| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៤. អគារសុត្តវណ្ណនា
4. Agārasuttavaṇṇanā
២៦២. ចតុត្ថេ បុរត្ថិមាតិ បុរត្ថិមាយ។ ឯវំ សព្ពត្ថ។ សាមិសាបិ សុខា វេទនាតិអាទីសុ សាមិសា សុខា នាម កាមាមិសបដិសំយុត្តា វេទនា។ និរាមិសា សុខា នាម បឋមជ្ឈានាទិវសេន វិបស្សនាវសេន អនុស្សតិវសេន ច ឧប្បន្នា វេទនា។ សាមិសា ទុក្ខា នាម កាមាមិសេនេវ សាមិសា វេទនា, និរាមិសា ទុក្ខា នាម អនុត្តរេសុ វិមោក្ខេសុ បិហំ ឧបដ្ឋាបយតោ បិហបច្ចយា ឧប្បន្នទោមនស្សវេទនា។ សាមិសា អទុក្ខមសុខា នាម កាមាមិសេនេវ សាមិសា វេទនា។ និរាមិសា អទុក្ខមសុខា នាម ចតុត្ថជ្ឈានវសេន ឧប្បន្នា អទុក្ខមសុខា វេទនា។
262. Catutthe puratthimāti puratthimāya. Evaṃ sabbattha. Sāmisāpi sukhā vedanātiādīsu sāmisā sukhā nāma kāmāmisapaṭisaṃyuttā vedanā. Nirāmisā sukhā nāma paṭhamajjhānādivasena vipassanāvasena anussativasena ca uppannā vedanā. Sāmisā dukkhā nāma kāmāmiseneva sāmisā vedanā, nirāmisā dukkhā nāma anuttaresu vimokkhesu pihaṃ upaṭṭhāpayato pihapaccayā uppannadomanassavedanā. Sāmisā adukkhamasukhā nāma kāmāmiseneva sāmisā vedanā. Nirāmisā adukkhamasukhā nāma catutthajjhānavasena uppannā adukkhamasukhā vedanā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. អគារសុត្តំ • 4. Agārasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៤. អគារសុត្តវណ្ណនា • 4. Agārasuttavaṇṇanā
