| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
អគតិអគន្តព្ពវណ្ណនា
Agatiagantabbavaṇṇanā
៣៧៩. ពហុជនអហិតាយ បដិបន្នោ ហោតីតិ បាឡិំ វិត្ថារេន្តោ អាហ ‘‘វិនយធរេន ហី’’តិអាទិ។ តត្ថ វិនយធរេនាតិ អនុវិជ្ជកេន, វិនិច្ឆិតេតិ សម្ពន្ធោ។ ឱវាទូបជីវិនិយោតិ ភិក្ខូនំ ឱវាទំ ឧបនិស្សាយ ជីវិនិយោ។ ឧបាសកាបីតិ រតនត្តយំ បដិស្សរណន្តិ ឧបាសកាបិ។ ទាយកាបីតិ ភិក្ខូនំ បច្ចយទាយកាបិ។ តេសន្តិ ឧបាសកាទីនំ។ តថេវាតិ យថា ឧបាសកាទយោ ទ្វិធា ភិជ្ជន្តិ, តថេវ។ តតោតិ អារក្ខទេវតាហិ បរន្តិ សម្ពន្ធោ។ តេនាតិ ទ្វិធាការណេន។
379.Bahujanaahitāya paṭipanno hotīti pāḷiṃ vitthārento āha ‘‘vinayadharena hī’’tiādi. Tattha vinayadharenāti anuvijjakena, vinicchiteti sambandho. Ovādūpajīviniyoti bhikkhūnaṃ ovādaṃ upanissāya jīviniyo. Upāsakāpīti ratanattayaṃ paṭissaraṇanti upāsakāpi. Dāyakāpīti bhikkhūnaṃ paccayadāyakāpi. Tesanti upāsakādīnaṃ. Tathevāti yathā upāsakādayo dvidhā bhijjanti, tatheva. Tatoti ārakkhadevatāhi paranti sambandho. Tenāti dvidhākāraṇena.
៣៨២. គហននិស្សិតោតិ ឯត្ថ គហនសទ្ទោ ទិដ្ឋិបរិយាយោតិ អាហ ‘‘មិច្ឆាទិដ្ឋិអន្តគ្គាហិកទិដ្ឋិសង្ខាតំ គហន’’ន្តិ។
382.Gahananissitoti ettha gahanasaddo diṭṭhipariyāyoti āha ‘‘micchādiṭṭhiantaggāhikadiṭṭhisaṅkhātaṃ gahana’’nti.
៣៩៣. តស្ស អវជានន្តោតិ ឯត្ថ ‘‘តស្សា’’តិ បទំ ‘‘វចន’’ន្តិ បាឋសេសេន សម្ពន្ធិតព្ពន្តិ អាហ ‘‘តស្ស វចន’’ន្តិ។ តស្សាតិ នវកស្ស។ តន្តិ នវកំ។
393.Tassa avajānantoti ettha ‘‘tassā’’ti padaṃ ‘‘vacana’’nti pāṭhasesena sambandhitabbanti āha ‘‘tassa vacana’’nti. Tassāti navakassa. Tanti navakaṃ.
៣៩៤. ‘‘យំអត្ថាយា’’តិ ឯសោ សទ្ទោ សមាសោតិ អាហ ‘‘យទត្ថាយា’’តិ។ ‘‘តំ អត្ថ’’ន្តិ ឯសោ សទ្ទោ លិង្គវិបល្លាសោតិ អាហ ‘‘សោ អត្ថោ’’តិ។ អត្ថសទ្ទោ ហិ បុល្លិង្គោ, បាឡិយំ ន បរិហាបេតព្ពន្តិ ឯត្ថាបិ លិង្គវិបល្លាសោ វេទិតព្ពោ។ សព្ពត្ថាតិ សព្ពស្មិំ មហាសង្គាមេ។
394.‘‘Yaṃatthāyā’’ti eso saddo samāsoti āha ‘‘yadatthāyā’’ti. ‘‘Taṃ attha’’nti eso saddo liṅgavipallāsoti āha ‘‘so attho’’ti. Atthasaddo hi pulliṅgo, pāḷiyaṃ na parihāpetabbanti etthāpi liṅgavipallāso veditabbo. Sabbatthāti sabbasmiṃ mahāsaṅgāme.
ឥតិ មហាសង្គាមវណ្ណនាយ យោជនា សមត្តា។
Iti mahāsaṅgāmavaṇṇanāya yojanā samattā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
២. អគតិអគន្តព្ពោ • 2. Agatiagantabbo
៥. បរបក្ខាទិអវជាននំ • 5. Parapakkhādiavajānanaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / បរិវារ-អដ្ឋកថា • Parivāra-aṭṭhakathā / អគតិអគន្តព្ពវណ្ណនា • Agatiagantabbavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហរន្តេន ជានិតព្ពាទិវណ្ណនា • Voharantena jānitabbādivaṇṇanā
