| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၄. အဂာရသုတ္တဝဏ္ဏနာ
4. Agārasuttavaṇṇanā
၂၆၂. စတုတ္ထေ ပုရတ္ထိမာတိ ပုရတ္ထိမာယ။ ဧဝံ သဗ္ဗတ္ထ။ သာမိသာပိ သုခာ ဝေဒနာတိအာဒီသု သာမိသာ သုခာ နာမ ကာမာမိသပဋိသံယုတ္တာ ဝေဒနာ။ နိရာမိသာ သုခာ နာမ ပဌမဇ္ဈာနာဒိဝသေန ဝိပသ္သနာဝသေန အနုသ္သတိဝသေန စ ဥပ္ပန္နာ ဝေဒနာ။ သာမိသာ ဒုက္ခာ နာမ ကာမာမိသေနေဝ သာမိသာ ဝေဒနာ, နိရာမိသာ ဒုက္ခာ နာမ အနုတ္တရေသု ဝိမောက္ခေသု ပိဟံ ဥပဋ္ဌာပယတော ပိဟပစ္စယာ ဥပ္ပန္နဒောမနသ္သဝေဒနာ။ သာမိသာ အဒုက္ခမသုခာ နာမ ကာမာမိသေနေဝ သာမိသာ ဝေဒနာ။ နိရာမိသာ အဒုက္ခမသုခာ နာမ စတုတ္ထဇ္ဈာနဝသေန ဥပ္ပန္နာ အဒုက္ခမသုခာ ဝေဒနာ။
262. Catutthe puratthimāti puratthimāya. Evaṃ sabbattha. Sāmisāpi sukhā vedanātiādīsu sāmisā sukhā nāma kāmāmisapaṭisaṃyuttā vedanā. Nirāmisā sukhā nāma paṭhamajjhānādivasena vipassanāvasena anussativasena ca uppannā vedanā. Sāmisā dukkhā nāma kāmāmiseneva sāmisā vedanā, nirāmisā dukkhā nāma anuttaresu vimokkhesu pihaṃ upaṭṭhāpayato pihapaccayā uppannadomanassavedanā. Sāmisā adukkhamasukhā nāma kāmāmiseneva sāmisā vedanā. Nirāmisā adukkhamasukhā nāma catutthajjhānavasena uppannā adukkhamasukhā vedanā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. အဂာရသုတ္တံ • 4. Agārasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. အဂာရသုတ္တဝဏ္ဏနာ • 4. Agārasuttavaṇṇanā
