| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
2. аг̇ад̇иаг̇анд̇аб̣б̣о
2. Agatiagantabbo
379. на чанд̣̇ааг̇ад̇и г̇анд̇аб̣б̣аад̇и чанд̣̇ааг̇ад̇им̣ г̇ажчанд̇о гат̇ам̣ чанд̣̇ааг̇ад̇им̣ г̇ажчад̇и? ид̇хзгажжо – ‘‘аяам̣ мз убаж̇жхааяо ваа аажарияо ваа сад̣̇д̇хивихаариго ваа анд̇зваасиго ваа самаанубаж̇жхааяаго ваа самаанаажарияаго ваа санд̣̇идто ваа самбхад̇д̇о ваа н̃аад̇исаалохид̇о ваа’’д̇и, д̇ассаанугамбааяа д̇ассаанурагкааяа ад̇хаммам̣ д̇хаммод̇и д̣̇ийбзд̇и, д̇хаммам̣ ад̇хаммод̇и д̣̇ийбзд̇и, авинаяам̣ винаяод̇и д̣̇ийбзд̇и, винаяам̣ авинаяод̇и д̣̇ийбзд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇и, бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и, бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и, анаабад̇д̇им̣ аабад̇д̇ийд̇и д̣̇ийбзд̇и, аабад̇д̇им̣ анаабад̇д̇ийд̇и д̣̇ийбзд̇и, лахугам̣ аабад̇д̇им̣ г̇аругаа аабад̇д̇ийд̇и д̣̇ийбзд̇и, г̇аругам̣ аабад̇д̇им̣ лахугаа аабад̇д̇ийд̇и д̣̇ийбзд̇и, саавасзсам̣ аабад̇д̇им̣ анавасзсаа аабад̇д̇ийд̇и д̣̇ийбзд̇и, анавасзсам̣ аабад̇д̇им̣ саавасзсаа аабад̇д̇ийд̇и д̣̇ийбзд̇и, д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и, ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзд̇и. имзхи адтаарасахи вад̇т̇уухи чанд̣̇ааг̇ад̇им̣ г̇ажчанд̇о б̣ахуж̇анаахид̇ааяа бадибанно ход̇и б̣ахуж̇анаасукааяа б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. имзхи адтаарасахи вад̇т̇уухи чанд̣̇ааг̇ад̇им̣ г̇ажчанд̇о кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и. чанд̣̇ааг̇ад̇им̣ г̇ажчанд̇о звам̣ чанд̣̇ааг̇ад̇им̣ г̇ажчад̇и.
379.Na chandāgati gantabbāti chandāgatiṃ gacchanto kathaṃ chandāgatiṃ gacchati? Idhekacco – ‘‘ayaṃ me upajjhāyo vā ācariyo vā saddhivihāriko vā antevāsiko vā samānupajjhāyako vā samānācariyako vā sandiṭṭho vā sambhatto vā ñātisālohito vā’’ti, tassānukampāya tassānurakkhāya adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpeti, bhāsitaṃ lapitaṃ tathāgatena abhāsitaṃ alapitaṃ tathāgatenāti dīpeti, anāciṇṇaṃ tathāgatena āciṇṇaṃ tathāgatenāti dīpeti, āciṇṇaṃ tathāgatena anāciṇṇaṃ tathāgatenāti dīpeti, apaññattaṃ tathāgatena paññattaṃ tathāgatenāti dīpeti, paññattaṃ tathāgatena apaññattaṃ tathāgatenāti dīpeti, anāpattiṃ āpattīti dīpeti, āpattiṃ anāpattīti dīpeti, lahukaṃ āpattiṃ garukā āpattīti dīpeti, garukaṃ āpattiṃ lahukā āpattīti dīpeti, sāvasesaṃ āpattiṃ anavasesā āpattīti dīpeti, anavasesaṃ āpattiṃ sāvasesā āpattīti dīpeti, duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Imehi aṭṭhārasahi vatthūhi chandāgatiṃ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṃ. Imehi aṭṭhārasahi vatthūhi chandāgatiṃ gacchanto khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Chandāgatiṃ gacchanto evaṃ chandāgatiṃ gacchati.
380. на д̣̇осааг̇ад̇и г̇анд̇аб̣б̣аад̇и д̣̇осааг̇ад̇им̣ г̇ажчанд̇о гат̇ам̣ д̣̇осааг̇ад̇им̣ г̇ажчад̇и? ид̇хзгажжо анад̇т̇ам̣ мз ажарийд̇и аагхаад̇ам̣ б̣анд̇хад̇и, анад̇т̇ам̣ мз жарад̇ийд̇и аагхаад̇ам̣ б̣анд̇хад̇и, анад̇т̇ам̣ мз жариссад̇ийд̇и аагхаад̇ам̣ б̣анд̇хад̇и, бияасса мз манаабасса анад̇т̇ам̣ ажари… анад̇т̇ам̣ жарад̇и… анад̇т̇ам̣ жариссад̇ийд̇и аагхаад̇ам̣ б̣анд̇хад̇и, аббияасса мз аманаабасса ад̇т̇ам̣ ажари… ад̇т̇ам̣ жарад̇и… ад̇т̇ам̣ жариссад̇ийд̇и аагхаад̇ам̣ б̣анд̇хад̇и. имзхи навахи аагхаад̇авад̇т̇уухи аагхаад̇о бадигхаад̇о гуд̣̇д̇хо год̇хаабхибхууд̇о ад̇хаммам̣ д̇хаммод̇и д̣̇ийбзд̇и, д̇хаммам̣ ад̇хаммод̇и д̣̇ийбзд̇и…бз… д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и, ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзд̇и. имзхи адтаарасахи вад̇т̇уухи д̣̇осааг̇ад̇им̣ г̇ажчанд̇о б̣ахуж̇анаахид̇ааяа бадибанно ход̇и б̣ахуж̇анаасукааяа б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. имзхи адтаарасахи вад̇т̇уухи д̣̇осааг̇ад̇им̣ г̇ажчанд̇о кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣ б̣ахун̃жа абун̃н̃ам̣ басавад̇и. д̣̇осааг̇ад̇им̣ г̇ажчанд̇о звам̣ д̣̇осааг̇ад̇им̣ г̇ажчад̇и.
380.Na dosāgati gantabbāti dosāgatiṃ gacchanto kathaṃ dosāgatiṃ gacchati? Idhekacco anatthaṃ me acarīti āghātaṃ bandhati, anatthaṃ me caratīti āghātaṃ bandhati, anatthaṃ me carissatīti āghātaṃ bandhati, piyassa me manāpassa anatthaṃ acari… anatthaṃ carati… anatthaṃ carissatīti āghātaṃ bandhati, appiyassa me amanāpassa atthaṃ acari… atthaṃ carati… atthaṃ carissatīti āghātaṃ bandhati. Imehi navahi āghātavatthūhi āghāto paṭighāto kuddho kodhābhibhūto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Imehi aṭṭhārasahi vatthūhi dosāgatiṃ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṃ. Imehi aṭṭhārasahi vatthūhi dosāgatiṃ gacchanto khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ bahuñca apuññaṃ pasavati. Dosāgatiṃ gacchanto evaṃ dosāgatiṃ gacchati.
381. на мохааг̇ад̇и г̇анд̇аб̣б̣аад̇и мохааг̇ад̇им̣ г̇ажчанд̇о гат̇ам̣ мохааг̇ад̇им̣ г̇ажчад̇и? рад̇д̇о рааг̇авасзна г̇ажчад̇и, д̣̇удто д̣̇осавасзна г̇ажчад̇и, муул̣хо мохавасзна г̇ажчад̇и, бараамадто д̣̇идтивасзна г̇ажчад̇и, муул̣хо сам̣муул̣хо мохаабхибхууд̇о ад̇хаммам̣ д̇хаммод̇и д̣̇ийбзд̇и, д̇хаммам̣ ад̇хаммод̇и д̣̇ийбзд̇и…бз… д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и, ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзд̇и. имзхи адтаарасахи вад̇т̇уухи мохааг̇ад̇им̣ г̇ажчанд̇о б̣ахуж̇анаахид̇ааяа бадибанно ход̇и б̣ахуж̇анаасукааяа б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. имзхи адтаарасахи вад̇т̇уухи мохааг̇ад̇им̣ г̇ажчанд̇о кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и. мохааг̇ад̇им̣ г̇ажчанд̇о звам̣ мохааг̇ад̇им̣ г̇ажчад̇и.
381.Na mohāgati gantabbāti mohāgatiṃ gacchanto kathaṃ mohāgatiṃ gacchati? Ratto rāgavasena gacchati, duṭṭho dosavasena gacchati, mūḷho mohavasena gacchati, parāmaṭṭho diṭṭhivasena gacchati, mūḷho saṃmūḷho mohābhibhūto adhammaṃ dhammoti dīpeti, dhammaṃ adhammoti dīpeti…pe… duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Imehi aṭṭhārasahi vatthūhi mohāgatiṃ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṃ. Imehi aṭṭhārasahi vatthūhi mohāgatiṃ gacchanto khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Mohāgatiṃ gacchanto evaṃ mohāgatiṃ gacchati.
382. на бхаяааг̇ад̇и г̇анд̇аб̣б̣аад̇и бхаяааг̇ад̇им̣ г̇ажчанд̇о гат̇ам̣ бхаяааг̇ад̇им̣ г̇ажчад̇и? ид̇хзгажжо – ‘‘аяам̣ висаманиссид̇о ваа г̇ахананиссид̇о ваа б̣алаваниссид̇о ваа гагкал̣о парусо ж̇ийвид̇анд̇арааяам̣ ваа б̣рахмажарияанд̇арааяам̣ ваа гариссад̇ий’’д̇и, д̇асса бхаяаа бхийд̇о ад̇хаммам̣ д̇хаммод̇и д̣̇ийбзд̇и, д̇хаммам̣ ад̇хаммод̇и д̣̇ийбзд̇и, авинаяам̣ винаяод̇и д̣̇ийбзд̇и, винаяам̣ авинаяод̇и д̣̇ийбзд̇и, абхаасид̇ам̣ алабид̇ам̣ д̇ат̇ааг̇ад̇зна бхаасид̇ам̣ лабид̇ам̣ д̇ат̇ааг̇ад̇знаад̇и д̣̇ийбзд̇и, бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇и, анаажин̣н̣ам̣ д̇ат̇ааг̇ад̇зна аажин̣н̣ам̣ д̇ат̇ааг̇ад̇знаад̇и д̣̇ийбзд̇и, аажин̣н̣ам̣ д̇ат̇ааг̇ад̇зна анаажин̣н̣ам̣ д̇ат̇ааг̇ад̇знаад̇и д̣̇ийбзд̇и, абан̃н̃ад̇д̇ам̣ д̇ат̇ааг̇ад̇зна бан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и, бан̃н̃ад̇д̇ам̣ д̇ат̇ааг̇ад̇зна абан̃н̃ад̇д̇ам̣ д̇ат̇ааг̇ад̇знаад̇и д̣̇ийбзд̇и, анаабад̇д̇им̣ аабад̇д̇ийд̇и д̣̇ийбзд̇и, аабад̇д̇им̣ анаабад̇д̇ийд̇и д̣̇ийбзд̇и, лахугам̣ аабад̇д̇им̣ г̇аругаа аабад̇д̇ийд̇и д̣̇ийбзд̇и, г̇аругам̣ аабад̇д̇им̣ лахугаа аабад̇д̇ийд̇и д̣̇ийбзд̇и, саавасзсам̣ аабад̇д̇им̣ анавасзсаа аабад̇д̇ийд̇и д̣̇ийбзд̇и, анавасзсам̣ аабад̇д̇им̣ саавасзсаа аабад̇д̇ийд̇и д̣̇ийбзд̇и, д̣̇удтуллам̣ аабад̇д̇им̣ ад̣̇удтуллаа аабад̇д̇ийд̇и д̣̇ийбзд̇и, ад̣̇удтуллам̣ аабад̇д̇им̣ д̣̇удтуллаа аабад̇д̇ийд̇и д̣̇ийбзд̇и. имзхи адтаарасахи вад̇т̇уухи бхаяааг̇ад̇им̣ г̇ажчанд̇о б̣ахуж̇анаахид̇ааяа бадибанно ход̇и б̣ахуж̇анаасукааяа б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. имзхи адтаарасахи вад̇т̇уухи бхаяааг̇ад̇им̣ г̇ажчанд̇о кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и. бхаяааг̇ад̇им̣ г̇ажчанд̇о звам̣ бхаяааг̇ад̇им̣ г̇ажчад̇и.
382.Na bhayāgati gantabbāti bhayāgatiṃ gacchanto kathaṃ bhayāgatiṃ gacchati? Idhekacco – ‘‘ayaṃ visamanissito vā gahananissito vā balavanissito vā kakkhaḷo pharuso jīvitantarāyaṃ vā brahmacariyantarāyaṃ vā karissatī’’ti, tassa bhayā bhīto adhammaṃ dhammoti dīpeti, dhammaṃ adhammoti dīpeti, avinayaṃ vinayoti dīpeti, vinayaṃ avinayoti dīpeti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpeti, bhāsitaṃ lapitaṃ tathāgatena abhāsitaṃ alapitaṃ tathāgatenāti dīpeti, anāciṇṇaṃ tathāgatena āciṇṇaṃ tathāgatenāti dīpeti, āciṇṇaṃ tathāgatena anāciṇṇaṃ tathāgatenāti dīpeti, apaññattaṃ tathāgatena paññattaṃ tathāgatenāti dīpeti, paññattaṃ tathāgatena apaññattaṃ tathāgatenāti dīpeti, anāpattiṃ āpattīti dīpeti, āpattiṃ anāpattīti dīpeti, lahukaṃ āpattiṃ garukā āpattīti dīpeti, garukaṃ āpattiṃ lahukā āpattīti dīpeti, sāvasesaṃ āpattiṃ anavasesā āpattīti dīpeti, anavasesaṃ āpattiṃ sāvasesā āpattīti dīpeti, duṭṭhullaṃ āpattiṃ aduṭṭhullā āpattīti dīpeti, aduṭṭhullaṃ āpattiṃ duṭṭhullā āpattīti dīpeti. Imehi aṭṭhārasahi vatthūhi bhayāgatiṃ gacchanto bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānaṃ. Imehi aṭṭhārasahi vatthūhi bhayāgatiṃ gacchanto khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Bhayāgatiṃ gacchanto evaṃ bhayāgatiṃ gacchati.
чанд̣̇аа д̣̇осаа бхаяаа мохаа, яо д̇хаммам̣ ад̇ивад̇д̇ад̇и;
Chandā dosā bhayā mohā, yo dhammaṃ ativattati;
нихийяад̇и д̇асса яасо, гаал̣абагкзва жанд̣̇имаад̇и.
Nihīyati tassa yaso, kāḷapakkheva candimāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / аг̇ад̇иаг̇анд̇аб̣б̣аван̣н̣анаа • Agatiagantabbavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вохаранд̇зна ж̇аанид̇аб̣б̣аад̣̇иван̣н̣анаа • Voharantena jānitabbādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / аг̇ад̇иаг̇анд̇аб̣б̣аван̣н̣анаа • Agatiagantabbavaṇṇanā
