| Library / Tipiṭaka / ತಿಪಿಟಕ • Tipiṭaka / ಪರಿವಾರ-ಅಟ್ಠಕಥಾ • Parivāra-aṭṭhakathā |
ಅಗತಿಅಗನ್ತಬ್ಬವಣ್ಣನಾ
Agatiagantabbavaṇṇanā
೩೭೯. ಬಹುಜನಅಹಿತಾಯ ಪಟಿಪನ್ನೋ ಹೋತೀತಿ ವಿನಯಧರೇನ ಹಿ ಏವಂ ಛನ್ದಾದಿಗತಿಯಾ ಅಧಿಕರಣೇ ವಿನಿಚ್ಛಿತೇ ತಸ್ಮಿಂ ವಿಹಾರೇ ಸಙ್ಘೋ ದ್ವಿಧಾ ಭಿಜ್ಜತಿ। ಓವಾದೂಪಜೀವಿನಿಯೋ ಭಿಕ್ಖುನಿಯೋಪಿ ದ್ವೇ ಭಾಗಾ ಹೋನ್ತಿ। ಉಪಾಸಕಾಪಿ ಉಪಾಸಿಕಾಯೋಪಿ ದಾರಕಾಪಿ ದಾರಿಕಾಯೋಪಿ ತೇಸಂ ಆರಕ್ಖದೇವತಾಪಿ ತಥೇವ ದ್ವಿಧಾ ಭಿಜ್ಜನ್ತಿ। ತತೋ ಭುಮ್ಮದೇವತಾ ಆದಿಂ ಕತ್ವಾ ಯಾವ ಅಕನಿಟ್ಠಬ್ರಹ್ಮಾನೋ ದ್ವಿಧಾವ ಹೋನ್ತಿ। ತೇನ ವುತ್ತಂ – ‘‘ಬಹುಜನಅಹಿತಾಯ ಪಟಿಪನ್ನೋ ಹೋತಿ…ಪೇ॰… ದುಕ್ಖಾಯ ದೇವಮನುಸ್ಸಾನ’’ನ್ತಿ।
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
೩೮೨. ವಿಸಮನಿಸ್ಸಿತೋತಿ ವಿಸಮಾನಿ ಕಾಯಕಮ್ಮಾದೀನಿ ನಿಸ್ಸಿತೋ। ಗಹನನಿಸ್ಸಿತೋತಿ ಮಿಚ್ಛಾದಿಟ್ಠಿಅನ್ತಗ್ಗಾಹಿಕದಿಟ್ಠಿಸಙ್ಖಾತಂ ಗಹನಂ ನಿಸ್ಸಿತೋ। ಬಲವನಿಸ್ಸಿತೋತಿ ಬಲವನ್ತೇ ಅಭಿಞ್ಞಾತೇ ಭಿಕ್ಖೂ ನಿಸ್ಸಿತೋ।
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
೩೯೩. ತಸ್ಸ ಅವಜಾನನ್ತೋತಿ ತಸ್ಸ ವಚನಂ ಅವಜಾನನ್ತೋ। ಉಪಯೋಗತ್ಥೇ ವಾ ಸಾಮಿವಚನಂ, ತಂ ಅವಜಾನನ್ತೋತಿ ಅತ್ಥೋ।
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
೩೯೪. ಯಂ ಅತ್ಥಾಯಾತಿ ಯದತ್ಥಾಯ। ತಂ ಅತ್ಥನ್ತಿ ಸೋ ಅತ್ಥೋ। ಸೇಸಂ ಸಬ್ಬತ್ಥ ಉತ್ತಾನಮೇವಾತಿ।
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
ಮಹಾಸಙ್ಗಾಮವಣ್ಣನಾ ನಿಟ್ಠಿತಾ।
Mahāsaṅgāmavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೨. ಅಗತಿಅಗನ್ತಬ್ಬೋ • 2. Agatiagantabbo
೫. ಪರಪಕ್ಖಾದಿಅವಜಾನನಂ • 5. Parapakkhādiavajānanaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವೋಹರನ್ತೇನ ಜಾನಿತಬ್ಬಾದಿವಣ್ಣನಾ • Voharantena jānitabbādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ಅಗತಿಅಗನ್ತಬ್ಬವಣ್ಣನಾ • Agatiagantabbavaṇṇanā
