| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. அகா³ரஸுத்தங்
4. Agārasuttaṃ
262. ‘‘ஸெய்யதா²பி, பி⁴க்க²வே, ஆக³ந்துகாகா³ரங். தத்த² புரத்தி²மாயபி தி³ஸாய ஆக³ந்த்வா வாஸங் கப்பெந்தி, பச்சி²மாயபி தி³ஸாய ஆக³ந்த்வா வாஸங் கப்பெந்தி, உத்தராயபி தி³ஸாய ஆக³ந்த்வா வாஸங் கப்பெந்தி, த³க்கி²ணாயபி தி³ஸாய ஆக³ந்த்வா வாஸங் கப்பெந்தி. க²த்தியாபி ஆக³ந்த்வா வாஸங் கப்பெந்தி, ப்³ராஹ்மணாபி ஆக³ந்த்வா வாஸங் கப்பெந்தி, வெஸ்ஸாபி ஆக³ந்த்வா வாஸங் கப்பெந்தி, ஸுத்³தா³பி ஆக³ந்த்வா வாஸங் கப்பெந்தி. ஏவமேவ கோ², பி⁴க்க²வே, இமஸ்மிங் காயஸ்மிங் விவிதா⁴ வேத³னா உப்பஜ்ஜந்தி. ஸுகா²பி வேத³னா உப்பஜ்ஜதி, து³க்கா²பி வேத³னா உப்பஜ்ஜதி, அது³க்க²மஸுகா²பி வேத³னா உப்பஜ்ஜதி. ஸாமிஸாபி ஸுகா² வேத³னா உப்பஜ்ஜதி, ஸாமிஸாபி து³க்கா² வேத³னா உப்பஜ்ஜதி, ஸாமிஸாபி அது³க்க²மஸுகா² வேத³னா உப்பஜ்ஜதி. நிராமிஸாபி ஸுகா² வேத³னா உப்பஜ்ஜதி, நிராமிஸாபி து³க்கா² வேத³னா உப்பஜ்ஜதி, நிராமிஸாபி அது³க்க²மஸுகா² வேத³னா உப்பஜ்ஜதீ’’தி. சதுத்த²ங்.
262. ‘‘Seyyathāpi, bhikkhave, āgantukāgāraṃ. Tattha puratthimāyapi disāya āgantvā vāsaṃ kappenti, pacchimāyapi disāya āgantvā vāsaṃ kappenti, uttarāyapi disāya āgantvā vāsaṃ kappenti, dakkhiṇāyapi disāya āgantvā vāsaṃ kappenti. Khattiyāpi āgantvā vāsaṃ kappenti, brāhmaṇāpi āgantvā vāsaṃ kappenti, vessāpi āgantvā vāsaṃ kappenti, suddāpi āgantvā vāsaṃ kappenti. Evameva kho, bhikkhave, imasmiṃ kāyasmiṃ vividhā vedanā uppajjanti. Sukhāpi vedanā uppajjati, dukkhāpi vedanā uppajjati, adukkhamasukhāpi vedanā uppajjati. Sāmisāpi sukhā vedanā uppajjati, sāmisāpi dukkhā vedanā uppajjati, sāmisāpi adukkhamasukhā vedanā uppajjati. Nirāmisāpi sukhā vedanā uppajjati, nirāmisāpi dukkhā vedanā uppajjati, nirāmisāpi adukkhamasukhā vedanā uppajjatī’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. அகா³ரஸுத்தவண்ணனா • 4. Agārasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. அகா³ரஸுத்தவண்ணனா • 4. Agārasuttavaṇṇanā
