| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
4. аг̇г̇ан̃н̃асуд̇д̇аван̣н̣анаа
4. Aggaññasuttavaṇṇanā
ваасздтабхаарад̣̇вааж̇аван̣н̣анаа
Vāseṭṭhabhāradvājavaṇṇanā
111. звам̣ мз суд̇анд̇и аг̇г̇ан̃н̃асуд̇д̇ам̣. д̇ад̇рааяамануд̇д̇аанабад̣̇аван̣н̣анаа – буб̣б̣аараамз миг̇аарамаад̇убаасаад̣̇зд̇и зд̇т̇а аяам̣ анубуб̣б̣игат̇аа. ад̇ийд̇з сад̇асахассагаббамад̇т̇агз згаа убаасигаа бад̣̇умуд̇д̇арам̣ бхаг̇аванд̇ам̣ ниманд̇зд̇ваа б̣уд̣̇д̇хаббамукасса бхигкусад̇асахассасса д̣̇аанам̣ д̣̇ад̇ваа бхаг̇авад̇о баад̣̇амуулз нибаж̇ж̇ид̇ваа ‘‘анааг̇ад̇з д̇умхаад̣̇исасса б̣уд̣̇д̇хасса аг̇г̇убадтааяигаа хомий’’д̇и бад̇т̇анам̣ агааси. саа габбасад̇асахассам̣ д̣̇звзсу жзва мануссзсу жа сам̣сарид̇ваа амхаагам̣ бхаг̇авад̇о гаалз бхад̣̇д̣̇ияанаг̇арз мзн̣д̣агасздтибуд̇д̇асса д̇ханан̃жаяасздтино г̇зхз суманад̣̇звияаа гужчимхи бадисанд̇хим̣ г̇ан̣хи. ж̇аад̇агаалз д̇ассаа висаакаад̇и наамам̣ агам̣су. саа яад̣̇аа бхаг̇аваа бхад̣̇д̣̇ияанаг̇арам̣ ааг̇амааси, д̇ад̣̇аа бан̃жад̣̇аасисад̇зхи сад̣̇д̇хим̣ бхаг̇авад̇о бажжуг̇г̇аманам̣ гад̇ваа батамад̣̇ассанамхиязва сод̇аабаннаа ахоси.
111.Evaṃme sutanti aggaññasuttaṃ. Tatrāyamanuttānapadavaṇṇanā – pubbārāme migāramātupāsādeti ettha ayaṃ anupubbikathā. Atīte satasahassakappamatthake ekā upāsikā padumuttaraṃ bhagavantaṃ nimantetvā buddhappamukhassa bhikkhusatasahassassa dānaṃ datvā bhagavato pādamūle nipajjitvā ‘‘anāgate tumhādisassa buddhassa aggupaṭṭhāyikā homī’’ti patthanaṃ akāsi. Sā kappasatasahassaṃ devesu ceva manussesu ca saṃsaritvā amhākaṃ bhagavato kāle bhaddiyanagare meṇḍakaseṭṭhiputtassa dhanañcayaseṭṭhino gehe sumanadeviyā kucchimhi paṭisandhiṃ gaṇhi. Jātakāle tassā visākhāti nāmaṃ akaṃsu. Sā yadā bhagavā bhaddiyanagaraṃ āgamāsi, tadā pañcadāsisatehi saddhiṃ bhagavato paccuggamanaṃ katvā paṭhamadassanamhiyeva sotāpannā ahosi.
абарабхааг̇з саавад̇т̇ияам̣ миг̇аарасздтибуд̇д̇асса бун̣н̣авад̣дханагумаарасса г̇зхам̣ г̇ад̇аа. д̇ад̇т̇а нам̣ миг̇аарасздти маад̇удтаанз табзси. д̇асмаа миг̇аарамаад̇аад̇и вужжад̇и. бад̇игулам̣ г̇ажчанд̇ияаа жассаа бид̇аа махаалад̇аабил̣анд̇ханам̣ наама гаараабзси. д̇асмим̣ бил̣анд̇ханз жад̇ассо важ̇иранаал̣ияо убаяог̇ам̣ аг̇амам̣су, муд̇д̇аанам̣ згаад̣̇аса наал̣ияо, баваал̣асса д̣̇ваавийсад̇и наал̣ияо, ман̣ийнам̣ д̇зд̇д̇им̣са наал̣ияо. ид̇и зд̇зхи жа ан̃н̃зхи жа сад̇д̇ахи рад̇анзхи нидтаанам̣ аг̇амааси. д̇ам̣ сийсз бадимуггам̣ яаава баад̣̇абидтияаа бхассад̇и. бан̃жаннам̣ хад̇т̇ийнам̣ б̣алам̣ д̇хаараяамаанаава нам̣ ид̇т̇ий д̇хаарзд̇ум̣ саггод̇и. саа абарабхааг̇з д̣̇асаб̣аласса аг̇г̇убадтааяигаа худ̇ваа д̇ам̣ басаад̇ханам̣ виссаж̇ж̇зд̇ваа навахи годийхи бхаг̇авад̇о вихаарам̣ гаараяамаанаа гарийсамад̇д̇з бхуумибхааг̇з баасаад̣̇ам̣ гаарзси . д̇асса убарибхуумияам̣ бан̃жа г̇аб̣бхасад̇аани хонд̇и, хздтимабхуумияам̣ бан̃жаад̇и г̇аб̣бхасахассаббадиман̣д̣ид̇о ахоси. саа ‘‘суд̣̇д̇хабаасаад̣̇ова на собхад̇ий’’д̇и д̇ам̣ бариваарзд̇ваа бан̃жа д̣̇увад̣дхаг̇зхасад̇аани, бан̃жа жуул̣абаасаад̣̇асад̇аани , бан̃жа д̣̇ийгхасааласад̇аани жа гаараабзси. вихаарамахо жад̇уухи маасзхи нидтаанам̣ аг̇амааси.
Aparabhāge sāvatthiyaṃ migāraseṭṭhiputtassa puṇṇavaḍḍhanakumārassa gehaṃ gatā. Tattha naṃ migāraseṭṭhi mātuṭṭhāne ṭhapesi. Tasmā migāramātāti vuccati. Patikulaṃ gacchantiyā cassā pitā mahālatāpiḷandhanaṃ nāma kārāpesi. Tasmiṃ piḷandhane catasso vajiranāḷiyo upayogaṃ agamaṃsu, muttānaṃ ekādasa nāḷiyo, pavāḷassa dvāvīsati nāḷiyo, maṇīnaṃ tettiṃsa nāḷiyo. Iti etehi ca aññehi ca sattahi ratanehi niṭṭhānaṃ agamāsi. Taṃ sīse paṭimukkaṃ yāva pādapiṭṭhiyā bhassati. Pañcannaṃ hatthīnaṃ balaṃ dhārayamānāva naṃ itthī dhāretuṃ sakkoti. Sā aparabhāge dasabalassa aggupaṭṭhāyikā hutvā taṃ pasādhanaṃ vissajjetvā navahi koṭīhi bhagavato vihāraṃ kārayamānā karīsamatte bhūmibhāge pāsādaṃ kāresi . Tassa uparibhūmiyaṃ pañca gabbhasatāni honti, heṭṭhimabhūmiyaṃ pañcāti gabbhasahassappaṭimaṇḍito ahosi. Sā ‘‘suddhapāsādova na sobhatī’’ti taṃ parivāretvā pañca duvaḍḍhagehasatāni, pañca cūḷapāsādasatāni , pañca dīghasālasatāni ca kārāpesi. Vihāramaho catūhi māsehi niṭṭhānaṃ agamāsi.
маад̇уг̇аамад̇д̇абхаавз тид̇ааяа висаакааяа вияа ан̃н̃иссаа б̣уд̣̇д̇хасаасанз д̇ханабарижжааг̇о наама над̇т̇и, бурисад̇д̇абхаавз тид̇асса анаат̇абин̣д̣игасса вияа ан̃н̃ассаад̇и. со хи жад̇убан̣н̣аасагодияо виссаж̇ж̇зд̇ваа саавад̇т̇ияаа д̣̇агкин̣абхааг̇з анураад̇хабурасса махаавихаарасад̣̇исз таанз ж̇зд̇аванамахаавихаарам̣ наама гаарзси. висаакаа саавад̇т̇ияаа баажийнабхааг̇з уд̇д̇арад̣̇звияаа вихаарасад̣̇исз таанз буб̣б̣аараамам̣ наама гаарзси. бхаг̇аваа имзсам̣ д̣̇виннам̣ гулаанам̣ анугамбааяа саавад̇т̇им̣ ниссааяа вихаранд̇о имзсу д̣̇вийсу вихаарзсу ниб̣ад̣̇д̇хаваасам̣ васи. згам̣ анд̇овассам̣ ж̇зд̇аванз васад̇и, згам̣ буб̣б̣аараамз. д̇асмим̣ самаяз бана бхаг̇аваа буб̣б̣аараамз вихарад̇и. д̇зна вуд̇д̇ам̣ ‘‘буб̣б̣аараамз миг̇аарамаад̇убаасаад̣̇з’’д̇и.
Mātugāmattabhāve ṭhitāya visākhāya viya aññissā buddhasāsane dhanapariccāgo nāma natthi, purisattabhāve ṭhitassa anāthapiṇḍikassa viya aññassāti. So hi catupaṇṇāsakoṭiyo vissajjetvā sāvatthiyā dakkhiṇabhāge anurādhapurassa mahāvihārasadise ṭhāne jetavanamahāvihāraṃ nāma kāresi. Visākhā sāvatthiyā pācīnabhāge uttaradeviyā vihārasadise ṭhāne pubbārāmaṃ nāma kāresi. Bhagavā imesaṃ dvinnaṃ kulānaṃ anukampāya sāvatthiṃ nissāya viharanto imesu dvīsu vihāresu nibaddhavāsaṃ vasi. Ekaṃ antovassaṃ jetavane vasati, ekaṃ pubbārāme. Tasmiṃ samaye pana bhagavā pubbārāme viharati. Tena vuttaṃ ‘‘pubbārāme migāramātupāsāde’’ti.
ваасздтабхаарад̣̇вааж̇аад̇и ваасздто жа сааман̣зро бхаарад̣̇вааж̇о жа. бхигкуусу баривасанд̇ийд̇и д̇з нзва д̇ид̇т̇ияабариваасам̣ васанд̇и, на аабад̇д̇ибариваасам̣. абарибун̣н̣авассад̇д̇аа бана бхигкубхаавам̣ бад̇т̇аяамаанаа васанд̇и. д̇знзвааха ‘‘бхигкубхаавам̣ ааган̇камаанаа’’д̇и. убхоби хзд̇з уд̣̇ижжаб̣раахман̣амахаасаалагулз ниб̣б̣ад̇д̇аа, жад̇д̇аалийса жад̇д̇аалийса годивибхаваа д̇ин̣н̣ам̣ взд̣̇аанам̣ баараг̇уу маж̇жхиманигааяз ваасздтасуд̇д̇ам̣ суд̇ваа саран̣ам̣ г̇ад̇аа, д̇звиж̇ж̇асуд̇д̇ам̣ суд̇ваа баб̣б̣аж̇ид̇ваа имасмим̣ гаалз бхигкубхаавам̣ ааган̇камаанаа баривасанд̇и. аб̣бхогаасз жан̇гамад̇ийд̇и уд̇д̇арад̣̇агкин̣зна ааяад̇асса баасаад̣̇асса бурад̇т̇имад̣̇исаабхааг̇з баасаад̣̇ажчааяааяам̣ яанд̇араж̇ж̇уухи аагад̣дхияамаанам̣ рад̇анасад̇уб̣б̣зд̇хам̣ суван̣н̣ааг̇гхигам̣ вияа анилабат̇з вид̇хааванд̇ийхи чаб̣б̣ан̣н̣аахи б̣уд̣̇д̇харасмийхи собхамаано абараабарам̣ жан̇гамад̇и.
Vāseṭṭhabhāradvājāti vāseṭṭho ca sāmaṇero bhāradvājo ca. Bhikkhūsu parivasantīti te neva titthiyaparivāsaṃ vasanti, na āpattiparivāsaṃ. Aparipuṇṇavassattā pana bhikkhubhāvaṃ patthayamānā vasanti. Tenevāha ‘‘bhikkhubhāvaṃ ākaṅkhamānā’’ti. Ubhopi hete udiccabrāhmaṇamahāsālakule nibbattā, cattālīsa cattālīsa koṭivibhavā tiṇṇaṃ vedānaṃ pāragū majjhimanikāye vāseṭṭhasuttaṃ sutvā saraṇaṃ gatā, tevijjasuttaṃ sutvā pabbajitvā imasmiṃ kāle bhikkhubhāvaṃ ākaṅkhamānā parivasanti. Abbhokāse caṅkamatīti uttaradakkhiṇena āyatassa pāsādassa puratthimadisābhāge pāsādacchāyāyaṃ yantarajjūhi ākaḍḍhiyamānaṃ ratanasatubbedhaṃ suvaṇṇaagghikaṃ viya anilapathe vidhāvantīhi chabbaṇṇāhi buddharasmīhi sobhamāno aparāparaṃ caṅkamati.
113. анужан̇гамим̣сууд̇и ан̃ж̇алим̣ баг̇г̇аяха онад̇асарийраа худ̇ваа анувад̇д̇амаанаа жан̇гамим̣су. ваасздтам̣ ааманд̇зсийд̇и со д̇зсам̣ бан̣д̣ид̇ад̇аро г̇ахзд̇аб̣б̣ам̣ виссаж̇ж̇зд̇аб̣б̣ан̃жа ж̇аанаад̇и, д̇асмаа д̇ам̣ ааманд̇зси. д̇умхз квад̇т̇аад̇и д̇умхз ко ад̇т̇а. б̣раахман̣аж̇ажжаад̇и, б̣раахман̣аж̇аад̇игаа. б̣раахман̣агулийнаад̇и б̣раахман̣зсу гулийнаа гуласамбаннаа. б̣раахман̣агулаад̇и б̣раахман̣агулад̇о, бхог̇аад̣̇исамбаннам̣ б̣раахман̣агулам̣ бахааяаад̇и ад̇т̇о. на аггосанд̇ийд̇и д̣̇асавид̇хзна аггосавад̇т̇унаа на аггосанд̇и. на барибхаасанд̇ийд̇и наанаавид̇хааяа барибхавагат̇ааяа на барибхаасанд̇ийд̇и ад̇т̇о. ид̇и бхаг̇аваа ‘‘б̣раахман̣аа имз сааман̣зрз аггосанд̇и барибхаасанд̇ий’’д̇и ж̇аанамаанова бужчад̇и. гасмаа? имз маяаа абужчид̇аа батамад̇арам̣ на гат̇зссанд̇и, агат̇ид̇з гат̇аа на самудтаад̇ийд̇и гат̇аасамудтаабанад̇т̇ааяа. д̇аг̇гхаад̇и згам̣саважанз нибаад̇о, згам̣сзнзва но, бханд̇з, б̣раахман̣аа аггосанд̇и барибхаасанд̇ийд̇и вуд̇д̇ам̣ ход̇и. ад̇д̇аруубааяаад̇и ад̇д̇ано ануруубааяа. барибун̣н̣ааяаад̇и яат̇ааружи бад̣̇аб̣яан̃ж̇анаани ааробзд̇ваа ааробзд̇ваа барибуурид̇ааяа. но абарибун̣н̣ааяаад̇и анд̇араа адтабид̇ааяа ниранд̇арам̣ бавад̇д̇ааяа.
113.Anucaṅkamiṃsūti añjaliṃ paggayha onatasarīrā hutvā anuvattamānā caṅkamiṃsu. Vāseṭṭhaṃ āmantesīti so tesaṃ paṇḍitataro gahetabbaṃ vissajjetabbañca jānāti, tasmā taṃ āmantesi. Tumhe khvatthāti tumhe kho attha. Brāhmaṇajaccāti, brāhmaṇajātikā. Brāhmaṇakulīnāti brāhmaṇesu kulīnā kulasampannā. Brāhmaṇakulāti brāhmaṇakulato, bhogādisampannaṃ brāhmaṇakulaṃ pahāyāti attho. Na akkosantīti dasavidhena akkosavatthunā na akkosanti. Na paribhāsantīti nānāvidhāya paribhavakathāya na paribhāsantīti attho. Iti bhagavā ‘‘brāhmaṇā ime sāmaṇere akkosanti paribhāsantī’’ti jānamānova pucchati. Kasmā? Ime mayā apucchitā paṭhamataraṃ na kathessanti, akathite kathā na samuṭṭhātīti kathāsamuṭṭhāpanatthāya. Tagghāti ekaṃsavacane nipāto, ekaṃseneva no, bhante, brāhmaṇā akkosanti paribhāsantīti vuttaṃ hoti. Attarūpāyāti attano anurūpāya. Paripuṇṇāyāti yathāruci padabyañjanāni āropetvā āropetvā paripūritāya. No aparipuṇṇāyāti antarā aṭṭhapitāya nirantaraṃ pavattāya.
гасмаа бана б̣раахман̣аа имз сааман̣зрз аггосанд̇ийд̇и? аббад̇идтад̇ааяа. имз хи сааман̣зраа аг̇г̇аб̣раахман̣аанам̣ буд̇д̇аа д̇ин̣н̣ам̣ взд̣̇аанам̣ баараг̇уу ж̇амб̣уд̣̇ийбз б̣раахман̣аанам̣ анд̇арз баагадаа самбхаавид̇аа д̇зсам̣ баб̣б̣аж̇ид̇ад̇д̇аа ан̃н̃з б̣раахман̣абуд̇д̇аа баб̣б̣аж̇им̣су. ат̇а ко б̣раахман̣аа ‘‘абад̇идтаа маяам̣ ж̇аад̇аа’’д̇и имааяа аббад̇идтад̇ааяа г̇аамад̣̇ваарзби анд̇ог̇аамзби д̇з д̣̇исваа ‘‘д̇умхзхи б̣раахман̣асамаяо бхинно, мун̣д̣асаман̣агасса бажчад̇о бажчад̇о расаг̇ид̣̇д̇хаа худ̇ваа вижарат̇аа’’д̇иаад̣̇ийни жзва баал̣ияам̣ ааг̇ад̇аани ‘‘б̣раахман̣ова сздто ван̣н̣о’’д̇иаад̣̇ийни жа вад̇ваа аггосанд̇и. сааман̣зраа д̇зсу аггосанд̇зсуби гобам̣ ваа аагхаад̇ам̣ ваа агад̇ваа гзвалам̣ бхаг̇авад̇аа будтаа ‘‘д̇аг̇гха но, бханд̇з, б̣раахман̣аа аггосанд̇и барибхаасанд̇ий’’д̇и аарожзсум̣. ат̇а нз бхаг̇аваа аггосанаагаарам̣ бужчанд̇о яат̇аа гат̇ам̣ бана вод̇и бужчад̇и. д̇з аажигканд̇аа б̣раахман̣аа бханд̇зд̇иаад̣̇имаахам̣су.
Kasmā pana brāhmaṇā ime sāmaṇere akkosantīti? Appatiṭṭhatāya. Ime hi sāmaṇerā aggabrāhmaṇānaṃ puttā tiṇṇaṃ vedānaṃ pāragū jambudīpe brāhmaṇānaṃ antare pākaṭā sambhāvitā tesaṃ pabbajitattā aññe brāhmaṇaputtā pabbajiṃsu. Atha kho brāhmaṇā ‘‘apatiṭṭhā mayaṃ jātā’’ti imāya appatiṭṭhatāya gāmadvārepi antogāmepi te disvā ‘‘tumhehi brāhmaṇasamayo bhinno, muṇḍasamaṇakassa pacchato pacchato rasagiddhā hutvā vicarathā’’tiādīni ceva pāḷiyaṃ āgatāni ‘‘brāhmaṇova seṭṭho vaṇṇo’’tiādīni ca vatvā akkosanti. Sāmaṇerā tesu akkosantesupi kopaṃ vā āghātaṃ vā akatvā kevalaṃ bhagavatā puṭṭhā ‘‘taggha no, bhante, brāhmaṇā akkosanti paribhāsantī’’ti ārocesuṃ. Atha ne bhagavā akkosanākāraṃ pucchanto yathā kathaṃ pana voti pucchati. Te ācikkhantā brāhmaṇā bhantetiādimāhaṃsu.
д̇ад̇т̇а сздто ван̣н̣од̇и ж̇аад̇иг̇од̇д̇аад̣̇ийнам̣ бан̃н̃аабанадтаанз б̣раахман̣ова сздтод̇и д̣̇ассзнд̇и. хийнаа ан̃н̃з ван̣н̣аад̇и ид̇арз д̇аяо ван̣н̣аа хийнаа лаамагаад̇и вад̣̇анд̇и. суггод̇и бан̣д̣аро. ган̣ход̇и гаал̣аго. суж̇жханд̇ийд̇и ж̇аад̇иг̇од̇д̇аад̣̇ийнам̣ бан̃н̃аабанадтаанз суж̇жханд̇и. б̣рахмуно буд̇д̇аад̇и махааб̣рахмуно буд̇д̇аа. орасаа мукад̇о ж̇аад̇аад̇и урз васид̇ваа мукад̇о нигканд̇аа, урз гад̇ваа сам̣вад̣дхид̇аад̇и ваа орасаа. б̣рахмаж̇аад̇и б̣рахмад̇о ниб̣б̣ад̇д̇аа. б̣рахманиммид̇аад̇и б̣рахмунаа ниммид̇аа. б̣рахмад̣̇ааяаад̣̇аад̇и б̣рахмуно д̣̇ааяаад̣̇аа. хийнамад̇т̇а ван̣н̣ам̣ аж̇жхубаг̇ад̇аад̇и хийнам̣ ван̣н̣ам̣ аж̇жхубаг̇ад̇аа ад̇т̇а. мун̣д̣агз саман̣агзд̇и нинд̣̇анд̇аа ж̇иг̇ужчанд̇аа вад̣̇анд̇и, на мун̣д̣агамад̇д̇ан̃жзва саман̣амад̇д̇ан̃жа санд̇хааяа. иб̣бхзд̇и г̇ахабад̇игз. ган̣хзд̇и гаал̣агз. б̣анд̇хууд̇и маарасса б̣анд̇хубхууд̇з маарабагкигз. баад̣̇аабажжзд̇и махааб̣рахмуно баад̣̇аанам̣ абажжабхууд̇з баад̣̇ад̇о ж̇аад̇зд̇и ад̇хиббааяо.
Tattha seṭṭho vaṇṇoti jātigottādīnaṃ paññāpanaṭṭhāne brāhmaṇova seṭṭhoti dassenti. Hīnā aññe vaṇṇāti itare tayo vaṇṇā hīnā lāmakāti vadanti. Sukkoti paṇḍaro. Kaṇhoti kāḷako. Sujjhantīti jātigottādīnaṃ paññāpanaṭṭhāne sujjhanti. Brahmuno puttāti mahābrahmuno puttā. Orasā mukhato jātāti ure vasitvā mukhato nikkhantā, ure katvā saṃvaḍḍhitāti vā orasā. Brahmajāti brahmato nibbattā. Brahmanimmitāti brahmunā nimmitā. Brahmadāyādāti brahmuno dāyādā. Hīnamattha vaṇṇaṃ ajjhupagatāti hīnaṃ vaṇṇaṃ ajjhupagatā attha. Muṇḍakesamaṇaketi nindantā jigucchantā vadanti, na muṇḍakamattañceva samaṇamattañca sandhāya. Ibbheti gahapatike. Kaṇheti kāḷake. Bandhūti mārassa bandhubhūte mārapakkhike. Pādāpacceti mahābrahmuno pādānaṃ apaccabhūte pādato jāteti adhippāyo.
114. ‘‘д̇аг̇гха во, ваасздта, б̣раахман̣аа бораан̣ам̣ ассаранд̇аа звамаахам̣суу’’д̇и зд̇т̇а вод̇и нибаад̇амад̇д̇ам̣, саамиважанам̣ ваа, д̇умхаагам̣ б̣раахман̣аад̇и ад̇т̇о. бораан̣анд̇и бораан̣агам̣ аг̇г̇ан̃н̃ам̣ логуббад̇д̇ижарияавам̣сам̣. ассаранд̇аад̇и ассарамаанаа. ид̣̇ам̣ вуд̇д̇ам̣ ход̇и, згам̣сзна во, ваасздта, б̣раахман̣аа бораан̣ам̣ логуббад̇д̇им̣ анануссаранд̇аа аж̇аананд̇аа звам̣ вад̣̇анд̇ийд̇и. ‘‘д̣̇иссанд̇и ко банаа’’д̇и звамаад̣̇и д̇зсам̣ лад̣̇д̇хибхинд̣̇анад̇т̇ааяа вуд̇д̇ам̣. д̇ад̇т̇а б̣раахман̣ияод̇и б̣раахман̣аанам̣ буд̇д̇аббадилаабхад̇т̇ааяа ааваахавиваахавасзна гулам̣ аанийд̇аа б̣раахман̣ияо д̣̇иссанд̇и. д̇аа ко банзд̇аа абарзна самаязна уд̇унияоби хонд̇и, сан̃ж̇аад̇абубпаад̇и ад̇т̇о. г̇аб̣бхинияод̇и сан̃ж̇аад̇аг̇аб̣бхаа. виж̇ааяамаанаад̇и буд̇д̇ад̇хийд̇аро ж̇анаяамаанаа. бааяамаанаад̇и д̣̇аарагз т̇ан̃н̃ам̣ бааяанд̇ияо. яониж̇аава самаанаад̇и б̣раахман̣ийнам̣ бассаавамаг̇г̇зна ж̇аад̇аа самаанаа. звамаахам̣сууд̇и звам̣ вад̣̇анд̇и. гат̇ам̣? ‘‘б̣раахман̣ова сздто ван̣н̣о…бз… б̣рахмад̣̇ааяаад̣̇аа’’д̇и. яад̣̇и бана нзсам̣ д̇ам̣ сажжаважанам̣ сияаа, б̣раахман̣ийнам̣ гужчи махааб̣рахмасса уро бхавзяяа, б̣раахман̣ийнам̣ бассаавамаг̇г̇о махааб̣рахмуно мукам̣ бхавзяяа, на ко банзд̇ам̣ звам̣ д̣̇адтаб̣б̣ам̣. д̇знааха ‘‘д̇з жа б̣рахмуунан̃жзва аб̣бхаажигканд̇ий’’д̇иаад̣̇и.
114. ‘‘Taggha vo, vāseṭṭha, brāhmaṇā porāṇaṃ assarantā evamāhaṃsū’’ti ettha voti nipātamattaṃ, sāmivacanaṃ vā, tumhākaṃ brāhmaṇāti attho. Porāṇanti porāṇakaṃ aggaññaṃ lokuppatticariyavaṃsaṃ. Assarantāti assaramānā. Idaṃ vuttaṃ hoti, ekaṃsena vo, vāseṭṭha, brāhmaṇā porāṇaṃ lokuppattiṃ ananussarantā ajānantā evaṃ vadantīti. ‘‘Dissanti kho panā’’ti evamādi tesaṃ laddhibhindanatthāya vuttaṃ. Tattha brāhmaṇiyoti brāhmaṇānaṃ puttappaṭilābhatthāya āvāhavivāhavasena kulaṃ ānītā brāhmaṇiyo dissanti. Tā kho panetā aparena samayena utuniyopi honti, sañjātapupphāti attho. Gabbhiniyoti sañjātagabbhā. Vijāyamānāti puttadhītaro janayamānā. Pāyamānāti dārake thaññaṃ pāyantiyo. Yonijāva samānāti brāhmaṇīnaṃ passāvamaggena jātā samānā. Evamāhaṃsūti evaṃ vadanti. Kathaṃ? ‘‘Brāhmaṇova seṭṭho vaṇṇo…pe… brahmadāyādā’’ti. Yadi pana nesaṃ taṃ saccavacanaṃ siyā, brāhmaṇīnaṃ kucchi mahābrahmassa uro bhaveyya, brāhmaṇīnaṃ passāvamaggo mahābrahmuno mukhaṃ bhaveyya, na kho panetaṃ evaṃ daṭṭhabbaṃ. Tenāha ‘‘te ca brahmūnañceva abbhācikkhantī’’tiādi.
жад̇уван̣н̣асуд̣̇д̇хиван̣н̣анаа
Catuvaṇṇasuddhivaṇṇanā
зд̇д̇аавад̇аа ‘‘маяам̣ махааб̣рахмуно урз васид̇ваа мукад̇о нигканд̇аад̇и вад̇д̇ум̣ маа лабханд̇уу’’д̇и имам̣ мукажчзд̣̇агаваад̣̇ам̣ вад̇ваа буна жад̇д̇аароби ван̣н̣аа гусалз д̇хаммз самаад̣̇ааяа вад̇д̇анд̇аава суж̇жханд̇ийд̇и д̣̇ассанад̇т̇ам̣ жад̇д̇ааромз, ваасздта, ван̣н̣аад̇иаад̣̇имааха. агусаласан̇каад̇аад̇и агусалаад̇и сан̇каад̇аа агусалагодтаасабхууд̇аа ваа. зса наяо саб̣б̣ад̇т̇а. на аламарияаад̇и арияабхаавз асамад̇т̇аа. ган̣хаад̇и багад̇игаал̣агаа. ган̣хавибаагаад̇и вибаагоби нзсам̣ ган̣хо д̣̇угкод̇и ад̇т̇о. кад̇д̇иязби д̇зд̇и кад̇д̇ияамхиби д̇з. згажжзд̇и згасмим̣. зса наяо саб̣б̣ад̇т̇а.
Ettāvatā ‘‘mayaṃ mahābrahmuno ure vasitvā mukhato nikkhantāti vattuṃ mā labhantū’’ti imaṃ mukhacchedakavādaṃ vatvā puna cattāropi vaṇṇā kusale dhamme samādāya vattantāva sujjhantīti dassanatthaṃ cattārome, vāseṭṭha, vaṇṇātiādimāha. Akusalasaṅkhātāti akusalāti saṅkhātā akusalakoṭṭhāsabhūtā vā. Esa nayo sabbattha. Na alamariyāti ariyabhāve asamatthā. Kaṇhāti pakatikāḷakā. Kaṇhavipākāti vipākopi nesaṃ kaṇho dukkhoti attho. Khattiyepi teti khattiyamhipi te. Ekacceti ekasmiṃ. Esa nayo sabbattha.
суггаад̇и ниггилзсабхаавзна бан̣д̣араа. суггавибаагаад̇и вибаагоби нзсам̣ сугго сукод̇и ад̇т̇о.
Sukkāti nikkilesabhāvena paṇḍarā. Sukkavipākāti vipākopi nesaṃ sukko sukhoti attho.
116. убхаяавогин̣н̣зсу вад̇д̇амаанзсууд̇и убхаязсу вогин̣н̣зсу миссийбхууд̇зсу худ̇ваа вад̇д̇амаанзсу. гад̇амзсу убхаязсууд̇и? ган̣хасуггзсу д̇хаммзсу вин̃н̃уг̇арахид̇зсу жзва вин̃н̃уббасад̇т̇зсу жа. яад̣̇зд̇т̇а б̣раахман̣аа звамаахам̣сууд̇и зд̇т̇а зд̇зсу ган̣хасуггад̇хаммзсу вад̇д̇амаанааби б̣раахман̣аа яад̣̇зд̇ам̣ звам̣ вад̣̇анд̇и ‘‘б̣раахман̣ова сздто ван̣н̣о’’д̇иаад̣̇и. д̇ам̣ нзсам̣ вин̃н̃уу наануж̇аананд̇ийд̇и яз логз бан̣д̣ид̇аа, д̇з наанумод̣̇анд̇и, на басам̣санд̇ийд̇и ад̇т̇о. д̇ам̣ гисса хзд̇у? имзсан̃хи ваасздтаад̇иаад̣̇имхи аяам̣ сан̇кзбад̇т̇о. яам̣ вуд̇д̇ам̣ наануж̇аананд̇ийд̇и, д̇ам̣ гасмаад̇и жз? яасмаа имзсам̣ жад̇уннам̣ ван̣н̣аанам̣ яо бхигку арахам̣…бз… саммад̣̇ан̃н̃аа вимуд̇д̇о, со д̇зсам̣ аг̇г̇амагкааяад̇и, д̇з жа на зваруубаа. д̇асмаа нзсам̣ вин̃н̃уу наануж̇аананд̇и.
116.Ubhayavokiṇṇesu vattamānesūti ubhayesu vokiṇṇesu missībhūtesu hutvā vattamānesu. Katamesu ubhayesūti? Kaṇhasukkesu dhammesu viññugarahitesu ceva viññuppasatthesu ca. Yadettha brāhmaṇā evamāhaṃsūti ettha etesu kaṇhasukkadhammesu vattamānāpi brāhmaṇā yadetaṃ evaṃ vadanti ‘‘brāhmaṇova seṭṭho vaṇṇo’’tiādi. Taṃ nesaṃ viññū nānujānantīti ye loke paṇḍitā, te nānumodanti, na pasaṃsantīti attho. Taṃ kissa hetu? Imesañhi vāseṭṭhātiādimhi ayaṃ saṅkhepattho. Yaṃ vuttaṃ nānujānantīti, taṃ kasmāti ce? Yasmā imesaṃ catunnaṃ vaṇṇānaṃ yo bhikkhu arahaṃ…pe… sammadaññā vimutto, so tesaṃ aggamakkhāyati, te ca na evarūpā. Tasmā nesaṃ viññū nānujānanti.
араханд̇иаад̣̇ибад̣̇зсу жзд̇т̇а гилзсаанам̣ аарагад̇д̇аад̣̇ийхи гааран̣зхи арахам̣. аасаваанам̣ кийн̣ад̇д̇аа кийн̣аасаво . сад̇д̇а сзгкаа бут̇уж̇ж̇анагаляаан̣агаа жа б̣рахмажарияаваасам̣ васанд̇и наама. аяам̣ бана вуд̇т̇аваасод̇и вусид̇аваа. жад̇уухи маг̇г̇зхи жад̇уусу сажжзсу бариж̇аананаад̣̇игаран̣ийяам̣ гад̇ам̣ ассаад̇и гад̇агаран̣ийяо. гилзсабхааро жа канд̇хабхааро жа охид̇о ассаад̇и охид̇абхааро. охид̇од̇и охаарид̇о. сунд̣̇аро ад̇т̇о, саго ваа ад̇т̇о сад̣̇ад̇т̇о, ануббад̇д̇о сад̣̇ад̇т̇о зд̇знаад̇и ануббад̇д̇асад̣̇ад̇т̇о. бхавасам̣яож̇анам̣ вужжад̇и д̇ан̣хаа, саа баригкийн̣аа ассаад̇и баригкийн̣абхавасам̣яож̇ано. саммад̣̇ан̃н̃аа вимуд̇д̇од̇и саммаа хзд̇унаа гааран̣зна ж̇аанид̇ваа вимуд̇д̇о. ж̇анзд̇асминд̇и ж̇анз зд̇асмим̣, имасмим̣ логзд̇и ад̇т̇о. д̣̇идтз жзва д̇хаммз абхисамбарааяан̃жаад̇и ид̇хад̇д̇абхаавз жа барад̇д̇абхаавз.
Arahantiādipadesu cettha kilesānaṃ ārakattādīhi kāraṇehi arahaṃ. Āsavānaṃ khīṇattā khīṇāsavo. Satta sekkhā puthujjanakalyāṇakā ca brahmacariyavāsaṃ vasanti nāma. Ayaṃ pana vutthavāsoti vusitavā. Catūhi maggehi catūsu saccesu parijānanādikaraṇīyaṃ kataṃ assāti katakaraṇīyo. Kilesabhāro ca khandhabhāro ca ohito assāti ohitabhāro. Ohitoti ohārito. Sundaro attho, sako vā attho sadattho, anuppatto sadattho etenāti anuppattasadattho. Bhavasaṃyojanaṃ vuccati taṇhā, sā parikkhīṇā assāti parikkhīṇabhavasaṃyojano. Sammadaññā vimuttoti sammā hetunā kāraṇena jānitvā vimutto. Janetasminti jane etasmiṃ, imasmiṃ loketi attho. Diṭṭhe ceva dhamme abhisamparāyañcāti idhattabhāve ca parattabhāve.
117. ананд̇араад̇и анд̇аравирахид̇аа, ад̇д̇ано гулзна сад̣̇исаад̇и ад̇т̇о. ануяуд̇д̇аад̇и васавад̇д̇ино. нибажжагааранд̇и махаллагад̇араа нибажжагаарам̣ д̣̇ассзнд̇и. д̣̇ахарад̇араа абхиваад̣̇анаад̣̇ийни гаронд̇и. д̇ад̇т̇а саамийжигамманд̇и д̇ам̣д̇ам̣вад̇д̇агаран̣аад̣̇и анужчавигагаммам̣.
117.Anantarāti antaravirahitā, attano kulena sadisāti attho. Anuyuttāti vasavattino. Nipaccakāranti mahallakatarā nipaccakāraṃ dassenti. Daharatarā abhivādanādīni karonti. Tattha sāmīcikammanti taṃtaṃvattakaraṇādi anucchavikakammaṃ.
118. нивидтаад̇и абхинивидтаа ажаладтид̇аа. гасса бана зваруубаа сад̣̇д̇хаа ход̇ийд̇и? сод̇аабаннасса. со хи нивидтасад̣̇д̇хо асинаа сийсз чзж̇ж̇амаанзби б̣уд̣̇д̇хо аб̣уд̣̇д̇ход̇и ваа, д̇хаммо ад̇хаммод̇и ваа, сан̇гхо асан̇гход̇и ваа на вад̣̇ад̇и. бад̇идтид̇асад̣̇д̇хо ход̇и суурамб̣адто вияа.
118.Niviṭṭhāti abhiniviṭṭhā acalaṭṭhitā. Kassa pana evarūpā saddhā hotīti? Sotāpannassa. So hi niviṭṭhasaddho asinā sīse chejjamānepi buddho abuddhoti vā, dhammo adhammoti vā, saṅgho asaṅghoti vā na vadati. Patiṭṭhitasaddho hoti sūrambaṭṭho viya.
со гира сад̇т̇у д̇хаммад̣̇зсанам̣ суд̇ваа сод̇аабанно худ̇ваа г̇зхам̣ аг̇амааси. ат̇а мааро д̣̇вад̇д̇им̣саваралагкан̣аббадиман̣д̣ид̇ам̣ б̣уд̣̇д̇харуубам̣ маабзд̇ваа д̇асса гхарад̣̇ваарз тад̇ваа ‘‘сад̇т̇аа ааг̇ад̇о’’д̇и саасанам̣ бахин̣и. суурамб̣адто жинд̇зси ‘‘ахам̣ ид̣̇аанзва сад̇т̇у санд̇игз д̇хаммам̣ суд̇ваа ааг̇ад̇о, гим̣ ну ко бхависсад̇ий’’д̇и убасан̇гамид̇ваа сад̇т̇усан̃н̃ааяа ванд̣̇ид̇ваа адтааси. мааро ааха – ‘‘амб̣адта, яам̣ д̇з маяаа ‘руубам̣ анижжам̣…бз… вин̃н̃аан̣ам̣ анижжанд̇и гат̇ид̇ам̣, д̇ам̣ д̣̇уггат̇ид̇ам̣. анубад̇хаарзд̇ваава хи маяаа звам̣ вуд̇д̇ам̣. д̇асмаа д̇вам̣ ‘руубам̣ нижжам̣…бз… вин̃н̃аан̣ам̣ нижжа’нд̇и г̇ан̣хаахий’’д̇и. со жинд̇зси – ‘‘адтаанамзд̇ам̣ яам̣ б̣уд̣̇д̇хаа анубад̇хаарзд̇ваа абажжагкам̣ гад̇ваа гин̃жи гат̇зяяум̣, ад̣̇д̇хаа аяам̣ маяхам̣ вижчинд̣̇аж̇ананад̇т̇ам̣ мааро ааг̇ад̇о’’д̇и. д̇ад̇о нам̣ ‘‘д̇вам̣ мааросий’’д̇и ааха. со мусааваад̣̇ам̣ гаад̇ум̣ наасагки. ‘‘аама мааросмий’’д̇и бадиж̇аанаад̇и. ‘‘гасмаа ааг̇ад̇осий’’д̇и? д̇ава сад̣̇д̇хаажааланад̇т̇анд̇и ааха. ‘‘ган̣ха баабима, д̇вам̣ д̇аава зго д̇идта, д̇аад̣̇исаанам̣ маараанам̣ сад̇амби сахассамби сад̇асахассамби мама сад̣̇д̇хам̣ жаалзд̇ум̣ асамад̇т̇ам̣, маг̇г̇зна ааг̇ад̇асад̣̇д̇хаа наама т̇ираа силаабат̇авияам̣ бад̇идтид̇асинзру вияа ажалаа ход̇и, гим̣ д̇вам̣ зд̇т̇аа’’д̇и ажчарам̣ бахари. со таад̇ум̣ асаггонд̇о д̇ад̇т̇зва анд̇арад̇хааяи. зваруубам̣ сад̣̇д̇хам̣ санд̇хааязд̇ам̣ вуд̇д̇ам̣ ‘‘нивидтаа’’д̇и.
So kira satthu dhammadesanaṃ sutvā sotāpanno hutvā gehaṃ agamāsi. Atha māro dvattiṃsavaralakkhaṇappaṭimaṇḍitaṃ buddharūpaṃ māpetvā tassa gharadvāre ṭhatvā ‘‘satthā āgato’’ti sāsanaṃ pahiṇi. Sūrambaṭṭho cintesi ‘‘ahaṃ idāneva satthu santike dhammaṃ sutvā āgato, kiṃ nu kho bhavissatī’’ti upasaṅkamitvā satthusaññāya vanditvā aṭṭhāsi. Māro āha – ‘‘ambaṭṭha, yaṃ te mayā ‘rūpaṃ aniccaṃ…pe… viññāṇaṃ aniccanti kathitaṃ, taṃ dukkathitaṃ. Anupadhāretvāva hi mayā evaṃ vuttaṃ. Tasmā tvaṃ ‘rūpaṃ niccaṃ…pe… viññāṇaṃ nicca’nti gaṇhāhī’’ti. So cintesi – ‘‘aṭṭhānametaṃ yaṃ buddhā anupadhāretvā apaccakkhaṃ katvā kiñci katheyyuṃ, addhā ayaṃ mayhaṃ vicchindajananatthaṃ māro āgato’’ti. Tato naṃ ‘‘tvaṃ mārosī’’ti āha. So musāvādaṃ kātuṃ nāsakkhi. ‘‘Āma mārosmī’’ti paṭijānāti. ‘‘Kasmā āgatosī’’ti? Tava saddhācālanatthanti āha. ‘‘Kaṇha pāpima, tvaṃ tāva eko tiṭṭha, tādisānaṃ mārānaṃ satampi sahassampi satasahassampi mama saddhaṃ cāletuṃ asamatthaṃ, maggena āgatasaddhā nāma thirā silāpathaviyaṃ patiṭṭhitasineru viya acalā hoti, kiṃ tvaṃ etthā’’ti accharaṃ pahari. So ṭhātuṃ asakkonto tattheva antaradhāyi. Evarūpaṃ saddhaṃ sandhāyetaṃ vuttaṃ ‘‘niviṭṭhā’’ti.
муулаж̇аад̇аа бад̇идтид̇аад̇и маг̇г̇амууласса сан̃ж̇аад̇ад̇д̇аа д̇зна маг̇г̇амуулзна бад̇идтид̇аа. д̣̇ал̣хаад̇и т̇ираа. асам̣хаарияаад̇и суникаад̇аинд̣̇акийло вияа гзнажи жаалзд̇ум̣ асаггун̣зяяаа. д̇ассзд̇ам̣ галлам̣ важанааяаад̇и д̇асса арияасаавагасса яуд̇д̇амзд̇ам̣ вад̇д̇ум̣. гинд̇и? ‘‘бхаг̇авад̇омхи буд̇д̇о орасо’’д̇и звамаад̣̇и. со хи бхаг̇аванд̇ам̣ ниссааяа арияабхуумияам̣ ж̇аад̇од̇и бхаг̇авад̇о буд̇д̇о. урз васид̇ваа мукад̇о нигканд̇ад̇хаммагхосавасзна маг̇г̇апалзсу бад̇идтид̇ад̇д̇аа орасо мукад̇о ж̇аад̇о. арияад̇хаммад̇о ж̇аад̇ад̇д̇аа арияад̇хаммзна жа ниммид̇ад̇д̇аа д̇хаммаж̇о д̇хамманиммид̇о. навалогуд̇д̇арад̇хаммад̣̇ааяаж̇ж̇ам̣ арахад̇ийд̇и д̇хаммад̣̇ааяаад̣̇о. д̇ам̣ гисса хзд̇ууд̇и яад̣̇зд̇ам̣ ‘‘бхаг̇авад̇омхи буд̇д̇о’’д̇и вад̇ваа ‘‘д̇хаммаж̇о д̇хамманиммид̇о’’д̇и вуд̇д̇ам̣, д̇ам̣ гасмаад̇и жз? ид̣̇аанисса ад̇т̇ам̣ д̣̇ассзнд̇о д̇ат̇ааг̇ад̇асса хзд̇анд̇иаад̣̇имааха. д̇ад̇т̇а ‘‘д̇хаммагааяо ид̇ибий’’д̇и гасмаа д̇ат̇ааг̇ад̇о ‘‘д̇хаммагааяо’’д̇и вуд̇д̇о? д̇ат̇ааг̇ад̇о хи д̇збидагам̣ б̣уд̣̇д̇хаважанам̣ хад̣̇аязна жинд̇зд̇ваа ваажааяа абхинийхари. д̇знасса гааяо д̇хаммамаяад̇д̇аа д̇хаммова. ид̇и д̇хаммо гааяо ассаад̇и д̇хаммагааяо. д̇хаммагааяад̇д̇аа зва б̣рахмагааяо. д̇хаммо хи сздтад̇т̇зна б̣рахмаад̇и вужжад̇и. д̇хаммабхууд̇од̇и д̇хаммасабхааво. д̇хаммабхууд̇ад̇д̇аа зва б̣рахмабхууд̇о.
Mūlajātāpatiṭṭhitāti maggamūlassa sañjātattā tena maggamūlena patiṭṭhitā. Daḷhāti thirā. Asaṃhāriyāti sunikhātaindakhīlo viya kenaci cāletuṃ asakkuṇeyyā. Tassetaṃ kallaṃ vacanāyāti tassa ariyasāvakassa yuttametaṃ vattuṃ. Kinti? ‘‘Bhagavatomhi putto oraso’’ti evamādi. So hi bhagavantaṃ nissāya ariyabhūmiyaṃ jātoti bhagavato putto. Ure vasitvā mukhato nikkhantadhammaghosavasena maggaphalesu patiṭṭhitattā oraso mukhato jāto. Ariyadhammato jātattā ariyadhammena ca nimmitattā dhammajo dhammanimmito. Navalokuttaradhammadāyajjaṃ arahatīti dhammadāyādo. Taṃ kissa hetūti yadetaṃ ‘‘bhagavatomhi putto’’ti vatvā ‘‘dhammajo dhammanimmito’’ti vuttaṃ, taṃ kasmāti ce? Idānissa atthaṃ dassento tathāgatassa hetantiādimāha. Tattha ‘‘dhammakāyo itipī’’ti kasmā tathāgato ‘‘dhammakāyo’’ti vutto? Tathāgato hi tepiṭakaṃ buddhavacanaṃ hadayena cintetvā vācāya abhinīhari. Tenassa kāyo dhammamayattā dhammova. Iti dhammo kāyo assāti dhammakāyo. Dhammakāyattā eva brahmakāyo. Dhammo hi seṭṭhatthena brahmāti vuccati. Dhammabhūtoti dhammasabhāvo. Dhammabhūtattā eva brahmabhūto.
119. зд̇д̇аавад̇аа бхаг̇аваа сздтажчзд̣̇агаваад̣̇ам̣ д̣̇ассзд̇ваа ид̣̇аани абарзнаби наязна сздтажчзд̣̇агаваад̣̇амзва д̣̇ассзд̇ум̣ ход̇и ко со, ваасздта, самаяод̇иаад̣̇имааха. д̇ад̇т̇а сам̣ваддавиваддагат̇аа б̣рахмаж̇аалз вид̇т̇аарид̇аава. ид̇т̇ад̇д̇ам̣ ааг̇ажчанд̇ийд̇и ид̇т̇абхаавам̣ мануссад̇д̇ам̣ ааг̇ажчанд̇и. д̇зд̇ха хонд̇и маномаяаад̇и д̇з ид̇ха мануссалогз ниб̣б̣ад̇д̇амаанааби обабаад̇игаа худ̇ваа манзнзва ниб̣б̣ад̇д̇аад̇и маномаяаа. б̣рахмалогз вияа ид̇хааби нзсам̣ бийд̇иязва аахаарагижжам̣ саад̇хзд̇ийд̇и бийд̇ибхагкаа. зд̇знзва наязна саяам̣бабхаад̣̇ийниби взд̣̇ид̇аб̣б̣аанийд̇и.
119. Ettāvatā bhagavā seṭṭhacchedakavādaṃ dassetvā idāni aparenapi nayena seṭṭhacchedakavādameva dassetuṃ hoti kho so, vāseṭṭha, samayotiādimāha. Tattha saṃvaṭṭavivaṭṭakathā brahmajāle vitthāritāva. Itthattaṃ āgacchantīti itthabhāvaṃ manussattaṃ āgacchanti. Tedha honti manomayāti te idha manussaloke nibbattamānāpi opapātikā hutvā maneneva nibbattāti manomayā. Brahmaloke viya idhāpi nesaṃ pītiyeva āhārakiccaṃ sādhetīti pītibhakkhā. Eteneva nayena sayaṃpabhādīnipi veditabbānīti.
расабат̇авибаад̇убхаававан̣н̣анаа
Rasapathavipātubhāvavaṇṇanā
120. згод̣̇агийбхууд̇анд̇и саб̣б̣ам̣ жаггаваал̣ам̣ згод̣̇агамзва бхууд̇ам̣. анд̇хагаарод̇и д̇амо. анд̇хагаарад̇имисаад̇и жагкувин̃н̃аан̣уббад̇д̇инивааран̣зна анд̇хабхаавагаран̣ам̣ б̣ахалад̇амам̣. самад̇анийд̇и бад̇идтахи саманд̇ад̇о бад̇т̇ари. баяасо д̇ад̇д̇ассаад̇и д̇ад̇д̇асса кийрасса. ван̣н̣асамбаннаад̇и ван̣н̣зна самбаннаа. ган̣игаарабубпасад̣̇исо хиссаа ван̣н̣о ахоси. г̇анд̇хасамбаннаад̇и г̇анд̇хзна самбаннаа д̣̇иб̣б̣аг̇анд̇хам̣ вааяад̇и. расасамбаннаад̇и расзна самбаннаа багкид̇д̇ад̣̇иб̣б̣ож̇аа вияа ход̇и. куд̣̇д̣̇амад̇хунд̇и куд̣̇д̣̇агамагкигаахи гад̇амад̇хум̣. анзл̣аганд̇и нид̣̇д̣̇осам̣ магкиган̣д̣агавирахид̇ам̣. лолаж̇аад̇игод̇и лоласабхааво. ад̇ийд̇аананд̇арзби габбз лолоязва. амбход̇и ажчарияаж̇аад̇о ааха. гимзвид̣̇ам̣ бхависсад̇ийд̇и ван̣н̣обиссаа манаабо г̇анд̇хоби, расо банассаа гийд̣̇исо бхависсад̇ийд̇и ад̇т̇о. яо д̇ад̇т̇а уббанналобхо, со расабат̇авим̣ ан̇г̇улияаа сааяи, ан̇г̇улияаа г̇ахзд̇ваа ж̇ивхаг̇г̇з табзси.
120.Ekodakībhūtanti sabbaṃ cakkavāḷaṃ ekodakameva bhūtaṃ. Andhakāroti tamo. Andhakāratimisāti cakkhuviññāṇuppattinivāraṇena andhabhāvakaraṇaṃ bahalatamaṃ. Samatanīti patiṭṭhahi samantato patthari. Payasotattassāti tattassa khīrassa. Vaṇṇasampannāti vaṇṇena sampannā. Kaṇikārapupphasadiso hissā vaṇṇo ahosi. Gandhasampannāti gandhena sampannā dibbagandhaṃ vāyati. Rasasampannāti rasena sampannā pakkhittadibbojā viya hoti. Khuddamadhunti khuddakamakkhikāhi katamadhuṃ. Aneḷakanti niddosaṃ makkhikaṇḍakavirahitaṃ. Lolajātikoti lolasabhāvo. Atītānantarepi kappe loloyeva. Ambhoti acchariyajāto āha. Kimevidaṃ bhavissatīti vaṇṇopissā manāpo gandhopi, raso panassā kīdiso bhavissatīti attho. Yo tattha uppannalobho, so rasapathaviṃ aṅguliyā sāyi, aṅguliyā gahetvā jivhagge ṭhapesi.
ажчаад̣̇зсийд̇и ж̇ивхаг̇г̇з табид̇амад̇д̇аа сад̇д̇а расахаран̣ийсахассаани парид̇ваа манаабаа худ̇ваа д̇идтад̇и. д̇ан̣хаа жасса оггамийд̇и д̇ад̇т̇а жасса д̇ан̣хаа уббаж̇ж̇и.
Acchādesīti jivhagge ṭhapitamattā satta rasaharaṇīsahassāni pharitvā manāpā hutvā tiṭṭhati. Taṇhā cassa okkamīti tattha cassa taṇhā uppajji.
жанд̣̇имасуурияаад̣̇ибаад̇убхаававан̣н̣анаа
Candimasūriyādipātubhāvavaṇṇanā
121. аалуббагаарагам̣ убаггамим̣су барибхун̃ж̇ид̇унд̇и аалобам̣ гад̇ваа бин̣д̣з бин̣д̣з чинд̣̇ид̇ваа барибхун̃ж̇ид̇ум̣ аарабхим̣су. жанд̣̇имасуурияаад̇и жанд̣̇имаа жа суурияо жа. баад̇урахзсунд̇и баад̇убхавим̣су.
121.Āluppakārakaṃ upakkamiṃsu paribhuñjitunti ālopaṃ katvā piṇḍe piṇḍe chinditvā paribhuñjituṃ ārabhiṃsu. Candimasūriyāti candimā ca sūriyo ca. Pāturahesunti pātubhaviṃsu.
го бана д̇зсам̣ батамам̣ баад̇убхави, го гасмим̣ васад̇и, гасса гим̣ бамаан̣ам̣, го убари, го сийгхам̣ г̇ажчад̇и, гад̇и нзсам̣ вийт̇ияо, гат̇ам̣ жаранд̇и, гид̇д̇агз таанз аалогам̣ гаронд̇ийд̇и? убхо згад̇о баад̇убхаванд̇и. суурияо батамад̇арам̣ бан̃н̃ааяад̇и. д̇зсан̃хи сад̇д̇аанам̣ саяам̣бабхааяа анд̇арахид̇ааяа анд̇хагааро ахоси. д̇з бхийд̇ад̇асид̇аа ‘‘бхад̣̇д̣̇агам̣ вад̇асса сажз аалого баад̇убхавзяяаа’’д̇и жинд̇аяим̣су. д̇ад̇о махааж̇анасса суурабхаавам̣ ж̇анаяамаанам̣ суурияаман̣д̣алам̣ удтахи. д̇знзвасса суурияод̇и наамам̣ ахоси. д̇асмим̣ д̣̇ивасам̣ аалогам̣ гад̇ваа ад̇т̇ан̇г̇ад̇з буна анд̇хагааро ахоси. д̇з ‘‘бхад̣̇д̣̇агам̣ вад̇асса сажз ан̃н̃о аалого уббаж̇ж̇зяяаа’’д̇и жинд̇аяим̣су. ат̇а нзсам̣ чанд̣̇ам̣ н̃ад̇ваава жанд̣̇аман̣д̣алам̣ удтахи. д̇знзвасса жанд̣̇од̇и наамам̣ ахоси.
Ko pana tesaṃ paṭhamaṃ pātubhavi, ko kasmiṃ vasati, kassa kiṃ pamāṇaṃ, ko upari, ko sīghaṃ gacchati, kati nesaṃ vīthiyo, kathaṃ caranti, kittake ṭhāne ālokaṃ karontīti? Ubho ekato pātubhavanti. Sūriyo paṭhamataraṃ paññāyati. Tesañhi sattānaṃ sayaṃpabhāya antarahitāya andhakāro ahosi. Te bhītatasitā ‘‘bhaddakaṃ vatassa sace āloko pātubhaveyyā’’ti cintayiṃsu. Tato mahājanassa sūrabhāvaṃ janayamānaṃ sūriyamaṇḍalaṃ uṭṭhahi. Tenevassa sūriyoti nāmaṃ ahosi. Tasmiṃ divasaṃ ālokaṃ katvā atthaṅgate puna andhakāro ahosi. Te ‘‘bhaddakaṃ vatassa sace añño āloko uppajjeyyā’’ti cintayiṃsu. Atha nesaṃ chandaṃ ñatvāva candamaṇḍalaṃ uṭṭhahi. Tenevassa candoti nāmaṃ ahosi.
д̇зсу жанд̣̇о анд̇оман̣ивимаанз васад̇и. д̇ам̣ б̣ахи раж̇ад̇зна баригкид̇д̇ам̣ . убхаяамби сийд̇аламзва ахоси. суурияо анд̇оганагавимаанз васад̇и. д̇ам̣ б̣аахирам̣ палигабаригкид̇д̇ам̣ ход̇и. убхаяамби ун̣хамзва.
Tesu cando antomaṇivimāne vasati. Taṃ bahi rajatena parikkhittaṃ . Ubhayampi sītalameva ahosi. Sūriyo antokanakavimāne vasati. Taṃ bāhiraṃ phalikaparikkhittaṃ hoti. Ubhayampi uṇhameva.
бамаан̣ад̇о жанд̣̇о уж̇угам̣ згуунабан̃н̃аасаяож̇ано. бариман̣д̣алад̇о д̇ийхи яож̇анзхи уунад̣̇ияад̣дхасад̇аяож̇ано. суурияо уж̇угам̣ бан̃н̃аасаяож̇ано, бариман̣д̣алад̇о д̣̇ияад̣дхасад̇аяож̇ано.
Pamāṇato cando ujukaṃ ekūnapaññāsayojano. Parimaṇḍalato tīhi yojanehi ūnadiyaḍḍhasatayojano. Sūriyo ujukaṃ paññāsayojano, parimaṇḍalato diyaḍḍhasatayojano.
жанд̣̇о хздтаа, суурияо убари, анд̇араа нзсам̣ яож̇анам̣ ход̇и. жанд̣̇асса хздтиманд̇ад̇о суурияасса убариманд̇ад̇о яож̇анасад̇ам̣ ход̇и.
Cando heṭṭhā, sūriyo upari, antarā nesaṃ yojanaṃ hoti. Candassa heṭṭhimantato sūriyassa uparimantato yojanasataṃ hoti.
жанд̣̇о уж̇угам̣ сан̣игам̣ г̇ажчад̇и, д̇ирияам̣ сийгхам̣. д̣̇вийсу бассзсу нагкад̇д̇ад̇аарагаа г̇ажчанд̇и. жанд̣̇о д̇хзну вияа важчам̣ д̇ам̣ д̇ам̣ нагкад̇д̇ам̣ убасан̇гамад̇и. нагкад̇д̇аани бана ад̇д̇ано таанам̣ на виж̇аханд̇и. суурияасса уж̇угам̣ г̇аманам̣ сийгхам̣, д̇ирияам̣ г̇аманам̣ д̣̇анд̇хам̣. со гаал̣абагкаубосат̇ад̇о баадибад̣̇ад̣̇ивасз яож̇анаанам̣ сад̇асахассам̣ жанд̣̇аман̣д̣алам̣ охааяа г̇ажчад̇и. ат̇а жанд̣̇о лзкаа вияа бан̃н̃ааяад̇и. багкасса д̣̇уд̇ияааяа сад̇асахассанд̇и звам̣ яаава убосат̇ад̣̇ивасаа сад̇асахассам̣ сад̇асахассам̣ охааяа г̇ажчад̇и. ат̇а жанд̣̇о ануггамзна вад̣дхид̇ваа убосат̇ад̣̇ивасз барибун̣н̣о ход̇и. буна баадибад̣̇ад̣̇ивасз яож̇анаанам̣ сад̇асахассам̣ д̇хаавид̇ваа г̇ан̣хаад̇и. д̣̇уд̇ияааяа сад̇асахассанд̇и звам̣ яаава убосат̇ад̣̇ивасаа сад̇асахассам̣ сад̇асахассам̣ д̇хаавид̇ваа г̇ан̣хаад̇и. ат̇а жанд̣̇о ануггамзна хааяид̇ваа убосат̇ад̣̇ивасз саб̣б̣асо на бан̃н̃ааяад̇и. жанд̣̇ам̣ хздтаа гад̇ваа суурияо убари ход̇и. махад̇ияаа баад̇ияаа куд̣̇д̣̇агабхааж̇анам̣ вияа жанд̣̇аман̣д̣алам̣ бид̇хийяад̇и. маж̇жханхигз г̇зхажчааяаа вияа жанд̣̇асса чааяаа на бан̃н̃ааяад̇и. со чааяааяа абан̃н̃ааяамаанааяа д̣̇уурз тид̇аанам̣ д̣̇иваа бад̣̇ийбо вияа саяамби на бан̃н̃ааяад̇и.
Cando ujukaṃ saṇikaṃ gacchati, tiriyaṃ sīghaṃ. Dvīsu passesu nakkhattatārakā gacchanti. Cando dhenu viya vacchaṃ taṃ taṃ nakkhattaṃ upasaṅkamati. Nakkhattāni pana attano ṭhānaṃ na vijahanti. Sūriyassa ujukaṃ gamanaṃ sīghaṃ, tiriyaṃ gamanaṃ dandhaṃ. So kāḷapakkhauposathato pāṭipadadivase yojanānaṃ satasahassaṃ candamaṇḍalaṃ ohāya gacchati. Atha cando lekhā viya paññāyati. Pakkhassa dutiyāya satasahassanti evaṃ yāva uposathadivasā satasahassaṃ satasahassaṃ ohāya gacchati. Atha cando anukkamena vaḍḍhitvā uposathadivase paripuṇṇo hoti. Puna pāṭipadadivase yojanānaṃ satasahassaṃ dhāvitvā gaṇhāti. Dutiyāya satasahassanti evaṃ yāva uposathadivasā satasahassaṃ satasahassaṃ dhāvitvā gaṇhāti. Atha cando anukkamena hāyitvā uposathadivase sabbaso na paññāyati. Candaṃ heṭṭhā katvā sūriyo upari hoti. Mahatiyā pātiyā khuddakabhājanaṃ viya candamaṇḍalaṃ pidhīyati. Majjhanhike gehacchāyā viya candassa chāyā na paññāyati. So chāyāya apaññāyamānāya dūre ṭhitānaṃ divā padīpo viya sayampi na paññāyati.
гад̇и нзсам̣ вийт̇ияод̇и зд̇т̇а бана аж̇авийт̇и, нааг̇авийт̇и, г̇овийт̇ийд̇и д̇иссо вийт̇ияо хонд̇и. д̇ад̇т̇а аж̇аанам̣ уд̣̇агам̣ бадигуулам̣ ход̇и, хад̇т̇инааг̇аанам̣ манаабам̣. г̇уннам̣ сийд̇ун̣хасамад̇ааяа паасу ход̇и. д̇асмаа яам̣ гаалам̣ жанд̣̇имасуурияаа аж̇авийт̇им̣ ааруханд̇и, д̇ад̣̇аа д̣̇зво згаб̣инд̣̇умби на вассад̇и. яад̣̇аа нааг̇авийт̇им̣ аароханд̇и, д̇ад̣̇аа бхиннам̣ вияа набхам̣ баг̇гхарад̇и. яад̣̇аа г̇овийт̇им̣ аароханд̇и, д̇ад̣̇аа уд̇усамад̇аа самбаж̇ж̇ад̇и. жанд̣̇имасуурияаа чамаасз синзруд̇о б̣ахи нигкаманд̇и, чамаасз анд̇о вижаранд̇и. д̇з хи аасаал̣хамаасз синзрусамийбзна вижаранд̇и. д̇ад̇о барз д̣̇вз маасз нигкамид̇ваа б̣ахи вижаранд̇аа батамагад̇д̇игамаасз маж̇жхзна г̇ажчанд̇и. д̇ад̇о жаггаваал̣аабхимукаа г̇анд̇ваа д̇аяо маасз жаггаваал̣асамийбзна жарид̇ваа буна нигкамид̇ваа жид̇рамаасз маж̇жхзна г̇анд̇ваа д̇ад̇о д̣̇вз маасз синзрубхимукаа багканд̣̇ид̇ваа буна аасаал̣хз синзрусамийбзна жаранд̇и.
Kati nesaṃ vīthiyoti ettha pana ajavīthi, nāgavīthi, govīthīti tisso vīthiyo honti. Tattha ajānaṃ udakaṃ paṭikūlaṃ hoti, hatthināgānaṃ manāpaṃ. Gunnaṃ sītuṇhasamatāya phāsu hoti. Tasmā yaṃ kālaṃ candimasūriyā ajavīthiṃ āruhanti, tadā devo ekabindumpi na vassati. Yadā nāgavīthiṃ ārohanti, tadā bhinnaṃ viya nabhaṃ paggharati. Yadā govīthiṃ ārohanti, tadā utusamatā sampajjati. Candimasūriyā chamāse sineruto bahi nikkhamanti, chamāse anto vicaranti. Te hi āsāḷhamāse sinerusamīpena vicaranti. Tato pare dve māse nikkhamitvā bahi vicarantā paṭhamakattikamāse majjhena gacchanti. Tato cakkavāḷābhimukhā gantvā tayo māse cakkavāḷasamīpena caritvā puna nikkhamitvā citramāse majjhena gantvā tato dve māse sinerubhimukhā pakkhanditvā puna āsāḷhe sinerusamīpena caranti.
гид̇д̇агз таанз аалогам̣ гаронд̇ийд̇и? згаббахаарзна д̇ийсу д̣̇ийбзсу аалогам̣ гаронд̇и. гат̇ам̣? имасмин̃хи д̣̇ийбз суурияуг̇г̇аманагаало буб̣б̣авид̣̇зхз маж̇жханхиго ход̇и, уд̇д̇арагуруусу ад̇т̇ан̇г̇аманагаало, абараг̇ояаанз маж̇жхимаяаамо. буб̣б̣авид̣̇зхамхи уг̇г̇аманагаало уд̇д̇арагуруусу маж̇жханхиго, абараг̇ояаанз ад̇т̇ан̇г̇аманагаало, ид̇ха маж̇жхимаяаамо. уд̇д̇арагуруусу уг̇г̇аманагаало абараг̇ояаанз маж̇жханхиго, ид̇ха ад̇т̇ан̇г̇аманагаало, буб̣б̣авид̣̇зхз маж̇жхимаяаамо. абараг̇ояаанад̣̇ийбз уг̇г̇аманагаало ид̇ха маж̇жханхиго, буб̣б̣авид̣̇зхз ад̇т̇ан̇г̇аманагаало, уд̇д̇арагуруусу маж̇жхимаяаамод̇и.
Kittake ṭhāne ālokaṃ karontīti? Ekappahārena tīsu dīpesu ālokaṃ karonti. Kathaṃ? Imasmiñhi dīpe sūriyuggamanakālo pubbavidehe majjhanhiko hoti, uttarakurūsu atthaṅgamanakālo, aparagoyāne majjhimayāmo. Pubbavidehamhi uggamanakālo uttarakurūsu majjhanhiko, aparagoyāne atthaṅgamanakālo, idha majjhimayāmo. Uttarakurūsu uggamanakālo aparagoyāne majjhanhiko, idha atthaṅgamanakālo, pubbavidehe majjhimayāmo. Aparagoyānadīpe uggamanakālo idha majjhanhiko, pubbavidehe atthaṅgamanakālo, uttarakurūsu majjhimayāmoti.
нагкад̇д̇аани д̇аарагаруубаанийд̇и гад̇д̇игаад̣̇инагкад̇д̇аани жзва сзсад̇аарагаруубаани жа жанд̣̇имасууриязхи сад̣̇д̇хим̣язва баад̇урахзсум̣. рад̇д̇инд̣̇иваад̇и д̇ад̇о суурияад̇т̇ан̇г̇аманад̇о яаава арун̣уг̇г̇аманаа рад̇д̇и, арун̣уг̇г̇аманад̇о яаава суурияад̇т̇ан̇г̇аманаа д̣̇иваад̇и звам̣ рад̇д̇инд̣̇иваа бан̃н̃ааяим̣су. ат̇а бан̃жад̣̇аса рад̇д̇ияо ад̣дхамаасо, д̣̇вз ад̣дхамаасаа маасод̇и звам̣ маасад̣дхамаасаа бан̃н̃ааяим̣су. ат̇а жад̇д̇ааро маасаа уд̇у, д̇аяо уд̇уу сам̣важчарод̇и звам̣ уд̇усам̣важчараа бан̃н̃ааяим̣су.
Nakkhattānitārakarūpānīti kattikādinakkhattāni ceva sesatārakarūpāni ca candimasūriyehi saddhiṃyeva pāturahesuṃ. Rattindivāti tato sūriyatthaṅgamanato yāva aruṇuggamanā ratti, aruṇuggamanato yāva sūriyatthaṅgamanā divāti evaṃ rattindivā paññāyiṃsu. Atha pañcadasa rattiyo aḍḍhamāso, dve aḍḍhamāsā māsoti evaṃ māsaḍḍhamāsā paññāyiṃsu. Atha cattāro māsā utu, tayo utū saṃvaccharoti evaṃ utusaṃvaccharā paññāyiṃsu.
122. ван̣н̣авзван̣н̣ад̇аа жаад̇и ван̣н̣асса виван̣н̣абхааво. д̇зсам̣ ван̣н̣аад̇имаанабажжаяаад̇и д̇зсам̣ ван̣н̣ам̣ аараб̣бха уббаннаад̇имаанабажжаяаа. маанаад̇имаанаж̇аад̇игаананд̇и бунаббунам̣ уббаж̇ж̇амаанаад̇имаанасабхааваанам̣. расааяа бат̇авияаад̇и самбаннарасад̇д̇аа расаад̇и лад̣̇д̇ханаамааяа бат̇авияаа. ануд̇т̇уним̣сууд̇и анубхаасим̣су. ахо расанд̇и ахо амхаагам̣ мад̇хурарасам̣ анд̇арахид̇ам̣. аг̇г̇ан̃н̃ам̣ агкаранд̇и логуббад̇д̇ивам̣сагат̇ам̣. анусаранд̇ийд̇и ануг̇ажчанд̇и.
122.Vaṇṇavevaṇṇatā cāti vaṇṇassa vivaṇṇabhāvo. Tesaṃ vaṇṇātimānapaccayāti tesaṃ vaṇṇaṃ ārabbha uppannaatimānapaccayā. Mānātimānajātikānanti punappunaṃ uppajjamānātimānasabhāvānaṃ. Rasāya pathaviyāti sampannarasattā rasāti laddhanāmāya pathaviyā. Anutthuniṃsūti anubhāsiṃsu. Aho rasanti aho amhākaṃ madhurarasaṃ antarahitaṃ. Aggaññaṃ akkharanti lokuppattivaṃsakathaṃ. Anusarantīti anugacchanti.
бхуумибаббадагабаад̇убхааваад̣̇иван̣н̣анаа
Bhūmipappaṭakapātubhāvādivaṇṇanā
123. звамзва баад̇урахосийд̇и зд̣̇исо худ̇ваа удтахи, анд̇оваабияам̣ уд̣̇агз чиннз сугкагалалабадалам̣ вияа жа удтахи.
123.Evameva pāturahosīti ediso hutvā uṭṭhahi, antovāpiyaṃ udake chinne sukkhakalalapaṭalaṃ viya ca uṭṭhahi.
124. бад̣̇аалад̇аад̇и згаа мад̇хурарасаа бхад̣̇д̣̇аалад̇аа. галамб̣угаад̇и наал̣игаа. аху вад̇а нод̇и мад̇хурарасаа вад̇а но бад̣̇аалад̇аа ахоси. ахааяи вад̇а нод̇и саа но зд̇арахи анд̇арахид̇аад̇и.
124.Padālatāti ekā madhurarasā bhaddālatā. Kalambukāti nāḷikā. Ahu vata noti madhurarasā vata no padālatā ahosi. Ahāyi vata noti sā no etarahi antarahitāti.
125. агадтабаагод̇и агадтзязва бхуумибхааг̇з уббанно. аган̣од̇и ниггун̣д̣аго. ат̇усод̇и нид̇т̇усо. суг̇анд̇ход̇и д̣̇иб̣б̣аг̇анд̇хам̣ вааяад̇и. д̇ан̣д̣улабпалод̇и субарисуд̣̇д̇хам̣ бан̣д̣арам̣ д̇ан̣д̣уламзва палад̇и. баггам̣ бадивируул̣ханд̇и сааяам̣ г̇ахид̇адтаанам̣ баад̇о баггам̣ ход̇и, буна вируул̣хам̣ бадибаагад̇игамзва г̇ахид̇адтаанам̣ на бан̃н̃ааяад̇и. наабад̣̇аанам̣ бан̃н̃ааяад̇ийд̇и алааяид̇ам̣ худ̇ваа ануунамзва бан̃н̃ааяад̇и.
125.Akaṭṭhapākoti akaṭṭheyeva bhūmibhāge uppanno. Akaṇoti nikkuṇḍako. Athusoti nitthuso. Sugandhoti dibbagandhaṃ vāyati. Taṇḍulapphaloti suparisuddhaṃ paṇḍaraṃ taṇḍulameva phalati. Pakkaṃ paṭivirūḷhanti sāyaṃ gahitaṭṭhānaṃ pāto pakkaṃ hoti, puna virūḷhaṃ paṭipākatikameva gahitaṭṭhānaṃ na paññāyati. Nāpadānaṃ paññāyatīti alāyitaṃ hutvā anūnameva paññāyati.
ид̇т̇ибурисалин̇г̇аад̣̇ибаад̇убхаававан̣н̣анаа
Itthipurisaliṅgādipātubhāvavaṇṇanā
126. ид̇т̇ияаа жаад̇и яаа буб̣б̣з мануссагаалз ид̇т̇ий, д̇асса ид̇т̇илин̇г̇ам̣ баад̇убхавад̇и, буб̣б̣з бурисасса бурисалин̇г̇ам̣. маад̇уг̇аамо наама хи бурисад̇д̇абхаавам̣ лабханд̇о анубуб̣б̣зна бурисад̇д̇абажжаяз д̇хаммз буурзд̇ваа лабхад̇и. бурисо ид̇т̇ад̇д̇абхаавам̣ лабханд̇о гаамзсумижчаажаарам̣ ниссааяа лабхад̇и. д̇ад̣̇аа бана багад̇ияаа маад̇уг̇аамасса ид̇т̇илин̇г̇ам̣, бурисасса бурисалин̇г̇ам̣ баад̇урахоси. убаниж̇жхааяад̇анд̇и убаниж̇жхааяанд̇аанам̣ ологзнд̇аанам̣. барил̣ааход̇и рааг̇абарил̣аахо. сздтинд̇и чааригам̣. ниб̣б̣уяхамаанааяаад̇и нияяамаанааяа.
126.Itthiyā cāti yā pubbe manussakāle itthī, tassa itthiliṅgaṃ pātubhavati, pubbe purisassa purisaliṅgaṃ. Mātugāmo nāma hi purisattabhāvaṃ labhanto anupubbena purisattapaccaye dhamme pūretvā labhati. Puriso itthattabhāvaṃ labhanto kāmesumicchācāraṃ nissāya labhati. Tadā pana pakatiyā mātugāmassa itthiliṅgaṃ, purisassa purisaliṅgaṃ pāturahosi. Upanijjhāyatanti upanijjhāyantānaṃ olokentānaṃ. Pariḷāhoti rāgapariḷāho. Seṭṭhinti chārikaṃ. Nibbuyhamānāyāti niyyamānāya.
127. ад̇хаммасаммад̇анд̇и д̇ам̣ бам̣сукибанаад̣̇и ад̇хаммод̇и саммад̇ам̣. д̇ад̣̇зд̇арахи д̇хаммасаммад̇анд̇и д̇ам̣ ид̣̇аани д̇хаммод̇и саммад̇ам̣, д̇хаммод̇и д̇ам̣ г̇ахзд̇ваа вижаранд̇и. д̇ат̇аа хи згажжзсу ж̇аанабад̣̇зсу галахам̣ гурумаанаа ид̇т̇ияо ‘‘д̇вам̣ гасмаа гат̇зси? яаа г̇омаяабин̣д̣амад̇д̇амби наалад̇т̇аа’’д̇и вад̣̇анд̇и. баад̇аб̣яад̇анд̇и сзвид̇аб̣б̣ад̇ам̣. саннид̇хигаараганд̇и саннид̇хим̣ гад̇ваа. абад̣̇аанам̣ бан̃н̃ааяид̇т̇аад̇и чиннадтаанам̣ уунамзва худ̇ваа бан̃н̃ааяид̇т̇а. сан̣д̣асан̣д̣аад̇и згзгасмим̣ таанз галаабаб̣анд̇хаа вияа г̇умб̣аг̇умб̣аа худ̇ваа.
127.Adhammasammatanti taṃ paṃsukhipanādi adhammoti sammataṃ. Tadetarahi dhammasammatanti taṃ idāni dhammoti sammataṃ, dhammoti taṃ gahetvā vicaranti. Tathā hi ekaccesu jānapadesu kalahaṃ kurumānā itthiyo ‘‘tvaṃ kasmā kathesi? Yā gomayapiṇḍamattampi nālatthā’’ti vadanti. Pātabyatanti sevitabbataṃ. Sannidhikārakanti sannidhiṃ katvā. Apadānaṃ paññāyitthāti chinnaṭṭhānaṃ ūnameva hutvā paññāyittha. Saṇḍasaṇḍāti ekekasmiṃ ṭhāne kalāpabandhā viya gumbagumbā hutvā.
128. марияаад̣̇ам̣ табзяяаамаад̇и сиймам̣ табзяяаама. яад̇ра хи наамаад̇и яо хи наама. баан̣инаа бахарим̣сууд̇и д̇аяо ваарз важанам̣ аг̇ан̣ханд̇ам̣ баан̣инаа бахарим̣су. д̇ад̣̇аг̇г̇з код̇и д̇ам̣ аг̇г̇ам̣ гад̇ваа.
128.Mariyādaṃṭhapeyyāmāti sīmaṃ ṭhapeyyāma. Yatra hi nāmāti yo hi nāma. Pāṇinā pahariṃsūti tayo vāre vacanaṃ agaṇhantaṃ pāṇinā pahariṃsu. Tadagge khoti taṃ aggaṃ katvā.
махаасаммад̇арааж̇аван̣н̣анаа
Mahāsammatarājavaṇṇanā
130. кийяид̇аб̣б̣ам̣ кийязяяаад̇и багаасзд̇аб̣б̣ам̣ багаасзяяа кибид̇аб̣б̣ам̣ кибзяяа, хаарзд̇аб̣б̣ам̣ хаарзяяаад̇и вуд̇д̇ам̣ ход̇и. яо нзсам̣ сад̇д̇од̇и яо д̇зсам̣ сад̇д̇о. го бана сод̇и? амхаагам̣ б̣од̇хисад̇д̇о. саалийнам̣ бхааг̇ам̣ анубад̣̇ассаамаад̇и маяам̣ згзгасса кзд̇д̇ад̇о амб̣ан̣амб̣ан̣ам̣ аахарид̇ваа д̇уяхам̣ саалибхааг̇ам̣ д̣̇ассаама, д̇аяаа гин̃жи гаммам̣ на гаад̇аб̣б̣ам̣, д̇вам̣ амхаагам̣ ж̇здтагадтаанз д̇идтаад̇и.
130.Khīyitabbaṃ khīyeyyāti pakāsetabbaṃ pakāseyya khipitabbaṃ khipeyya, hāretabbaṃ hāreyyāti vuttaṃ hoti. Yo nesaṃ sattoti yo tesaṃ satto. Ko pana soti? Amhākaṃ bodhisatto. Sālīnaṃ bhāgaṃ anupadassāmāti mayaṃ ekekassa khettato ambaṇambaṇaṃ āharitvā tuyhaṃ sālibhāgaṃ dassāma, tayā kiñci kammaṃ na kātabbaṃ, tvaṃ amhākaṃ jeṭṭhakaṭṭhāne tiṭṭhāti.
131. агкарам̣ убаниб̣б̣ад̇д̇анд̇и сан̇каа саман̃н̃аа бан̃н̃ад̇д̇и вохааро уббанно. кад̇д̇ияо кад̇д̇ияод̇взва д̣̇уд̇ияам̣ агкаранд̇и на гзвалам̣ агкарамзва, д̇з банасса кзд̇д̇асаамино д̇ийхи сан̇кзхи абхисзгамби агам̣су. ран̃ж̇зд̇ийд̇и сукзд̇и бинзд̇и. аг̇г̇ан̃н̃знаад̇и аг̇г̇анд̇и н̃аад̇зна, аг̇г̇з ваа н̃аад̇зна логуббад̇д̇исамаяз уббаннзна абхиниб̣б̣ад̇д̇и ахосийд̇и.
131.Akkharaṃ upanibbattanti saṅkhā samaññā paññatti vohāro uppanno. Khattiyo khattiyotveva dutiyaṃ akkharanti na kevalaṃ akkharameva, te panassa khettasāmino tīhi saṅkhehi abhisekampi akaṃsu. Rañjetīti sukheti pineti. Aggaññenāti agganti ñātena, agge vā ñātena lokuppattisamaye uppannena abhinibbatti ahosīti.
б̣раахман̣аман̣д̣алаад̣̇иван̣н̣анаа
Brāhmaṇamaṇḍalādivaṇṇanā
132. вийд̇ан̇г̇аараа вийд̇ад̇хуумаад̇и бажид̇ваа каад̣̇ид̇аб̣б̣аабхаавад̇о виг̇ад̇ад̇хууман̇г̇аараа. баннамусалаад̇и годдзд̇ваа бажид̇аб̣б̣аабхаавад̇о бад̇ид̇амусалаа. гхаасамзсамаанаад̇и бхигкаажарияавасзна яааг̇убхад̇д̇ам̣ бариязсанд̇аа. д̇амзнам̣ мануссаа д̣̇исваад̇и д̇з зд̇з мануссаа бассид̇ваа. анабхисамбхун̣амаанаад̇и асахамаанаа асаггонд̇аа. г̇ант̇з гаронд̇аад̇и д̇аяо взд̣̇з абхисан̇каронд̇аа жзва ваажзнд̇аа жа. ажчанд̇ийд̇и васанд̇и, ‘‘ажчзнд̇ий’’д̇иби баато. зсзвад̇т̇о. хийнасаммад̇анд̇и ‘‘манд̇з д̇хаарзнд̇и манд̇з ваажзнд̇ий’’д̇и ко, ваасздта, ид̣̇ам̣ д̇зна самаязна хийнасаммад̇ам̣. д̇ад̣̇зд̇арахи сздтасаммад̇анд̇и д̇ам̣ ид̣̇аани ‘‘зд̇д̇агз манд̇з д̇хаарзнд̇и зд̇д̇агз манд̇з ваажзнд̇ий’’д̇и сздтасаммад̇ам̣ ж̇аад̇ам̣. б̣раахман̣аман̣д̣алассаад̇и б̣раахман̣аг̇ан̣асса.
132.Vītaṅgārāvītadhūmāti pacitvā khāditabbābhāvato vigatadhūmaṅgārā. Pannamusalāti koṭṭetvā pacitabbābhāvato patitamusalā. Ghāsamesamānāti bhikkhācariyavasena yāgubhattaṃ pariyesantā. Tamenaṃ manussā disvāti te ete manussā passitvā. Anabhisambhuṇamānāti asahamānā asakkontā. Ganthe karontāti tayo vede abhisaṅkharontā ceva vācentā ca. Acchantīti vasanti, ‘‘acchentī’’tipi pāṭho. Esevattho. Hīnasammatanti ‘‘mante dhārenti mante vācentī’’ti kho, vāseṭṭha, idaṃ tena samayena hīnasammataṃ. Tadetarahi seṭṭhasammatanti taṃ idāni ‘‘ettake mante dhārenti ettake mante vācentī’’ti seṭṭhasammataṃ jātaṃ. Brāhmaṇamaṇḍalassāti brāhmaṇagaṇassa.
133. мзт̇унам̣ д̇хаммам̣ самаад̣̇ааяаад̇и мзт̇унад̇хаммам̣ самаад̣̇ияид̇ваа. висугамманд̇з баяож̇зсунд̇и г̇орагка ваан̣иж̇агаммаад̣̇игз виссуд̇з уг̇г̇ад̇з гамманд̇з баяож̇зсум̣.
133.Methunaṃ dhammaṃ samādāyāti methunadhammaṃ samādiyitvā. Visukammantepayojesunti gorakkha vāṇijakammādike vissute uggate kammante payojesuṃ.
134. суд̣̇д̣̇аа суд̣̇д̣̇аад̇и д̇зна луд̣̇д̣̇аажаарагаммакуд̣̇д̣̇аажаарагаммунаа суд̣̇д̣̇ам̣ суд̣̇д̣̇ам̣ лахум̣ лахум̣ гужчид̇ам̣ г̇ажчанд̇и, винассанд̇ийд̇и ад̇т̇о. аху код̇и ход̇и ко.
134.Suddā suddāti tena luddācārakammakhuddācārakammunā suddaṃ suddaṃ lahuṃ lahuṃ kucchitaṃ gacchanti, vinassantīti attho. Ahu khoti hoti kho.
135. сагам̣ д̇хаммам̣ г̇арахамаанод̇и на сзд̇ажчад̇д̇ам̣ уссаабанамад̇д̇зна суж̇жхид̇ум̣ саггаад̇и звам̣ ад̇д̇ано кад̇д̇ияад̇хаммам̣ нинд̣̇амаано. зса наяо саб̣б̣ад̇т̇а. ‘‘имзхи ко, ваасздта, жад̇уухи ман̣д̣алзхий’’д̇и иминаа имам̣ д̣̇ассзд̇и ‘‘саман̣аман̣д̣алам̣ наама висум̣ над̇т̇и, яасмаа бана на саггаа ж̇аад̇ияаа суж̇жхид̇ум̣, ад̇д̇ано ад̇д̇ано саммаабадибад̇д̇ияаа висуд̣̇д̇хи ход̇и. д̇асмаа имзхи жад̇уухи ман̣д̣алзхи саман̣аман̣д̣аласса абхиниб̣б̣ад̇д̇и ход̇и. имаани ман̣д̣алаани саман̣аман̣д̣алам̣ анувад̇д̇анд̇и, анувад̇д̇анд̇аани жа д̇хаммзнзва анувад̇д̇анд̇и, но ад̇хаммзна. саман̣аман̣д̣алан̃хи ааг̇амма саммаабадибад̇д̇им̣ буурзд̇ваа суд̣̇д̇хим̣ баабун̣анд̇ий’’д̇и.
135.Sakaṃdhammaṃ garahamānoti na setacchattaṃ ussāpanamattena sujjhituṃ sakkāti evaṃ attano khattiyadhammaṃ nindamāno. Esa nayo sabbattha. ‘‘Imehi kho, vāseṭṭha, catūhi maṇḍalehī’’ti iminā imaṃ dasseti ‘‘samaṇamaṇḍalaṃ nāma visuṃ natthi, yasmā pana na sakkā jātiyā sujjhituṃ, attano attano sammāpaṭipattiyā visuddhi hoti. Tasmā imehi catūhi maṇḍalehi samaṇamaṇḍalassa abhinibbatti hoti. Imāni maṇḍalāni samaṇamaṇḍalaṃ anuvattanti, anuvattantāni ca dhammeneva anuvattanti, no adhammena. Samaṇamaṇḍalañhi āgamma sammāpaṭipattiṃ pūretvā suddhiṃ pāpuṇantī’’ti.
д̣̇ужжарид̇аад̣̇игат̇ааван̣н̣анаа
Duccaritādikathāvaṇṇanā
136. ид̣̇аани яат̇ааж̇аад̇ияаа на саггаа суж̇жхид̇ум̣, саммаабадибад̇д̇ияаава суж̇жханд̇и, д̇амад̇т̇ам̣ баагадам̣ гаронд̇о кад̇д̇ияоби ко, ваасздтаад̇и д̣̇зсанам̣ аарабхи. д̇ад̇т̇а мижчаад̣̇идтигаммасамаад̣̇аанахзд̇ууд̇и мижчаад̣̇идтивасзна самаад̣̇иннагаммахзд̇у, мижчаад̣̇идтигаммасса ваа самаад̣̇аанахзд̇у.
136. Idāni yathājātiyā na sakkā sujjhituṃ, sammāpaṭipattiyāva sujjhanti, tamatthaṃ pākaṭaṃ karonto khattiyopi kho, vāseṭṭhāti desanaṃ ārabhi. Tattha micchādiṭṭhikammasamādānahetūti micchādiṭṭhivasena samādinnakammahetu, micchādiṭṭhikammassa vā samādānahetu.
137. д̣̇ваяагаарийд̇и гаалзна гусалам̣ гарод̇и, гаалзна агусаланд̇и звам̣ убхаяагаарий. сукад̣̇угкаббадисам̣взд̣̇ий ход̇ийд̇и згагкан̣з убхаяавибаагад̣̇аанадтаанам̣ наама над̇т̇и. язна бана агусалам̣ б̣ахум̣ гад̇ам̣ ход̇и, гусалам̣ манд̣̇ам̣, со д̇ам̣ гусалам̣ ниссааяа кад̇д̇ияагулз ваа б̣раахман̣агулз ваа ниб̣б̣ад̇д̇ад̇и. ат̇а нам̣ агусалагаммам̣ гаан̣амби гарод̇и куж̇ж̇амби бийтасаббимби. со раж̇ж̇асса ваа анарахо ход̇и, абхисид̇д̇агаалз ваа звам̣бхууд̇о бхог̇з барибхун̃ж̇ид̇ум̣ на саггод̇и. абарасса маран̣агаалз д̣̇вз б̣алавамаллаа вияа д̇з д̣̇взби гусалаагусалагаммаани убадтаханд̇и. д̇зсу агусалам̣ б̣алавад̇арам̣ ход̇и, д̇ам̣ гусалам̣ бадиб̣аахид̇ваа д̇иражчаанаяонияам̣ ниб̣б̣ад̇д̇аабзд̇и. гусалагаммамби бавад̇д̇ивзд̣̇анийяам̣ ход̇и. д̇амзнам̣ ман̇г̇алахад̇т̇им̣ ваа гаронд̇и ман̇г̇алаассам̣ ваа ман̇г̇алаусабхам̣ ваа. со самбад̇д̇им̣ анубхавад̇и . ид̣̇ам̣ санд̇хааяа вуд̇д̇ам̣ ‘‘сукад̣̇угкаббадисам̣взд̣̇ий ход̇ий’’д̇и.
137.Dvayakārīti kālena kusalaṃ karoti, kālena akusalanti evaṃ ubhayakārī. Sukhadukkhappaṭisaṃvedī hotīti ekakkhaṇe ubhayavipākadānaṭṭhānaṃ nāma natthi. Yena pana akusalaṃ bahuṃ kataṃ hoti, kusalaṃ mandaṃ, so taṃ kusalaṃ nissāya khattiyakule vā brāhmaṇakule vā nibbattati. Atha naṃ akusalakammaṃ kāṇampi karoti khujjampi pīṭhasappimpi. So rajjassa vā anaraho hoti, abhisittakāle vā evaṃbhūto bhoge paribhuñjituṃ na sakkoti. Aparassa maraṇakāle dve balavamallā viya te dvepi kusalākusalakammāni upaṭṭhahanti. Tesu akusalaṃ balavataraṃ hoti, taṃ kusalaṃ paṭibāhitvā tiracchānayoniyaṃ nibbattāpeti. Kusalakammampi pavattivedanīyaṃ hoti. Tamenaṃ maṅgalahatthiṃ vā karonti maṅgalaassaṃ vā maṅgalausabhaṃ vā. So sampattiṃ anubhavati . Idaṃ sandhāya vuttaṃ ‘‘sukhadukkhappaṭisaṃvedī hotī’’ti.
б̣од̇хибагкияабхааванааван̣н̣анаа
Bodhipakkhiyabhāvanāvaṇṇanā
138. сад̇д̇аннам̣ б̣од̇хибагкияаананд̇и ‘‘жад̇д̇ааро сад̇ибадтаанаа’’д̇и аад̣̇игодтаасавасзна сад̇д̇аннам̣, бадибаадияаа бана сад̇д̇ад̇им̣сааяа б̣од̇хибагкияаанам̣ д̇хаммаанам̣ . бхааванаманвааяаад̇и бхааванам̣ ануг̇анд̇ваа, бадибаж̇ж̇ид̇ваад̇и ад̇т̇о. бариниб̣б̣ааяад̇ийд̇и гилзсабариниб̣б̣аанзна бариниб̣б̣ааяад̇и. ид̇и бхаг̇аваа жад̇д̇ааро ван̣н̣з д̣̇ассзд̇ваа винивад̇д̇зд̇ваа бадивид̣̇д̇хажад̇усажжам̣ кийн̣аасавамзва д̣̇звамануссзсу сздтам̣ гад̇ваа д̣̇ассзси.
138.Sattannaṃ bodhipakkhiyānanti ‘‘cattāro satipaṭṭhānā’’ti ādikoṭṭhāsavasena sattannaṃ, paṭipāṭiyā pana sattatiṃsāya bodhipakkhiyānaṃ dhammānaṃ . Bhāvanamanvāyāti bhāvanaṃ anugantvā, paṭipajjitvāti attho. Parinibbāyatīti kilesaparinibbānena parinibbāyati. Iti bhagavā cattāro vaṇṇe dassetvā vinivattetvā paṭividdhacatusaccaṃ khīṇāsavameva devamanussesu seṭṭhaṃ katvā dassesi.
140. ид̣̇аани д̇амзвад̇т̇ам̣ логасаммад̇асса б̣рахмуноби важанад̣̇ассанаанусаарзна д̣̇ал̣хам̣ гад̇ваа д̣̇ассзнд̇о имзсан̃хи ваасздта жад̇уннам̣ ван̣н̣аананд̇иаад̣̇имааха. ‘‘б̣рахмунаабзсаа’’д̇иаад̣̇и амб̣адтасуд̇д̇з вид̇т̇аарид̇ам̣. ид̇и бхаг̇аваа зд̇д̇агзна иминаа гат̇аамаг̇г̇зна сздтажчзд̣̇агаваад̣̇амзва д̣̇ассзд̇ваа суд̇д̇анд̇ам̣ винивад̇д̇зд̇ваа арахад̇д̇анигуудзна д̣̇зсанам̣ нидтаабзси. ад̇д̇аманаа ваасздтабхаарад̣̇вааж̇аад̇и ваасздтабхаарад̣̇вааж̇а сааман̣зрааби хи сагаманаа д̇удтаманаа ‘‘саад̇ху, саад̇хуу’’д̇и бхаг̇авад̇о бхаасид̇ам̣ абхинанд̣̇им̣су. ид̣̇амзва суд̇д̇анд̇ам̣ ааваж̇ж̇анд̇аа анумаж̇ж̇анд̇аа саха бадисамбхид̣̇аахи арахад̇д̇ам̣ баабун̣им̣сууд̇и.
140. Idāni tamevatthaṃ lokasammatassa brahmunopi vacanadassanānusārena daḷhaṃ katvā dassento imesañhi vāseṭṭha catunnaṃ vaṇṇānantiādimāha. ‘‘Brahmunāpesā’’tiādi ambaṭṭhasutte vitthāritaṃ. Iti bhagavā ettakena iminā kathāmaggena seṭṭhacchedakavādameva dassetvā suttantaṃ vinivattetvā arahattanikūṭena desanaṃ niṭṭhāpesi. Attamanā vāseṭṭhabhāradvājāti vāseṭṭhabhāradvāja sāmaṇerāpi hi sakamanā tuṭṭhamanā ‘‘sādhu, sādhū’’ti bhagavato bhāsitaṃ abhinandiṃsu. Idameva suttantaṃ āvajjantā anumajjantā saha paṭisambhidāhi arahattaṃ pāpuṇiṃsūti.
суман̇г̇алавилаасинияаа д̣̇ийгханигааяадтагат̇ааяа
Sumaṅgalavilāsiniyā dīghanikāyaṭṭhakathāya
аг̇г̇ан̃н̃асуд̇д̇аван̣н̣анаа нидтид̇аа.
Aggaññasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 4. аг̇г̇ан̃н̃асуд̇д̇ам̣ • 4. Aggaññasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 4. аг̇г̇ан̃н̃асуд̇д̇аван̣н̣анаа • 4. Aggaññasuttavaṇṇanā
