| Library / Tipiṭaka / തിപിടക • Tipiṭaka / സാരത്ഥദീപനീ-ടീകാ • Sāratthadīpanī-ṭīkā |
൮. വത്തക്ഖന്ധകം
8. Vattakkhandhakaṃ
ആഗന്തുകവത്തകഥാവണ്ണനാ
Āgantukavattakathāvaṇṇanā
൩൫൬-൩൫൭. വത്തക്ഖന്ധകേ ഉപരിപിട്ഠിതോതി പിട്ഠിസങ്ഘാടസ്സ ഉപരിഭാഗതോ, ദ്വാരബാഹസ്സ ഉപരിപദേസതോതി അത്ഥോ. വിസ്സജ്ജേതബ്ബന്തി സുക്ഖാപനത്ഥം ആതപേ വിസ്സജ്ജിതബ്ബം. അഭിവാദാപേതബ്ബോതി തസ്സ വസ്സേ പുച്ഛിതേ യദി ദഹരോ ഹോതി, സയമേവ വന്ദിസ്സതി, തദാ ഇമിനാവ വന്ദാപിതോ നാമ ഹോതി. നില്ലോകേതബ്ബോതി ഓലോകേതബ്ബോ. യഥാഭാഗന്തി പുബ്ബേ പഞ്ഞത്തം പദേസഭാഗം അനതിക്കമിത്വാ. സന്താനകന്തി ഉണ്ണനാഭിസുത്തം. ഉല്ലോകാതി ഗേഹസ്സ ഉപരിഭാഗതോ പട്ഠായ, പഠമം ഉപരിഭാഗോ സമ്മജ്ജിതബ്ബോതി വുത്തം ഹോതി.
356-357. Vattakkhandhake uparipiṭṭhitoti piṭṭhisaṅghāṭassa uparibhāgato, dvārabāhassa uparipadesatoti attho. Vissajjetabbanti sukkhāpanatthaṃ ātape vissajjitabbaṃ. Abhivādāpetabboti tassa vasse pucchite yadi daharo hoti, sayameva vandissati, tadā imināva vandāpito nāma hoti. Nilloketabboti oloketabbo. Yathābhāganti pubbe paññattaṃ padesabhāgaṃ anatikkamitvā. Santānakanti uṇṇanābhisuttaṃ. Ullokāti gehassa uparibhāgato paṭṭhāya, paṭhamaṃ uparibhāgo sammajjitabboti vuttaṃ hoti.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൧. ആഗന്തുകവത്തകഥാ • 1. Āgantukavattakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ചൂളവഗ്ഗ-അട്ഠകഥാ • Cūḷavagga-aṭṭhakathā / ആഗന്തുകവത്തകഥാ • Āgantukavattakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ആഗന്തുകവത്തകഥാവണ്ണനാ • Āgantukavattakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ആഗന്തുകവത്തകഥാവണ്ണനാ • Āgantukavattakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧. ആഗന്തുകവത്തകഥാ • 1. Āgantukavattakathā
