| Library / Tipiṭaka / തിപിടക • Tipiṭaka / വജിരബുദ്ധി-ടീകാ • Vajirabuddhi-ṭīkā |
൮. വത്തക്ഖന്ധകവണ്ണനാ
8. Vattakkhandhakavaṇṇanā
ആഗന്തുകവത്തകഥാവണ്ണനാ
Āgantukavattakathāvaṇṇanā
൩൫൭. ഏകസ്മിം ഗാമേ അഞ്ഞവിഹാരതോ ആഗതോപി ആഗന്തുകോവ. തത്ഥ കേചി ഏവം വദന്തി ‘‘ആവാസികോ കത്ഥചി ഗന്ത്വാ സചേ ആഗതോ, ‘തേനാപി ആഗന്തുകഭത്തം ഭുഞ്ജിതബ്ബ’ന്തി വുത്തത്താ ദൂരാഗമനം വുത്തം ഹോതി, ന ഗാമേ, തസ്മാ ന യുത്ത’’ന്തി. തേ വത്തബ്ബാ ‘‘ആഗന്തുകഭത്തം നാമ ഗഹട്ഠേഹി ഠപിതം. യസ്മിം നിബദ്ധം, തതോ അഞ്ഞഗാമതോതി ആപന്നം. തഥാ വിഹാരാധികാരത്താ അഞ്ഞവിഹാരതോ ആഗതോപി ആഗന്തുകോ വാ’’തി ആചരിയാനം സന്നിട്ഠാനം. പാനീയം പുച്ഛിതബ്ബം, പരിഭോജനീയം പുച്ഛിതബ്ബന്തി ഉദ്ധരിത്വാ ഘടസരാവാദിഗതം സന്ധായ പഠമം, ദുതിയം കൂപതളാകാദിഗതന്തി ആചരിയോ. ദുതിയവാരേ അത്തനോ വസനട്ഠാനത്താ വിസും പുച്ഛിതബ്ബമേവ, തസ്മാ വുത്തം ഏതം ‘‘പരിച്ഛിന്നഭിക്ഖോ വാ ഗാമോ’’തി. ബഹൂസു പോത്ഥകേസു ദുവിധാപി യുജ്ജതി.
357. Ekasmiṃ gāme aññavihārato āgatopi āgantukova. Tattha keci evaṃ vadanti ‘‘āvāsiko katthaci gantvā sace āgato, ‘tenāpi āgantukabhattaṃ bhuñjitabba’nti vuttattā dūrāgamanaṃ vuttaṃ hoti, na gāme, tasmā na yutta’’nti. Te vattabbā ‘‘āgantukabhattaṃ nāma gahaṭṭhehi ṭhapitaṃ. Yasmiṃ nibaddhaṃ, tato aññagāmatoti āpannaṃ. Tathā vihārādhikārattā aññavihārato āgatopi āgantuko vā’’ti ācariyānaṃ sanniṭṭhānaṃ. Pānīyaṃ pucchitabbaṃ, paribhojanīyaṃ pucchitabbanti uddharitvā ghaṭasarāvādigataṃ sandhāya paṭhamaṃ, dutiyaṃ kūpataḷākādigatanti ācariyo. Dutiyavāre attano vasanaṭṭhānattā visuṃ pucchitabbameva, tasmā vuttaṃ etaṃ ‘‘paricchinnabhikkho vā gāmo’’ti. Bahūsu potthakesu duvidhāpi yujjati.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / ചൂളവഗ്ഗപാളി • Cūḷavaggapāḷi / ൧. ആഗന്തുകവത്തകഥാ • 1. Āgantukavattakathā
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / ചൂളവഗ്ഗ-അട്ഠകഥാ • Cūḷavagga-aṭṭhakathā / ആഗന്തുകവത്തകഥാ • Āgantukavattakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ആഗന്തുകവത്തകഥാവണ്ണനാ • Āgantukavattakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ആഗന്തുകവത്തകഥാവണ്ണനാ • Āgantukavattakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧. ആഗന്തുകവത്തകഥാ • 1. Āgantukavattakathā
