| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
អគតិអគន្តព្ពវណ្ណនា
Agatiagantabbavaṇṇanā
៣៧៩. ពហុជនអហិតាយ បដិបន្នោ ហោតីតិ វិនយធរេន ហិ ឯវំ ឆន្ទាទិគតិយា អធិករណេ វិនិច្ឆិតេ តស្មិំ វិហារេ សង្ឃោ ទ្វិធា ភិជ្ជតិ។ ឱវាទូបជីវិនិយោ ភិក្ខុនិយោបិ ទ្វេ ភាគា ហោន្តិ។ ឧបាសកាបិ ឧបាសិកាយោបិ ទារកាបិ ទារិកាយោបិ តេសំ អារក្ខទេវតាបិ តថេវ ទ្វិធា ភិជ្ជន្តិ។ តតោ ភុម្មទេវតា អាទិំ កត្វា យាវ អកនិដ្ឋព្រហ្មានោ ទ្វិធាវ ហោន្តិ។ តេន វុត្តំ – ‘‘ពហុជនអហិតាយ បដិបន្នោ ហោតិ…បេ.… ទុក្ខាយ ទេវមនុស្សាន’’ន្តិ។
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
៣៨២. វិសមនិស្សិតោតិ វិសមានិ កាយកម្មាទីនិ និស្សិតោ។ គហននិស្សិតោតិ មិច្ឆាទិដ្ឋិអន្តគ្គាហិកទិដ្ឋិសង្ខាតំ គហនំ និស្សិតោ។ ពលវនិស្សិតោតិ ពលវន្តេ អភិញ្ញាតេ ភិក្ខូ និស្សិតោ។
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
៣៩៣. តស្ស អវជានន្តោតិ តស្ស វចនំ អវជានន្តោ។ ឧបយោគត្ថេ វា សាមិវចនំ, តំ អវជានន្តោតិ អត្ថោ។
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
៣៩៤. យំ អត្ថាយាតិ យទត្ថាយ។ តំ អត្ថន្តិ សោ អត្ថោ។ សេសំ សព្ពត្ថ ឧត្តានមេវាតិ។
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
មហាសង្គាមវណ្ណនា និដ្ឋិតា។
Mahāsaṅgāmavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. អគតិអគន្តព្ពោ • 2. Agatiagantabbo
៥. បរបក្ខាទិអវជាននំ • 5. Parapakkhādiavajānanaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អគតិអគន្តព្ពវណ្ណនា • Agatiagantabbavaṇṇanā
