| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
ಅಗತಿಅಗನ್ತಬ್ಬವಣ್ಣನಾ
Agatiagantabbavaṇṇanā
೩೭೯. ಬಹುಜನಅಹಿತಾಯ ಪಟಿಪನ್ನೋ ಹೋತೀತಿ ಪಾಳಿಂ ವಿತ್ಥಾರೇನ್ತೋ ಆಹ ‘‘ವಿನಯಧರೇನ ಹೀ’’ತಿಆದಿ। ತತ್ಥ ವಿನಯಧರೇನಾತಿ ಅನುವಿಜ್ಜಕೇನ, ವಿನಿಚ್ಛಿತೇತಿ ಸಮ್ಬನ್ಧೋ। ಓವಾದೂಪಜೀವಿನಿಯೋತಿ ಭಿಕ್ಖೂನಂ ಓವಾದಂ ಉಪನಿಸ್ಸಾಯ ಜೀವಿನಿಯೋ। ಉಪಾಸಕಾಪೀತಿ ರತನತ್ತಯಂ ಪಟಿಸ್ಸರಣನ್ತಿ ಉಪಾಸಕಾಪಿ। ದಾಯಕಾಪೀತಿ ಭಿಕ್ಖೂನಂ ಪಚ್ಚಯದಾಯಕಾಪಿ। ತೇಸನ್ತಿ ಉಪಾಸಕಾದೀನಂ। ತಥೇವಾತಿ ಯಥಾ ಉಪಾಸಕಾದಯೋ ದ್ವಿಧಾ ಭಿಜ್ಜನ್ತಿ, ತಥೇವ। ತತೋತಿ ಆರಕ್ಖದೇವತಾಹಿ ಪರನ್ತಿ ಸಮ್ಬನ್ಧೋ। ತೇನಾತಿ ದ್ವಿಧಾಕಾರಣೇನ।
379.Bahujanaahitāya paṭipanno hotīti pāḷiṃ vitthārento āha ‘‘vinayadharena hī’’tiādi. Tattha vinayadharenāti anuvijjakena, vinicchiteti sambandho. Ovādūpajīviniyoti bhikkhūnaṃ ovādaṃ upanissāya jīviniyo. Upāsakāpīti ratanattayaṃ paṭissaraṇanti upāsakāpi. Dāyakāpīti bhikkhūnaṃ paccayadāyakāpi. Tesanti upāsakādīnaṃ. Tathevāti yathā upāsakādayo dvidhā bhijjanti, tatheva. Tatoti ārakkhadevatāhi paranti sambandho. Tenāti dvidhākāraṇena.
೩೮೨. ಗಹನನಿಸ್ಸಿತೋತಿ ಏತ್ಥ ಗಹನಸದ್ದೋ ದಿಟ್ಠಿಪರಿಯಾಯೋತಿ ಆಹ ‘‘ಮಿಚ್ಛಾದಿಟ್ಠಿಅನ್ತಗ್ಗಾಹಿಕದಿಟ್ಠಿಸಙ್ಖಾತಂ ಗಹನ’’ನ್ತಿ।
382.Gahananissitoti ettha gahanasaddo diṭṭhipariyāyoti āha ‘‘micchādiṭṭhiantaggāhikadiṭṭhisaṅkhātaṃ gahana’’nti.
೩೯೩. ತಸ್ಸ ಅವಜಾನನ್ತೋತಿ ಏತ್ಥ ‘‘ತಸ್ಸಾ’’ತಿ ಪದಂ ‘‘ವಚನ’’ನ್ತಿ ಪಾಠಸೇಸೇನ ಸಮ್ಬನ್ಧಿತಬ್ಬನ್ತಿ ಆಹ ‘‘ತಸ್ಸ ವಚನ’’ನ್ತಿ। ತಸ್ಸಾತಿ ನವಕಸ್ಸ। ತನ್ತಿ ನವಕಂ।
393.Tassa avajānantoti ettha ‘‘tassā’’ti padaṃ ‘‘vacana’’nti pāṭhasesena sambandhitabbanti āha ‘‘tassa vacana’’nti. Tassāti navakassa. Tanti navakaṃ.
೩೯೪. ‘‘ಯಂಅತ್ಥಾಯಾ’’ತಿ ಏಸೋ ಸದ್ದೋ ಸಮಾಸೋತಿ ಆಹ ‘‘ಯದತ್ಥಾಯಾ’’ತಿ। ‘‘ತಂ ಅತ್ಥ’’ನ್ತಿ ಏಸೋ ಸದ್ದೋ ಲಿಙ್ಗವಿಪಲ್ಲಾಸೋತಿ ಆಹ ‘‘ಸೋ ಅತ್ಥೋ’’ತಿ। ಅತ್ಥಸದ್ದೋ ಹಿ ಪುಲ್ಲಿಙ್ಗೋ, ಪಾಳಿಯಂ ನ ಪರಿಹಾಪೇತಬ್ಬನ್ತಿ ಏತ್ಥಾಪಿ ಲಿಙ್ಗವಿಪಲ್ಲಾಸೋ ವೇದಿತಬ್ಬೋ। ಸಬ್ಬತ್ಥಾತಿ ಸಬ್ಬಸ್ಮಿಂ ಮಹಾಸಙ್ಗಾಮೇ।
394.‘‘Yaṃatthāyā’’ti eso saddo samāsoti āha ‘‘yadatthāyā’’ti. ‘‘Taṃ attha’’nti eso saddo liṅgavipallāsoti āha ‘‘so attho’’ti. Atthasaddo hi pulliṅgo, pāḷiyaṃ na parihāpetabbanti etthāpi liṅgavipallāso veditabbo. Sabbatthāti sabbasmiṃ mahāsaṅgāme.
ಇತಿ ಮಹಾಸಙ್ಗಾಮವಣ್ಣನಾಯ ಯೋಜನಾ ಸಮತ್ತಾ।
Iti mahāsaṅgāmavaṇṇanāya yojanā samattā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಪರಿವಾರಪಾಳಿ • Parivārapāḷi
೨. ಅಗತಿಅಗನ್ತಬ್ಬೋ • 2. Agatiagantabbo
೫. ಪರಪಕ್ಖಾದಿಅವಜಾನನಂ • 5. Parapakkhādiavajānanaṃ
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / ಅಗತಿಅಗನ್ತಬ್ಬವಣ್ಣನಾ • Agatiagantabbavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವೋಹರನ್ತೇನ ಜಾನಿತಬ್ಬಾದಿವಣ್ಣನಾ • Voharantena jānitabbādivaṇṇanā
