| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
੮. વਤ੍ਤਕ੍ਖਨ੍ਧਕਂ
8. Vattakkhandhakaṃ
ਆਗਨ੍ਤੁਕવਤ੍ਤਕਥਾ
Āgantukavattakathā
੩੫੭. વਤ੍ਤਕ੍ਖਨ੍ਧਕੇ ਇਦਾਨਿ ਆਰਾਮਂ ਪવਿਸਿਸ੍ਸਾਮੀਤਿ ਇਮਿਨਾ ਉਪਚਾਰਸੀਮਸਮੀਪਂ ਦਸ੍ਸੇਤਿ; ਤਸ੍ਮਾ ਉਪਚਾਰਸੀਮਂ ਪਤ੍વਾ ਉਪਾਹਨਾਓਮੁਞ੍ਚਨਾਦਿ ਸਬ੍ਬਂ ਕਾਤਬ੍ਬਂ। ਗਹੇਤ੍વਾਤਿ ਉਪਾਹਨਦਣ੍ਡਕੇਨ ਗਹੇਤ੍વਾ। ਪਟਿਕ੍ਕਮਨ੍ਤੀਤਿ ਸਨ੍ਨਿਪਤਨ੍ਤਿ। વਿਸ੍ਸਜ੍ਜੇਤਬ੍ਬਨ੍ਤਿ ਪਤ੍ਥਰਿਤਬ੍ਬਂ। ਗੋਚਰੋ ਪੁਚ੍ਛਿਤਬ੍ਬੋਤਿ ‘‘ਗੋਚਰਗਾਮੋ ਆਸਨ੍ਨੇ ਉਦਾਹੁ ਦੂਰੇ, ਕਾਲਸ੍ਸੇવ ਪਿਣ੍ਡਾਯ ਚਰਿਤਬ੍ਬਂ ਉਦਾਹੁ ਦਿવਾ’’ਤਿ ਏવਂ ਭਿਕ੍ਖਾਚਾਰੋ ਪੁਚ੍ਛਿਤਬ੍ਬੋ। ਅਗੋਚਰੋ ਨਾਮ ਮਿਚ੍ਛਾਦਿਟ੍ਠਿਕਾਨਂ વਾ ਗਾਮੋ ਪਰਿਚ੍ਛਿਨ੍ਨਭਿਕ੍ਖੋ વਾ ਗਾਮੋ; ਯਤ੍ਥ ਏਕਸ੍ਸ વਾ ਦ੍વਿਨ੍ਨਂ વਾ ਭਿਕ੍ਖਾ ਦਿਯ੍ਯਤਿ, ਸੋਪਿ ਪੁਚ੍ਛਿਤਬ੍ਬੋ। ਪਾਨੀਯਂ ਪੁਚ੍ਛਿਤਬ੍ਬਨ੍ਤਿ ‘‘ਕਿਂ ਇਮਿਸ੍ਸਾ ਪੋਕ੍ਖਰਣਿਯਾ ਪਾਨੀਯਂਯੇવ ਪਿવਨ੍ਤਿ, ਨਹਾਨਾਦਿਪਰਿਭੋਗਮ੍ਪਿ ਕਰੋਨ੍ਤੀ’’ਤਿ ਏવਂ ਪਾਨੀਯਞ੍ਚੇવ ਪਰਿਭੋਜਨੀਯਞ੍ਚ ਪੁਚ੍ਛਿਤਬ੍ਬਂ। ਕੇਸੁਚਿ ਠਾਨੇਸੁ વਾਲ਼ਮਿਗਾ વਾ ਅਮਨੁਸ੍ਸਾ વਾ ਹੋਨ੍ਤਿ, ਤਸ੍ਮਾ ‘‘ਕਂ ਕਾਲਂ ਪવਿਸਿਤਬ੍ਬਂ, ਕਂ ਕਾਲਂ ਨਿਕ੍ਖਮਿਤਬ੍ਬ’’ਨ੍ਤਿ ਪੁਚ੍ਛਿਤਬ੍ਬਂ।
357. Vattakkhandhake idāni ārāmaṃ pavisissāmīti iminā upacārasīmasamīpaṃ dasseti; tasmā upacārasīmaṃ patvā upāhanāomuñcanādi sabbaṃ kātabbaṃ. Gahetvāti upāhanadaṇḍakena gahetvā. Paṭikkamantīti sannipatanti. Vissajjetabbanti pattharitabbaṃ. Gocaro pucchitabboti ‘‘gocaragāmo āsanne udāhu dūre, kālasseva piṇḍāya caritabbaṃ udāhu divā’’ti evaṃ bhikkhācāro pucchitabbo. Agocaro nāma micchādiṭṭhikānaṃ vā gāmo paricchinnabhikkho vā gāmo; yattha ekassa vā dvinnaṃ vā bhikkhā diyyati, sopi pucchitabbo. Pānīyaṃ pucchitabbanti ‘‘kiṃ imissā pokkharaṇiyā pānīyaṃyeva pivanti, nahānādiparibhogampi karontī’’ti evaṃ pānīyañceva paribhojanīyañca pucchitabbaṃ. Kesuci ṭhānesu vāḷamigā vā amanussā vā honti, tasmā ‘‘kaṃ kālaṃ pavisitabbaṃ, kaṃ kālaṃ nikkhamitabba’’nti pucchitabbaṃ.
ਬਹਿ ਠਿਤੇਨਾਤਿ ਬਹਿ ਨਿਕ੍ਖਮਨ੍ਤਸ੍ਸ ਅਹਿਨੋ વਾ ਅਮਨੁਸ੍ਸਸ੍ਸ વਾ ਮਗ੍ਗਂ ਦਤ੍વਾ ਠਿਤੇਨ ਨਿਲ੍ਲੋਕੇਤਬ੍ਬੋ। ਸਚੇ ਉਸ੍ਸਹਤਿ ਸੋਧੇਤਬ੍ਬੋਤਿ ਯਦਿ ਸਕ੍ਕੋਤਿ, ਸਬ੍ਬੋ વਿਹਾਰੋ ਸੋਧੇਤਬ੍ਬੋ। ਅਸਕ੍ਕੋਨ੍ਤੇਨ ਅਤ੍ਤਨੋ વਸਨੋਕਾਸੋ ਜਗ੍ਗਿਤਬ੍ਬੋ। ਸਬ੍ਬਂ ਸੋਧੇਤੁਂ ਸਕ੍ਕੋਨ੍ਤਸ੍ਸ ਪਨ ਦਸ੍ਸਿਤੇ વਿਹਾਰਸੋਧਨવਤ੍ਤੇ વਿਨਿਚ੍ਛਯੋ ਮਹਾਖਨ੍ਧਕੇ વੁਤ੍ਤਨਯੇਨੇવ વੇਦਿਤਬ੍ਬੋ।
Bahi ṭhitenāti bahi nikkhamantassa ahino vā amanussassa vā maggaṃ datvā ṭhitena nilloketabbo. Sace ussahati sodhetabboti yadi sakkoti, sabbo vihāro sodhetabbo. Asakkontena attano vasanokāso jaggitabbo. Sabbaṃ sodhetuṃ sakkontassa pana dassite vihārasodhanavatte vinicchayo mahākhandhake vuttanayeneva veditabbo.
ਆਗਨ੍ਤੁਕવਤ੍ਤਕਥਾ ਨਿਟ੍ਠਿਤਾ।
Āgantukavattakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਆਗਨ੍ਤੁਕવਤ੍ਤਕਥਾ • 1. Āgantukavattakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਗਨ੍ਤੁਕવਤ੍ਤਕਥਾવਣ੍ਣਨਾ • Āgantukavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਗਨ੍ਤੁਕવਤ੍ਤਕਥਾવਣ੍ਣਨਾ • Āgantukavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਗਨ੍ਤੁਕવਤ੍ਤਕਥਾવਣ੍ਣਨਾ • Āgantukavattakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਆਗਨ੍ਤੁਕવਤ੍ਤਕਥਾ • 1. Āgantukavattakathā
