| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
অগতিঅগন্তব্বৰণ্ণনা
Agatiagantabbavaṇṇanā
৩৭৯. বহুজনঅহিতায পটিপন্নো হোতীতি পাল়িং ৰিত্থারেন্তো আহ ‘‘ৰিনযধরেন হী’’তিআদি। তত্থ ৰিনযধরেনাতি অনুৰিজ্জকেন, ৰিনিচ্ছিতেতি সম্বন্ধো। ওৰাদূপজীৰিনিযোতি ভিক্খূনং ওৰাদং উপনিস্সায জীৰিনিযো। উপাসকাপীতি রতনত্তযং পটিস্সরণন্তি উপাসকাপি। দাযকাপীতি ভিক্খূনং পচ্চযদাযকাপি। তেসন্তি উপাসকাদীনং। তথেৰাতি যথা উপাসকাদযো দ্ৰিধা ভিজ্জন্তি, তথেৰ। ততোতি আরক্খদেৰতাহি পরন্তি সম্বন্ধো। তেনাতি দ্ৰিধাকারণেন।
379.Bahujanaahitāya paṭipanno hotīti pāḷiṃ vitthārento āha ‘‘vinayadharena hī’’tiādi. Tattha vinayadharenāti anuvijjakena, vinicchiteti sambandho. Ovādūpajīviniyoti bhikkhūnaṃ ovādaṃ upanissāya jīviniyo. Upāsakāpīti ratanattayaṃ paṭissaraṇanti upāsakāpi. Dāyakāpīti bhikkhūnaṃ paccayadāyakāpi. Tesanti upāsakādīnaṃ. Tathevāti yathā upāsakādayo dvidhā bhijjanti, tatheva. Tatoti ārakkhadevatāhi paranti sambandho. Tenāti dvidhākāraṇena.
৩৮২. গহননিস্সিতোতি এত্থ গহনসদ্দো দিট্ঠিপরিযাযোতি আহ ‘‘মিচ্ছাদিট্ঠিঅন্তগ্গাহিকদিট্ঠিসঙ্খাতং গহন’’ন্তি।
382.Gahananissitoti ettha gahanasaddo diṭṭhipariyāyoti āha ‘‘micchādiṭṭhiantaggāhikadiṭṭhisaṅkhātaṃ gahana’’nti.
৩৯৩. তস্স অৰজানন্তোতি এত্থ ‘‘তস্সা’’তি পদং ‘‘ৰচন’’ন্তি পাঠসেসেন সম্বন্ধিতব্বন্তি আহ ‘‘তস্স ৰচন’’ন্তি। তস্সাতি নৰকস্স। তন্তি নৰকং।
393.Tassa avajānantoti ettha ‘‘tassā’’ti padaṃ ‘‘vacana’’nti pāṭhasesena sambandhitabbanti āha ‘‘tassa vacana’’nti. Tassāti navakassa. Tanti navakaṃ.
৩৯৪. ‘‘যংঅত্থাযা’’তি এসো সদ্দো সমাসোতি আহ ‘‘যদত্থাযা’’তি। ‘‘তং অত্থ’’ন্তি এসো সদ্দো লিঙ্গৰিপল্লাসোতি আহ ‘‘সো অত্থো’’তি। অত্থসদ্দো হি পুল্লিঙ্গো, পাল়িযং ন পরিহাপেতব্বন্তি এত্থাপি লিঙ্গৰিপল্লাসো ৰেদিতব্বো। সব্বত্থাতি সব্বস্মিং মহাসঙ্গামে।
394.‘‘Yaṃatthāyā’’ti eso saddo samāsoti āha ‘‘yadatthāyā’’ti. ‘‘Taṃ attha’’nti eso saddo liṅgavipallāsoti āha ‘‘so attho’’ti. Atthasaddo hi pulliṅgo, pāḷiyaṃ na parihāpetabbanti etthāpi liṅgavipallāso veditabbo. Sabbatthāti sabbasmiṃ mahāsaṅgāme.
ইতি মহাসঙ্গামৰণ্ণনায যোজনা সমত্তা।
Iti mahāsaṅgāmavaṇṇanāya yojanā samattā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / পরিৰারপাল়ি • Parivārapāḷi
২. অগতিঅগন্তব্বো • 2. Agatiagantabbo
৫. পরপক্খাদিঅৰজাননং • 5. Parapakkhādiavajānanaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / পরিৰার-অট্ঠকথা • Parivāra-aṭṭhakathā / অগতিঅগন্তব্বৰণ্ণনা • Agatiagantabbavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰোহরন্তেন জানিতব্বাদিৰণ্ণনা • Voharantena jānitabbādivaṇṇanā
