| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4. අගාරසුත්‌තං
4. Agārasuttaṃ
262. ‘‘සෙය්‍යථාපි, භික්‌ඛවෙ, ආගන්‌තුකාගාරං. තත්‌ථ පුරත්‌ථිමායපි දිසාය ආගන්‌ත්‌වා වාසං කප්‌පෙන්‌ති, පච්‌ඡිමායපි දිසාය ආගන්‌ත්‌වා වාසං කප්‌පෙන්‌ති, උත්‌තරායපි දිසාය ආගන්‌ත්‌වා වාසං කප්‌පෙන්‌ති, දක්‌ඛිණායපි දිසාය ආගන්‌ත්‌වා වාසං කප්‌පෙන්‌ති. ඛත්‌තියාපි ආගන්‌ත්‌වා වාසං කප්‌පෙන්‌ති, බ්‍රාහ්‌මණාපි ආගන්‌ත්‌වා වාසං කප්‌පෙන්‌ති, වෙස්‌සාපි ආගන්‌ත්‌වා වාසං කප්‌පෙන්‌ති, සුද්‌දාපි ආගන්‌ත්‌වා වාසං කප්‌පෙන්‌ති. එවමෙව ඛො, භික්‌ඛවෙ, ඉමස්‌මිං කායස්‌මිං විවිධා වෙදනා උප්‌පජ්‌ජන්‌ති. සුඛාපි වෙදනා උප්‌පජ්‌ජති, දුක්‌ඛාපි වෙදනා උප්‌පජ්‌ජති, අදුක්‌ඛමසුඛාපි වෙදනා උප්‌පජ්‌ජති. සාමිසාපි සුඛා වෙදනා උප්‌පජ්‌ජති, සාමිසාපි දුක්‌ඛා වෙදනා උප්‌පජ්‌ජති, සාමිසාපි අදුක්‌ඛමසුඛා වෙදනා උප්‌පජ්‌ජති. නිරාමිසාපි සුඛා වෙදනා උප්‌පජ්‌ජති, නිරාමිසාපි දුක්‌ඛා වෙදනා උප්‌පජ්‌ජති, නිරාමිසාපි අදුක්‌ඛමසුඛා වෙදනා උප්‌පජ්‌ජතී’’ති. චතුත්‌ථං.
262. ‘‘Seyyathāpi, bhikkhave, āgantukāgāraṃ. Tattha puratthimāyapi disāya āgantvā vāsaṃ kappenti, pacchimāyapi disāya āgantvā vāsaṃ kappenti, uttarāyapi disāya āgantvā vāsaṃ kappenti, dakkhiṇāyapi disāya āgantvā vāsaṃ kappenti. Khattiyāpi āgantvā vāsaṃ kappenti, brāhmaṇāpi āgantvā vāsaṃ kappenti, vessāpi āgantvā vāsaṃ kappenti, suddāpi āgantvā vāsaṃ kappenti. Evameva kho, bhikkhave, imasmiṃ kāyasmiṃ vividhā vedanā uppajjanti. Sukhāpi vedanā uppajjati, dukkhāpi vedanā uppajjati, adukkhamasukhāpi vedanā uppajjati. Sāmisāpi sukhā vedanā uppajjati, sāmisāpi dukkhā vedanā uppajjati, sāmisāpi adukkhamasukhā vedanā uppajjati. Nirāmisāpi sukhā vedanā uppajjati, nirāmisāpi dukkhā vedanā uppajjati, nirāmisāpi adukkhamasukhā vedanā uppajjatī’’ti. Catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 4. අගාරසුත්‌තවණ්‌ණනා • 4. Agārasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. අගාරසුත්‌තවණ්‌ණනා • 4. Agārasuttavaṇṇanā
