| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
अगतिअगन्तब्बवण्णना
Agatiagantabbavaṇṇanā
३७९. बहुजनअहिताय पटिपन्नो होतीति पाळिं वित्थारेन्तो आह ‘‘विनयधरेन ही’’तिआदि। तत्थ विनयधरेनाति अनुविज्जकेन, विनिच्छितेति सम्बन्धो। ओवादूपजीविनियोति भिक्खूनं ओवादं उपनिस्साय जीविनियो। उपासकापीति रतनत्तयं पटिस्सरणन्ति उपासकापि। दायकापीति भिक्खूनं पच्चयदायकापि। तेसन्ति उपासकादीनं। तथेवाति यथा उपासकादयो द्विधा भिज्जन्ति, तथेव। ततोति आरक्खदेवताहि परन्ति सम्बन्धो। तेनाति द्विधाकारणेन।
379.Bahujanaahitāya paṭipanno hotīti pāḷiṃ vitthārento āha ‘‘vinayadharena hī’’tiādi. Tattha vinayadharenāti anuvijjakena, vinicchiteti sambandho. Ovādūpajīviniyoti bhikkhūnaṃ ovādaṃ upanissāya jīviniyo. Upāsakāpīti ratanattayaṃ paṭissaraṇanti upāsakāpi. Dāyakāpīti bhikkhūnaṃ paccayadāyakāpi. Tesanti upāsakādīnaṃ. Tathevāti yathā upāsakādayo dvidhā bhijjanti, tatheva. Tatoti ārakkhadevatāhi paranti sambandho. Tenāti dvidhākāraṇena.
३८२. गहननिस्सितोति एत्थ गहनसद्दो दिट्ठिपरियायोति आह ‘‘मिच्छादिट्ठिअन्तग्गाहिकदिट्ठिसङ्खातं गहन’’न्ति।
382.Gahananissitoti ettha gahanasaddo diṭṭhipariyāyoti āha ‘‘micchādiṭṭhiantaggāhikadiṭṭhisaṅkhātaṃ gahana’’nti.
३९३. तस्स अवजानन्तोति एत्थ ‘‘तस्सा’’ति पदं ‘‘वचन’’न्ति पाठसेसेन सम्बन्धितब्बन्ति आह ‘‘तस्स वचन’’न्ति। तस्साति नवकस्स। तन्ति नवकं।
393.Tassa avajānantoti ettha ‘‘tassā’’ti padaṃ ‘‘vacana’’nti pāṭhasesena sambandhitabbanti āha ‘‘tassa vacana’’nti. Tassāti navakassa. Tanti navakaṃ.
३९४. ‘‘यंअत्थाया’’ति एसो सद्दो समासोति आह ‘‘यदत्थाया’’ति। ‘‘तं अत्थ’’न्ति एसो सद्दो लिङ्गविपल्लासोति आह ‘‘सो अत्थो’’ति। अत्थसद्दो हि पुल्लिङ्गो, पाळियं न परिहापेतब्बन्ति एत्थापि लिङ्गविपल्लासो वेदितब्बो। सब्बत्थाति सब्बस्मिं महासङ्गामे।
394.‘‘Yaṃatthāyā’’ti eso saddo samāsoti āha ‘‘yadatthāyā’’ti. ‘‘Taṃ attha’’nti eso saddo liṅgavipallāsoti āha ‘‘so attho’’ti. Atthasaddo hi pulliṅgo, pāḷiyaṃ na parihāpetabbanti etthāpi liṅgavipallāso veditabbo. Sabbatthāti sabbasmiṃ mahāsaṅgāme.
इति महासङ्गामवण्णनाय योजना समत्ता।
Iti mahāsaṅgāmavaṇṇanāya yojanā samattā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
२. अगतिअगन्तब्बो • 2. Agatiagantabbo
५. परपक्खादिअवजाननं • 5. Parapakkhādiavajānanaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / परिवार-अट्ठकथा • Parivāra-aṭṭhakathā / अगतिअगन्तब्बवण्णना • Agatiagantabbavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / वोहरन्तेन जानितब्बादिवण्णना • Voharantena jānitabbādivaṇṇanā
