| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
อคติอคนฺตพฺพวณฺณนา
Agatiagantabbavaṇṇanā
๓๗๙. พหุชนอหิตาย ปฎิปโนฺน โหตีติ ปาฬิํ วิตฺถาเรโนฺต อาห ‘‘วินยธเรน หี’’ติอาทิฯ ตตฺถ วินยธเรนาติ อนุวิชฺชเกน, วินิจฺฉิเตติ สมฺพโนฺธฯ โอวาทูปชีวินิโยติ ภิกฺขูนํ โอวาทํ อุปนิสฺสาย ชีวินิโยฯ อุปาสกาปีติ รตนตฺตยํ ปฎิสฺสรณนฺติ อุปาสกาปิฯ ทายกาปีติ ภิกฺขูนํ ปจฺจยทายกาปิฯ เตสนฺติ อุปาสกาทีนํฯ ตเถวาติ ยถา อุปาสกาทโย ทฺวิธา ภิชฺชนฺติ, ตเถวฯ ตโตติ อารกฺขเทวตาหิ ปรนฺติ สมฺพโนฺธฯ เตนาติ ทฺวิธาการเณนฯ
379.Bahujanaahitāya paṭipanno hotīti pāḷiṃ vitthārento āha ‘‘vinayadharena hī’’tiādi. Tattha vinayadharenāti anuvijjakena, vinicchiteti sambandho. Ovādūpajīviniyoti bhikkhūnaṃ ovādaṃ upanissāya jīviniyo. Upāsakāpīti ratanattayaṃ paṭissaraṇanti upāsakāpi. Dāyakāpīti bhikkhūnaṃ paccayadāyakāpi. Tesanti upāsakādīnaṃ. Tathevāti yathā upāsakādayo dvidhā bhijjanti, tatheva. Tatoti ārakkhadevatāhi paranti sambandho. Tenāti dvidhākāraṇena.
๓๘๒. คหนนิสฺสิโตติ เอตฺถ คหนสโทฺท ทิฎฺฐิปริยาโยติ อาห ‘‘มิจฺฉาทิฎฺฐิอนฺตคฺคาหิกทิฎฺฐิสงฺขาตํ คหน’’นฺติฯ
382.Gahananissitoti ettha gahanasaddo diṭṭhipariyāyoti āha ‘‘micchādiṭṭhiantaggāhikadiṭṭhisaṅkhātaṃ gahana’’nti.
๓๙๓. ตสฺส อวชานโนฺตติ เอตฺถ ‘‘ตสฺสา’’ติ ปทํ ‘‘วจน’’นฺติ ปาฐเสเสน สมฺพนฺธิตพฺพนฺติ อาห ‘‘ตสฺส วจน’’นฺติฯ ตสฺสาติ นวกสฺสฯ ตนฺติ นวกํฯ
393.Tassa avajānantoti ettha ‘‘tassā’’ti padaṃ ‘‘vacana’’nti pāṭhasesena sambandhitabbanti āha ‘‘tassa vacana’’nti. Tassāti navakassa. Tanti navakaṃ.
๓๙๔. ‘‘ยํอตฺถายา’’ติ เอโส สโทฺท สมาโสติ อาห ‘‘ยทตฺถายา’’ติฯ ‘‘ตํ อตฺถ’’นฺติ เอโส สโทฺท ลิงฺควิปลฺลาโสติ อาห ‘‘โส อโตฺถ’’ติฯ อตฺถสโทฺท หิ ปุลฺลิโงฺค, ปาฬิยํ น ปริหาเปตพฺพนฺติ เอตฺถาปิ ลิงฺควิปลฺลาโส เวทิตโพฺพฯ สพฺพตฺถาติ สพฺพสฺมิํ มหาสงฺคาเมฯ
394.‘‘Yaṃatthāyā’’ti eso saddo samāsoti āha ‘‘yadatthāyā’’ti. ‘‘Taṃ attha’’nti eso saddo liṅgavipallāsoti āha ‘‘so attho’’ti. Atthasaddo hi pulliṅgo, pāḷiyaṃ na parihāpetabbanti etthāpi liṅgavipallāso veditabbo. Sabbatthāti sabbasmiṃ mahāsaṅgāme.
อิติ มหาสงฺคามวณฺณนาย โยชนา สมตฺตาฯ
Iti mahāsaṅgāmavaṇṇanāya yojanā samattā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi
๒. อคติอคนฺตโพฺพ • 2. Agatiagantabbo
๕. ปรปกฺขาทิอวชานนํ • 5. Parapakkhādiavajānanaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ปริวาร-อฎฺฐกถา • Parivāra-aṭṭhakathā / อคติอคนฺตพฺพวณฺณนา • Agatiagantabbavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / โวหรเนฺตน ชานิตพฺพาทิวณฺณนา • Voharantena jānitabbādivaṇṇanā
