| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. အဂာရသုတ္တဝဏ္ဏနာ
4. Agārasuttavaṇṇanā
၂၆၂. ပုရတ္ထိမာတိ ဝိဘတ္တိလောပေန နိဒ္ဒေသော, နိသ္သက္ကေ ဝာ ဧတံ ပစ္စတ္တဝစနံ။ ပဌမဇ္ဈာနာဒိဝသေနာတိ ပဌမဒုတိယဇ္ဈာနဝသေန။ အနုသ္သတိဝသေနာတိ နိဒသ္သနမတ္တံ အညသ္သပိ ဥပစာရဇ္ဈာနဂ္ဂဟိတသ္သ သဝိတက္ကစာရသ္သ နိရာမိသသ္သ သုခသ္သ လဗ္ဘနတော။ တသ္သပိ ဝာ ပဌမဇ္ဈာနာဒီတိ ဧတ္ထ အာဒိ-သဒ္ဒေန သင္ဂဟော ဒဋ္ဌဗ္ဗော။ ကာမဟေတု ဒုက္ခပ္ပတ္တာနံ ဒုက္ခဝေဒနာ ကာမာမိသေန သာမိသာ ဝေဒနာ။ အနုတ္တရဝိမောက္ခာ နာမ အရဟတ္တဖလံ။ ‘‘ကုဒာသ္သု နာမာဟံ တဒာယတနံ ဥပသမ္ပဇ္ဇ ဝိဟရိသ္သာမီ’’တိ ဧဝံ ပိဟံ ဥပဋ္ဌာပယတော တသ္မိံ အနိဇ္ဈမာနေ ပိဟပ္ပစ္စယာ ဥပ္ပန္နဒောမနသ္သဝေဒနာ။ နေက္ခမ္မနိသ္သိတာ ဥပေက္ခာဝေဒနာ နိရာမိသာ အဒုက္ခမသုခာ နာမ။ သဝိသေသံ ပန ဒသ္သေတုံ ‘‘စတုတ္ထဇ္ဈာနဝသေန ဥပ္ပန္နာ အဒုက္ခမသုခဝေဒနာ’’တိ ဝုတ္တံ။
262.Puratthimāti vibhattilopena niddeso, nissakke vā etaṃ paccattavacanaṃ. Paṭhamajjhānādivasenāti paṭhamadutiyajjhānavasena. Anussativasenāti nidassanamattaṃ aññassapi upacārajjhānaggahitassa savitakkacārassa nirāmisassa sukhassa labbhanato. Tassapi vā paṭhamajjhānādīti ettha ādi-saddena saṅgaho daṭṭhabbo. Kāmahetu dukkhappattānaṃ dukkhavedanā kāmāmisena sāmisā vedanā. Anuttaravimokkhā nāma arahattaphalaṃ. ‘‘Kudāssu nāmāhaṃ tadāyatanaṃ upasampajja viharissāmī’’ti evaṃ pihaṃ upaṭṭhāpayato tasmiṃ anijjhamāne pihappaccayā uppannadomanassavedanā. Nekkhammanissitā upekkhāvedanā nirāmisā adukkhamasukhā nāma. Savisesaṃ pana dassetuṃ ‘‘catutthajjhānavasena uppannā adukkhamasukhavedanā’’ti vuttaṃ.
အဂာရသုတ္တဝဏ္ဏနာ နိဋ္ဌိတာ။
Agārasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. အဂာရသုတ္တံ • 4. Agārasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. အဂာရသုတ္တဝဏ္ဏနာ • 4. Agārasuttavaṇṇanā
