| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
4. аг̇г̇ан̃н̃асуд̇д̇аван̣н̣анаа
4. Aggaññasuttavaṇṇanā
ваасздтабхаарад̣̇вааж̇аван̣н̣анаа
Vāseṭṭhabhāradvājavaṇṇanā
111. зд̇т̇аад̇и ‘‘буб̣б̣аараамз, миг̇аарамаад̇убаасаад̣̇з’’д̇и зд̇асмим̣ бад̣̇ад̣̇ваяз. гояам̣ буб̣б̣аараамо, гат̇ан̃жа буб̣б̣аараамо, гаа жа миг̇аарамаад̇аа, гат̇ан̃жассаа баасаад̣̇о ахосийд̇и зд̇асмим̣ анд̇олийнз ануяог̇з. аяам̣ ид̣̇аани вужжамаанаа анубуб̣б̣игат̇аа аад̣̇ид̇о бадтааяа сан̇кзбзнзва анубуб̣б̣игат̇аа. бад̣̇умуд̇д̇арам̣ бхаг̇аванд̇ам̣ згам̣ убаасигам̣ аг̇г̇убадтааяигадтаанз табзнд̇им̣ д̣̇исваана д̇ад̇т̇а сан̃ж̇аад̇аг̇аараваб̣ахумаанаа д̇амзвад̇т̇ам̣ бурагкад̇ваа бхаг̇аванд̇ам̣ ниманд̇зд̇ваа. мзн̣д̣агабуд̇д̇ассаад̇и мзн̣д̣агасздтибуд̇д̇асса. сод̇аабаннаа ахоси д̇ат̇аа гад̇аад̇хигаарад̇д̇аа.
111.Etthāti ‘‘pubbārāme, migāramātupāsāde’’ti etasmiṃ padadvaye. Koyaṃ pubbārāmo, kathañca pubbārāmo, kā ca migāramātā, kathañcassā pāsādo ahosīti etasmiṃ antolīne anuyoge. Ayaṃ idāni vuccamānā anupubbikathā ādito paṭṭhāya saṅkhepeneva anupubbikathā. Padumuttaraṃ bhagavantaṃ ekaṃ upāsikaṃ aggupaṭṭhāyikaṭṭhāne ṭhapentiṃ disvāna tattha sañjātagāravabahumānā tamevatthaṃ purakkhatvā bhagavantaṃ nimantetvā. Meṇḍakaputtassāti meṇḍakaseṭṭhiputtassa. Sotāpannā ahosi tathā katādhikārattā.
маад̇удтаанз табзси ад̇д̇ано сийлаажаарасамбад̇д̇ияаа г̇арудтаанияад̇д̇аа. убаяог̇анд̇и д̇ад̇т̇а д̇ад̇т̇а аббзд̇аб̣б̣адтаанз аббанаавасзна винияог̇ам̣ аг̇амам̣су. ан̃н̃зхи жа взл̣урияалохид̇ан̇гамасаараг̇аллаад̣̇ийхи. бхассад̇ийд̇и од̇арад̇и. суд̣̇д̇хабаасаад̣̇ова на собхад̇ийд̇и гзвало згабаасаад̣̇о зва вихааро на собхад̇и. нияуухаани б̣ахууни нийхарид̇ваа гад̇д̇аб̣б̣асзнаасанаани ‘‘д̣̇увад̣дхаг̇зхааний’’д̇и вад̣̇анд̇и. маж̇жхз г̇аб̣бхо саманд̇ад̇о анубарияааяад̇од̇и звам̣ д̣̇вигкад̇д̇ум̣ вад̣дхзд̇ваа гад̇асзнаасанаани д̣̇увад̣дхаг̇зхаани. жуул̣абаасаад̣̇аад̇и куд̣̇д̣̇агабаасаад̣̇аа.
Mātuṭṭhāne ṭhapesi attano sīlācārasampattiyā garuṭṭhāniyattā. Upayoganti tattha tattha appetabbaṭṭhāne appanāvasena viniyogaṃ agamaṃsu. Aññehi ca veḷuriyalohitaṅkamasāragallādīhi. Bhassatīti otarati. Suddhapāsādova na sobhatīti kevalo ekapāsādo eva vihāro na sobhati. Niyūhāni bahūni nīharitvā kattabbasenāsanāni ‘‘duvaḍḍhagehānī’’ti vadanti. Majjhe gabbho samantato anupariyāyatoti evaṃ dvikkhattuṃ vaḍḍhetvā katasenāsanāni duvaḍḍhagehāni. Cūḷapāsādāti khuddakapāsādā.
уд̇д̇арад̣̇звийвихааро наама наг̇арасса баажийнад̣̇ваарасамийбз гад̇авихааро.
Uttaradevīvihāro nāma nagarassa pācīnadvārasamīpe katavihāro.
д̇ид̇т̇ияалин̇г̇асса аг̇г̇ахид̇ад̇д̇аа нзва д̇ид̇т̇ияабариваасам̣ васанд̇и. анубасамбаннабхаавад̇о аабад̇д̇ияаа аабаннааяа абхаавад̇о на аабад̇д̇ибариваасам̣ васанд̇и. бхигкубхааванд̇и убасамбад̣̇ам̣. д̇звиж̇ж̇асуд̇д̇анд̇и имасмим̣ д̣̇ийгханигааяз д̇звиж̇ж̇асуд̇д̇ам̣ суд̇ваа.
Titthiyaliṅgassa aggahitattā neva titthiyaparivāsaṃ vasanti. Anupasampannabhāvato āpattiyā āpannāya abhāvato na āpattiparivāsaṃ vasanti. Bhikkhubhāvanti upasampadaṃ. Tevijjasuttanti imasmiṃ dīghanikāye tevijjasuttaṃ sutvā.
113. анувад̇д̇амаанаа жан̇гамим̣су ананужан̇гаманз яат̇аад̇хиббзд̇асса ад̇т̇асса бужчанаад̣̇ийнам̣ асаггун̣зяяад̇д̇аа. д̇зсанд̇и д̇зсам̣ д̣̇виннам̣. д̇знааха ‘‘бан̣д̣ид̇ад̇аро’’д̇и. ад̇т̇аад̇и бхавад̇т̇а. гуласамбаннаад̇и самбаннагулаа уд̣̇ид̇од̣̇ид̇з б̣раахман̣агулз уббаннаа. б̣раахман̣агулаад̇и гзнажи баариж̇ун̃н̃зна анубад̣̇д̣̇уд̇аа зва б̣раахман̣агулаа. д̇знааха ‘‘бхог̇аад̣̇исамбанна’’нд̇иаад̣̇и. имз б̣раахман̣аа ужжаа худ̇ваа ‘‘имам̣ васалам̣ баб̣б̣аж̇ж̇ам̣ баб̣б̣аж̇им̣суу’’д̇иаад̣̇инаа ж̇аад̇иаад̣̇ийни гхаддзнд̇аа аггосанд̇и. барибхаасанд̇ийд̇и барибхавид̇ваа бхаасанд̇и. ад̇д̇ано ануруубааяаад̇и ад̇д̇ано аж̇жхаасаяасса ануруубааяа. анд̇аранд̇араа вижчиж̇ж̇а бавад̇д̇ияамаанаа барибхаасаа барибун̣н̣аа наама на ход̇и кан̣д̣абхаавад̇о, д̇аб̣б̣ибарияааяад̇о барибун̣н̣аа наама ход̇ийд̇и ааха ‘‘анд̇араа’’д̇иаад̣̇и.
113.Anuvattamānācaṅkamiṃsu ananucaṅkamane yathādhippetassa atthassa pucchanādīnaṃ asakkuṇeyyattā. Tesanti tesaṃ dvinnaṃ. Tenāha ‘‘paṇḍitataro’’ti. Atthāti bhavattha. Kulasampannāti sampannakulā uditodite brāhmaṇakule uppannā. Brāhmaṇakulāti kenaci pārijuññena anupaddutā eva brāhmaṇakulā. Tenāha ‘‘bhogādisampanna’’ntiādi. Ime brāhmaṇā uccā hutvā ‘‘imaṃ vasalaṃ pabbajjaṃ pabbajiṃsū’’tiādinā jātiādīni ghaṭṭentā akkosanti. Paribhāsantīti paribhavitvā bhāsanti. Attano anurūpāyāti attano ajjhāsayassa anurūpāya. Antarantarā vicchijja pavattiyamānā paribhāsā paripuṇṇā nāma na hoti khaṇḍabhāvato, tabbipariyāyato paripuṇṇā nāma hotīti āha ‘‘antarā’’tiādi.
аббад̇идтад̇ааяаад̇и абассаяарахид̇ад̇д̇аа. вибхиннод̇и винадто.
Appatiṭṭhatāyāti apassayarahitattā. Vibhinnoti vinaṭṭho.
ид̇арз д̇аяо ван̣н̣аад̇и кад̇д̇ияаад̣̇аяо ван̣н̣аа хийнаа. нану кад̇д̇ияаава сздтаа ван̣н̣аа яат̇аа б̣уд̣̇д̇хаа зд̇арахи кад̇д̇ияагулз зва уббаннаад̇и? сажжамзд̇ам̣, д̇з бана ад̇д̇ано мижчаабхимаанзна, мижчааг̇аахзна жа ‘‘б̣раахман̣ова сздто ван̣н̣о’’д̇и вад̣̇анд̇и, д̇ам̣ д̇зсам̣ важанамад̇д̇ам̣. ‘‘суж̇жханд̇ийд̇и суд̣̇д̇хаа хонд̇и, на нинд̣̇ам̣ г̇арахам̣ баабун̣анд̇ий’’д̇и вад̣̇анд̇и. суж̇жханд̇и ваа сам̣саарад̇о суж̇жханд̇и, на сзсаа ван̣н̣аа асуггаж̇аад̇игад̇д̇аа, манд̇аж̇жхзнаабхаавад̇о жаад̇и. б̣рахмуно мукад̇о ж̇аад̇аа взд̣̇аважанад̇о ж̇аад̇аад̇и мукад̇о ж̇аад̇аа. д̇ад̇о зва б̣рахмуно махааб̣рахмуно взд̣̇аважанад̇о виж̇аад̇аад̇и б̣рахмаж̇аа. д̇зна д̣̇увид̇хзнааби ниммид̇аад̇и б̣рахманиммид̇аа. взд̣̇авзд̣̇ан̇г̇аад̣̇иб̣рахмад̣̇ааяаж̇ж̇ам̣ араханд̇ийд̇и б̣рахмад̣̇ааяаад̣̇аа. мун̣д̣агз саман̣агзд̇и зд̇т̇а га-гааро г̇арахааяанд̇и ааха ‘‘нинд̣̇анд̇аа ж̇иг̇ужчанд̇аа вад̣̇анд̇ий’’д̇и. иб̣бхзд̇и суд̣̇д̣̇з, д̇з бана гхараб̣анд̇ханзна б̣ад̣̇д̇хаа нихийнад̇араад̇и ааха ‘‘г̇ахабад̇игз’’д̇и. ган̣хзд̇и ган̣хаж̇аад̇игз. б̣анд̇ханадтзна б̣анд̇ху, гасса бана б̣анд̇хууд̇и ааха ‘‘маарасса б̣анд̇хубхууд̇з’’д̇и. баад̣̇аабажжзд̇и баад̣̇ад̇о ж̇аад̇аабажжз. аяам̣ гира б̣раахман̣аанам̣ лад̣̇д̇хи ‘‘б̣раахман̣аа б̣рахмуно мукад̇о ж̇аад̇аа, кад̇д̇ияаа урад̇о, ууруухи взссаа, баад̣̇ад̇о суд̣̇д̣̇аа’’д̇и.
Itare tayo vaṇṇāti khattiyādayo vaṇṇā hīnā. Nanu khattiyāva seṭṭhā vaṇṇā yathā buddhā etarahi khattiyakule eva uppannāti? Saccametaṃ, te pana attano micchābhimānena, micchāgāhena ca ‘‘brāhmaṇova seṭṭho vaṇṇo’’ti vadanti, taṃ tesaṃ vacanamattaṃ. ‘‘Sujjhantīti suddhā honti, na nindaṃ garahaṃ pāpuṇantī’’ti vadanti. Sujjhanti vā saṃsārato sujjhanti, na sesā vaṇṇā asukkajātikattā, mantajjhenābhāvato cāti. Brahmuno mukhato jātā vedavacanato jātāti mukhato jātā. Tato eva brahmuno mahābrahmuno vedavacanato vijātāti brahmajā. Tena duvidhenāpi nimmitāti brahmanimmitā. Vedavedaṅgādibrahmadāyajjaṃ arahantīti brahmadāyādā. Muṇḍake samaṇaketi ettha ka-kāro garahāyanti āha ‘‘nindantā jigucchantā vadantī’’ti. Ibbheti sudde, te pana gharabandhanena baddhā nihīnatarāti āha ‘‘gahapatike’’ti. Kaṇheti kaṇhajātike. Bandhanaṭṭhena bandhu, kassa pana bandhūti āha ‘‘mārassa bandhubhūte’’ti. Pādāpacceti pādato jātāpacce. Ayaṃ kira brāhmaṇānaṃ laddhi ‘‘brāhmaṇā brahmuno mukhato jātā, khattiyā urato, ūrūhi vessā, pādato suddā’’ti.
114. яасмаа батамагаббигагаалз жад̇уван̣н̣ававад̇т̇аанам̣ над̇т̇и, саб̣б̣зва сад̇д̇аа згасад̣̇исаа, абарабхааг̇з бана д̇зсам̣ баяог̇абхзд̣̇авасзна ахоси, д̇асмаа вуд̇д̇ам̣ ‘‘бораан̣ам̣…бз… аж̇аананд̇аа’’д̇и. лад̣̇д̇хибхинд̣̇анад̇т̇ааяаад̇и ‘‘б̣раахман̣аа б̣рахмуно буд̇д̇аа орасаа мукад̇о ж̇аад̇аа’’д̇и звам̣ бавад̇д̇ааяа лад̣̇д̇хияаа винивзтанад̇т̇ам̣. буд̇д̇аббадилаабхад̇т̇ааяаад̇и ‘‘звам̣ маяам̣ бзд̇д̇игам̣ ин̣ам̣ сод̇хзссаамаа’’д̇и лад̣̇д̇хияам̣ тад̇ваа буд̇д̇аббадилаабхааяа. аяан̃хзд̇т̇а д̇хаммигаанам̣ б̣раахман̣аанам̣ аж̇жхаасаяо. сан̃ж̇аад̇абубпаад̇и раж̇ассалаа. ид̇т̇ийнан̃хи гумаарибхааваббад̇д̇ид̇о бадтааяа бажчимаваяад̇о орам̣ асад̇и виб̣анд̇хз адтамз адтамз сад̇д̇аахз г̇аб̣бхаасаяасан̃н̃ид̇з д̇ад̇ияз аавад̇д̇з гад̇ибаяаа лохид̇абийл̣агаа сан̣тахид̇ваа аг̇г̇ахид̇абубпаа зва бхиж̇ж̇анд̇и, д̇ад̇о лохид̇ам̣ баг̇гхарад̇и, д̇ад̇т̇а уд̇усаман̃н̃аа, бубпасаман̃н̃аа жа. нзсанд̇и б̣раахман̣аанам̣. сажжаважанам̣ сияаад̇и ‘‘б̣рахмуно буд̇д̇аа’’д̇иаад̣̇иважанам̣ сажжам̣ яад̣̇и сияаа, б̣раахман̣ийнам̣…бз… мукам̣ бхавзяяа, на жзд̇ам̣ ад̇т̇и.
114. Yasmā paṭhamakappikakāle catuvaṇṇavavatthānaṃ natthi, sabbeva sattā ekasadisā, aparabhāge pana tesaṃ payogabhedavasena ahosi, tasmā vuttaṃ ‘‘porāṇaṃ…pe… ajānantā’’ti. Laddhibhindanatthāyāti ‘‘brāhmaṇā brahmuno puttā orasā mukhato jātā’’ti evaṃ pavattāya laddhiyā viniveṭhanatthaṃ. Puttappaṭilābhatthāyāti ‘‘evaṃ mayaṃ pettikaṃ iṇaṃ sodhessāmā’’ti laddhiyaṃ ṭhatvā puttappaṭilābhāya. Ayañhettha dhammikānaṃ brāhmaṇānaṃ ajjhāsayo. Sañjātapupphāti rajassalā. Itthīnañhi kumāribhāvappattito paṭṭhāya pacchimavayato oraṃ asati vibandhe aṭṭhame aṭṭhame sattāhe gabbhāsayasaññite tatiye āvatte katipayā lohitapīḷakā saṇṭhahitvā aggahitapupphā eva bhijjanti, tato lohitaṃ paggharati, tattha utusamaññā, pupphasamaññā ca. Nesanti brāhmaṇānaṃ. Saccavacanaṃ siyāti ‘‘brahmuno puttā’’tiādivacanaṃ saccaṃ yadi siyā, brāhmaṇīnaṃ…pe… mukhaṃ bhaveyya, na cetaṃ atthi.
жад̇уван̣н̣асуд̣̇д̇хиван̣н̣анаа
Catuvaṇṇasuddhivaṇṇanā
115. мукажчзд̣̇агаваад̣̇анд̇и ‘‘б̣раахман̣аа махааб̣рахмуно мукад̇о ж̇аад̇аа’’д̇и ваад̣̇асса чзд̣̇агаваад̣̇ам̣. арияабхаавз асамад̇т̇аад̇и анарияабхааваавахаа. багад̇игаал̣агаад̇и сабхаавзнзва на суд̣̇д̇хаа. ган̣ход̇и гилидто убад̇аабаго. д̇знааха ‘‘д̣̇угкод̇и ад̇т̇о’’д̇и.
115.Mukhacchedakavādanti ‘‘brāhmaṇā mahābrahmuno mukhato jātā’’ti vādassa chedakavādaṃ. Ariyabhāve asamatthāti anariyabhāvāvahā. Pakatikāḷakāti sabhāveneva na suddhā. Kaṇhoti kiliṭṭho upatāpako. Tenāha ‘‘dukkhoti attho’’ti.
суггабхааво наама барисуд̣̇д̇хад̇аад̇и ааха ‘‘ниггилзсабхаавзна бан̣д̣араа’’д̇и. суггод̇и на гилидто анубад̇аабагод̇и вуд̇д̇ам̣ ‘‘сукод̇и ад̇т̇о’’д̇и.
Sukkabhāvo nāma parisuddhatāti āha ‘‘nikkilesabhāvena paṇḍarā’’ti. Sukkoti na kiliṭṭho anupatāpakoti vuttaṃ ‘‘sukhoti attho’’ti.
116. убхаяавогин̣н̣зд̇и важанавибаллаасзна вуд̇д̇анд̇и ааха ‘‘убхаязсу вогин̣н̣зсуу’’д̇и. миссийбхууд̇зсууд̇и ‘‘гад̣̇аажи ган̣хаа д̇хаммаа, гад̣̇аажи суггаа д̇хаммаа’’д̇и звам̣ згасмим̣ санд̇аанз, згасмим̣язва жа ад̇д̇абхаавз бавад̇д̇ияаа миссийбхууд̇зсу, на бана згаж̇жхам̣ бавад̇д̇ияаа. зд̇т̇аад̇и ананд̇аравуд̇д̇ад̇хаммаава анваад̇хидтаад̇и ааха ‘‘ган̣хасуггад̇хаммзсуу’’д̇и. яасмаа жа д̇з б̣раахман̣аа на жзва д̇з д̇хаммз ад̇игганд̇аа, яааяа жа бадибад̣̇ааяа ад̇иггамзяяум̣, сааби д̇зсам̣ бадибад̣̇аа над̇т̇и, д̇асмаа вуд̇д̇ам̣ ‘‘вад̇д̇амаанаабий’’д̇и. наануж̇аананд̇и аяат̇аабхужжаваад̣̇абхаавад̇о. ануж̇аананан̃жа наама аб̣бханумод̣̇ананд̇и д̇ад̣̇абхаавам̣ д̣̇ассзнд̇зна ‘‘наанумод̣̇анд̇и, на басам̣санд̇ий’’д̇и вуд̇д̇ам̣. жад̇уннам̣ ван̣н̣аананд̇и нид̣̇д̇хааран̣з саамиважанам̣. д̇зсанд̇и бана самб̣анд̇хзби ваа саамиважанам̣. д̇з жа б̣раахман̣аа на зваруубаа на зд̣̇исаа, яаад̣̇исо арахаа згад̣̇зсзнааби д̇зна д̇зсам̣ сад̣̇исад̇аабхаавад̇о, д̇асмаа д̇зна гааран̣зна нзсам̣ б̣раахман̣аанам̣ ‘‘б̣раахман̣ова сздто ван̣н̣о’’д̇и ваад̣̇ам̣ вин̃н̃уу яат̇аабхууд̇аваад̣̇ино б̣уд̣̇д̇хаад̣̇аяо арияаа наануж̇аананд̇и.
116.Ubhayavokiṇṇeti vacanavipallāsena vuttanti āha ‘‘ubhayesu vokiṇṇesū’’ti. Missībhūtesūti ‘‘kadāci kaṇhā dhammā, kadāci sukkā dhammā’’ti evaṃ ekasmiṃ santāne, ekasmiṃyeva ca attabhāve pavattiyā missībhūtesu, na pana ekajjhaṃ pavattiyā. Etthāti anantaravuttadhammāva anvādhiṭṭhāti āha ‘‘kaṇhasukkadhammesū’’ti. Yasmā ca te brāhmaṇā na ceva te dhamme atikkantā, yāya ca paṭipadāya atikkameyyuṃ, sāpi tesaṃ paṭipadā natthi, tasmā vuttaṃ ‘‘vattamānāpī’’ti. Nānujānanti ayathābhuccavādabhāvato. Anujānanañca nāma abbhanumodananti tadabhāvaṃ dassentena ‘‘nānumodanti, na pasaṃsantī’’ti vuttaṃ. Catunnaṃ vaṇṇānanti niddhāraṇe sāmivacanaṃ. Tesanti pana sambandhepi vā sāmivacanaṃ. Te ca brāhmaṇā na evarūpā na edisā, yādiso arahā ekadesenāpi tena tesaṃ sadisatābhāvato, tasmā tena kāraṇena nesaṃ brāhmaṇānaṃ ‘‘brāhmaṇova seṭṭho vaṇṇo’’ti vādaṃ viññū yathābhūtavādino buddhādayo ariyā nānujānanti.
аарагад̇д̇аад̣̇ийхийд̇и зд̇т̇а гилзсаанам̣ аарагад̇д̇аа бахийнабхаавад̇о д̣̇уурад̇д̇аа арахам̣, гилзсаарийнам̣ хад̇ад̇д̇аа арахам̣, сам̣сааражаггасса араанам̣ хад̇ад̇д̇аа арахам̣, бажжаяаад̣̇ийнам̣ арахад̇д̇аа арахам̣, баабагаран̣з рахаабхаавзна араханд̇и звамад̇т̇о взд̣̇ид̇аб̣б̣о. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.125 аад̣̇аяо), д̇ам̣ сам̣ван̣н̣анаасу (висуд̣̇д̇хи. дий. 1.124) жа вуд̇д̇анаязна взд̣̇ид̇аб̣б̣о . аасаваанам̣ кийн̣ад̇д̇аад̇и жад̇уннамби аасаваанам̣ анавасзсад̇о бахийнад̇д̇аа. б̣рахмажарияаваасанд̇и маг̇г̇аб̣рахмажарияаваасам̣. д̇асса ваасасса барияосид̇ад̇д̇аа вуд̇т̇аваасо, д̣̇асаннамби ваа арияаваасаанам̣ вуд̇т̇ад̇д̇аа вуд̇т̇аваасо. вуд̇д̇ан̃хзд̇ам̣ –
Ārakattādīhīti ettha kilesānaṃ ārakattā pahīnabhāvato dūrattā arahaṃ, kilesārīnaṃ hatattā arahaṃ, saṃsāracakkassa arānaṃ hatattā arahaṃ, paccayādīnaṃ arahattā arahaṃ, pāpakaraṇe rahābhāvena arahanti evamattho veditabbo. Ayamettha saṅkhepo, vitthāro pana visuddhimagge (visuddhi. 1.125 ādayo), taṃ saṃvaṇṇanāsu (visuddhi. ṭī. 1.124) ca vuttanayena veditabbo . Āsavānaṃ khīṇattāti catunnampi āsavānaṃ anavasesato pahīnattā. Brahmacariyavāsanti maggabrahmacariyavāsaṃ. Tassa vāsassa pariyositattā vutthavāso, dasannampi vā ariyavāsānaṃ vutthattā vutthavāso. Vuttañhetaṃ –
‘‘д̣̇асаяимз, бхигкавз, арияааваасаа, яад̣̇арияаа аавасим̣су ваа аавасанд̇и ваа аавасиссанд̇и ваа. гад̇амз д̣̇аса? ид̇ха, бхигкавз, бхигку бан̃жан̇г̇авиббахийно ход̇и чал̣ан̇г̇асаманнааг̇ад̇о згаарагко жад̇ураабассзно банун̣н̣абажжзгасажжо самаваяасатзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о. имз ко, бхигкавз, д̣̇аса арияааваасаа’’д̇и (а. ни. 10.19).
‘‘Dasayime, bhikkhave, ariyāvāsā, yadariyā āvasiṃsu vā āvasanti vā āvasissanti vā. Katame dasa? Idha, bhikkhave, bhikkhu pañcaṅgavippahīno hoti chaḷaṅgasamannāgato ekārakkho caturāpasseno panuṇṇapaccekasacco samavayasaṭhesano anāvilasaṅkappo passaddhakāyasaṅkhāro suvimuttacitto suvimuttapañño. Ime kho, bhikkhave, dasa ariyāvāsā’’ti (a. ni. 10.19).
вуссад̇ийд̇и ваа вусид̇ам̣, арияамаг̇г̇о, арияапалан̃жа, д̇ам̣ зд̇асса ад̇т̇ийд̇и ад̇исаяаважанижчаавасзна арахаа ‘‘вусид̇аваа’’д̇и вуд̇д̇о. гаран̣ийяам̣ наама барин̃н̃аабахаанасажчигирияаабхааванаа д̣̇угкассанд̇ам̣ гаад̇угаамзхи зганд̇ад̇о гад̇д̇аб̣б̣ад̇д̇аа, д̇ам̣ бана яасмаа жад̇уухи маг̇г̇зхи бажжзгам̣ жад̇уусу сажжзсу гаад̇аб̣б̣ам̣ гад̇ам̣, д̇асмаа вуд̇д̇ам̣ ‘‘жад̇уухи…бз… гад̇агаран̣ийяо’’д̇и. осийд̣̇аабанадтзна бхаараа вияаад̇и бхаараа, гилзсаа, канд̇хаа жа. вуд̇д̇ан̃хи ‘‘бхаараа хавз бан̃жагканд̇хаа’’д̇и (сам̣. ни. 3.22) охаарид̇од̇и абанийд̇о. саго ад̇т̇о сад̣̇ад̇т̇од̇и зд̇т̇а д̣̇а-гааро бад̣̇асанд̇хигаро. гаамам̣ д̣̇идтиаад̣̇аяоби сам̣яож̇анаани зва, д̇ат̇ааби д̇ан̣хааяа бхавасам̣яож̇анадто саад̇исаяо. яат̇ааха ‘‘авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаана’’нд̇и. (сам̣. ни. 2.125, 126, 127, 132, 134, 136, 142; 3.5.520; гат̇аа. 75) д̇ад̇о саа зва суд̇д̇з (д̣̇ий. ни. 2.400; ма. ни. 1.93, 133; 3.373; сам̣. ни. 3.1081; бади. ма. 1.34 аад̣̇аяо) самуд̣̇аяасажжабхаавзна вуд̇д̇аа, д̇асмаа вуд̇д̇ам̣ ‘‘бхавасам̣яож̇анам̣ вужжад̇и д̇ан̣хаа’’д̇и. саммад̣̇ан̃н̃аа вимуд̇д̇од̇и саммаа ан̃н̃ааяа ж̇аананабхууд̇ааяа аг̇г̇амаг̇г̇абан̃н̃ааяа саммаа яат̇аабхууд̇ам̣ яам̣ яат̇аа ж̇аанид̇аб̣б̣ам̣, д̇ам̣ д̇ат̇аа ж̇аанид̇ваа вимуд̇д̇о. имасмим̣ логзд̇и имасмим̣ сад̇д̇алогз. ид̇хад̇д̇абхаавзд̇и имасмим̣ ад̇д̇абхаавз, барад̇д̇абхаавзд̇и барасмим̣ ад̇д̇абхаавз, ид̇халогз, баралогз жаад̇и ад̇т̇о.
Vussatīti vā vusitaṃ, ariyamaggo, ariyaphalañca, taṃ etassa atthīti atisayavacanicchāvasena arahā ‘‘vusitavā’’ti vutto. Karaṇīyaṃ nāma pariññāpahānasacchikiriyābhāvanā dukkhassantaṃ kātukāmehi ekantato kattabbattā, taṃ pana yasmā catūhi maggehi paccekaṃ catūsu saccesu kātabbaṃ kataṃ, tasmā vuttaṃ ‘‘catūhi…pe… katakaraṇīyo’’ti. Osīdāpanaṭṭhena bhārā viyāti bhārā, kilesā, khandhā ca. Vuttañhi ‘‘bhārā have pañcakkhandhā’’ti (saṃ. ni. 3.22) ohāritoti apanīto. Sako attho sadatthoti ettha da-kāro padasandhikaro. Kāmaṃ diṭṭhiādayopi saṃyojanāni eva, tathāpi taṇhāya bhavasaṃyojanaṭṭho sātisayo. Yathāha ‘‘avijjānīvaraṇānaṃ sattānaṃ taṇhāsaṃyojanāna’’nti. (Saṃ. ni. 2.125, 126, 127, 132, 134, 136, 142; 3.5.520; kathā. 75) tato sā eva sutte (dī. ni. 2.400; ma. ni. 1.93, 133; 3.373; saṃ. ni. 3.1081; paṭi. ma. 1.34 ādayo) samudayasaccabhāvena vuttā, tasmā vuttaṃ ‘‘bhavasaṃyojanaṃ vuccati taṇhā’’ti. Sammadaññā vimuttoti sammā aññāya jānanabhūtāya aggamaggapaññāya sammā yathābhūtaṃ yaṃ yathā jānitabbaṃ, taṃ tathā jānitvā vimutto. Imasmiṃ loketi imasmiṃ sattaloke. Idhattabhāveti imasmiṃ attabhāve, parattabhāveti parasmiṃ attabhāve, idhaloke, paraloke cāti attho.
117. анд̇аравирахид̇аад̇и вибхааг̇авирахид̇аа. д̇знааха ‘‘ад̇д̇ано гулзна сад̣̇исаа’’д̇и. ануяанд̇ийд̇и ануяанд̇аа, ануяанд̇аа зва аануяанд̇аа, анувад̇д̇агаа. д̇знааха ‘‘васавад̇д̇ино’’д̇и.
117.Antaravirahitāti vibhāgavirahitā. Tenāha ‘‘attano kulena sadisā’’ti. Anuyantīti anuyantā, anuyantā eva ānuyantā, anuvattakā. Tenāha ‘‘vasavattino’’ti.
118. нивидтаад̇и сад̣̇д̇хзяяавад̇т̇усмим̣ анубависанавасзна нивидтаа. д̇ад̇о зва д̇асмим̣ ад̇хигам̣ нивисанад̇о абхинивидтаа. ажаладтид̇аад̇и ажалабхаавз тид̇аа.
118.Niviṭṭhāti saddheyyavatthusmiṃ anupavisanavasena niviṭṭhā. Tato eva tasmiṃ adhikaṃ nivisanato abhiniviṭṭhā. Acalaṭṭhitāti acalabhāve ṭhitā.
яанд̇и яам̣ гат̇зд̇аб̣б̣ад̇хаммам̣ анубад̇хаарзд̇ваа, д̇ад̣̇ад̇т̇ан̃жа аббажжагкам̣ гад̇ваа гат̇анам̣, зд̇ам̣ адтаанам̣ агааран̣ам̣ д̇асса б̣од̇химуулзязва самужчиннад̇д̇аа. вижчинд̣̇аж̇ананад̇т̇анд̇и рад̇анад̇д̇аяасад̣̇д̇хааяа вижчинд̣̇асса уббаад̣̇анад̇т̇ам̣, ан̃н̃ат̇ад̇д̇ааяаад̇и ад̇т̇о. сод̇и мааро. мусааваад̣̇ам̣ гаад̇ум̣ наасагкийд̇и ааг̇ад̇апаласса арияасаавагасса бурад̇о мусаа вад̇д̇ум̣ на висахи, д̇асмаа аама мааросмийд̇и бадиж̇аани. силаабат̇авияанд̇и рад̇анамаяасилаабат̇авияам̣. синзрум̣ гира бариваарзд̇ваа тид̇о бхуумиббад̣̇зсо сад̇д̇арад̇анамаяо, ‘‘суван̣н̣амаяо’’д̇и гзжи, саа вид̇т̇аарад̇о, уб̣б̣зд̇хад̇о анзгаяож̇анасахассабаримаан̣аа ад̇ивияа нижжалаа. гим̣ д̇вам̣ зд̇т̇аад̇и гим̣ гааран̣аа д̇вам̣ зд̇т̇а. ‘‘тид̇о’’д̇и ажчарам̣ бахари. таад̇ум̣ асаггонд̇од̇и арияасаавагасса бурад̇о таад̇ум̣ асаггонд̇о. аяан̃хи арияад̇хаммаад̇хиг̇амасса аанубхааво, яам̣ маароби наама махаанубхааво уж̇угам̣ бадиббарид̇ум̣ на саггод̇и.
Yanti yaṃ kathetabbadhammaṃ anupadhāretvā, tadatthañca appaccakkhaṃ katvā kathanaṃ, etaṃ aṭṭhānaṃ akāraṇaṃ tassa bodhimūleyeva samucchinnattā. Vicchindajananatthanti ratanattayasaddhāya vicchindassa uppādanatthaṃ, aññathattāyāti attho. Soti māro. Musāvādaṃ kātuṃ nāsakkhīti āgataphalassa ariyasāvakassa purato musā vattuṃ na visahi, tasmā āma mārosmīti paṭijāni. Silāpathaviyanti ratanamayasilāpathaviyaṃ. Sineruṃ kira parivāretvā ṭhito bhūmippadeso sattaratanamayo, ‘‘suvaṇṇamayo’’ti keci, sā vitthārato, ubbedhato anekayojanasahassaparimāṇā ativiya niccalā. Kiṃ tvaṃ etthāti kiṃ kāraṇā tvaṃ ettha. ‘‘Ṭhito’’ti accharaṃ pahari. Ṭhātuṃ asakkontoti ariyasāvakassa purato ṭhātuṃ asakkonto. Ayañhi ariyadhammādhigamassa ānubhāvo, yaṃ māropi nāma mahānubhāvo ujukaṃ paṭipparituṃ na sakkoti.
маг̇г̇о зва муулам̣ маг̇г̇амуулам̣, д̇асса. сан̃ж̇аад̇ад̇д̇аа уббаннад̇д̇аа. д̇зна маг̇г̇амуулзна бад̇идтид̇асанд̇аанз лад̣̇д̇хабад̇идтаа. бхаг̇авад̇о д̣̇зсанаад̇хаммам̣ ниссааяа арияааяа ж̇аад̇ияаа ж̇аад̇о ‘‘бхаг̇аванд̇ам̣ ниссааяа арияабхуумияам̣ ж̇аад̇о’’д̇и вуд̇д̇о. ‘‘урз васид̇ваа’’д̇и ид̣̇ам̣ д̇хаммагхосасса урад̇о самудтаанад̇ааяа вуд̇д̇ам̣. урз вааяаамаж̇анид̇аабхиж̇аад̇ид̇ааяа ваа орасо. мукад̇о ж̇аад̇зна ж̇аад̇о ‘‘мукад̇о ж̇аад̇о’’д̇и вуд̇д̇о. гааран̣агааран̣зби хи гааран̣з вияа вохааро ход̇и ‘‘д̇ин̣зхи бхад̇д̇ам̣ сид̣̇д̇ха’’нд̇и. гзжи бана ‘‘вимогкамукасса васзна ж̇аад̇ад̇д̇аа мукад̇о ж̇аад̇о’’д̇и вад̣̇анд̇и, д̇ад̇т̇ааби вуд̇д̇анаязнзва ад̇т̇о взд̣̇ид̇аб̣б̣о. буримзнад̇т̇зна яониж̇о, сзд̣̇аж̇о, мукаж̇од̇и д̇ийсу самб̣анд̇хзсу мукаж̇зна самб̣анд̇хзна бхаг̇авад̇о буд̇д̇абхааво вибхаавид̇о. ад̇т̇ад̣̇ваязнааби д̇хаммаж̇абхаавоязва д̣̇ийбид̇о. арияад̇хаммаббад̇д̇ид̇о лад̣̇д̇хависзсо худ̇ваа бавад̇д̇о д̇ад̣̇уд̇д̇арагаалиго канд̇хасанд̇аано ‘‘арияад̇хаммад̇о ж̇аад̇о’’д̇и взд̣̇ид̇аб̣б̣о, арияад̇хаммам̣ ваа маг̇г̇апалам̣ ниссааяа, убаниссааяа жа ж̇аад̇о саб̣б̣оби д̇хаммаббаб̣анд̇хо ‘‘арияад̇хаммад̇о ж̇аад̇о’’д̇и г̇ахзд̇аб̣б̣о. д̇зсам̣ бана арияад̇хаммаанам̣ абарияосид̇агижжад̇ааяа арияабхаавзна абхиниб̣б̣ад̇д̇имад̇д̇ам̣ убаад̣̇ааяа ‘‘арияад̇хаммад̇о ж̇аад̇ад̇д̇аа’’д̇и вуд̇д̇ам̣. барияосид̇агижжад̇ааяа д̇ат̇аа ниб̣б̣ад̇д̇ибаарибуурим̣ убаад̣̇ааяа ‘‘ниммид̇ад̇д̇аа’’д̇и вуд̇д̇ам̣, яад̇о ‘‘д̇хаммаж̇о д̇хамманиммид̇о’’д̇и вуд̇д̇ам̣. ‘‘навалогуд̇д̇арад̇хаммад̣̇ааяам̣ аад̣̇ияад̇ийд̇и д̇хаммад̣̇ааяаад̣̇о’’ д̇иби баато. ассаад̇и ‘‘бхаг̇авад̇омхибуд̇д̇о’’д̇иаад̣̇инаа вуд̇д̇асса ваагяасса. ад̇т̇ам̣ д̣̇ассзнд̇од̇и бхаавад̇т̇ам̣ багаасзнд̇о. д̇ат̇ааг̇ад̇асса анан̃н̃асаад̇хааран̣асийлаад̣̇ид̇хаммагканд̇хасса самууханивзсавасзна д̇хаммагааяад̇ааяа на гин̃жи вад̇д̇аб̣б̣ам̣ ад̇т̇и, сад̇т̇удтаанияасса бана д̇хаммагааяад̇ам̣ д̣̇ассзд̇ум̣ ‘‘гасмаа д̇ат̇ааг̇ад̇о д̇хаммагааяод̇и вуд̇д̇о’’д̇и саяамзва бужчам̣ самудтаабзд̇ваа ‘‘д̇ат̇ааг̇ад̇о хий’’д̇иаад̣̇инаа д̇амад̇т̇ам̣ виссаж̇ж̇зд̇и. хад̣̇аязна жинд̇зд̇ваад̇и ‘‘имам̣ д̇хаммам̣ имасса д̣̇зсзссаамий’’д̇и д̇асса убаг̇ад̇асса взнзяяаж̇анасса б̣од̇ханад̇т̇ам̣ жид̇д̇зна жинд̇зд̇ваа. ваажааяа абхинийхарийд̇и сад̣̇д̇хаммад̣̇зсанааваажааяа гаравийгаруд̇аман̃ж̇унаа б̣рахмассарзна взнзяяасанд̇аанаабхимукам̣ д̇ад̣̇аж̇жхаасаяаануруубам̣ хид̇амад̇т̇ам̣ нийхари убанзси. д̇знаад̇и д̇зна гааран̣зна звам̣сад̣̇д̇хаммаад̇химуд̇д̇ибхаавзна. ассаад̇и д̇ат̇ааг̇ад̇асса. д̇хаммамаяад̇д̇аад̇и д̇хаммабхууд̇ад̇д̇аа. ид̇хаад̇хиббзд̇ад̇хаммо сздтадтзна б̣рахмабхууд̇од̇и ааха ‘‘д̇хаммагааяад̇д̇аа зва б̣рахмагааяо’’д̇и. саб̣б̣асо ад̇хаммам̣ баж̇ахид̇ваа анавасзсад̇о д̇хаммо зва бхууд̇од̇и д̇хаммабхууд̇о. д̇ат̇ааруубо жа яасмаа сабхаавад̇о д̇хаммо зваад̇и вад̇д̇аб̣б̣ад̇ам̣ арахад̇ийд̇и ааха ‘‘д̇хаммасабхааво’’д̇и.
Maggo eva mūlaṃ maggamūlaṃ, tassa. Sañjātattā uppannattā. Tena maggamūlena patiṭṭhitasantāne laddhapatiṭṭhā. Bhagavato desanādhammaṃ nissāya ariyāya jātiyā jāto ‘‘bhagavantaṃ nissāya ariyabhūmiyaṃ jāto’’ti vutto. ‘‘Ure vasitvā’’ti idaṃ dhammaghosassa urato samuṭṭhānatāya vuttaṃ. Ure vāyāmajanitābhijātitāya vā oraso. Mukhato jātena jāto ‘‘mukhato jāto’’ti vutto. Kāraṇakāraṇepi hi kāraṇe viya vohāro hoti ‘‘tiṇehi bhattaṃ siddha’’nti. Keci pana ‘‘vimokkhamukhassa vasena jātattā mukhato jāto’’ti vadanti, tatthāpi vuttanayeneva attho veditabbo. Purimenatthena yonijo, sedajo, mukhajoti tīsu sambandhesu mukhajena sambandhena bhagavato puttabhāvo vibhāvito. Atthadvayenāpi dhammajabhāvoyeva dīpito. Ariyadhammappattito laddhaviseso hutvā pavatto taduttarakāliko khandhasantāno ‘‘ariyadhammato jāto’’ti veditabbo, ariyadhammaṃ vā maggaphalaṃ nissāya, upanissāya ca jāto sabbopi dhammappabandho ‘‘ariyadhammato jāto’’ti gahetabbo. Tesaṃ pana ariyadhammānaṃ apariyositakiccatāya ariyabhāvena abhinibbattimattaṃ upādāya ‘‘ariyadhammato jātattā’’ti vuttaṃ. Pariyositakiccatāya tathā nibbattipāripūriṃ upādāya ‘‘nimmitattā’’ti vuttaṃ, yato ‘‘dhammajo dhammanimmito’’ti vuttaṃ. ‘‘Navalokuttaradhammadāyaṃ ādiyatīti dhammadāyādo’’ tipi pāṭho. Assāti ‘‘bhagavatomhiputto’’tiādinā vuttassa vākyassa. Atthaṃ dassentoti bhāvatthaṃ pakāsento. Tathāgatassa anaññasādhāraṇasīlādidhammakkhandhassa samūhanivesavasena dhammakāyatāya na kiñci vattabbaṃ atthi, satthuṭṭhāniyassa pana dhammakāyataṃ dassetuṃ ‘‘kasmā tathāgato dhammakāyoti vutto’’ti sayameva pucchaṃ samuṭṭhāpetvā ‘‘tathāgato hī’’tiādinā tamatthaṃ vissajjeti. Hadayena cintetvāti ‘‘imaṃ dhammaṃ imassa desessāmī’’ti tassa upagatassa veneyyajanassa bodhanatthaṃ cittena cintetvā. Vācāya abhinīharīti saddhammadesanāvācāya karavīkarutamañjunā brahmassarena veneyyasantānābhimukhaṃ tadajjhāsayānurūpaṃ hitamatthaṃ nīhari upanesi. Tenāti tena kāraṇena evaṃsaddhammādhimuttibhāvena. Assāti tathāgatassa. Dhammamayattāti dhammabhūtattā. Idhādhippetadhammo seṭṭhaṭṭhena brahmabhūtoti āha ‘‘dhammakāyattā eva brahmakāyo’’ti. Sabbaso adhammaṃ pajahitvā anavasesato dhammo eva bhūtoti dhammabhūto. Tathārūpo ca yasmā sabhāvato dhammo evāti vattabbataṃ arahatīti āha ‘‘dhammasabhāvo’’ti.
119. сздтажчзд̣̇агаваад̣̇анд̇и ‘‘б̣раахман̣ова сздто ван̣н̣о’’д̇и (д̣̇ий. ни. 3.116) звам̣ вуд̇д̇асздтабхааважчзд̣̇агаваад̣̇ам̣. абарзнаби наязнаад̇и яат̇аавуд̇д̇асздтажчзд̣̇агаваад̣̇ад̇о абарзнаби бораан̣агалогуббад̇д̇ид̣̇ассананаязна. сздтажчзд̣̇а…бз… д̣̇ассзд̇унд̇и соби хи ‘‘б̣раахман̣ова сздто ван̣н̣о, хийнаа ан̃н̃з ван̣н̣аа’’д̇и, ‘‘б̣раахман̣аа б̣рахмуно буд̇д̇аа орасаа мукад̇о ж̇аад̇аа б̣рахмаж̇аа’’д̇и (д̣̇ий. ни. 3.114) жа звам̣ бавад̇д̇ааяа мижчаад̣̇идтияаа винивзтано ж̇аад̇иб̣раахман̣аанам̣ сздтабхаавасса чзд̣̇анад̇о сздтажчзд̣̇анаваад̣̇о наама ход̇ийд̇и д̣̇ассзд̇унд̇и ад̇т̇о.
119.Seṭṭhacchedakavādanti ‘‘brāhmaṇova seṭṭho vaṇṇo’’ti (dī. ni. 3.116) evaṃ vuttaseṭṭhabhāvacchedakavādaṃ. Aparenapi nayenāti yathāvuttaseṭṭhacchedakavādato aparenapi porāṇakalokuppattidassananayena. Seṭṭhaccheda…pe… dassetunti sopi hi ‘‘brāhmaṇova seṭṭho vaṇṇo, hīnā aññe vaṇṇā’’ti, ‘‘brāhmaṇā brahmuno puttā orasā mukhato jātā brahmajā’’ti (dī. ni. 3.114) ca evaṃ pavattāya micchādiṭṭhiyā viniveṭhano jātibrāhmaṇānaṃ seṭṭhabhāvassa chedanato seṭṭhacchedanavādo nāma hotīti dassetunti attho.
ид̇т̇абхааванд̇и имам̣ багаарад̇ам̣ мануссабхаавам̣. сааман̃н̃аж̇од̇анаа хи висзсз авад̇идтад̇и, багаран̣авасзна ваа аяамад̇т̇о аважчинно д̣̇адтаб̣б̣о. манзнзва ниб̣б̣ад̇д̇аад̇и б̣аахирабажжаязна винаа гзвалам̣ убажааражхаанаманасаава ниб̣б̣ад̇д̇аа. яааяа убажаараж̇жхаанажзд̇анааяа д̇з д̇ад̇т̇а ниб̣б̣ад̇д̇аа, нийваран̣авигкамбханаад̣̇инаа ул̣ааро д̇ассаа бавад̇д̇ивисзсо, д̇асмаа жхаанапалагаббо д̇ассаа палависзсод̇и ааха ‘‘б̣рахмалогз вияаа’’д̇иаад̣̇и. ‘‘саяам̣бабхаа’’д̇и бад̣̇аанам̣ д̇ад̇т̇а суурияаалогаад̣̇ийхи винаа анд̇хагаарам̣ вид̇хаманд̇аа саяамзва бабхаасанд̇ийд̇и саяам̣бабхаа, анд̇алигкз аагаасз жаранд̇ийд̇и анд̇алигкажараа, д̇ад̣̇ан̃н̃агаамааважарасад̇д̇аанам̣ вияа сарийрасса вижаран̣адтаанасса асубхад̇аабхаавад̇о субхам̣, субхзва д̇идтанд̇ийд̇и субхадтааяинод̇и ад̇т̇о взд̣̇ид̇аб̣б̣о.
Itthabhāvanti imaṃ pakārataṃ manussabhāvaṃ. Sāmaññajotanā hi visese avatiṭṭhati, pakaraṇavasena vā ayamattho avacchinno daṭṭhabbo. Manenevanibbattāti bāhirapaccayena vinā kevalaṃ upacārajhānamanasāva nibbattā. Yāya upacārajjhānacetanāya te tattha nibbattā, nīvaraṇavikkhambhanādinā uḷāro tassā pavattiviseso, tasmā jhānaphalakappo tassā phalavisesoti āha ‘‘brahmaloke viyā’’tiādi. ‘‘Sayaṃpabhā’’ti padānaṃ tattha sūriyālokādīhi vinā andhakāraṃ vidhamantā sayameva pabhāsantīti sayaṃpabhā, antalikkhe ākāse carantīti antalikkhacarā, tadaññakāmāvacarasattānaṃ viya sarīrassa vicaraṇaṭṭhānassa asubhatābhāvato subhaṃ, subheva tiṭṭhantīti subhaṭṭhāyinoti attho veditabbo.
расабат̇авибаад̇убхаававан̣н̣анаа
Rasapathavipātubhāvavaṇṇanā
120. саб̣б̣ам̣ жаггаваал̣анд̇и анавасзсам̣ годисад̇асахассам̣ жаггаваал̣ам̣. самад̇анийд̇и сан̃чаад̣̇знд̇ий вибпари, саа бана д̇асмим̣ уд̣̇агз бад̇идтид̇аа ахосийд̇и ааха ‘‘бад̇идтахий’’д̇и. ван̣н̣зна самбаннаад̇и самбаннаван̣н̣аа. магкиган̣д̣агарахид̇анд̇и магкигаахи жа д̇аасам̣ ан̣д̣агзхи жа рахид̇ам̣.
120.Sabbaṃ cakkavāḷanti anavasesaṃ koṭisatasahassaṃ cakkavāḷaṃ. Samatanīti sañchādentī vipphari, sā pana tasmiṃ udake patiṭṭhitā ahosīti āha ‘‘patiṭṭhahī’’ti. Vaṇṇenasampannāti sampannavaṇṇā. Makkhikaṇḍakarahitanti makkhikāhi ca tāsaṃ aṇḍakehi ca rahitaṃ.
ад̇ийд̇аананд̇арзби габбз лолоязва. гасмаа? звам̣ жирабарижид̇алолад̇аавасзна саб̣б̣абатамам̣ д̇ат̇аа агаасийд̇и д̣̇ассзд̇и. гимзвид̣̇анд̇и ‘‘ван̣н̣ад̇о, г̇анд̇хад̇о жа д̇аава н̃аад̇ам̣, расад̇о бана гимзвид̣̇ам̣ бхависсад̇ий’’д̇и сам̣саяаж̇аад̇о вад̣̇ад̇и. д̇идтад̇ийд̇и адтааси.
Atītānantarepi kappe loloyeva. Kasmā? Evaṃ ciraparicitalolatāvasena sabbapaṭhamaṃ tathā akāsīti dasseti. Kimevidanti ‘‘vaṇṇato, gandhato ca tāva ñātaṃ, rasato pana kimevidaṃ bhavissatī’’ti saṃsayajāto vadati. Tiṭṭhatīti aṭṭhāsi.
жанд̣̇имасуурияаад̣̇ибаад̇убхаававан̣н̣анаа
Candimasūriyādipātubhāvavaṇṇanā
121. аалуббагаараганд̇и зд̇т̇а аалобабарияааяо аалубба-сад̣̇д̣̇од̇и ааха ‘‘аалобам̣ гад̇ваа’’д̇и. бажжагкабхууд̇аанамби жанд̣̇имасуурияаанам̣ бавад̇д̇ияам̣ логияаанам̣ саммохо ход̇и, д̇ам̣ вид̇хамид̇ум̣ ‘‘го бана д̇зса’’нд̇иаад̣̇инаа адта бан̃хаависсаж̇ж̇анаани г̇ахид̇аани. д̇ад̇т̇а д̇зсанд̇и жанд̣̇имасуурияаанам̣. гасминд̇и гасмим̣ таанз. ‘‘го убарий’’д̇и зд̇знзва го хздтаад̇и аяамад̇т̇о вуд̇д̇оязва. д̇ат̇аа ‘‘го сийгхам̣ г̇ажчад̇ий’’д̇и иминаа го сан̣игам̣ г̇ажчад̇ийд̇и аяамби ад̇т̇о вуд̇д̇оязва. вийт̇ияод̇и г̇аманавийт̇ияо. згад̇од̇и згасмим̣ кан̣з баад̇убхаванд̇и. суурияаман̣д̣алз бана ад̇т̇ан̇г̇ад̇з жанд̣̇аман̣д̣алам̣ бан̃н̃ааяид̇т̇а. чанд̣̇ам̣ н̃ад̇ваа ваад̇и ружим̣ н̃ад̇ваа вияа.
121.Āluppakārakanti ettha ālopapariyāyo āluppa-saddoti āha ‘‘ālopaṃ katvā’’ti. Paccakkhabhūtānampi candimasūriyānaṃ pavattiyaṃ lokiyānaṃ sammoho hoti, taṃ vidhamituṃ ‘‘ko pana tesa’’ntiādinā aṭṭha pañhāvissajjanāni gahitāni. Tattha tesanti candimasūriyānaṃ. Kasminti kasmiṃ ṭhāne. ‘‘Ko uparī’’ti eteneva ko heṭṭhāti ayamattho vuttoyeva. Tathā ‘‘ko sīghaṃ gacchatī’’ti iminā ko saṇikaṃ gacchatīti ayampi attho vuttoyeva. Vīthiyoti gamanavīthiyo. Ekatoti ekasmiṃ khaṇe pātubhavanti. Sūriyamaṇḍale pana atthaṅgate candamaṇḍalaṃ paññāyittha. Chandaṃ ñatvā vāti ruciṃ ñatvā viya.
убхаяанд̇и анд̇о, б̣ахи жа.
Ubhayanti anto, bahi ca.
уж̇уганд̇и ааяаамад̇о, вид̇т̇аарад̇о, уб̣б̣зд̇хад̇о жа. бариман̣д̣алад̇од̇и баригкзбад̇о.
Ujukanti āyāmato, vitthārato, ubbedhato ca. Parimaṇḍalatoti parikkhepato.
уж̇угам̣ сан̣игам̣ г̇ажчад̇и амааваасияам̣ сууриязна сад̣̇д̇хим̣ г̇ажчанд̇о д̣̇ивасз д̣̇ивасз т̇огам̣ т̇огам̣ охийяанд̇о бун̣н̣амаасияам̣ убад̣дхамаг̇г̇амзва охийяанад̇о. д̇ирияам̣ сийгхам̣ г̇ажчад̇и згасмимби маасз гад̣̇аажи д̣̇агкин̣ад̇о, гад̣̇аажи уд̇д̇арад̇о д̣̇ассанад̇о. ‘‘д̣̇вийсу бассзсуу’’д̇и ид̣̇ам̣ язбхуяяавасзна вуд̇д̇ам̣. жанд̣̇асса бурад̇о, бажчад̇о, саман̃жа д̇аарагаа г̇ажчанд̇иязва. ад̇д̇ано таананд̇и ад̇д̇ано г̇аманадтаанам̣. на виж̇аханд̇и ад̇д̇ано вийт̇ияаава г̇ажчанад̇о. суурияасса уж̇угам̣ г̇аманасса сийгхад̇аа жанд̣̇асса г̇аманам̣ убаад̣̇ааяа взд̣̇ид̇аб̣б̣аа. д̇ирияам̣ г̇аманам̣ д̣̇агкин̣ад̣̇исад̇о уд̇д̇арад̣̇исааяа, уд̇д̇арад̣̇исад̇о жа д̣̇агкин̣ад̣̇исааяа г̇аманам̣ д̣̇анд̇хам̣ чахи чахи маасзхи иж̇жханад̇о. сод̇и суурияо. гаал̣абагкаубосат̇ад̇од̇и гаал̣абагкз убосат̇з жанд̣̇зна сахзва г̇анд̇ваа д̇ад̇о барам̣. баадибад̣̇ад̣̇ивасзд̇и суггабагкабаадибад̣̇ад̣̇ивасз. охааяа г̇ажчад̇и ад̇д̇ано сийгхаг̇аамид̇ааяа, д̇асса жа д̣̇анд̇хаг̇аамид̇ааяа. лзкаа вияа бан̃н̃ааяад̇и бажчимад̣̇исааяам̣. яаава убосат̇ад̣̇ивасаад̇и яаава суггабагкаубосат̇ад̣̇ивасаа. ‘‘жанд̣̇о ануггамзна вад̣дхид̇ваа’’д̇и ид̣̇ам̣ убарибхааг̇ад̇о бад̇ид̇асуурияаалогад̇ааяа хздтад̇о бавад̇д̇ааяа суурияасса д̣̇уурабхаавзна д̣̇ивасз д̣̇ивасз ануггамзна барихааяамаанааяа ад̇д̇ано чааяааяа васзна ануггамзна жанд̣̇аман̣д̣алаббад̣̇зсасса вад̣дхамаанасса вияа д̣̇иссамаанад̇ааяа вуд̇д̇ам̣, д̇асмаа ануггамзна вад̣дхид̇ваа вияа. убосат̇ад̣̇ивасз бун̣н̣амааяам̣ барибун̣н̣о ход̇и, барибун̣н̣аман̣д̣ало худ̇ваа д̣̇иссад̇ийд̇и ад̇т̇о. д̇хаавид̇ваа г̇ан̣хаад̇и жанд̣̇асса д̣̇анд̇хаг̇ад̇ид̇ааяа, ад̇д̇ано жа сийгхаг̇ад̇ид̇ааяа. ануггамзна хааяид̇ваад̇и зд̇т̇а ‘‘ануггамзна вад̣дхид̇ваа’’д̇и зд̇т̇а вуд̇д̇анаязна ад̇т̇о взд̣̇ид̇аб̣б̣о. д̇ад̇т̇а бана чааяааяа хааяамаанад̇ааяа ман̣д̣алам̣ вад̣дхамаанам̣ вияа д̣̇иссад̇и, ид̇ха чааяааяа вад̣дхамаанад̇ааяа ман̣д̣алам̣ хааяамаанам̣ вияа д̣̇иссад̇и.
Ujukaṃ saṇikaṃ gacchati amāvāsiyaṃ sūriyena saddhiṃ gacchanto divase divase thokaṃ thokaṃ ohīyanto puṇṇamāsiyaṃ upaḍḍhamaggameva ohīyanato. Tiriyaṃ sīghaṃ gacchati ekasmimpi māse kadāci dakkhiṇato, kadāci uttarato dassanato. ‘‘Dvīsu passesū’’ti idaṃ yebhuyyavasena vuttaṃ. Candassa purato, pacchato, samañca tārakā gacchantiyeva. Attano ṭhānanti attano gamanaṭṭhānaṃ. Na vijahanti attano vīthiyāva gacchanato. Sūriyassa ujukaṃ gamanassa sīghatā candassa gamanaṃ upādāya veditabbā. Tiriyaṃ gamanaṃ dakkhiṇadisato uttaradisāya, uttaradisato ca dakkhiṇadisāya gamanaṃ dandhaṃ chahi chahi māsehi ijjhanato. Soti sūriyo. Kāḷapakkhauposathatoti kāḷapakkhe uposathe candena saheva gantvā tato paraṃ. Pāṭipadadivaseti sukkapakkhapāṭipadadivase. Ohāya gacchati attano sīghagāmitāya, tassa ca dandhagāmitāya. Lekhāviya paññāyati pacchimadisāyaṃ. Yāva uposathadivasāti yāva sukkapakkhauposathadivasā. ‘‘Cando anukkamena vaḍḍhitvā’’ti idaṃ uparibhāgato patitasūriyālokatāya heṭṭhato pavattāya sūriyassa dūrabhāvena divase divase anukkamena parihāyamānāya attano chāyāya vasena anukkamena candamaṇḍalappadesassa vaḍḍhamānassa viya dissamānatāya vuttaṃ, tasmā anukkamena vaḍḍhitvā viya. Uposathadivase puṇṇamāyaṃ paripuṇṇo hoti, paripuṇṇamaṇḍalo hutvā dissatīti attho. Dhāvitvā gaṇhāti candassa dandhagatitāya, attano ca sīghagatitāya. Anukkamena hāyitvāti ettha ‘‘anukkamena vaḍḍhitvā’’ti ettha vuttanayena attho veditabbo. Tattha pana chāyāya hāyamānatāya maṇḍalaṃ vaḍḍhamānaṃ viya dissati, idha chāyāya vaḍḍhamānatāya maṇḍalaṃ hāyamānaṃ viya dissati.
яааяа вийт̇ияаа суурияз г̇ажчанд̇з вассавалаахагаа д̣̇звабуд̇д̇аа суурияаабхид̇аабасанд̇ад̇д̇аа ад̇д̇ано вимаанад̇о на нигкаманд̇и, гийл̣аабасуд̇аа худ̇ваа на вижаранд̇и, д̇ад̣̇аа гира суурияасса вимаанам̣ багад̇имаг̇г̇ад̇о ад̇хо од̇арид̇ваа вижарад̇и, д̇асса оруяха жаран̣знзва жанд̣̇авимаанамби ад̇хо оруяха жарад̇и д̇аг̇г̇ад̇игад̇д̇аа, д̇асмаа саа вийт̇и уд̣̇агаабхаавзна аж̇аануруубад̇ааяа ‘‘аж̇авийт̇ий’’д̇и саман̃н̃ам̣ г̇ад̇аа. яааяа бана вийт̇ияаа суурияз г̇ажчанд̇з вассавалаахагаа д̣̇звабуд̇д̇аа суурияаабхид̇аабаабхаавад̇о абхин̣хам̣ ад̇д̇ано вимаанад̇о б̣ахи нигкамид̇ваа гийл̣аабасуд̇аа ид̇о жид̇о жа вижаранд̇и, д̇ад̣̇аа гира суурияавимаанам̣ багад̇имаг̇г̇ад̇о уд̣̇д̇хам̣ аарухид̇ваа вижарад̇и, д̇асса уд̣̇д̇хам̣ ааруяха жаран̣знзва жанд̣̇авимаанамби уд̣̇д̇хам̣ ааруяха жарад̇и д̇аг̇г̇ад̇игад̇д̇аа, д̇аг̇г̇ад̇игад̇аа жа самаанаг̇ад̇инаа ваад̇аман̣д̣алзна вимаанасса пзллид̇аб̣б̣ад̇д̇аа, д̇асмаа саа вийт̇и уд̣̇агаб̣ахубхаавзна нааг̇аануруубад̇ааяа ‘‘нааг̇авийт̇ий’’д̇и саман̃н̃ам̣ г̇ад̇аа. яад̣̇аа суурияо уд̣̇д̇хаманааруханд̇о, ад̇хо жа анод̇аранд̇о багад̇имаг̇г̇знзва г̇ажчад̇и, д̇ад̣̇аа вассавалаахагаа яат̇аагаалам̣, яат̇ааружи жа вимаанад̇о нигкамид̇ваа сукзна вижаранд̇и, д̇зна гаалзна гаалам̣ вассанад̇о логз уд̇усамад̇аа ход̇и, д̇ааяа уд̇усамад̇ааяа хзд̇убхууд̇ааяа саа жанд̣̇имасуурияаанам̣ г̇ад̇и г̇аваануруубад̇ааяа ‘‘г̇овийт̇ий’’д̇и саман̃н̃ам̣ г̇ад̇аа. д̇зна вуд̇д̇ам̣ ‘‘аж̇авийт̇ий’’д̇иаад̣̇и.
Yāya vīthiyā sūriye gacchante vassavalāhakā devaputtā sūriyābhitāpasantattā attano vimānato na nikkhamanti, kīḷāpasutā hutvā na vicaranti, tadā kira sūriyassa vimānaṃ pakatimaggato adho otaritvā vicarati, tassa oruyha caraṇeneva candavimānampi adho oruyha carati taggatikattā, tasmā sā vīthi udakābhāvena ajānurūpatāya ‘‘ajavīthī’’ti samaññaṃ gatā. Yāya pana vīthiyā sūriye gacchante vassavalāhakā devaputtā sūriyābhitāpābhāvato abhiṇhaṃ attano vimānato bahi nikkhamitvā kīḷāpasutā ito cito ca vicaranti, tadā kira sūriyavimānaṃ pakatimaggato uddhaṃ āruhitvā vicarati, tassa uddhaṃ āruyha caraṇeneva candavimānampi uddhaṃ āruyha carati taggatikattā, taggatikatā ca samānagatinā vātamaṇḍalena vimānassa phellitabbattā, tasmā sā vīthi udakabahubhāvena nāgānurūpatāya ‘‘nāgavīthī’’ti samaññaṃ gatā. Yadā sūriyo uddhamanāruhanto, adho ca anotaranto pakatimaggeneva gacchati, tadā vassavalāhakā yathākālaṃ, yathāruci ca vimānato nikkhamitvā sukhena vicaranti, tena kālena kālaṃ vassanato loke utusamatā hoti, tāya utusamatāya hetubhūtāya sā candimasūriyānaṃ gati gavānurūpatāya ‘‘govīthī’’ti samaññaṃ gatā. Tena vuttaṃ ‘‘ajavīthī’’tiādi.
звам̣ ‘‘гад̇и нзсам̣ вийт̇ияо’’д̇и бан̃хам̣ виссаж̇ж̇зд̇ваа ‘‘гат̇ам̣ вижаранд̇ий’’д̇и бан̃хам̣ виссаж̇ж̇зд̇ум̣ ‘‘жанд̣̇имасуурияаа’’д̇иаад̣̇и вуд̇д̇ам̣. д̇ад̇т̇а синзруд̇о б̣ахи нигкаманд̇ийд̇и синзрусамийбзна д̇ам̣ бад̣̇агкин̣ам̣ гад̇ваа г̇ажчанд̇аа д̇ад̇о г̇аманавийт̇ид̇о б̣ахи ад̇д̇ано д̇ирияаг̇аманзна жаггаваал̣аабхимукаа нигкаманд̇и. анд̇о вижаранд̇ийд̇и звам̣ ча маасз кан̣з кан̣з синзруд̇о абасагганавасзна д̇ад̇о нигкамид̇ваа жаггаваал̣асамийбам̣ бад̇д̇аа, д̇ад̇оби ча маасз кан̣з кан̣з абасагганавасзна нигкамид̇ваа синзрусамийбам̣ баабун̣анд̇аа анд̇о вижаранд̇и. ид̣̇аани д̇амзвад̇т̇ам̣ сан̇кзбзна вуд̇д̇ам̣ виварид̇ум̣ ‘‘д̇зхий’’д̇иаад̣̇и вуд̇д̇ам̣. синзрусса, жаггаваал̣асса жа яам̣ таанам̣ взмаж̇жхам̣, д̇асса, синзрусса жа яам̣ таанам̣ взмаж̇жхам̣, д̇зна г̇ажчанд̇аа ‘‘синзрусамийбзна вижаранд̇ий’’д̇и вуд̇д̇аа, на синзрусса аг̇г̇аал̣инд̣̇ааллийнаа. жаггаваал̣асамийбзна жарид̇ваад̇и зд̇т̇ааби зсзва наяо. маж̇жхзнаад̇и синзрусса, жаггаваал̣асса жа уж̇угам̣ взмаж̇жхзна маг̇г̇зна. жид̇рамаасз маж̇жхзнаад̇и зд̇т̇ааби зсзва наяо.
Evaṃ ‘‘kati nesaṃ vīthiyo’’ti pañhaṃ vissajjetvā ‘‘kathaṃ vicarantī’’ti pañhaṃ vissajjetuṃ ‘‘candimasūriyā’’tiādi vuttaṃ. Tattha sineruto bahi nikkhamantīti sinerusamīpena taṃ padakkhiṇaṃ katvā gacchantā tato gamanavīthito bahi attano tiriyagamanena cakkavāḷābhimukhā nikkhamanti. Anto vicarantīti evaṃ cha māse khaṇe khaṇe sineruto apasakkanavasena tato nikkhamitvā cakkavāḷasamīpaṃ pattā, tatopi cha māse khaṇe khaṇe apasakkanavasena nikkhamitvā sinerusamīpaṃ pāpuṇantā anto vicaranti. Idāni tamevatthaṃ saṅkhepena vuttaṃ vivarituṃ ‘‘tehī’’tiādi vuttaṃ. Sinerussa, cakkavāḷassa ca yaṃ ṭhānaṃ vemajjhaṃ, tassa, sinerussa ca yaṃ ṭhānaṃ vemajjhaṃ, tena gacchantā ‘‘sinerusamīpenavicarantī’’ti vuttā, na sinerussa aggāḷindaallīnā. Cakkavāḷasamīpena caritvāti etthāpi eseva nayo. Majjhenāti sinerussa, cakkavāḷassa ca ujukaṃ vemajjhena maggena. Citramāse majjhenāti etthāpi eseva nayo.
згаббахаарзнаад̇и згавзлааяа, згзнзва ваа ад̇д̇ано згаббахаарзна. маж̇жханхигод̇и тид̇амаж̇жханхиго гаало ход̇и. д̇ад̣̇аа хи суурияаман̣д̣алам̣ уг̇г̇ажчанд̇ам̣ худ̇вааби имасмим̣ д̣̇ийбз тид̇асса убад̣дхамзва д̣̇иссад̇и, уд̇д̇арагуруусу тид̇асса ог̇ажчанд̇ам̣ худ̇ваа. зван̃хи згавзлааяамзва д̇ийсу д̣̇ийбзсу аалогагаран̣ам̣.
Ekappahārenāti ekavelāya, ekeneva vā attano ekappahārena. Majjhanhikoti ṭhitamajjhanhiko kālo hoti. Tadā hi sūriyamaṇḍalaṃ uggacchantaṃ hutvāpi imasmiṃ dīpe ṭhitassa upaḍḍhameva dissati, uttarakurūsu ṭhitassa ogacchantaṃ hutvā. Evañhi ekavelāyameva tīsu dīpesu ālokakaraṇaṃ.
язсу гад̇д̇игаад̣̇инагкад̇д̇асаман̃н̃аа, д̇ааниби д̇аарагаруубаани язваад̇и вуд̇д̇ам̣ ‘‘сзсад̇аарагаруубаани жаа’’д̇и, нагкад̇д̇асан̃н̃ид̇ад̇аарагаруубад̇о авасидтад̇аарагаруубаанийд̇и ад̇т̇о. убхаяааниби д̇аани д̣̇звад̇аанам̣ васанагавимаанаанийд̇и взд̣̇ид̇аб̣б̣аани. раа-сад̣̇д̣̇о д̇ияад̇и чиж̇ж̇ад̇и зд̇т̇аад̇и рад̇д̇и, сад̇д̇аанам̣ сад̣̇д̣̇асса вуубасаманагаалод̇и ад̇т̇о. д̣̇иб̣б̣анд̇и сад̇д̇аа гийл̣анд̇и ж̇од̇анд̇и зд̇т̇аад̇и д̣̇иваа. сад̇д̇аанам̣ ааяум̣ минанд̇о вияа сияад̇и анд̇ам̣ гарод̇ийд̇и маасо. д̇ам̣ д̇ам̣ гирияам̣ арад̇и вад̇д̇зд̇ийд̇и уд̇у. д̇ам̣ д̇ам̣ сад̇д̇ам̣, д̇хаммаббавад̇д̇ин̃жа сан̇г̇амма вад̣̇анд̇о вияа сарад̇и вад̇д̇зд̇ийд̇и сам̣важчаро.
Yesu kattikādinakkhattasamaññā, tānipi tārakarūpāni yevāti vuttaṃ ‘‘sesatārakarūpāni cā’’ti, nakkhattasaññitatārakarūpato avasiṭṭhatārakarūpānīti attho. Ubhayānipi tāni devatānaṃ vasanakavimānānīti veditabbāni. Rā-saddo tiyati chijjati etthāti ratti, sattānaṃ saddassa vūpasamanakāloti attho. Dibbanti sattā kīḷanti jotanti etthāti divā. Sattānaṃ āyuṃ minanto viya siyati antaṃ karotīti māso. Taṃ taṃ kiriyaṃ arati vattetīti utu. Taṃ taṃ sattaṃ, dhammappavattiñca saṅgamma vadanto viya sarati vattetīti saṃvaccharo.
122. виваж̇ж̇анам̣ виваж̇ж̇о, со зва взваж̇ж̇ам̣, ван̣н̣асса взваж̇ж̇ам̣ ван̣н̣авзваж̇ж̇ам̣, ван̣н̣асамбад̇д̇ияаа виг̇амо, д̇асса бана ад̇т̇ид̇аа ‘‘ван̣н̣авзваж̇ж̇ад̇аа’’д̇и вуд̇д̇аа. д̇знааха ‘‘виваж̇ж̇абхааво’’д̇и. д̇зсанд̇и ван̣н̣аванд̇аанам̣ сад̇д̇аанам̣. ад̇имаанаббажжаяаад̇и д̣̇уб̣б̣ан̣н̣авамбханавасзна ад̇иггамма ад̇д̇ано ван̣н̣ам̣ бадижжа маанабажжаяаа, маанасамбаг̇г̇ан̣хананимид̇д̇анд̇и ад̇т̇о. саад̇исаяо расо зд̇иссаа ад̇т̇ийд̇и расаад̇и лад̣̇д̇хамаанааяа, анубхаасим̣сууд̇и анурод̇хавасзна бхаасим̣су. логуббад̇д̇ивам̣сагат̇анд̇и логуббад̇д̇ивам̣саж̇ам̣ бавзн̣ийгат̇ам̣, аад̣̇игаалз уббаннам̣ бавзн̣ийааг̇ад̇агат̇анд̇и ад̇т̇о. ‘‘анубад̇анд̇ий’’д̇иби баато, со звад̇т̇о.
122. Vivajjanaṃ vivajjo, so eva vevajjaṃ, vaṇṇassa vevajjaṃ vaṇṇavevajjaṃ, vaṇṇasampattiyā vigamo, tassa pana atthitā ‘‘vaṇṇavevajjatā’’ti vuttā. Tenāha ‘‘vivajjabhāvo’’ti. Tesanti vaṇṇavantānaṃ sattānaṃ. Atimānappaccayāti dubbaṇṇavambhanavasena atikkamma attano vaṇṇaṃ paṭicca mānapaccayā, mānasampaggaṇhananimittanti attho. Sātisayo raso etissā atthīti rasāti laddhamānāya, anubhāsiṃsūti anurodhavasena bhāsiṃsu. Lokuppattivaṃsakathanti lokuppattivaṃsajaṃ paveṇīkathaṃ, ādikāle uppannaṃ paveṇīāgatakathanti attho. ‘‘Anupatantī’’tipi pāṭho, so evattho.
бхуумибаббадагабаад̇убхааваад̣̇иван̣н̣анаа
Bhūmipappaṭakapātubhāvādivaṇṇanā
123. зд̣̇исо худ̇ваад̇и ахижчад̇д̇агасад̣̇исо худ̇ваа.
123.Ediso hutvāti ahicchattakasadiso hutvā.
124. бад̣̇аалад̇аад̇и ‘‘бад̣̇аа’’д̇и звам̣наамаа згаа лад̇аа, саа бана яасмаа самбаннаван̣н̣аг̇анд̇харасаа, д̇асмаа ‘‘бхад̣̇д̣̇алад̇аа’’д̇и вуд̇д̇аа. наал̣игаад̇и наал̣ивалли. ахааяийд̇и насси.
124.Padālatāti ‘‘padā’’ti evaṃnāmā ekā latā, sā pana yasmā sampannavaṇṇagandharasā, tasmā ‘‘bhaddalatā’’ti vuttā. Nāḷikāti nāḷivalli. Ahāyīti nassi.
125. агадтабаагод̇и агадтзязва таанз уббаж̇ж̇ид̇ваа бажжанаго, нийвааро вияа сан̃ж̇аад̇о худ̇ваа ниббаж̇ж̇анагод̇и ад̇т̇о. ган̣о ‘‘гун̣д̣ага’’нд̇и жа вужжад̇и. т̇усанд̇и д̇ан̣д̣улам̣ барияонанд̇хид̇ваа тид̇ад̇д̇ажо, д̇ад̣̇абхаавад̇о ‘‘аган̣о, ат̇усо’’д̇и саали вуд̇д̇о. ‘‘бадивируул̣ха’’нд̇и ид̣̇ам̣ баггабхаавасса гааран̣аважанам̣. бадивируул̣хад̇о хи д̇ам̣ багганд̇и. яасмим̣ таанз сааяам̣ багго саали г̇ахид̇о, д̇ад̣̇зва таанам̣ д̣̇уд̇ияад̣̇ивасз баад̇о баггзна саалинаа барибун̣н̣ам̣ худ̇ваа д̇идтад̇ийд̇и ааха ‘‘сааяам̣ г̇ахид̇адтаанам̣ баад̇о баггам̣ ход̇ий’’д̇иаад̣̇и. алааяид̇анд̇и лааяид̇адтаанамби д̇зсам̣ гаммаббажжаяаа алааяид̇амзва худ̇ваа ануунам̣ барибун̣н̣амзва бан̃н̃ааяад̇и, на гзвалам̣ бан̃н̃ааяанамзва, ат̇а ко д̇ат̇аабхууд̇амзва худ̇ваа д̇идтад̇и.
125.Akaṭṭhapākoti akaṭṭheyeva ṭhāne uppajjitvā paccanako, nīvāro viya sañjāto hutvā nippajjanakoti attho. Kaṇo ‘‘kuṇḍaka’’nti ca vuccati. Thusanti taṇḍulaṃ pariyonandhitvā ṭhitattaco, tadabhāvato ‘‘akaṇo, athuso’’ti sāli vutto. ‘‘Paṭivirūḷha’’nti idaṃ pakkabhāvassa kāraṇavacanaṃ. Paṭivirūḷhato hi taṃ pakkanti. Yasmiṃ ṭhāne sāyaṃ pakko sāli gahito, tadeva ṭhānaṃ dutiyadivase pāto pakkena sālinā paripuṇṇaṃ hutvā tiṭṭhatīti āha ‘‘sāyaṃ gahitaṭṭhānaṃ pāto pakkaṃ hotī’’tiādi. Alāyitanti lāyitaṭṭhānampi tesaṃ kammappaccayā alāyitameva hutvā anūnaṃ paripuṇṇameva paññāyati, na kevalaṃ paññāyanameva, atha kho tathābhūtameva hutvā tiṭṭhati.
ид̇т̇ибурисалин̇г̇аад̣̇ибаад̇убхаававан̣н̣анаа
Itthipurisaliṅgādipātubhāvavaṇṇanā
126. ‘‘мануссагаалз’’д̇и ид̣̇ам̣ буб̣б̣з мануссабхууд̇аанам̣язва д̇ад̇т̇а ид̣̇аани ниганд̇ивасзна уббад̇д̇и ход̇ийд̇и гад̇ваа вуд̇д̇ам̣, д̣̇звад̇аанамби буримаж̇аад̇ияам̣ ид̇т̇ибхаавз тид̇аанам̣ д̇ад̇т̇а вирааг̇аад̣̇ибурисад̇д̇аббажжаяз асад̇и д̇ад̣̇аа ид̇т̇илин̇г̇амзва баад̇убхавад̇и. бурисад̇д̇абажжаязд̇и ‘‘ад̇д̇аноби аниссарад̇аа, саб̣б̣агаалам̣ барааяад̇д̇авуд̇д̇ид̇аа, раж̇ассалад̇аа ван̃жад̇аа, г̇аб̣бхад̇хааран̣ам̣, батамааяа багад̇ияаа нихийнабагад̇ид̇аа, сууравийрад̇аабхааво, ‘аббагаа ж̇анаа’д̇и ‘хийл̣зд̇аб̣б̣ад̇аа’д̇и звамаад̣̇и аад̣̇ийнавабажжавзгкан̣абуб̣б̣агамби ид̇т̇ибхаавз ‘алам̣ ид̇т̇ибхаавзна, на хи ид̇т̇ибхаавз тад̇ваа жаггавад̇д̇исирим̣, на саггамаараб̣рахмасирияо бажжанубхавид̇ум̣, на бажжзгаб̣од̇хим̣, на саммаасамб̣од̇хим̣ ад̇хиг̇анд̇ум̣ саггаа’д̇и звам̣ ид̇т̇ибхаававираж̇ж̇анам̣, ‘яат̇аавуд̇д̇ааад̣̇ийнававирахад̇о уд̇д̇амабагад̇ибхаавад̇о самбад̣̇амид̣̇ам̣ бурисад̇д̇ам̣ наама сздтам̣ уд̇д̇амам̣, зд̇т̇а тад̇ваа саггаа зд̇аа самбад̇д̇ияо самбаабун̣ид̇у’нд̇и звам̣ бурисад̇д̇абхаавз самбхааванаабуб̣б̣агам̣ бад̇т̇анаатабанам̣, ‘д̇ад̇т̇а ниннабон̣абаб̣бхааражид̇д̇ад̇аа’д̇и’’ звамаад̣̇игз бурисабхаавасса бажжаяабхууд̇з д̇хаммз. буурзд̇ваа вад̣дхзд̇ваа. бажжагкам̣ бхууд̇ам̣, сад̣̇исан̃жа д̣̇идтад̇хаммигам̣, самбарааяиган̃жа сувибулам̣ анад̇т̇ам̣ ажинд̇зд̇ваа бурисасса гаамзсу мижчаажаран̣ам̣ гзвалам̣ ид̇т̇ияам̣ аасаабад̇д̇и палзнзваад̇и аасаааабад̇д̇и ид̇т̇ибхааваавахааби ход̇иязва. д̇анниннабон̣абаб̣бхаарабхаавзна д̇анниганд̇ияаа нимид̇д̇абхааваабад̇д̇ид̇од̇и вуд̇д̇ам̣ ‘‘бурисо ид̇т̇ад̇д̇абхаавам̣ лабханд̇о гаамзсумижчаажаарам̣ ниссааяа лабхад̇ий’’д̇и. д̇ад̣̇аад̇и яат̇аавуд̇д̇з батамагаббигагаалз. багад̇ияаад̇и сабхаавзна. маад̇уг̇аамассаад̇и буримад̇д̇абхаавз маад̇уг̇аамабхууд̇асса. бурисассаад̇и зд̇т̇ааби ‘‘багад̇ияаа’’д̇и бад̣̇ам̣ аанзд̇ваа самб̣анд̇хид̇аб̣б̣ам̣. убаниж̇жхааяад̇анд̇и убзжжа ниж̇жхааяанд̇аанам̣. яат̇аа ан̃н̃аман̃н̃асмим̣ саарааг̇о уббаж̇ж̇ад̇и, звам̣ саабзгкабхаавзна ологзнд̇аанам̣. рааг̇абарил̣ааход̇и рааг̇аж̇о барил̣аахо.
126.‘‘Manussakāle’’ti idaṃ pubbe manussabhūtānaṃyeva tattha idāni nikantivasena uppatti hotīti katvā vuttaṃ, devatānampi purimajātiyaṃ itthibhāve ṭhitānaṃ tattha virāgādipurisattappaccaye asati tadā itthiliṅgameva pātubhavati. Purisattapaccayeti ‘‘attanopi anissaratā, sabbakālaṃ parāyattavuttitā, rajassalatā vañcatā, gabbhadhāraṇaṃ, paṭhamāya pakatiyā nihīnapakatitā, sūravīratābhāvo, ‘appakā janā’ti ‘hīḷetabbatā’ti evamādi ādīnavapaccavekkhaṇapubbakampi itthibhāve ‘alaṃ itthibhāvena, na hi itthibhāve ṭhatvā cakkavattisiriṃ, na sakkamārabrahmasiriyo paccanubhavituṃ, na paccekabodhiṃ, na sammāsambodhiṃ adhigantuṃ sakkā’ti evaṃ itthibhāvavirajjanaṃ, ‘yathāvuttaādīnavavirahato uttamapakatibhāvato sampadamidaṃ purisattaṃ nāma seṭṭhaṃ uttamaṃ, ettha ṭhatvā sakkā etā sampattiyo sampāpuṇitu’nti evaṃ purisattabhāve sambhāvanāpubbakaṃ patthanāṭhapanaṃ, ‘tattha ninnapoṇapabbhāracittatā’ti’’ evamādike purisabhāvassa paccayabhūte dhamme. Pūretvā vaḍḍhetvā. Paccakkhaṃ bhūtaṃ, sadisañca diṭṭhadhammikaṃ, samparāyikañca suvipulaṃ anatthaṃ acintetvā purisassa kāmesu micchācaraṇaṃ kevalaṃ itthiyaṃ āsāpatti phalenevāti āsāāpatti itthibhāvāvahāpi hotiyeva. Tanninnapoṇapabbhārabhāvena tannikantiyā nimittabhāvāpattitoti vuttaṃ ‘‘puriso itthattabhāvaṃ labhanto kāmesumicchācāraṃ nissāya labhatī’’ti. Tadāti yathāvutte paṭhamakappikakāle. Pakatiyāti sabhāvena. Mātugāmassāti purimattabhāve mātugāmabhūtassa. Purisassāti etthāpi ‘‘pakatiyā’’ti padaṃ ānetvā sambandhitabbaṃ. Upanijjhāyatanti upecca nijjhāyantānaṃ. Yathā aññamaññasmiṃ sārāgo uppajjati, evaṃ sāpekkhabhāvena olokentānaṃ. Rāgapariḷāhoti rāgajo pariḷāho.
ниб̣б̣уяхамаанааяаад̇и барин̣ад̇аа худ̇ваа нияяамаанааяа.
Nibbuyhamānāyāti pariṇatā hutvā niyyamānāya.
мзт̇унад̇хаммасамаажаараван̣н̣анаа
Methunadhammasamācāravaṇṇanā
127. г̇омаяабин̣д̣амад̇д̇амби наалад̇т̇аад̇и саммад̣̇зва виваахагаммам̣ наалад̇т̇аад̇и ад̇хиббааязна вад̣̇анд̇и. баад̇аб̣яад̇анд̇и д̇асмим̣ асад̣̇д̇хаммз гилзсагаамзна бивид̇аб̣б̣ад̇ам̣ гин̃жи бивид̇аб̣б̣авад̇т̇ум̣ биванд̇аа вияа ад̇ивияа д̇осзд̇ваа барибхун̃ж̇ид̇аб̣б̣ад̇ам̣ аабаж̇ж̇им̣су, баад̇аб̣яад̇анд̇и ваа барибхун̃ж̇анагад̇ам̣ аабаж̇ж̇им̣су убаг̇ажчим̣су. барибхог̇ад̇т̇о хи аяам̣ баа-сад̣̇д̣̇о, гад̇д̇усаад̇хано жа д̇аб̣яа-сад̣̇д̣̇о, яат̇ааружи барибхун̃ж̇им̣сууд̇и ад̇т̇о.
127.Gomayapiṇḍamattampi nālatthāti sammadeva vivāhakammaṃ nālatthāti adhippāyena vadanti. Pātabyatanti tasmiṃ asaddhamme kilesakāmena pivitabbataṃ kiñci pivitabbavatthuṃ pivantā viya ativiya tosetvā paribhuñjitabbataṃ āpajjiṃsu, pātabyatanti vā paribhuñjanakataṃ āpajjiṃsu upagacchiṃsu. Paribhogattho hi ayaṃ pā-saddo, kattusādhano ca tabya-saddo, yathāruci paribhuñjiṃsūti attho.
саннид̇хигаараганд̇и саннид̇хигаарам̣, га-гааро бад̣̇авад̣дханамад̇д̇анд̇и ааха ‘‘саннид̇хим̣ гад̇ваа’’д̇и. абад̣̇аананд̇и авакан̣д̣анам̣. згзгасмим̣ таанзд̇и яад̇т̇а яад̇т̇а вахид̇ам̣, д̇асмим̣ д̇асмим̣ згзгасмим̣ таанз. г̇умб̣аг̇умб̣аад̇и бун̃ж̇абун̃ж̇аа.
Sannidhikārakanti sannidhikāraṃ, ka-kāro padavaḍḍhanamattanti āha ‘‘sannidhiṃ katvā’’ti. Apadānanti avakhaṇḍanaṃ. Ekekasmiṃ ṭhāneti yattha yattha vahitaṃ, tasmiṃ tasmiṃ ekekasmiṃ ṭhāne. Gumbagumbāti puñjapuñjā.
сааливибхааг̇аван̣н̣анаа
Sālivibhāgavaṇṇanā
128. сиймам̣ табзяяаамаад̇и ‘‘аяам̣ бхуумибхааг̇о асугасса, аяам̣ бхуумибхааг̇о асугассаа’’д̇и звам̣ барижчзд̣̇ам̣ гарзяяаама. д̇ам̣ аг̇г̇ам̣ гад̇ваад̇и д̇ам̣ аад̣̇им̣ гад̇ваа.
128.Sīmaṃ ṭhapeyyāmāti ‘‘ayaṃ bhūmibhāgo asukassa, ayaṃ bhūmibhāgo asukassā’’ti evaṃ paricchedaṃ kareyyāma. Taṃ aggaṃ katvāti taṃ ādiṃ katvā.
махаасаммад̇арааж̇аван̣н̣анаа
Mahāsammatarājavaṇṇanā
130. багаасзд̇аб̣б̣анд̇и д̣̇осавасзна багаасзд̇аб̣б̣ам̣. кибид̇аб̣б̣анд̇и кзбам̣ гаад̇аб̣б̣ам̣. д̇знааха ‘‘хаарзд̇аб̣б̣а’’нд̇и, сад̇д̇анигааяад̇о нийхарид̇аб̣б̣ам̣.
130.Pakāsetabbanti dosavasena pakāsetabbaṃ. Khipitabbanti khepaṃ kātabbaṃ. Tenāha ‘‘hāretabba’’nti, sattanikāyato nīharitabbaṃ.
нзсанд̇и нид̣̇д̇хааран̣з саамиважанам̣.
Nesanti niddhāraṇe sāmivacanaṃ.
131. агкаранд̇и нируд̇д̇им̣. саа хи махааж̇анзна саммад̇од̇и нид̣̇д̇хаарзд̇ваа вад̇д̇аб̣б̣ад̇о нируд̇д̇и , д̇асмим̣язва нируул̣хабхаавад̇о , ан̃н̃ад̇т̇а асан̃жаран̣ад̇о агкаранд̇и жа вужжад̇и, д̇ат̇аа сан̇каад̇аб̣б̣ад̇о сан̇каа, саман̃н̃ааяад̇ийд̇и саман̃н̃аа, бан̃н̃аабанад̇о бан̃н̃ад̇д̇и, вохаран̣ад̇о вохааро. уббаннод̇и бавад̇д̇о. на гзвалам̣ агкарамзваад̇и на гзвалам̣ саман̃н̃аагаран̣амзва. кзд̇д̇асааминод̇и д̇ам̣ д̇ам̣ бхуумибхааг̇ам̣ бариг̇г̇ахзд̇ваа тид̇асад̇д̇аа. д̇ийхи сан̇кзхийд̇и д̇ивид̇хагирияаабхисан̇кад̇зхи д̇ийхи сан̇кзхи кад̇д̇ияаад̣̇ийхи д̇ийхи ван̣н̣зхи бариг̇г̇ахид̇зхи. ‘‘кад̇д̇ияаануяанд̇аб̣раахман̣аг̇ахабад̇иганзг̇амаж̇аанабад̣̇зхи д̇ийхи г̇ахабад̇ийхи бариг̇г̇ахид̇зхий’’д̇и жа вад̣̇анд̇и. аг̇г̇анд̇и н̃аад̇знаад̇и аг̇г̇ам̣ гуланд̇и н̃аад̇зна. кад̇д̇ияагулан̃хи логз саб̣б̣асздтам̣. яат̇ааха ‘‘кад̇д̇ияо сздто ж̇анзд̇асмим̣, яз г̇од̇д̇абадисаарино’’д̇и, (д̣̇ий. ни. 1.277; 3.140; ма. ни. 2.30; сам̣. ни. 1.182, 245) абхзд̣̇обажаарзна бана агкарасса кад̇д̇ияасад̣̇д̣̇ассаби сздтад̇аад̇и баал̣ияам̣ ‘‘аг̇г̇ан̃н̃зна агкарзнаа’’д̇и вуд̇д̇ам̣. ид̣̇аани абхзд̣̇обажаарзна винаа зва ад̇т̇ам̣ д̣̇ассзд̇ум̣ ‘‘аг̇г̇з ваа’’д̇иаад̣̇и вуд̇д̇ам̣.
131.Akkharanti niruttiṃ. Sā hi mahājanena sammatoti niddhāretvā vattabbato nirutti , tasmiṃyeva nirūḷhabhāvato , aññattha asañcaraṇato akkharanti ca vuccati, tathā saṅkhātabbato saṅkhā, samaññāyatīti samaññā, paññāpanato paññatti, voharaṇato vohāro. Uppannoti pavatto. Na kevalaṃ akkharamevāti na kevalaṃ samaññākaraṇameva. Khettasāminoti taṃ taṃ bhūmibhāgaṃ pariggahetvā ṭhitasattā. Tīhi saṅkhehīti tividhakiriyābhisaṅkhatehi tīhi saṅkhehi khattiyādīhi tīhi vaṇṇehi pariggahitehi. ‘‘Khattiyānuyantabrāhmaṇagahapatikanegamajānapadehi tīhi gahapatīhi pariggahitehī’’ti ca vadanti. Agganti ñātenāti aggaṃ kulanti ñātena. Khattiyakulañhi loke sabbaseṭṭhaṃ. Yathāha ‘‘khattiyo seṭṭho janetasmiṃ, ye gottapaṭisārino’’ti, (dī. ni. 1.277; 3.140; ma. ni. 2.30; saṃ. ni. 1.182, 245) abhedopacārena pana akkharassa khattiyasaddassapi seṭṭhatāti pāḷiyaṃ ‘‘aggaññena akkharenā’’ti vuttaṃ. Idāni abhedopacārena vinā eva atthaṃ dassetuṃ ‘‘agge vā’’tiādi vuttaṃ.
б̣раахман̣аман̣д̣алаад̣̇иван̣н̣анаа
Brāhmaṇamaṇḍalādivaṇṇanā
132. язна анаарамбхабхаавзна б̣аахид̇аагусалаа ‘‘б̣раахман̣аа’’д̇и вуд̇д̇аа, д̇амзва д̇аава д̣̇ассзд̇ум̣ баал̣ияам̣ ‘‘вийд̇ан̇г̇аараа’’д̇иаад̣̇и вуд̇д̇анд̇и д̇ад̣̇ад̇т̇ам̣ д̣̇ассзнд̇о ‘‘бажид̇ваа’’д̇иаад̣̇имааха. д̇амзнанд̇и важанавибаллаасзна нид̣̇д̣̇зсод̇и ааха ‘‘д̇з зд̇з’’д̇и. абхисан̇каронд̇аад̇и жид̇д̇аманд̇абхаавзна ан̃н̃аман̃н̃ам̣ абхивисидтз гаронд̇аа, б̣раахман̣аагаббабхаавзна сан̇каронд̇аа жа. ваажзнд̇аад̇и барзсам̣ гат̇знд̇аа, яз д̇ат̇аа г̇ант̇з гаад̇ум̣ на ж̇аананд̇и. ажчанд̇ийд̇и аасанд̇и, убависанд̇ийд̇и ад̇т̇о. д̇знааха ‘‘васанд̇ий’’д̇и. ажчзнд̇ийд̇и гаалам̣ кзбзнд̇и. хийнасаммад̇ам̣ жхаанабхааванаануяог̇ам̣ чад̣д̣зд̇ваа г̇ант̇з басуд̇ад̇аад̣̇ийбанад̇о. сздтасаммад̇ам̣ ж̇аад̇ам̣ ‘‘взд̣̇ад̇хараа сод̇д̇ияаа суб̣раахман̣аад̇и звам̣ сздтасаммад̇ам̣ ж̇аад̇ам̣.
132. Yena anārambhabhāvena bāhitākusalā ‘‘brāhmaṇā’’ti vuttā, tameva tāva dassetuṃ pāḷiyaṃ ‘‘vītaṅgārā’’tiādi vuttanti tadatthaṃ dassento ‘‘pacitvā’’tiādimāha. Tamenanti vacanavipallāsena niddesoti āha ‘‘te ete’’ti. Abhisaṅkharontāti cittamantabhāvena aññamaññaṃ abhivisiṭṭhe karontā, brāhmaṇākappabhāvena saṅkharontā ca. Vācentāti paresaṃ kathentā, ye tathā ganthe kātuṃ na jānanti. Acchantīti āsanti, upavisantīti attho. Tenāha ‘‘vasantī’’ti. Acchentīti kālaṃ khepenti. Hīnasammataṃ jhānabhāvanānuyogaṃ chaḍḍetvā ganthe pasutatādīpanato. Seṭṭhasammataṃ jātaṃ ‘‘vedadharā sottiyā subrāhmaṇāti evaṃ seṭṭhasammataṃ jātaṃ.
133. мзт̇унад̇хаммам̣ самаад̣̇ияид̇ваад̇и ж̇ааяаабад̇игабхаавзна д̣̇ваяам̣ д̣̇ваяам̣ ниваасам̣ аж̇жхубаг̇анд̇ваа. ваан̣иж̇агаммаад̣̇игзд̇и аад̣̇и-сад̣̇д̣̇зна гасигаммаад̣̇им̣ сан̇г̇ан̣хаад̇и.
133.Methunadhammaṃ samādiyitvāti jāyāpatikabhāvena dvayaṃ dvayaṃ nivāsaṃ ajjhupagantvā. Vāṇijakammādiketi ādi-saddena kasikammādiṃ saṅgaṇhāti.
134. луд̣̇д̣̇аажаарагаммакуд̣̇д̣̇аажаарагаммунаад̇и баравихзтанаад̣̇илуд̣̇д̣̇аажаарагаммунаа, нал̣агаарад̣̇ааругаммаад̣̇икуд̣̇д̣̇аажаарагаммунаа жа. суд̣̇д̣̇анд̇и зд̇т̇а су-ид̇и сийгхад̇т̇з нибаад̇о. д̣̇аа-ид̇и г̇арахан̣ад̇т̇зд̇и ааха ‘‘суд̣̇д̣̇ам̣ суд̣̇д̣̇ам̣ лахум̣ лахум̣ гужчид̇ам̣ г̇ажчанд̇ий’’д̇и.
134.Luddācārakammakhuddācārakammunāti paraviheṭhanādiluddācārakammunā, naḷakāradārukammādikhuddācārakammunā ca. Suddanti ettha su-iti sīghatthe nipāto. Dā-iti garahaṇattheti āha ‘‘suddaṃ suddaṃ lahuṃ lahuṃ kucchitaṃ gacchantī’’ti.
135. ахууд̇и гаалавибаллаасавасзна вуд̇д̇анд̇и д̣̇ассзнд̇о ‘‘ход̇и ко’’д̇и ааха. иминаад̇и ‘‘имзхи ко, ваасздта, жад̇уухи ман̣д̣алзхи саман̣аман̣д̣аласса абхиниб̣б̣ад̇д̇и ход̇ий’’д̇и иминаа важанзна. имам̣ д̣̇ассзд̇ийд̇и саман̣аман̣д̣алам̣ наама…бз… суд̣̇д̇хим̣ баабун̣анд̇ийд̇и имам̣ ад̇т̇аж̇аад̇ам̣ д̣̇ассзд̇и. яад̣̇и имзхи…бз… абхиниб̣б̣ад̇д̇и ход̇и, звам̣ санд̇з имаанзва жад̇д̇аари ман̣д̣алаани бад̇хаанаани, саман̣аман̣д̣алам̣ аббад̇хаанам̣ д̇ад̇о абхиниб̣б̣ад̇д̇ад̇д̇аад̇и? наяид̣̇амзванд̇и д̣̇ассзд̇ум̣ ‘‘имааний’’д̇иаад̣̇и вуд̇д̇ам̣. саман̣аман̣д̣алам̣ анувад̇д̇анд̇и г̇ун̣зхи висидтабхаавад̇о. г̇ун̣о хи вин̃н̃уунам̣ анувад̇д̇анахзд̇у, на голабуд̇д̇ияам̣, ван̣н̣абогкарад̇аа, вааггаран̣амад̇д̇ам̣ ваа. д̇знааха ‘‘д̇хаммзнзва анувад̇д̇анд̇и, но ад̇хаммзнаа’’д̇и. со д̇хаммо жа логуд̇д̇арова ад̇хиббзд̇о, язна сам̣саарад̇о висуж̇жхад̇и, д̇асмаа саман̣аман̣д̣аланд̇и жа саасанигамзва саман̣аг̇ан̣ам̣ вад̣̇ад̇ийд̇и д̣̇адтаб̣б̣ам̣. д̇знааха ‘‘саман̣аман̣д̣алан̃хий’’д̇иаад̣̇и.
135.Ahūti kālavipallāsavasena vuttanti dassento ‘‘hoti kho’’ti āha. Imināti ‘‘imehi kho, vāseṭṭha, catūhi maṇḍalehi samaṇamaṇḍalassa abhinibbatti hotī’’ti iminā vacanena. Imaṃ dassetīti samaṇamaṇḍalaṃ nāma…pe… suddhiṃ pāpuṇantīti imaṃ atthajātaṃ dasseti. Yadi imehi…pe… abhinibbatti hoti, evaṃ sante imāneva cattāri maṇḍalāni padhānāni, samaṇamaṇḍalaṃ appadhānaṃ tato abhinibbattattāti? Nayidamevanti dassetuṃ ‘‘imānī’’tiādi vuttaṃ. Samaṇamaṇḍalaṃ anuvattanti guṇehi visiṭṭhabhāvato. Guṇo hi viññūnaṃ anuvattanahetu, na kolaputtiyaṃ, vaṇṇapokkharatā, vākkaraṇamattaṃ vā. Tenāha ‘‘dhammeneva anuvattanti, no adhammenā’’ti. So dhammo ca lokuttarova adhippeto, yena saṃsārato visujjhati, tasmā samaṇamaṇḍalanti ca sāsanikameva samaṇagaṇaṃ vadatīti daṭṭhabbaṃ. Tenāha ‘‘samaṇamaṇḍalañhī’’tiādi.
д̣̇ужжарид̇аад̣̇игат̇ааван̣н̣анаа
Duccaritādikathāvaṇṇanā
136. мижчаад̣̇идтивасзна самаад̣̇иннагаммам̣ наама ‘‘го ануб̣анд̇хид̇аб̣б̣о. аж̇од̇аг̇г̇исодтимисо’’д̇иаад̣̇инаа яан̃н̃авид̇хаанаад̣̇ивасзна бавад̇д̇ид̇ам̣ хим̣саад̣̇ибаабагаммам̣. мижчаад̣̇идтигаммассаад̇и ‘‘зса сад̣̇д̇хаад̇хиг̇ад̇о д̣̇зваяаано, язна яанд̇и буд̇д̇ино висогаа’’д̇иаад̣̇инаа бавад̇д̇ид̇асса мижчаад̣̇идтисахаг̇ад̇агаммасса. самаад̣̇аанам̣ д̇асса д̇ат̇аа бавад̇д̇анам̣, д̇ассаа ваа д̣̇идтияаа убаг̇аманам̣.
136.Micchādiṭṭhivasena samādinnakammaṃ nāma ‘‘ko anubandhitabbo. Ajotaggisoṭṭhimiso’’tiādinā yaññavidhānādivasena pavattitaṃ hiṃsādipāpakammaṃ. Micchādiṭṭhikammassāti ‘‘esa saddhādhigato devayāno, yena yanti puttino visokā’’tiādinā pavattitassa micchādiṭṭhisahagatakammassa. Samādānaṃ tassa tathā pavattanaṃ, tassā vā diṭṭhiyā upagamanaṃ.
137. д̣̇ваяагаарийд̇и гусалаагусалад̣̇ваяасса гад̇д̇аа. д̇аяид̣̇ам̣ д̣̇ваяам̣ яасмаа згаж̇жхам̣ наббавад̇д̇ад̇и, д̇асмаа ааха ‘‘гаалзнаа’’д̇иаад̣̇и. згагкан̣з убхаяавибаагад̣̇аанадтаанам̣ наама над̇т̇и згасмим̣ кан̣з жид̇д̇ад̣̇ваяуубасан̃хид̇ааяа сад̇д̇асанд̇ад̇ияаа абхаавад̇о. яат̇аа бана д̣̇ваяагаарино сукад̣̇угкабадисам̣взд̣̇ид̇аа самбхавад̇и, д̇ам̣ д̣̇ассзд̇ум̣ ‘‘язна банаа’’д̇иаад̣̇и вуд̇д̇ам̣. звам̣бхууд̇од̇и вигалааваяаво. д̣̇взбихи гусалаагусалагаммаани гад̇уубажид̇аани сабхаавад̇о б̣алаванд̇аанзва хонд̇и, д̇асмаа маран̣агаалз убадтаханд̇и . д̇зсу агусалам̣ б̣алавад̇арам̣ ход̇и бажжаяалаабхад̇о. ниганд̇иаад̣̇аяо хи бажжаяависзсаа агусалассзва сабхааг̇аа, на гусаласса, д̇асмаа гад̇уубажид̇абхаавзна самаанаб̣алзсуби гусалаагусалзсу бажжаяалаабхзна вибажжид̇ум̣ лад̣̇д̇хогаасад̇ааяа гусалад̇о агусалам̣ б̣алавад̇арам̣ ход̇ийд̇и, д̇ат̇аабхууд̇амби д̇ам̣ яат̇аа вибаагад̣̇аанз лад̣̇д̇хогаасасса гусалассааби авасаро ход̇и, д̇ат̇аа лад̣̇д̇хабажжаяам̣ бадисанд̇хид̣̇аанаабхимукам̣ гусалам̣ бадиб̣аахид̇ваа бадисанд̇хим̣ д̣̇знд̇ам̣ д̇иражчаанаяонияам̣ ниб̣б̣ад̇д̇аабзд̇ийд̇и. ‘‘агусалам̣ б̣алавад̇арам̣ ход̇ий’’д̇и зд̇т̇а ‘‘агусалам̣ жз б̣алавад̇арам̣ ход̇и, д̇ам̣ гусалам̣ бадиб̣аахид̇ваа’’д̇и вуд̇д̇анаязнзва ад̇т̇ам̣ вад̇ваа д̇зсу гусалам̣ жз б̣алавад̇арам̣ ход̇и, д̇ан̃жа агусалам̣ бадиб̣аахид̇ваа мануссаяонияам̣ ниб̣б̣ад̇д̇аабзд̇и, агусалам̣ бавад̇д̇ивзд̣̇анийяам̣ ход̇и, ат̇а нам̣ д̇ам̣ гаан̣амби гарод̇и куж̇ж̇амби бийтасаббимби гужчирог̇аад̣̇ийхи ваа убад̣̇д̣̇уд̇ам̣. звам̣ со бавад̇д̇ияам̣ наанаббагаарам̣ д̣̇угкам̣ бажжанубхавад̇ийд̇и ид̣̇ам̣ санд̇хааяа вуд̇д̇ам̣ ‘‘сукад̣̇угкаббадисам̣взд̣̇ий ход̇ий’’д̇и. д̇ад̇рааяам̣ винижчаяо – вуд̇д̇агаалз ваа гаарзна самаанаб̣алзсу гусалаагусалагаммзсу убадтаханд̇зсу маран̣асса аасаннавзлааяам̣ яад̣̇и б̣алавад̇араани гусалаж̇аванаани ж̇аванд̇и, яат̇ааубадтид̇ам̣ агусалам̣ бадиб̣аахид̇ваа гусалам̣ вуд̇д̇анаязна бадисанд̇хим̣ д̣̇зд̇и. ат̇а б̣алавад̇араани агусалаж̇аванаани ж̇аванд̇и, яат̇ааубадтид̇ам̣ гусалам̣ бадиб̣аахид̇ваа агусалам̣ вуд̇д̇анаязнзва бадисанд̇хим̣ д̣̇зд̇и. д̇ам̣ гисса хзд̇у? убхиннам̣ гаммаанам̣ самаанаб̣алавабхаавад̇о, бажжаяанд̇арасаабзгкад̇о жаад̇и, саб̣б̣ам̣ виймам̣сид̇ваа г̇ахзд̇аб̣б̣ам̣.
137.Dvayakārīti kusalākusaladvayassa kattā. Tayidaṃ dvayaṃ yasmā ekajjhaṃ nappavattati, tasmā āha ‘‘kālenā’’tiādi. Ekakkhaṇe ubhayavipākadānaṭṭhānaṃ nāma natthi ekasmiṃ khaṇe cittadvayūpasañhitāya sattasantatiyā abhāvato. Yathā pana dvayakārino sukhadukkhapaṭisaṃveditā sambhavati, taṃ dassetuṃ ‘‘yena panā’’tiādi vuttaṃ. Evaṃbhūtoti vikalāvayavo. Dvepihi kusalākusalakammāni katūpacitāni sabhāvato balavantāneva honti, tasmā maraṇakāle upaṭṭhahanti . Tesu akusalaṃ balavataraṃ hoti paccayalābhato. Nikantiādayo hi paccayavisesā akusalasseva sabhāgā, na kusalassa, tasmā katūpacitabhāvena samānabalesupi kusalākusalesu paccayalābhena vipaccituṃ laddhokāsatāya kusalato akusalaṃ balavataraṃ hotīti, tathābhūtampi taṃ yathā vipākadāne laddhokāsassa kusalassāpi avasaro hoti, tathā laddhapaccayaṃ paṭisandhidānābhimukhaṃ kusalaṃ paṭibāhitvā paṭisandhiṃ dentaṃ tiracchānayoniyaṃ nibbattāpetīti. ‘‘Akusalaṃ balavataraṃ hotī’’ti ettha ‘‘akusalaṃ ce balavataraṃ hoti, taṃ kusalaṃ paṭibāhitvā’’ti vuttanayeneva atthaṃ vatvā tesu kusalaṃ ce balavataraṃ hoti, tañca akusalaṃ paṭibāhitvā manussayoniyaṃ nibbattāpeti, akusalaṃ pavattivedanīyaṃ hoti, atha naṃ taṃ kāṇampi karoti khujjampi pīṭhasappimpi kucchirogādīhi vā upaddutaṃ. Evaṃ so pavattiyaṃ nānappakāraṃ dukkhaṃ paccanubhavatīti idaṃ sandhāya vuttaṃ ‘‘sukhadukkhappaṭisaṃvedī hotī’’ti. Tatrāyaṃ vinicchayo – vuttakāle vā kārena samānabalesu kusalākusalakammesu upaṭṭhahantesu maraṇassa āsannavelāyaṃ yadi balavatarāni kusalajavanāni javanti, yathāupaṭṭhitaṃ akusalaṃ paṭibāhitvā kusalaṃ vuttanayena paṭisandhiṃ deti. Atha balavatarāni akusalajavanāni javanti, yathāupaṭṭhitaṃ kusalaṃ paṭibāhitvā akusalaṃ vuttanayeneva paṭisandhiṃ deti. Taṃ kissa hetu? Ubhinnaṃ kammānaṃ samānabalavabhāvato, paccayantarasāpekkhato cāti, sabbaṃ vīmaṃsitvā gahetabbaṃ.
б̣од̇хибагкияабхааванааван̣н̣анаа
Bodhipakkhiyabhāvanāvaṇṇanā
138. б̣од̇хи вужжад̇и маг̇г̇асаммаад̣̇идти, жад̇д̇аари арияасажжаани б̣уж̇жхад̇ийд̇и гад̇ваа, сабхаавад̇о, д̇ам̣сабхаавад̇о жа д̇ассаа багкз бхаваад̇и б̣од̇хибагкияаа, сад̇ивийрияаад̣̇аяо д̇хаммаа, д̇зсам̣ б̣од̇хибагкияаанам̣. бадибаадияаад̇и б̣од̇хибагкияад̣̇зсанаабадибаадияаа. бхааванам̣ ануг̇анд̇ваад̇и ануггамзна бавад̇д̇ам̣ бхааванам̣ бад̇ваа. д̇знааха ‘‘бадибаж̇ж̇ид̇ваа’’д̇и. саубаад̣̇исзсааяа ниб̣б̣аанад̇хаад̇уяаа васзна кийн̣аасавасса сздтабхаавам̣ логасса баагадам̣ гад̇ваа д̣̇ассзд̇ум̣ саггаа, на ид̇арааяа саб̣б̣асо абан̃н̃ад̇д̇ибхаавуубаг̇аманз д̇асса ад̣̇ассанад̇од̇и вуд̇д̇ам̣ ‘‘бариниб̣б̣аад̇ийд̇и гилзсабариниб̣б̣аанзна бариниб̣б̣ааяад̇ий’’д̇и. винивад̇д̇зд̇ваад̇и д̇ад̇о жад̇уван̣н̣ад̇о нийхарид̇ваа.
138.Bodhi vuccati maggasammādiṭṭhi, cattāri ariyasaccāni bujjhatīti katvā, sabhāvato, taṃsabhāvato ca tassā pakkhe bhavāti bodhipakkhiyā, sativīriyādayo dhammā, tesaṃ bodhipakkhiyānaṃ. Paṭipāṭiyāti bodhipakkhiyadesanāpaṭipāṭiyā. Bhāvanaṃ anugantvāti anukkamena pavattaṃ bhāvanaṃ patvā. Tenāha ‘‘paṭipajjitvā’’ti. Saupādisesāya nibbānadhātuyā vasena khīṇāsavassa seṭṭhabhāvaṃ lokassa pākaṭaṃ katvā dassetuṃ sakkā, na itarāya sabbaso apaññattibhāvūpagamane tassa adassanatoti vuttaṃ ‘‘parinibbātīti kilesaparinibbānena parinibbāyatī’’ti. Vinivattetvāti tato catuvaṇṇato nīharitvā.
140. д̇амзвад̇т̇анд̇и ‘‘кийн̣аасавова д̣̇звамануссзсу сздто’’д̇и вуд̇д̇амзвад̇т̇ам̣.
140.Tamevatthanti ‘‘khīṇāsavova devamanussesu seṭṭho’’ti vuttamevatthaṃ.
сздтажчзд̣̇агаваад̣̇амзваад̇и ж̇аад̇иб̣раахман̣аанам̣ сздтабхаавасамужчзд̣̇агамзва гат̇ам̣. д̣̇ассзд̇ваа бхаасид̇ваа. суд̇д̇анд̇ам̣ винивад̇д̇зд̇ваад̇и буб̣б̣з логияад̇хаммасанд̣̇ассанавасзна бавад̇д̇ам̣ аг̇г̇ан̃н̃асуд̇д̇ам̣ ‘‘сад̇д̇аннам̣ б̣од̇хибагкияаанам̣ д̇хаммаанам̣ бхааванаманвааяаа’’д̇иаад̣̇инаа д̇ад̇о винивад̇д̇зд̇ваа нийхарид̇ваа д̇зна асам̣садтам̣ гад̇ваа. ааваж̇ж̇анд̇аад̇и саманнаахаранд̇аа. анумаж̇ж̇анд̇аад̇и буб̣б̣знаабарам̣ ад̇т̇ад̇о вижаранд̇аад̇и.
Seṭṭhacchedakavādamevāti jātibrāhmaṇānaṃ seṭṭhabhāvasamucchedakameva kathaṃ. Dassetvā bhāsitvā. Suttantaṃ vinivattetvāti pubbe lokiyadhammasandassanavasena pavattaṃ aggaññasuttaṃ ‘‘sattannaṃ bodhipakkhiyānaṃ dhammānaṃ bhāvanamanvāyā’’tiādinā tato vinivattetvā nīharitvā tena asaṃsaṭṭhaṃ katvā. Āvajjantāti samannāharantā. Anumajjantāti pubbenāparaṃ atthato vicarantāti.
аг̇г̇ан̃н̃асуд̇д̇аван̣н̣анааяа лийнад̇т̇аббагаасанаа.
Aggaññasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 4. аг̇г̇ан̃н̃асуд̇д̇ам̣ • 4. Aggaññasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 4. аг̇г̇ан̃н̃асуд̇д̇аван̣н̣анаа • 4. Aggaññasuttavaṇṇanā
