| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
අගතිඅගන්‌තබ්‌බවණ්‌ණනා
Agatiagantabbavaṇṇanā
379. බහුජනඅහිතාය පටිපන්‌නො හොතීති විනයධරෙන හි එවං ඡන්‌දාදිගතියා අධිකරණෙ විනිච්‌ඡිතෙ තස්‌මිං විහාරෙ සඞ්‌ඝො ද්‌විධා භිජ්‌ජති. ඔවාදූපජීවිනියො භික්‌ඛුනියොපි ද්‌වෙ භාගා හොන්‌ති. උපාසකාපි උපාසිකායොපි දාරකාපි දාරිකායොපි තෙසං ආරක්‌ඛදෙවතාපි තථෙව ද්‌විධා භිජ්‌ජන්‌ති. තතො භුම්‌මදෙවතා ආදිං කත්‌වා යාව අකනිට්‌ඨබ්‍රහ්‌මානො ද්‌විධාව හොන්‌ති. තෙන වුත්‌තං – ‘‘බහුජනඅහිතාය පටිපන්‌නො හොති…පෙ.… දුක්‌ඛාය දෙවමනුස්‌සාන’’න්‌ති.
379.Bahujanaahitāyapaṭipanno hotīti vinayadharena hi evaṃ chandādigatiyā adhikaraṇe vinicchite tasmiṃ vihāre saṅgho dvidhā bhijjati. Ovādūpajīviniyo bhikkhuniyopi dve bhāgā honti. Upāsakāpi upāsikāyopi dārakāpi dārikāyopi tesaṃ ārakkhadevatāpi tatheva dvidhā bhijjanti. Tato bhummadevatā ādiṃ katvā yāva akaniṭṭhabrahmāno dvidhāva honti. Tena vuttaṃ – ‘‘bahujanaahitāya paṭipanno hoti…pe… dukkhāya devamanussāna’’nti.
382. විසමනිස්‌සිතොති විසමානි කායකම්‌මාදීනි නිස්‌සිතො. ගහනනිස්‌සිතොති මිච්‌ඡාදිට්‌ඨිඅන්‌තග්‌ගාහිකදිට්‌ඨිසඞ්‌ඛාතං ගහනං නිස්‌සිතො. බලවනිස්‌සිතොති බලවන්‌තෙ අභිඤ්‌ඤාතෙ භික්‌ඛූ නිස්‌සිතො.
382.Visamanissitoti visamāni kāyakammādīni nissito. Gahananissitoti micchādiṭṭhiantaggāhikadiṭṭhisaṅkhātaṃ gahanaṃ nissito. Balavanissitoti balavante abhiññāte bhikkhū nissito.
393. තස්‌ස අවජානන්‌තොති තස්‌ස වචනං අවජානන්‌තො. උපයොගත්‌ථෙ වා සාමිවචනං, තං අවජානන්‌තොති අත්‌ථො.
393.Tassa avajānantoti tassa vacanaṃ avajānanto. Upayogatthe vā sāmivacanaṃ, taṃ avajānantoti attho.
394. යං අත්‌ථායාති යදත්‌ථාය. තං අත්‌ථන්‌ති සො අත්‌ථො. සෙසං සබ්‌බත්‌ථ උත්‌තානමෙවාති.
394.Yaṃ atthāyāti yadatthāya. Taṃ atthanti so attho. Sesaṃ sabbattha uttānamevāti.
මහාසඞ්‌ගාමවණ්‌ණනා නිට්‌ඨිතා.
Mahāsaṅgāmavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
2. අගතිඅගන්‌තබ්‌බො • 2. Agatiagantabbo
5. පරපක්‌ඛාදිඅවජානනං • 5. Parapakkhādiavajānanaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / වොහරන්‌තෙන ජානිතබ්‌බාදිවණ්‌ණනා • Voharantena jānitabbādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / අගතිඅගන්‌තබ්‌බවණ්‌ණනා • Agatiagantabbavaṇṇanā
