| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
9. அக்³க³க்³க³ஸமணபஞ்ஹோ
9. Aggaggasamaṇapañho
9. ‘‘ப⁴ந்தே நாக³ஸேன, பா⁴ஸிதம்பேதங் ப⁴க³வதா ‘ஆஸவானங் க²யா ஸமணோ ஹோதீ’தி. புன ச ப⁴ணிதங் –
9. ‘‘Bhante nāgasena, bhāsitampetaṃ bhagavatā ‘āsavānaṃ khayā samaṇo hotī’ti. Puna ca bhaṇitaṃ –
‘‘‘சதுப்³பி⁴ த⁴ம்மேஹி ஸமங்கி³பூ⁴தங், தங் வே நரங் ஸமணங் ஆஹு லோகே’தி.
‘‘‘Catubbhi dhammehi samaṅgibhūtaṃ, taṃ ve naraṃ samaṇaṃ āhu loke’ti.
தத்ரிமே சத்தாரோ த⁴ம்மா க²ந்தி அப்பாஹாரதா ரதிவிப்பஹானங் ஆகிஞ்சஞ்ஞங். ஸப்³பா³னி பனேதானி அபரிக்கீ²ணாஸவஸ்ஸ ஸகிலேஸஸ்ஸேவ ஹொந்தி. யதி³, ப⁴ந்தே நாக³ஸேன, ஆஸவானங் க²யா ஸமணோ ஹோதி, தேன ஹி ‘சதுப்³பி⁴ த⁴ம்மேஹி ஸமங்கி³பூ⁴தங், தங் வே நரங் ஸமணங் ஆஹு லோகே’தி யங் வசனங், தங் மிச்சா². யதி³ சதுப்³பி⁴ த⁴ம்மேஹி ஸமங்கி³பூ⁴தோ ஸமணோ ஹோதி, தேன ஹி ‘ஆஸவானங் க²யா ஸமணோ ஹோதீ’தி தம்பி வசனங் மிச்சா², அயம்பி உப⁴தோ கோடிகோ பஞ்ஹோ தவானுப்பத்தோ, ஸோ தயா நிப்³பா³ஹிதப்³போ³’’தி.
Tatrime cattāro dhammā khanti appāhāratā rativippahānaṃ ākiñcaññaṃ. Sabbāni panetāni aparikkhīṇāsavassa sakilesasseva honti. Yadi, bhante nāgasena, āsavānaṃ khayā samaṇo hoti, tena hi ‘catubbhi dhammehi samaṅgibhūtaṃ, taṃ ve naraṃ samaṇaṃ āhu loke’ti yaṃ vacanaṃ, taṃ micchā. Yadi catubbhi dhammehi samaṅgibhūto samaṇo hoti, tena hi ‘āsavānaṃ khayā samaṇo hotī’ti tampi vacanaṃ micchā, ayampi ubhato koṭiko pañho tavānuppatto, so tayā nibbāhitabbo’’ti.
‘‘பா⁴ஸிதம்பேதங், மஹாராஜ, ப⁴க³வதா ‘ஆஸவானங் க²யா ஸமணோ ஹோதீ’தி. புன ச ப⁴ணிதங் ‘சதுப்³பி⁴ த⁴ம்மேஹி ஸமங்கி³பூ⁴தங், தங் வே நரங் ஸமணங் ஆஹு லோகே’தி. ததி³த³ங், மஹாராஜ, வசனங் தேஸங் தேஸங் புக்³க³லானங் கு³ணவஸேன ப⁴ணிதங் ‘சதுப்³பி⁴ த⁴ம்மேஹி ஸமங்கி³பூ⁴தங், தங் வே நரங் ஸமணங் ஆஹு லோகே’தி, இத³ங் பன நிரவஸேஸவசனங் ‘ஆஸவானங் க²யா ஸமணோ ஹோதீ’தி.
‘‘Bhāsitampetaṃ, mahārāja, bhagavatā ‘āsavānaṃ khayā samaṇo hotī’ti. Puna ca bhaṇitaṃ ‘catubbhi dhammehi samaṅgibhūtaṃ, taṃ ve naraṃ samaṇaṃ āhu loke’ti. Tadidaṃ, mahārāja, vacanaṃ tesaṃ tesaṃ puggalānaṃ guṇavasena bhaṇitaṃ ‘catubbhi dhammehi samaṅgibhūtaṃ, taṃ ve naraṃ samaṇaṃ āhu loke’ti, idaṃ pana niravasesavacanaṃ ‘āsavānaṃ khayā samaṇo hotī’ti.
‘‘அபி ச, மஹாராஜ, யே கேசி கிலேஸூபஸமாய படிபன்னா, தே ஸப்³பே³ உபாதா³யுபாதா³ய ஸமணோ கீ²ணாஸவோ அக்³க³மக்கா²யதி. யதா², மஹாராஜ, யானி கானிசி ஜலஜத²லஜபுப்பா²னி, வஸ்ஸிகங் தேஸங் அக்³க³மக்கா²யதி, அவஸேஸானி யானி கானிசி விவிதா⁴னி புப்ப²ஜாதானி, ஸப்³பா³னி தானி புப்பா²னி யேவ, உபாதா³யுபாதா³ய பன வஸ்ஸிகங் யேவ புப்ப²ங் ஜனஸ்ஸ பத்தி²தங் பிஹயிதங். ஏவமேவ கோ², மஹாராஜ, யே கேசி கிலேஸூபஸமாய படிபன்னா, தே ஸப்³பே³ உபாதா³யுபாதா³ய ஸமணோ கீ²ணாஸவோ அக்³க³மக்கா²யதி.
‘‘Api ca, mahārāja, ye keci kilesūpasamāya paṭipannā, te sabbe upādāyupādāya samaṇo khīṇāsavo aggamakkhāyati. Yathā, mahārāja, yāni kānici jalajathalajapupphāni, vassikaṃ tesaṃ aggamakkhāyati, avasesāni yāni kānici vividhāni pupphajātāni, sabbāni tāni pupphāni yeva, upādāyupādāya pana vassikaṃ yeva pupphaṃ janassa patthitaṃ pihayitaṃ. Evameva kho, mahārāja, ye keci kilesūpasamāya paṭipannā, te sabbe upādāyupādāya samaṇo khīṇāsavo aggamakkhāyati.
‘‘யதா² வா பன, மஹாராஜ, ஸப்³ப³த⁴ஞ்ஞானங் ஸாலி அக்³க³மக்கா²யதி, யா காசி அவஸேஸா விவிதா⁴ த⁴ஞ்ஞஜாதியோ, தா ஸப்³பா³ உபாதா³யுபாதா³ய போ⁴ஜனானி ஸரீரயாபனாய, ஸாலி யேவ தேஸங் அக்³க³மக்கா²யதி. ஏவமேவ கோ², மஹாராஜ, யே கேசி கிலேஸூபஸமாய படிபன்னா, தே ஸப்³பே³ உபாதா³யுபாதா³ய ஸமணோ கீ²ணாஸவோ அக்³க³மக்கா²யதீ’’தி. ‘‘ஸாது⁴, ப⁴ந்தே நாக³ஸேன, ஏவமேதங் ததா² ஸம்படிச்சா²மீ’’தி.
‘‘Yathā vā pana, mahārāja, sabbadhaññānaṃ sāli aggamakkhāyati, yā kāci avasesā vividhā dhaññajātiyo, tā sabbā upādāyupādāya bhojanāni sarīrayāpanāya, sāli yeva tesaṃ aggamakkhāyati. Evameva kho, mahārāja, ye keci kilesūpasamāya paṭipannā, te sabbe upādāyupādāya samaṇo khīṇāsavo aggamakkhāyatī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
அக்³க³க்³க³ஸமணபஞ்ஹோ நவமோ.
Aggaggasamaṇapañho navamo.
