| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. អគារសុត្តវណ្ណនា
4. Agārasuttavaṇṇanā
២៦២. បុរត្ថិមាតិ វិភត្តិលោបេន និទ្ទេសោ, និស្សក្កេ វា ឯតំ បច្ចត្តវចនំ។ បឋមជ្ឈានាទិវសេនាតិ បឋមទុតិយជ្ឈានវសេន។ អនុស្សតិវសេនាតិ និទស្សនមត្តំ អញ្ញស្សបិ ឧបចារជ្ឈានគ្គហិតស្ស សវិតក្កចារស្ស និរាមិសស្ស សុខស្ស លព្ភនតោ។ តស្សបិ វា បឋមជ្ឈានាទីតិ ឯត្ថ អាទិ-សទ្ទេន សង្គហោ ទដ្ឋព្ពោ។ កាមហេតុ ទុក្ខប្បត្តានំ ទុក្ខវេទនា កាមាមិសេន សាមិសា វេទនា។ អនុត្តរវិមោក្ខា នាម អរហត្តផលំ។ ‘‘កុទាស្សុ នាមាហំ តទាយតនំ ឧបសម្បជ្ជ វិហរិស្សាមី’’តិ ឯវំ បិហំ ឧបដ្ឋាបយតោ តស្មិំ អនិជ្ឈមានេ បិហប្បច្ចយា ឧប្បន្នទោមនស្សវេទនា។ នេក្ខម្មនិស្សិតា ឧបេក្ខាវេទនា និរាមិសា អទុក្ខមសុខា នាម។ សវិសេសំ បន ទស្សេតុំ ‘‘ចតុត្ថជ្ឈានវសេន ឧប្បន្នា អទុក្ខមសុខវេទនា’’តិ វុត្តំ។
262.Puratthimāti vibhattilopena niddeso, nissakke vā etaṃ paccattavacanaṃ. Paṭhamajjhānādivasenāti paṭhamadutiyajjhānavasena. Anussativasenāti nidassanamattaṃ aññassapi upacārajjhānaggahitassa savitakkacārassa nirāmisassa sukhassa labbhanato. Tassapi vā paṭhamajjhānādīti ettha ādi-saddena saṅgaho daṭṭhabbo. Kāmahetu dukkhappattānaṃ dukkhavedanā kāmāmisena sāmisā vedanā. Anuttaravimokkhā nāma arahattaphalaṃ. ‘‘Kudāssu nāmāhaṃ tadāyatanaṃ upasampajja viharissāmī’’ti evaṃ pihaṃ upaṭṭhāpayato tasmiṃ anijjhamāne pihappaccayā uppannadomanassavedanā. Nekkhammanissitā upekkhāvedanā nirāmisā adukkhamasukhā nāma. Savisesaṃ pana dassetuṃ ‘‘catutthajjhānavasena uppannā adukkhamasukhavedanā’’ti vuttaṃ.
អគារសុត្តវណ្ណនា និដ្ឋិតា។
Agārasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. អគារសុត្តំ • 4. Agārasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. អគារសុត្តវណ្ណនា • 4. Agārasuttavaṇṇanā
