| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. অগারসুত্তৰণ্ণনা
4. Agārasuttavaṇṇanā
২৬২. পুরত্থিমাতি ৰিভত্তিলোপেন নিদ্দেসো, নিস্সক্কে ৰা এতং পচ্চত্তৰচনং। পঠমজ্ঝানাদিৰসেনাতি পঠমদুতিযজ্ঝানৰসেন। অনুস্সতিৰসেনাতি নিদস্সনমত্তং অঞ্ঞস্সপি উপচারজ্ঝানগ্গহিতস্স সৰিতক্কচারস্স নিরামিসস্স সুখস্স লব্ভনতো। তস্সপি ৰা পঠমজ্ঝানাদীতি এত্থ আদি-সদ্দেন সঙ্গহো দট্ঠব্বো। কামহেতু দুক্খপ্পত্তানং দুক্খৰেদনা কামামিসেন সামিসা ৰেদনা। অনুত্তরৰিমোক্খা নাম অরহত্তফলং। ‘‘কুদাস্সু নামাহং তদাযতনং উপসম্পজ্জ ৰিহরিস্সামী’’তি এৰং পিহং উপট্ঠাপযতো তস্মিং অনিজ্ঝমানে পিহপ্পচ্চযা উপ্পন্নদোমনস্সৰেদনা। নেক্খম্মনিস্সিতা উপেক্খাৰেদনা নিরামিসা অদুক্খমসুখা নাম। সৰিসেসং পন দস্সেতুং ‘‘চতুত্থজ্ঝানৰসেন উপ্পন্না অদুক্খমসুখৰেদনা’’তি ৰুত্তং।
262.Puratthimāti vibhattilopena niddeso, nissakke vā etaṃ paccattavacanaṃ. Paṭhamajjhānādivasenāti paṭhamadutiyajjhānavasena. Anussativasenāti nidassanamattaṃ aññassapi upacārajjhānaggahitassa savitakkacārassa nirāmisassa sukhassa labbhanato. Tassapi vā paṭhamajjhānādīti ettha ādi-saddena saṅgaho daṭṭhabbo. Kāmahetu dukkhappattānaṃ dukkhavedanā kāmāmisena sāmisā vedanā. Anuttaravimokkhā nāma arahattaphalaṃ. ‘‘Kudāssu nāmāhaṃ tadāyatanaṃ upasampajja viharissāmī’’ti evaṃ pihaṃ upaṭṭhāpayato tasmiṃ anijjhamāne pihappaccayā uppannadomanassavedanā. Nekkhammanissitā upekkhāvedanā nirāmisā adukkhamasukhā nāma. Savisesaṃ pana dassetuṃ ‘‘catutthajjhānavasena uppannā adukkhamasukhavedanā’’ti vuttaṃ.
অগারসুত্তৰণ্ণনা নিট্ঠিতা।
Agārasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. অগারসুত্তং • 4. Agārasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. অগারসুত্তৰণ্ণনা • 4. Agārasuttavaṇṇanā
