| Library / Tipiṭaka / তিপিটক • Tipiṭaka / পরিৰার-অট্ঠকথা • Parivāra-aṭṭhakathā |
অগতিঅগন্তব্বৰণ্ণনা
Agatiagantabbavaṇṇanā
৩৭৯. বহুজনঅহিতায পটিপন্নো হোতীতি ৰিনযধরেন হি এৰং ছন্দাদিগতিযা অধিকরণে ৰিনিচ্ছিতে তস্মিং ৰিহারে সঙ্ঘো দ্ৰিধা ভিজ্জতি। ওৰাদূপজীৰিনিযো ভিক্খুনিযোপি দ্ৰে ভাগা হোন্তি। উপাসকাপি উপাসিকাযোপি দারকাপি দারিকাযোপি তেসং আরক্খদেৰতাপি তথেৰ দ্ৰিধা ভিজ্জন্তি। ততো ভুম্মদেৰতা আদিং কত্ৰা যাৰ অকনিট্ঠব্রহ্মানো দ্ৰিধাৰ হোন্তি। তেন ৰুত্তং – ‘‘বহুজনঅহিতায পটিপন্নো হোতি…পে॰… দুক্খায দেৰমনুস্সান’’ন্তি।
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
৩৮২. ৰিসমনিস্সিতোতি ৰিসমানি কাযকম্মাদীনি নিস্সিতো। গহননিস্সিতোতি মিচ্ছাদিট্ঠিঅন্তগ্গাহিকদিট্ঠিসঙ্খাতং গহনং নিস্সিতো। বলৰনিস্সিতোতি বলৰন্তে অভিঞ্ঞাতে ভিক্খূ নিস্সিতো।
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
৩৯৩. তস্স অৰজানন্তোতি তস্স ৰচনং অৰজানন্তো। উপযোগত্থে ৰা সামিৰচনং, তং অৰজানন্তোতি অত্থো।
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
৩৯৪. যং অত্থাযাতি যদত্থায। তং অত্থন্তি সো অত্থো। সেসং সব্বত্থ উত্তানমেৰাতি।
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
মহাসঙ্গামৰণ্ণনা নিট্ঠিতা।
Mahāsaṅgāmavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. অগতিঅগন্তব্বো • 2. Agatiagantabbo
৫. পরপক্খাদিঅৰজাননং • 5. Parapakkhādiavajānanaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰোহরন্তেন জানিতব্বাদিৰণ্ণনা • Voharantena jānitabbādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / অগতিঅগন্তব্বৰণ্ণনা • Agatiagantabbavaṇṇanā
