| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
5. бан̃жамаваг̇г̇о
5. Pañcamavaggo
1. аг̇г̇аббасаад̣̇асуд̇д̇ам̣
1. Aggappasādasuttaṃ
90. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
90. Vuttañhetaṃ bhagavatā, vuttamarahatāti me sutaṃ –
‘‘д̇аяомз, бхигкавз, аг̇г̇аббасаад̣̇аа. гад̇амз д̇аяо? яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа жад̇уббад̣̇аа ваа б̣ахуббад̣̇аа 1 ваа руубино ваа аруубино ваа сан̃н̃ино ваа асан̃н̃ино ваа нзвасан̃н̃инаасан̃н̃ино ваа, д̇ат̇ааг̇ад̇о д̇зсам̣ аг̇г̇амагкааяад̇и арахам̣ саммаасамб̣уд̣̇д̇хо . яз, бхигкавз, б̣уд̣̇д̇хз басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и.
‘‘Tayome, bhikkhave, aggappasādā. Katame tayo? Yāvatā, bhikkhave, sattā apadā vā dvipadā vā catuppadā vā bahuppadā 2 vā rūpino vā arūpino vā saññino vā asaññino vā nevasaññināsaññino vā, tathāgato tesaṃ aggamakkhāyati arahaṃ sammāsambuddho . Ye, bhikkhave, buddhe pasannā, agge te pasannā. Agge kho pana pasannānaṃ aggo vipāko hoti.
‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ аг̇г̇амагкааяад̇и, яад̣̇ид̣̇ам̣ мад̣̇аниммад̣̇ано бибаасавинаяо аалаяасамуг̇гхаад̇о ваддубажчзд̣̇о д̇ан̣хагкаяо вирааг̇о нирод̇хо ниб̣б̣аанам̣. яз, бхигкавз, вирааг̇з д̇хаммз басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и.
‘‘Yāvatā, bhikkhave, dhammā saṅkhatā vā asaṅkhatā vā, virāgo tesaṃ aggamakkhāyati, yadidaṃ madanimmadano pipāsavinayo ālayasamugghāto vaṭṭupacchedo taṇhakkhayo virāgo nirodho nibbānaṃ. Ye, bhikkhave, virāge dhamme pasannā, agge te pasannā. Agge kho pana pasannānaṃ aggo vipāko hoti.
‘‘яаавад̇аа , бхигкавз, сан̇гхаа ваа г̇ан̣аа ваа, д̇ат̇ааг̇ад̇асаавагасан̇гхо д̇зсам̣ аг̇г̇амагкааяад̇и, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логасса. яз, бхигкавз, сан̇гхз басаннаа, аг̇г̇з д̇з басаннаа. аг̇г̇з ко бана басаннаанам̣ аг̇г̇о вибааго ход̇и. имз ко, бхигкавз, д̇аяо аг̇г̇аббасаад̣̇аа’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Yāvatā , bhikkhave, saṅghā vā gaṇā vā, tathāgatasāvakasaṅgho tesaṃ aggamakkhāyati, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Ye, bhikkhave, saṅghe pasannā, agge te pasannā. Agge kho pana pasannānaṃ aggo vipāko hoti. Ime kho, bhikkhave, tayo aggappasādā’’ti. Etamatthaṃ bhagavā avoca. Tatthetaṃ iti vuccati –
‘‘аг̇г̇ад̇о вз басаннаанам̣, аг̇г̇ам̣ д̇хаммам̣ виж̇аанад̇ам̣;
‘‘Aggato ve pasannānaṃ, aggaṃ dhammaṃ vijānataṃ;
аг̇г̇з б̣уд̣̇д̇хз басаннаанам̣, д̣̇агкин̣зяяз ануд̇д̇арз.
Agge buddhe pasannānaṃ, dakkhiṇeyye anuttare.
‘‘аг̇г̇з д̇хаммз басаннаанам̣, вирааг̇уубасамз сукз;
‘‘Agge dhamme pasannānaṃ, virāgūpasame sukhe;
аг̇г̇з сан̇гхз басаннаанам̣, бун̃н̃агкзд̇д̇з ануд̇д̇арз.
Agge saṅghe pasannānaṃ, puññakkhette anuttare.
‘‘аг̇г̇асмим̣ д̣̇аанам̣ д̣̇ад̣̇ад̇ам̣, аг̇г̇ам̣ бун̃н̃ам̣ бавад̣дхад̇и;
‘‘Aggasmiṃ dānaṃ dadataṃ, aggaṃ puññaṃ pavaḍḍhati;
аг̇г̇ам̣ ааяу жа ван̣н̣о жа, яасо гид̇д̇и сукам̣ б̣алам̣.
Aggaṃ āyu ca vaṇṇo ca, yaso kitti sukhaṃ balaṃ.
‘‘аг̇г̇асса д̣̇аад̇аа мзд̇хаавий, аг̇г̇ад̇хаммасамаахид̇о;
‘‘Aggassa dātā medhāvī, aggadhammasamāhito;
д̣̇звабхууд̇о мануссо ваа, аг̇г̇аббад̇д̇о бамод̣̇ад̇ий’’д̇и.
Devabhūto manusso vā, aggappatto pamodatī’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. батамам̣.
Ayampi attho vutto bhagavatā, iti me sutanti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 1. аг̇г̇аббасаад̣̇асуд̇д̇аван̣н̣анаа • 1. Aggappasādasuttavaṇṇanā
