| Library / Tipiṭaka / ติปิฎก • Tipiṭaka / สารตฺถทีปนี-ฎีกา • Sāratthadīpanī-ṭīkā |
๘. วตฺตกฺขนฺธกํ
8. Vattakkhandhakaṃ
อาคนฺตุกวตฺตกถาวณฺณนา
Āgantukavattakathāvaṇṇanā
๓๕๖-๓๕๗. วตฺตกฺขนฺธเก อุปริปิฎฺฐิโตติ ปิฎฺฐิสงฺฆาฎสฺส อุปริภาคโต, ทฺวารพาหสฺส อุปริปเทสโตติ อโตฺถฯ วิสฺสเชฺชตพฺพนฺติ สุกฺขาปนตฺถํ อาตเป วิสฺสชฺชิตพฺพํฯ อภิวาทาเปตโพฺพติ ตสฺส วเสฺส ปุจฺฉิเต ยทิ ทหโร โหติ, สยเมว วนฺทิสฺสติ, ตทา อิมินาว วนฺทาปิโต นาม โหติฯ นิโลฺลเกตโพฺพติ โอโลเกตโพฺพฯ ยถาภาคนฺติ ปุเพฺพ ปญฺญตฺตํ ปเทสภาคํ อนติกฺกมิตฺวาฯ สนฺตานกนฺติ อุณฺณนาภิสุตฺตํฯ อุโลฺลกาติ เคหสฺส อุปริภาคโต ปฎฺฐาย, ปฐมํ อุปริภาโค สมฺมชฺชิตโพฺพติ วุตฺตํ โหติฯ
356-357. Vattakkhandhake uparipiṭṭhitoti piṭṭhisaṅghāṭassa uparibhāgato, dvārabāhassa uparipadesatoti attho. Vissajjetabbanti sukkhāpanatthaṃ ātape vissajjitabbaṃ. Abhivādāpetabboti tassa vasse pucchite yadi daharo hoti, sayameva vandissati, tadā imināva vandāpito nāma hoti. Nilloketabboti oloketabbo. Yathābhāganti pubbe paññattaṃ padesabhāgaṃ anatikkamitvā. Santānakanti uṇṇanābhisuttaṃ. Ullokāti gehassa uparibhāgato paṭṭhāya, paṭhamaṃ uparibhāgo sammajjitabboti vuttaṃ hoti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๑. อาคนฺตุกวตฺตกถา • 1. Āgantukavattakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / อาคนฺตุกวตฺตกถา • Āgantukavattakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อาคนฺตุกวตฺตกถาวณฺณนา • Āgantukavattakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / อาคนฺตุกวตฺตกถาวณฺณนา • Āgantukavattakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑. อาคนฺตุกวตฺตกถา • 1. Āgantukavattakathā
