| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4. аг̇г̇абасаад̣̇асуд̇д̇аван̣н̣анаа
4. Aggapasādasuttavaṇṇanā
34. жад̇уд̇т̇з аг̇г̇зсу басаад̣̇аад̇и сздтзсу басаад̣̇аа. аг̇г̇аа ваа басаад̣̇аад̇и сздтабхууд̇аа басаад̣̇аа. сздтаважано хзд̇т̇а аг̇г̇асад̣̇д̣̇о. буримасмим̣ ад̇т̇авигаббз аг̇г̇асад̣̇д̣̇зна б̣уд̣̇д̇хаад̣̇ирад̇анад̇д̇аяам̣ вужжад̇и. д̇зсу бхаг̇аваа д̇аава асад̣̇исадтзна, г̇ун̣ависидтадтзна, асамасамадтзна жа аг̇г̇о. со хи махаабхинийхаарам̣ д̣̇асаннам̣ баарамийнам̣ бавижаяан̃жа аад̣̇им̣ гад̇ваа б̣од̇хисамбхаараг̇ун̣зхи жзва б̣уд̣̇д̇хаг̇ун̣зхи жа баяож̇анзхи жа сзсаж̇анзхи асад̣̇исод̇и асад̣̇исадтзнаби аг̇г̇о. яз жасса д̇з г̇ун̣аа махаагарун̣аад̣̇аяо, д̇зхи сзсасад̇д̇аанам̣ г̇ун̣зхи висидтадтзнаби саб̣б̣асад̇д̇уд̇д̇амад̇ааяа аг̇г̇о. яз бана буримагаа саммаасамб̣уд̣̇д̇хаа саб̣б̣асад̇д̇зхи асамаа, д̇зхи сад̣̇д̇хим̣ аяамзва руубагааяаг̇ун̣зхи жзва д̇хаммагааяаг̇ун̣зхи жа самод̇и асамасамадтзнаби аг̇г̇о. д̇ат̇аа д̣̇уллабхабаад̇убхаавад̇о ажчарияамануссабхаавад̇о б̣ахуж̇анахид̇асукаавахад̇о ад̣̇уд̇ияаасахааяаад̣̇ибхаавад̇о жа бхаг̇аваа логз аг̇г̇од̇и вужжад̇и. яат̇ааха –
34. Catutthe aggesu pasādāti seṭṭhesu pasādā. Aggā vā pasādāti seṭṭhabhūtā pasādā. Seṭṭhavacano hettha aggasaddo. Purimasmiṃ atthavikappe aggasaddena buddhādiratanattayaṃ vuccati. Tesu bhagavā tāva asadisaṭṭhena, guṇavisiṭṭhaṭṭhena, asamasamaṭṭhena ca aggo. So hi mahābhinīhāraṃ dasannaṃ pāramīnaṃ pavicayañca ādiṃ katvā bodhisambhāraguṇehi ceva buddhaguṇehi ca payojanehi ca sesajanehi asadisoti asadisaṭṭhenapi aggo. Ye cassa te guṇā mahākaruṇādayo, tehi sesasattānaṃ guṇehi visiṭṭhaṭṭhenapi sabbasattuttamatāya aggo. Ye pana purimakā sammāsambuddhā sabbasattehi asamā, tehi saddhiṃ ayameva rūpakāyaguṇehi ceva dhammakāyaguṇehi ca samoti asamasamaṭṭhenapi aggo. Tathā dullabhapātubhāvato acchariyamanussabhāvato bahujanahitasukhāvahato adutiyaasahāyādibhāvato ca bhagavā loke aggoti vuccati. Yathāha –
‘‘згабуг̇г̇аласса, бхигкавз, баад̇убхааво д̣̇уллабхо логасмим̣. гад̇амасса згабуг̇г̇аласса? д̇ат̇ааг̇ад̇асса арахад̇о саммаасаммуд̣̇д̇хасса. згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ажчарияамануссо. згабуг̇г̇ало, бхигкавз, логз уббаж̇ж̇амаано уббаж̇ж̇ад̇и б̣ахуж̇ана…бз… саммаасамб̣уд̣̇д̇хо. згабуг̇г̇ало, бхигкавз, логз уббаж̇ж̇амаано уббаж̇ж̇ад̇и ад̣̇уд̇ияо асахааяо аббадимо аббадибхааг̇о аббадибуг̇г̇ало асамо асамасамо д̣̇вибад̣̇аанам̣ аг̇г̇о. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.171-173).
‘‘Ekapuggalassa, bhikkhave, pātubhāvo dullabho lokasmiṃ. Katamassa ekapuggalassa? Tathāgatassa arahato sammāsammuddhassa. Ekapuggalo, bhikkhave, loke uppajjamāno uppajjati acchariyamanusso. Ekapuggalo, bhikkhave, loke uppajjamāno uppajjati bahujana…pe… sammāsambuddho. Ekapuggalo, bhikkhave, loke uppajjamāno uppajjati adutiyo asahāyo appaṭimo appaṭibhāgo appaṭipuggalo asamo asamasamo dvipadānaṃ aggo. Katamo ekapuggalo? Tathāgato arahaṃ sammāsambuddho’’ti (a. ni. 1.171-173).
д̇хаммасан̇гхаа ан̃н̃ад̇хаммасан̇гхзхи асад̣̇исадтзна висидтаг̇ун̣ад̇ааяа д̣̇уллабхабаад̇убхааваад̣̇инаа жа аг̇г̇аа. д̇ат̇аа хи д̇зсам̣ сваагкаад̇ад̇аад̣̇исуббадибаннад̇аад̣̇иг̇ун̣ависзсзхи ан̃н̃з д̇хаммасан̇гхасад̣̇исаа аббад̇арам̣ нихийнаа ваа над̇т̇и, гуд̇о сздтаа. саяамзва д̇зхи висидтаг̇ун̣ад̇ааяа сздтаа. д̇ат̇аа д̣̇уллабхуббаад̣̇аажчарияабхааваб̣ахуж̇анахид̇асукаавахаад̣̇уд̇ияаасахааяаад̣̇исабхааваа жа д̇з. яад̣̇аг̇г̇зна хи бхаг̇аваа д̣̇уллабхабаад̇убхааво, д̇ад̣̇аг̇г̇зна д̇хаммасан̇гхаабийд̇и. ажчарияаад̣̇ийсуби зсзва наяо. звам̣ аг̇г̇зсу сздтзсу уд̇д̇амзсу баварзсу г̇ун̣ависидтзсу басаад̣̇аад̇и аг̇г̇аббасад̣̇аа.
Dhammasaṅghā aññadhammasaṅghehi asadisaṭṭhena visiṭṭhaguṇatāya dullabhapātubhāvādinā ca aggā. Tathā hi tesaṃ svākkhātatādisuppaṭipannatādiguṇavisesehi aññe dhammasaṅghasadisā appataraṃ nihīnā vā natthi, kuto seṭṭhā. Sayameva tehi visiṭṭhaguṇatāya seṭṭhā. Tathā dullabhuppādaacchariyabhāvabahujanahitasukhāvahaadutiyāsahāyādisabhāvā ca te. Yadaggena hi bhagavā dullabhapātubhāvo, tadaggena dhammasaṅghāpīti. Acchariyādīsupi eseva nayo. Evaṃ aggesu seṭṭhesu uttamesu pavaresu guṇavisiṭṭhesu pasādāti aggappasadā.
д̣̇уд̇ияасмим̣ банад̇т̇з яат̇аавуд̇д̇зсу аг̇г̇зсу б̣уд̣̇д̇хаад̣̇ийсу уббад̇д̇ияаа аг̇г̇абхууд̇аа басаад̣̇аа аг̇г̇аббасаад̣̇аа. яз бана арияамаг̇г̇зна ааг̇ад̇аа авзжжаббасаад̣̇аа, д̇з зганд̇знзва аг̇г̇абхууд̇аа басаад̣̇аад̇и аг̇г̇аббасаад̣̇аа. яат̇ааха – ‘‘ид̇ха, бхигкавз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇ий’’д̇иаад̣̇и (сам̣. ни. 5.1037-1038). аг̇г̇авибаагад̇д̇ааби жзд̇з аг̇г̇аббасаад̣̇аа. вуд̇д̇амби жзд̇ам̣ – ‘‘аг̇г̇з ко бана басаннаанам̣ аг̇г̇о вибааго’’д̇и (а. ни. 4.34; ид̇иву. 90).
Dutiyasmiṃ panatthe yathāvuttesu aggesu buddhādīsu uppattiyā aggabhūtā pasādā aggappasādā. Ye pana ariyamaggena āgatā aveccappasādā, te ekanteneva aggabhūtā pasādāti aggappasādā. Yathāha – ‘‘idha, bhikkhave, ariyasāvako buddhe aveccappasādena samannāgato hotī’’tiādi (saṃ. ni. 5.1037-1038). Aggavipākattāpi cete aggappasādā. Vuttampi cetaṃ – ‘‘agge kho pana pasannānaṃ aggo vipāko’’ti (a. ni. 4.34; itivu. 90).
абад̣̇аа ваад̇иаад̣̇ийсу ваа-сад̣̇д̣̇о самужжаяад̇т̇о, на вигаббад̇т̇о. яат̇аа ‘‘ануббанно ваа гаамаасаво уббаж̇ж̇ад̇и, уббанно ваа гаамаасаво бавад̣дхад̇ий’’д̇и (ма. ни. 1.17) зд̇т̇а ануббанно жа уббанно жаад̇и ад̇т̇о. яат̇аа жа ‘‘бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяаа’’д̇и зд̇т̇а бхууд̇аанан̃жа самбхавзсийнан̃жаад̇и ад̇т̇о. яат̇аа жа ‘‘аг̇г̇ид̇о ваа уд̣̇агад̇о ваа мит̇убхзд̣̇ад̇о ваа’’д̇и (д̣̇ий. ни. 2.152) зд̇т̇а аг̇г̇ид̇о жа уд̣̇агад̇о жа мит̇убхзд̣̇ад̇о жаад̇и ад̇т̇о, звам̣ ‘‘абад̣̇аа ваа…бз… аг̇г̇амагкааяад̇ий’’д̇и (а. ни. 4.34; ид̇иву. 90) зд̇т̇ааби абад̣̇аа жа д̣̇вибад̣̇аа жаад̇и самбин̣д̣анавасзна ад̇т̇о д̣̇адтаб̣б̣о. д̇зна вуд̇д̇ам̣ ‘‘ваа-сад̣̇д̣̇о самужжаяад̇т̇о, на вигаббад̇т̇о’’д̇и.
Apadā vātiādīsu vā-saddo samuccayattho, na vikappattho. Yathā ‘‘anuppanno vā kāmāsavo uppajjati, uppanno vā kāmāsavo pavaḍḍhatī’’ti (ma. ni. 1.17) ettha anuppanno ca uppanno cāti attho. Yathā ca ‘‘bhūtānaṃ vā sattānaṃ ṭhitiyā sambhavesīnaṃ vā anuggahāyā’’ti ettha bhūtānañca sambhavesīnañcāti attho. Yathā ca ‘‘aggito vā udakato vā mithubhedato vā’’ti (dī. ni. 2.152) ettha aggito ca udakato ca mithubhedato cāti attho, evaṃ ‘‘apadā vā…pe… aggamakkhāyatī’’ti (a. ni. 4.34; itivu. 90) etthāpi apadā ca dvipadā cāti sampiṇḍanavasena attho daṭṭhabbo. Tena vuttaṃ ‘‘vā-saddo samuccayattho, na vikappattho’’ti.
руубинод̇и руубаванд̇о. на руубинод̇и аруубино. сан̃н̃инод̇и сан̃н̃аванд̇о. на сан̃н̃инод̇и асан̃н̃ино. ‘‘абад̣̇аа ваа’’д̇иаад̣̇исаб̣б̣абад̣̇зхи гаамабхаво, руубабхаво, аруубабхаво, згавогаарабхаво, жад̇увогаарабхаво, бан̃жавогаарабхаво, сан̃н̃ибхаво, асан̃н̃ибхаво, нзвасан̃н̃инаасан̃н̃ибхавод̇и нававид̇хзби бхавз сад̇д̇зби анавасзсад̇о барияаад̣̇ияид̇ваа д̣̇ассзд̇и. зд̇т̇а хи руубиг̇г̇ахан̣зна гаамабхаво, руубабхаво, бан̃жавогаарабхаво, згавогаарабхаво жа д̣̇ассид̇о, аруубиг̇г̇ахан̣зна аруубабхаво, жад̇увогаарабхаво жа д̣̇ассид̇о, сан̃н̃ибхаваад̣̇аяо бана саруубзнзва д̣̇ассид̇аа. абад̣̇аад̣̇иг̇г̇ахан̣зна гаамабхавабан̃жавогаарабхавасан̃н̃ибхаваанам̣ згад̣̇зсова д̣̇ассид̇о.
Rūpinoti rūpavanto. Na rūpinoti arūpino. Saññinoti saññavanto. Na saññinoti asaññino. ‘‘Apadā vā’’tiādisabbapadehi kāmabhavo, rūpabhavo, arūpabhavo, ekavokārabhavo, catuvokārabhavo, pañcavokārabhavo, saññibhavo, asaññibhavo, nevasaññināsaññibhavoti navavidhepi bhave sattepi anavasesato pariyādiyitvā dasseti. Ettha hi rūpiggahaṇena kāmabhavo, rūpabhavo, pañcavokārabhavo, ekavokārabhavo ca dassito, arūpiggahaṇena arūpabhavo, catuvokārabhavo ca dassito, saññibhavādayo pana sarūpeneva dassitā. Apadādiggahaṇena kāmabhavapañcavokārabhavasaññibhavānaṃ ekadesova dassito.
гасмаа банзд̇т̇а яат̇аа ад̣̇уд̇ияасуд̇д̇з ‘‘д̣̇вибад̣̇аанам̣ аг̇г̇о’’д̇и д̣̇вибад̣̇аа зва г̇ахид̇аа, звам̣ д̣̇вибад̣̇аг̇г̇ахан̣амзва агад̇ваа абад̣̇аад̣̇иг̇г̇ахан̣ам̣ гад̇анд̇и? вужжад̇з – ад̣̇уд̇ияасуд̇д̇з д̇аава сздтад̇аравасзна д̣̇вибад̣̇аг̇г̇ахан̣амзва гад̇ам̣. имасмин̃хи логз сздто наама уббаж̇ж̇амаано абад̣̇ажад̇уббад̣̇аб̣ахубад̣̇зсу на уббаж̇ж̇ад̇и, д̣̇вибад̣̇зсуязва уббаж̇ж̇ад̇и. гад̇арзсу д̣̇вибад̣̇зсу? мануссзсу жзва д̣̇звзсу жа. мануссзсу уббаж̇ж̇амаано сагалалогам̣ васз вад̇д̇зд̇ум̣ самад̇т̇о б̣уд̣̇д̇хо худ̇ваа уббаж̇ж̇ад̇и, д̣̇звзсу уббаж̇ж̇амаано д̣̇асасахассилогад̇хаад̇ум̣ васз вад̇д̇анаго махааб̣рахмаа худ̇ваа уббаж̇ж̇ад̇и, со д̇асса габбияагаараго ваа аараамиго ваа самбаж̇ж̇ад̇и. ид̇и д̇ад̇оби сздтад̇аравасзнзса д̣̇вибад̣̇аанам̣ аг̇г̇од̇и д̇ад̇т̇а вуд̇д̇ам̣. ид̇ха бана анавасзсабарияаад̣̇аанавасзна звам̣ вуд̇д̇ам̣ ‘‘яаавад̇аа, бхигкавз, сад̇д̇аа абад̣̇аа ваа…бз… нзвасан̃н̃инаасан̃н̃ино ваа, д̇ат̇ааг̇ад̇о д̇зсам̣ аг̇г̇амагкааяад̇ий’’д̇и . нид̣̇д̇хааран̣з жзд̇ам̣ саамиважанам̣. ма-гааро бад̣̇асанд̇хигаро, аг̇г̇о агкааяад̇ийд̇и бад̣̇авибхааг̇о. д̇знзвааха ‘‘г̇ун̣зхи аг̇г̇о’’д̇иаад̣̇и.
Kasmā panettha yathā adutiyasutte ‘‘dvipadānaṃ aggo’’ti dvipadā eva gahitā, evaṃ dvipadaggahaṇameva akatvā apadādiggahaṇaṃ katanti? Vuccate – adutiyasutte tāva seṭṭhataravasena dvipadaggahaṇameva kataṃ. Imasmiñhi loke seṭṭho nāma uppajjamāno apadacatuppadabahupadesu na uppajjati, dvipadesuyeva uppajjati. Kataresu dvipadesu? Manussesu ceva devesu ca. Manussesu uppajjamāno sakalalokaṃ vase vattetuṃ samattho buddho hutvā uppajjati, devesu uppajjamāno dasasahassilokadhātuṃ vase vattanako mahābrahmā hutvā uppajjati, so tassa kappiyakārako vā ārāmiko vā sampajjati. Iti tatopi seṭṭhataravasenesa dvipadānaṃ aggoti tattha vuttaṃ. Idha pana anavasesapariyādānavasena evaṃ vuttaṃ ‘‘yāvatā, bhikkhave, sattā apadā vā…pe… nevasaññināsaññino vā, tathāgato tesaṃ aggamakkhāyatī’’ti . Niddhāraṇe cetaṃ sāmivacanaṃ. Ma-kāro padasandhikaro, aggo akkhāyatīti padavibhāgo. Tenevāha ‘‘guṇehi aggo’’tiādi.
аг̇г̇о вибааго ход̇ийд̇и аг̇г̇з саммаасамб̣уд̣̇д̇хз басаннаанам̣ яо басаад̣̇о аг̇г̇о сздто уд̇д̇амагодибхууд̇о ваа, д̇асмаа д̇асса вибаагоби аг̇г̇о сздто уд̇д̇амагодибхууд̇о ул̣аарад̇амо бан̣ийд̇ад̇амо ход̇и. со бана басаад̣̇о д̣̇увид̇хо логияалогуд̇д̇арабхзд̣̇ад̇о. д̇зсу логияасса д̇аава –
Aggo vipāko hotīti agge sammāsambuddhe pasannānaṃ yo pasādo aggo seṭṭho uttamakoṭibhūto vā, tasmā tassa vipākopi aggo seṭṭho uttamakoṭibhūto uḷāratamo paṇītatamo hoti. So pana pasādo duvidho lokiyalokuttarabhedato. Tesu lokiyassa tāva –
‘‘яз гзжи б̣уд̣̇д̇хам̣ саран̣ам̣ г̇ад̇аасз,
‘‘Ye keci buddhaṃ saraṇaṃ gatāse,
на д̇з г̇амиссанд̇и абааяабхуумим̣;
Na te gamissanti apāyabhūmiṃ;
бахааяа маанусам̣ д̣̇зхам̣,
Pahāya mānusaṃ dehaṃ,
д̣̇звагааяам̣ барибуурзссанд̇и. (д̣̇ий. ни. 2.332; ид̇иву. адта. 90; сам̣. ни. 1.37);
Devakāyaṃ paripūressanti. (dī. ni. 2.332; itivu. aṭṭha. 90; saṃ. ni. 1.37);
‘‘б̣уд̣̇д̇ход̇и гид̇д̇аяанд̇асса, гааяз бхавад̇и яаа бийд̇и;
‘‘Buddhoti kittayantassa, kāye bhavati yā pīti;
варамзва хи саа бийд̇и, гасин̣знаби ж̇амб̣уд̣̇ийбасса. (д̣̇ий. ни. адта. 1.6; ид̇иву. адта. 90);
Varameva hi sā pīti, kasiṇenapi jambudīpassa. (dī. ni. aṭṭha. 1.6; itivu. aṭṭha. 90);
‘‘сад̇ам̣ хад̇т̇ий сад̇ам̣ ассаа, сад̇ам̣ ассад̇арийрат̇аа;
‘‘Sataṃ hatthī sataṃ assā, sataṃ assatarīrathā;
сад̇ам̣ ган̃н̃аасахассаани, аамуггаман̣игун̣д̣алаа;
Sataṃ kaññāsahassāni, āmukkamaṇikuṇḍalā;
згасса бад̣̇авийд̇ихаарасса, галам̣ нааг̇гханд̇и сол̣асим̣’’. (жуул̣ава. 305);
Ekassa padavītihārassa, kalaṃ nāgghanti soḷasiṃ’’. (cūḷava. 305);
‘‘саад̇ху ко, д̣̇зваанаминд̣̇а, б̣уд̣̇д̇хам̣ саран̣аг̇аманам̣ ход̇и, б̣уд̣̇д̇хам̣ саран̣аг̇аманахзд̇у ко, д̣̇зваанаминд̣̇а, звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. д̇з ан̃н̃з д̣̇звз д̣̇асахи таанзхи ад̇хиг̇г̇ан̣ханд̇и д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна, д̣̇иб̣б̣зхи руубзхи, д̣̇иб̣б̣зхи сад̣̇д̣̇зхи, д̣̇иб̣б̣зхи г̇анд̇хзхи, д̣̇иб̣б̣зхи расзхи, д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, buddhaṃ saraṇagamanaṃ hoti, buddhaṃ saraṇagamanahetu kho, devānaminda, evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjanti. Te aññe deve dasahi ṭhānehi adhiggaṇhanti dibbena āyunā, dibbena vaṇṇena, dibbena sukhena, dibbena yasena, dibbena ādhipateyyena, dibbehi rūpehi, dibbehi saddehi, dibbehi gandhehi, dibbehi rasehi, dibbehi phoṭṭhabbehī’’ti (saṃ. ni. 4.341) –
звамаад̣̇ийнам̣ суд̇д̇абад̣̇аанам̣ васзна басаад̣̇апалависзсаяог̇о взд̣̇ид̇аб̣б̣о, д̇асмаа со абааяад̣̇угкавинивад̇д̇анзна сад̣̇д̇хим̣ самбад̇д̇ибхавзсу сукависзсад̣̇ааяагова д̣̇адтаб̣б̣о.
Evamādīnaṃ suttapadānaṃ vasena pasādaphalavisesayogo veditabbo, tasmā so apāyadukkhavinivattanena saddhiṃ sampattibhavesu sukhavisesadāyakova daṭṭhabbo.
логуд̇д̇аро бана сааман̃н̃апалавибаагад̣̇ааяаго ваддад̣̇угкавинивад̇д̇аго. саб̣б̣оби жааяам̣ басаад̣̇о барамбарааяа ваддад̣̇угкам̣ винивад̇д̇зд̇иязва. вуд̇д̇ан̃хзд̇ам̣ –
Lokuttaro pana sāmaññaphalavipākadāyako vaṭṭadukkhavinivattako. Sabbopi cāyaṃ pasādo paramparāya vaṭṭadukkhaṃ vinivattetiyeva. Vuttañhetaṃ –
‘‘яасмим̣ самаяз, бхигкавз, арияасааваго ад̇д̇ано сад̣̇д̇хам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣…бз… на мохабарияудтид̇ам̣ жид̇д̇ам̣ ход̇и, уж̇уг̇ад̇амзвасса д̇асмим̣ самаяз жид̇д̇ам̣ ход̇и, уж̇уг̇ад̇ажид̇д̇асса баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и.
‘‘Yasmiṃ samaye, bhikkhave, ariyasāvako attano saddhaṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ…pe… na mohapariyuṭṭhitaṃ cittaṃ hoti, ujugatamevassa tasmiṃ samaye cittaṃ hoti, ujugatacittassa pāmojjaṃ jāyati, pamuditassa pīti jāyati…pe… nāparaṃ itthattāyāti pajānātī’’ti.
д̇хаммаад̇и сабхаавад̇хаммаа. сан̇кад̇аад̇и самзжжа самбхууяа бажжаязхи гад̇аад̇и сан̇кад̇аа, сабажжаяаа д̇хаммаа. хзд̇уухи бажжаязхи жа на гзхижи гад̇аа сан̇кад̇аад̇и асан̇кад̇аа, абажжаяо ниб̣б̣аанам̣. сан̇кад̇аанам̣ барияосид̇абхаавзна ‘‘асан̇кад̇аа’’д̇и бут̇уважанам̣. вирааг̇о д̇зсам̣ аг̇г̇амагкааяад̇ийд̇и д̇зсам̣ сан̇кад̇аасан̇кад̇ад̇хаммаанам̣ яо вирааг̇асан̇каад̇о асан̇кад̇ад̇хаммо, со сабхаавзнзва сан̣хасукумабхаавад̇о санд̇ад̇арабан̣ийд̇ад̇арабхаавад̇о г̇амбхийраад̣̇ибхаавад̇о мад̣̇аниммад̣̇анаад̣̇ибхаавад̇о аг̇г̇ам̣ сздтам̣ уд̇д̇амам̣ баваранд̇и вужжад̇и. яад̣̇ид̣̇анд̇и нибаад̇о, яо аяанд̇и ад̇т̇о. мад̣̇аниммад̣̇анод̇иаад̣̇ийни саб̣б̣аани ниб̣б̣аанавзважанаани. д̇знзвааха ‘‘вирааг̇од̇иаад̣̇ийни ниб̣б̣аанассзва наамааний’’д̇и. рааг̇амад̣̇аад̣̇аяод̇и аад̣̇и-сад̣̇д̣̇зна маанамад̣̇абурисамад̣̇аад̣̇игз сан̇г̇ан̣хаад̇и . саб̣б̣аа бибаасаад̇и гаамабибаасаад̣̇игаа саб̣б̣аа бибаасаа. саб̣б̣з аалаяаа самуг̇гхаад̇ам̣ г̇ажчанд̇ийд̇и гаамаалаяаад̣̇игаа саб̣б̣зби аалаяаа самуг̇гхаад̇ам̣ яанд̇и. ваддаанийд̇и гаммаваддавибаагаваддаани. д̇ан̣хаад̇и адтасад̇аббабхзд̣̇аа саб̣б̣ааби д̇ан̣хаа.
Dhammāti sabhāvadhammā. Saṅkhatāti samecca sambhūya paccayehi katāti saṅkhatā, sapaccayā dhammā. Hetūhi paccayehi ca na kehici katā saṅkhatāti asaṅkhatā, apaccayo nibbānaṃ. Saṅkhatānaṃ pariyositabhāvena ‘‘asaṅkhatā’’ti puthuvacanaṃ. Virāgo tesaṃ aggamakkhāyatīti tesaṃ saṅkhatāsaṅkhatadhammānaṃ yo virāgasaṅkhāto asaṅkhatadhammo, so sabhāveneva saṇhasukhumabhāvato santatarapaṇītatarabhāvato gambhīrādibhāvato madanimmadanādibhāvato aggaṃ seṭṭhaṃ uttamaṃ pavaranti vuccati. Yadidanti nipāto, yo ayanti attho. Madanimmadanotiādīni sabbāni nibbānavevacanāni. Tenevāha ‘‘virāgotiādīni nibbānasseva nāmānī’’ti. Rāgamadādayoti ādi-saddena mānamadapurisamadādike saṅgaṇhāti . Sabbā pipāsāti kāmapipāsādikā sabbā pipāsā. Sabbe ālayā samugghātaṃ gacchantīti kāmālayādikā sabbepi ālayā samugghātaṃ yanti. Vaṭṭānīti kammavaṭṭavipākavaṭṭāni. Taṇhāti aṭṭhasatappabhedā sabbāpi taṇhā.
аг̇г̇о вибааго ход̇ийд̇и зд̇т̇ааби –
Aggo vipāko hotīti etthāpi –
‘‘яз гзжи д̇хаммам̣ саран̣ам̣ г̇ад̇аасз…бз…’’. (д̣̇ий. ни. 2.332; сам̣ ни. 1.37);
‘‘Ye keci dhammaṃ saraṇaṃ gatāse…pe…’’. (dī. ni. 2.332; saṃ ni. 1.37);
‘‘д̇хаммод̇и гид̇д̇аяанд̇асса, гааяз бхавад̇и яаа бийд̇и…бз…’’. (д̣̇ий. ни. адта. 1.6; ид̇иву. адта. 90);
‘‘Dhammoti kittayantassa, kāye bhavati yā pīti…pe…’’. (dī. ni. aṭṭha. 1.6; itivu. aṭṭha. 90);
‘‘саад̇ху ко, д̣̇зваанаминд̣̇а, д̇хаммам̣ саран̣аг̇аманам̣ ход̇и, д̇хаммам̣ саран̣аг̇аманахзд̇у ко, д̣̇зваанаминд̣̇а, звамид̇хзгажжз…бз… д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, dhammaṃ saraṇagamanaṃ hoti, dhammaṃ saraṇagamanahetu kho, devānaminda, evamidhekacce…pe… dibbehi phoṭṭhabbehī’’ti (saṃ. ni. 4.341) –
звамаад̣̇ийнам̣ суд̇д̇абад̣̇аанам̣ васзна д̇хаммз басаад̣̇асса палависзсаяог̇о взд̣̇ид̇аб̣б̣о.
Evamādīnaṃ suttapadānaṃ vasena dhamme pasādassa phalavisesayogo veditabbo.
сан̇гхаа ваа г̇ан̣аа ваад̇и ж̇анасамуухасан̇каад̇аа яаавад̇аа логз сан̇гхаа ваа г̇ан̣аа ваа. д̇ат̇ааг̇ад̇асаавагасан̇гход̇и адтаарияабуг̇г̇аласамуухасан̇каад̇о д̣̇идтисийласааман̃н̃зна сам̣хад̇о д̇ат̇ааг̇ад̇асса саавагасан̇гхо. аг̇г̇амагкааяад̇ийд̇и ад̇д̇ано сийласамаад̇хибан̃н̃аавимуд̇д̇иаад̣̇иг̇ун̣ависзсзна д̇зсам̣ сан̇гхаанам̣ аг̇г̇о сздто уд̇д̇амо баварод̇и вужжад̇и. яад̣̇ид̣̇анд̇и яаани имаани. жад̇д̇аари бурисаяуг̇аани яуг̇ал̣авасзна, батамамаг̇г̇адто батамапаладтод̇и ид̣̇амзгам̣ яуг̇ал̣ам̣, яаава жад̇уд̇т̇амаг̇г̇адто жад̇уд̇т̇апаладтод̇и ид̣̇амзгам̣ яуг̇ал̣анд̇и звам̣ жад̇д̇аари бурисаяуг̇аани. адта бурисабуг̇г̇алаад̇и бурисабуг̇г̇алавасзна зго батамамаг̇г̇адто, зго батамапаладтод̇и иминаа наязна адта бурисабуг̇г̇алаа. зд̇т̇а жа бурисод̇и ваа буг̇г̇алод̇и ваа згад̇т̇аани зд̇аани бад̣̇аани, взнзяяавасзна банзвам̣ вуд̇д̇ам̣. зса бхаг̇авад̇о саавагасан̇гход̇и яаанимаани яуг̇ал̣авасзна жад̇д̇аари яуг̇аани баадиязггад̇о адта бурисабуг̇г̇алаа, зса бхаг̇авад̇о саавагасан̇гхо. аахунзяяод̇иаад̣̇ийни вуд̇д̇ад̇т̇аанзва. ид̇хааби –
Saṅghā vā gaṇā vāti janasamūhasaṅkhātā yāvatā loke saṅghā vā gaṇā vā. Tathāgatasāvakasaṅghoti aṭṭhaariyapuggalasamūhasaṅkhāto diṭṭhisīlasāmaññena saṃhato tathāgatassa sāvakasaṅgho. Aggamakkhāyatīti attano sīlasamādhipaññāvimuttiādiguṇavisesena tesaṃ saṅghānaṃ aggo seṭṭho uttamo pavaroti vuccati. Yadidanti yāni imāni. Cattāri purisayugāni yugaḷavasena, paṭhamamaggaṭṭho paṭhamaphalaṭṭhoti idamekaṃ yugaḷaṃ, yāva catutthamaggaṭṭho catutthaphalaṭṭhoti idamekaṃ yugaḷanti evaṃ cattāri purisayugāni. Aṭṭha purisapuggalāti purisapuggalavasena eko paṭhamamaggaṭṭho, eko paṭhamaphalaṭṭhoti iminā nayena aṭṭha purisapuggalā. Ettha ca purisoti vā puggaloti vā ekatthāni etāni padāni, veneyyavasena panevaṃ vuttaṃ. Esa bhagavato sāvakasaṅghoti yānimāni yugaḷavasena cattāri yugāni pāṭiyekkato aṭṭha purisapuggalā, esa bhagavato sāvakasaṅgho. Āhuneyyotiādīni vuttatthāneva. Idhāpi –
‘‘яз гзжи сан̇гхам̣ саран̣ам̣ г̇ад̇аасз…бз…’’. (д̣̇ий. ни. 2.332; сам̣. ни. 1.37);
‘‘Ye keci saṅghaṃ saraṇaṃ gatāse…pe…’’. (dī. ni. 2.332; saṃ. ni. 1.37);
‘‘сан̇гход̇и гид̇д̇аяанд̇асса, гааяз бхавад̇и яаа бийд̇и…бз…’’. (д̣̇ий. ни. адта. 1.6; ид̇иву. адта. 90);
‘‘Saṅghoti kittayantassa, kāye bhavati yā pīti…pe…’’. (dī. ni. aṭṭha. 1.6; itivu. aṭṭha. 90);
‘‘саад̇ху ко, д̣̇зваанаминд̣̇а, сан̇гхам̣ саран̣аг̇аманам̣ ход̇и, сан̇гхам̣ саран̣аг̇аманахзд̇у ко, д̣̇зваанаминд̣̇а…бз… д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, saṅghaṃ saraṇagamanaṃ hoti, saṅghaṃ saraṇagamanahetu kho, devānaminda…pe… dibbehi phoṭṭhabbehī’’ti (saṃ. ni. 4.341) –
аад̣̇ийнам̣ суд̇д̇абад̣̇аанам̣ васзна сан̇гхз басаад̣̇асса палависзсаяог̇о д̇асса аг̇г̇авибаагад̇аа жа взд̣̇ид̇аб̣б̣аа. д̇ат̇аа ануд̇д̇арияабадилаабхо сад̇д̇амабхаваад̣̇ид̇о бадтааяа ваддад̣̇угкасамужчзд̣̇о ануд̇д̇арасукаад̇хиг̇амод̇и звамаад̣̇иул̣аарапаланибпаад̣̇анавасзна аг̇г̇авибаагад̇аа взд̣̇ид̇аб̣б̣аа.
Ādīnaṃ suttapadānaṃ vasena saṅghe pasādassa phalavisesayogo tassa aggavipākatā ca veditabbā. Tathā anuttariyapaṭilābho sattamabhavādito paṭṭhāya vaṭṭadukkhasamucchedo anuttarasukhādhigamoti evamādiuḷāraphalanipphādanavasena aggavipākatā veditabbā.
г̇аат̇аасу аг̇г̇ад̇од̇и аг̇г̇з рад̇анад̇д̇аяз, аг̇г̇абхаавад̇о ваа басаннаанам̣. аг̇г̇ам̣ д̇хамманд̇и аг̇г̇асабхаавам̣ б̣уд̣̇д̇хасуб̣од̇хим̣ д̇хаммасуд̇хаммад̇ам̣ сан̇гхасуббадибад̇д̇им̣, рад̇анад̇д̇аяасса анан̃н̃асаад̇хааран̣ам̣ уд̇д̇амасабхаавам̣, д̣̇асаб̣алаад̣̇исваагкаад̇ад̇аад̣̇исуббадибаннад̇аад̣̇иг̇ун̣асабхаавам̣ ваа. виж̇аанад̇анд̇и виж̇аананд̇аанам̣. звам̣ саад̇хааран̣ад̇о аг̇г̇аббасаад̣̇авад̇т̇ум̣ д̣̇ассзд̇ваа ид̣̇аани асаад̇хааран̣ад̇о д̇ам̣ вибхааг̇зна д̣̇ассзд̇ум̣ ‘‘аг̇г̇з б̣уд̣̇д̇хз’’д̇иаад̣̇и вуд̇д̇ам̣. д̇ад̇т̇а басаннаананд̇и авзжжаббасаад̣̇зна жа ид̇араббасаад̣̇зна жа басаннаанам̣ ад̇химуд̇д̇аанам̣. вирааг̇уубасамзд̇и вирааг̇з убасамз жа, саб̣б̣асса рааг̇асса саб̣б̣зсам̣ гилзсаанам̣ ажжанд̇авирааг̇ахзд̇убхууд̇з ажжанд̇аубасамахзд̇убхууд̇з жаад̇и ад̇т̇о. сукзд̇и ваддад̣̇угкагкаяабхаавзна сан̇кааруубасамасукабхаавзна сукз.
Gāthāsu aggatoti agge ratanattaye, aggabhāvato vā pasannānaṃ. Aggaṃ dhammanti aggasabhāvaṃ buddhasubodhiṃ dhammasudhammataṃ saṅghasuppaṭipattiṃ, ratanattayassa anaññasādhāraṇaṃ uttamasabhāvaṃ, dasabalādisvākkhātatādisuppaṭipannatādiguṇasabhāvaṃ vā. Vijānatanti vijānantānaṃ. Evaṃ sādhāraṇato aggappasādavatthuṃ dassetvā idāni asādhāraṇato taṃ vibhāgena dassetuṃ ‘‘agge buddhe’’tiādi vuttaṃ. Tattha pasannānanti aveccappasādena ca itarappasādena ca pasannānaṃ adhimuttānaṃ. Virāgūpasameti virāge upasame ca, sabbassa rāgassa sabbesaṃ kilesānaṃ accantavirāgahetubhūte accantaupasamahetubhūte cāti attho. Sukheti vaṭṭadukkhakkhayabhāvena saṅkhārūpasamasukhabhāvena sukhe.
аг̇г̇асмим̣ д̣̇аанам̣ д̣̇ад̣̇ад̇анд̇и аг̇г̇з рад̇анад̇д̇аяз д̣̇аанам̣ д̣̇ад̣̇анд̇аанам̣ д̣̇зяяад̇хаммам̣ барижжаж̇анд̇аанам̣. д̇ад̇т̇а д̇харамаанам̣ бхаг̇аванд̇ам̣ жад̇уухи бажжаязхи убадтаханд̇аа бууж̇знд̇аа саггаронд̇аа, бариниб̣б̣уд̇ам̣ бхаг̇аванд̇ам̣ уд̣̇д̣̇исса д̇хаад̇ужзд̇ияаад̣̇игз убадтаханд̇аа бууж̇знд̇аа саггаронд̇аа б̣уд̣̇д̇хз д̣̇аанам̣ д̣̇ад̣̇анд̇и наама. ‘‘д̇хаммам̣ бууж̇зссаамаа’’д̇и д̇хаммад̇харз буг̇г̇алз жад̇уухи бажжаязхи убадтаханд̇аа бууж̇знд̇аа саггаронд̇аа д̇хамман̃жа жирадтид̇игам̣ гаронд̇аа д̇хаммз д̣̇аанам̣ д̣̇ад̣̇анд̇и наама. д̇ат̇аа арияасан̇гхам̣ жад̇уухи бажжаязхи убадтаханд̇аа бууж̇знд̇аа саггаронд̇аа д̇ам̣ уд̣̇д̣̇исса ид̇арасмимби д̇ат̇аа бадибаж̇ж̇анд̇аа сан̇гхз д̣̇аанам̣ д̣̇ад̣̇анд̇и наама. аг̇г̇ам̣ бун̃н̃ам̣ бавад̣дхад̇ийд̇и звам̣ рад̇анад̇д̇аяз басаннзна жзд̇асаа ул̣аарам̣ барижжааг̇ам̣ ул̣ааран̃жа бууж̇аасаггаарам̣ бавад̇д̇знд̇аанам̣ д̣̇ивасз д̣̇ивасз аг̇г̇ам̣ ул̣аарам̣ гусалам̣ убажийяад̇и. ид̣̇аани д̇асса бун̃н̃асса аг̇г̇авибаагад̇ааяа аг̇г̇абхаавам̣ д̣̇ассзд̇ум̣ ‘‘аг̇г̇ам̣ ааяуу’’д̇иаад̣̇и вуд̇д̇ам̣. д̇ад̇т̇а ааяууд̇и д̣̇иб̣б̣ам̣ ваа маанусам̣ ваа аг̇г̇ам̣ ул̣аарам̣ барамам̣ ааяу бавад̣дхад̇и убаруубари б̣руухад̇и. ван̣н̣од̇и руубасамбад̣̇аа. яасод̇и бариваарасамбад̣̇аа. гид̇д̇ийд̇и т̇уд̇игхосо. суканд̇и гааяигам̣ жзд̇асиган̃жа сукам̣. б̣аланд̇и гааяаб̣алан̃жзва н̃аан̣аб̣алан̃жа.
Aggasmiṃ dānaṃ dadatanti agge ratanattaye dānaṃ dadantānaṃ deyyadhammaṃ pariccajantānaṃ. Tattha dharamānaṃ bhagavantaṃ catūhi paccayehi upaṭṭhahantā pūjentā sakkarontā, parinibbutaṃ bhagavantaṃ uddissa dhātucetiyādike upaṭṭhahantā pūjentā sakkarontā buddhe dānaṃ dadanti nāma. ‘‘Dhammaṃ pūjessāmā’’ti dhammadhare puggale catūhi paccayehi upaṭṭhahantā pūjentā sakkarontā dhammañca ciraṭṭhitikaṃ karontā dhamme dānaṃ dadanti nāma. Tathā ariyasaṅghaṃ catūhi paccayehi upaṭṭhahantā pūjentā sakkarontā taṃ uddissa itarasmimpi tathā paṭipajjantā saṅghe dānaṃ dadanti nāma. Aggaṃ puññaṃ pavaḍḍhatīti evaṃ ratanattaye pasannena cetasā uḷāraṃ pariccāgaṃ uḷārañca pūjāsakkāraṃ pavattentānaṃ divase divase aggaṃ uḷāraṃ kusalaṃ upacīyati. Idāni tassa puññassa aggavipākatāya aggabhāvaṃ dassetuṃ ‘‘aggaṃ āyū’’tiādi vuttaṃ. Tattha āyūti dibbaṃ vā mānusaṃ vā aggaṃ uḷāraṃ paramaṃ āyu pavaḍḍhati uparūpari brūhati. Vaṇṇoti rūpasampadā. Yasoti parivārasampadā. Kittīti thutighoso. Sukhanti kāyikaṃ cetasikañca sukhaṃ. Balanti kāyabalañceva ñāṇabalañca.
аг̇г̇асса рад̇анад̇д̇аяасса д̣̇аанам̣ д̣̇аад̇аа. ат̇а ваа аг̇г̇асса д̣̇зяяад̇хаммасса д̣̇аанам̣ ул̣аарам̣ гад̇ваа д̇ад̇т̇а бун̃н̃ам̣ бавад̇д̇зд̇аа. аг̇г̇ад̇хаммасамаахид̇од̇и аг̇г̇зна басаад̣̇ад̇хаммзна д̣̇аанаад̣̇ид̇хаммзна жа сам̣хид̇о саманнааг̇ад̇о ажалаббасаад̣̇аяуд̇д̇о, д̇асса ваа вибаагабхууд̇зхи б̣ахуж̇анасса бияаманаабад̇аад̣̇ид̇хаммзхи яуд̇д̇о. аг̇г̇аббад̇д̇о бамод̣̇ад̇ийд̇и яад̇т̇а яад̇т̇а сад̇д̇анигааяз уббанно, д̇ад̇т̇а д̇ад̇т̇а аг̇г̇абхаавам̣ сздтабхаавам̣ ад̇хиг̇ад̇о, аг̇г̇абхаавам̣ ваа логуд̇д̇арамаг̇г̇апалам̣ ад̇хиг̇ад̇о бамод̣̇ад̇и абхирамад̇и барид̇уссад̇ийд̇и.
Aggassa ratanattayassa dānaṃ dātā. Atha vā aggassa deyyadhammassa dānaṃ uḷāraṃ katvā tattha puññaṃ pavattetā. Aggadhammasamāhitoti aggena pasādadhammena dānādidhammena ca saṃhito samannāgato acalappasādayutto, tassa vā vipākabhūtehi bahujanassa piyamanāpatādidhammehi yutto. Aggappatto pamodatīti yattha yattha sattanikāye uppanno, tattha tattha aggabhāvaṃ seṭṭhabhāvaṃ adhigato, aggabhāvaṃ vā lokuttaramaggaphalaṃ adhigato pamodati abhiramati paritussatīti.
аг̇г̇абасаад̣̇асуд̇д̇аван̣н̣анаа нидтид̇аа.
Aggapasādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. аг̇г̇аббасаад̣̇асуд̇д̇ам̣ • 4. Aggappasādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. басаад̣̇асуд̇д̇аван̣н̣анаа • 4. Pasādasuttavaṇṇanā
