི བཧི ནིཀྑམནྟསྶ ཨཧིནོ ཝཱ ཨམནུསྶསྶ ཝཱ མགྒཾ དཏྭཱ ཋིཏེན ནིལློཀེཏབྦོ། སཙེ ཨུསྶཧཏི སོདྷེཏབྦོཏི ཡདི སཀྐོཏི, སབྦོ ཝིཧཱརོ སོདྷེཏབྦོ། ཨསཀྐོནྟེན ཨཏྟནོ ཝསནོཀཱསོ ཛགྒིཏབྦོ། སབྦཾ སོདྷེཏུཾ སཀྐོནྟསྶ པན དསྶིཏེ ཝིཧཱརསོདྷནཝཏྟེ ཝིནིཙྪཡོ མཧཱཁནྡྷཀེ ཝུཏྟནཡེནེཝ ཝེདིཏབྦོ།
Bahi ṭhitenāti bahi nikkhamantassa ahino vā amanussassa vā maggaṃ datvā ṭhitena nilloketabbo. Sace ussahati sodhetabboti yadi sakkoti, sabbo vihāro sodhetabbo. Asakkontena attano vasanokāso jaggitabbo. Sabbaṃ sodhetuṃ sakkontassa pana dassite vihārasodhanavatte vinicchayo mahākhandhake vuttanayeneva veditabbo.
ཨཱགནྟུཀཝཏྟཀཐཱ ནིཊྛིཏཱ།
Āgantukavattakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi / ༡. ཨཱགནྟུཀཝཏྟཀཐཱ • 1. Āgantukavattakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨཱགནྟུཀཝཏྟཀཐཱཝཎྞནཱ • Āgantukavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཱགནྟུཀཝཏྟཀཐཱཝཎྞནཱ • Āgantukavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཱགནྟུཀཝཏྟཀཐཱཝཎྞནཱ • Āgantukavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. ཨཱགནྟུཀཝཏྟཀཐཱ • 1. Āgantukavattakathā
