| Library / Tipiṭaka / திபிடக • Tipiṭaka / பரிவார-அட்ட²கதா² • Parivāra-aṭṭhakathā |
அக³திஅக³ந்தப்³ப³வண்ணனா
Agatiagantabbavaṇṇanā
379. ப³ஹுஜனஅஹிதாய படிபன்னோ ஹோதீதி வினயத⁴ரேன ஹி ஏவங் ச²ந்தா³தி³க³தியா அதி⁴கரணே வினிச்சி²தே தஸ்மிங் விஹாரே ஸங்கோ⁴ த்³விதா⁴ பி⁴ஜ்ஜதி. ஓவாதூ³பஜீவினியோ பி⁴க்கு²னியோபி த்³வே பா⁴கா³ ஹொந்தி. உபாஸகாபி உபாஸிகாயோபி தா³ரகாபி தா³ரிகாயோபி தேஸங் ஆரக்க²தே³வதாபி ததே²வ த்³விதா⁴ பி⁴ஜ்ஜந்தி. ததோ பு⁴ம்மதே³வதா ஆதி³ங் கத்வா யாவ அகனிட்ட²ப்³ரஹ்மானோ த்³விதா⁴வ ஹொந்தி. தேன வுத்தங் – ‘‘ப³ஹுஜனஅஹிதாய படிபன்னோ ஹோதி…பே॰… து³க்கா²ய தே³வமனுஸ்ஸான’’ந்தி.
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
382. விஸமனிஸ்ஸிதோதி விஸமானி காயகம்மாதீ³னி நிஸ்ஸிதோ. க³ஹனநிஸ்ஸிதோதி மிச்சா²தி³ட்டி²அந்தக்³கா³ஹிகதி³ட்டி²ஸங்கா²தங் க³ஹனங் நிஸ்ஸிதோ. ப³லவனிஸ்ஸிதோதி ப³லவந்தே அபி⁴ஞ்ஞாதே பி⁴க்கூ² நிஸ்ஸிதோ.
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
393. தஸ்ஸ அவஜானந்தோதி தஸ்ஸ வசனங் அவஜானந்தோ. உபயோக³த்தே² வா ஸாமிவசனங், தங் அவஜானந்தோதி அத்தோ².
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
394. யங் அத்தா²யாதி யத³த்தா²ய. தங் அத்த²ந்தி ஸோ அத்தோ². ஸேஸங் ஸப்³ப³த்த² உத்தானமேவாதி.
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
மஹாஸங்கா³மவண்ணனா நிட்டி²தா.
Mahāsaṅgāmavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பரிவாரபாளி • Parivārapāḷi
2. அக³திஅக³ந்தப்³போ³ • 2. Agatiagantabbo
5. பரபக்கா²தி³அவஜானநங் • 5. Parapakkhādiavajānanaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வோஹரந்தேன ஜானிதப்³பா³தி³வண்ணனா • Voharantena jānitabbādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அக³திஅக³ந்தப்³ப³வண்ணனா • Agatiagantabbavaṇṇanā
