| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
5. бан̃жамаваг̇г̇о
5. Pañcamavaggo
1. аг̇г̇аббасаад̣̇асуд̇д̇аван̣н̣анаа
1. Aggappasādasuttavaṇṇanā
90. бан̃жамаваг̇г̇асса батамз аг̇г̇аббасаад̣̇аад̇и зд̇т̇а аяам̣ аг̇г̇асад̣̇д̣̇о аад̣̇игодигодтаасасздтзсу д̣̇иссад̇и. д̇ат̇аа хзса ‘‘аж̇ж̇ад̇аг̇г̇з, самма д̣̇оваарига, аавараами д̣̇ваарам̣ ниг̇ан̣таанам̣ ниг̇ан̣тийнам̣ (ма. ни. 2.70). аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и (д̣̇ий. ни. 1.250; баараа. 15) жа аад̣̇ийсу аад̣̇имхи д̣̇иссад̇и. ‘‘д̇знзва ан̇г̇улаг̇г̇зна д̇ам̣ ан̇г̇улаг̇г̇ам̣ бараамасзяяа (гат̇аа. 441). ужчаг̇г̇ам̣ взл̣аг̇г̇а’’нд̇и жа аад̣̇ийсу годияам̣. ‘‘амб̣илаг̇г̇ам̣ ваа мад̇хураг̇г̇ам̣ ваа д̇ид̇д̇агаг̇г̇ам̣ ваа (сам̣. ни. 5.374). ануж̇аанаами, бхигкавз, вихаараг̇г̇зна ваа баривзн̣аг̇г̇зна ваа бхааж̇зд̇у’’нд̇и (жуул̣ава. 318) жа аад̣̇ийсу годтаасз. ‘‘аяам̣ имзсам̣ жад̇уннам̣ буг̇г̇алаанам̣ аг̇г̇о жа сздто жа уд̇д̇амо жа баваро жа (а. ни. 4.95). аг̇г̇охамасми логассаа’’д̇и жа аад̣̇ийсу (д̣̇ий. ни. 2.31; ма. ни. 3.207) сздтз. свааяамид̇хааби сздтзязва д̣̇адтаб̣б̣о. д̇асмаа аг̇г̇зсу сздтзсу басаад̣̇аа, аг̇г̇абхууд̇аа сздтабхууд̇аа ваа басаад̣̇аа аг̇г̇аббасаад̣̇аад̇и ад̇т̇о.
90. Pañcamavaggassa paṭhame aggappasādāti ettha ayaṃ aggasaddo ādikoṭikoṭṭhāsaseṭṭhesu dissati. Tathā hesa ‘‘ajjatagge, samma dovārika, āvarāmi dvāraṃ nigaṇṭhānaṃ nigaṇṭhīnaṃ (ma. ni. 2.70). Ajjatagge pāṇupetaṃ saraṇaṃ gata’’nti (dī. ni. 1.250; pārā. 15) ca ādīsu ādimhi dissati. ‘‘Teneva aṅgulaggena taṃ aṅgulaggaṃ parāmaseyya (kathā. 441). Ucchaggaṃ veḷagga’’nti ca ādīsu koṭiyaṃ. ‘‘Ambilaggaṃ vā madhuraggaṃ vā tittakaggaṃ vā (saṃ. ni. 5.374). Anujānāmi, bhikkhave, vihāraggena vā pariveṇaggena vā bhājetu’’nti (cūḷava. 318) ca ādīsu koṭṭhāse. ‘‘Ayaṃ imesaṃ catunnaṃ puggalānaṃ aggo ca seṭṭho ca uttamo ca pavaro ca (a. ni. 4.95). Aggohamasmi lokassā’’ti ca ādīsu (dī. ni. 2.31; ma. ni. 3.207) seṭṭhe. Svāyamidhāpi seṭṭheyeva daṭṭhabbo. Tasmā aggesu seṭṭhesu pasādā, aggabhūtā seṭṭhabhūtā vā pasādā aggappasādāti attho.
буримасмин̃жа ад̇т̇з аг̇г̇асад̣̇д̣̇зна б̣уд̣̇д̇хаад̣̇ирад̇анад̇д̇аяам̣ вужжад̇и. д̇зсу бхаг̇аваа д̇аава асад̣̇исадтзна, г̇ун̣ависидтадтзна, асамасамадтзна жа аг̇г̇о. со хи махаабхинийхаарам̣ д̣̇асаннам̣ баарамийнам̣ бавижаяан̃жа аад̣̇им̣ гад̇ваа д̇зхи б̣од̇хисамбхаараг̇ун̣зхи жзва б̣уд̣̇д̇хаг̇ун̣зхи жа сзсаж̇анзхи асад̣̇исод̇и асад̣̇исадтзна аг̇г̇о. яз жасса г̇ун̣аа махаагарун̣аад̣̇аяо, д̇з сзсасад̇д̇аанам̣ г̇ун̣зхи висидтаад̇и г̇ун̣ависидтадтзнаби саб̣б̣асад̇д̇уд̇д̇амад̇ааяа аг̇г̇о. яз бана буримагаа саммаасамб̣уд̣̇д̇хаа саб̣б̣асад̇д̇зхи асамаа, д̇зхи сад̣̇д̇хим̣ аяамзва руубагааяаг̇ун̣зхи жзва д̇хаммагааяаг̇ун̣зхи жа самод̇и асамасамадтзнаби аг̇г̇о. д̇ат̇аа д̣̇уллабхабаад̇убхаавад̇о ажчарияамануссабхаавад̇о б̣ахуж̇анахид̇асукаавахад̇о ад̣̇уд̇ияаасахааяаад̣̇ибхаавад̇о жа бхаг̇аваа логз аг̇г̇од̇и вужжад̇и. яат̇ааха –
Purimasmiñca atthe aggasaddena buddhādiratanattayaṃ vuccati. Tesu bhagavā tāva asadisaṭṭhena, guṇavisiṭṭhaṭṭhena, asamasamaṭṭhena ca aggo. So hi mahābhinīhāraṃ dasannaṃ pāramīnaṃ pavicayañca ādiṃ katvā tehi bodhisambhāraguṇehi ceva buddhaguṇehi ca sesajanehi asadisoti asadisaṭṭhena aggo. Ye cassa guṇā mahākaruṇādayo, te sesasattānaṃ guṇehi visiṭṭhāti guṇavisiṭṭhaṭṭhenapi sabbasattuttamatāya aggo. Ye pana purimakā sammāsambuddhā sabbasattehi asamā, tehi saddhiṃ ayameva rūpakāyaguṇehi ceva dhammakāyaguṇehi ca samoti asamasamaṭṭhenapi aggo. Tathā dullabhapātubhāvato acchariyamanussabhāvato bahujanahitasukhāvahato adutiyaasahāyādibhāvato ca bhagavā loke aggoti vuccati. Yathāha –
‘‘згабуг̇г̇аласса , бхигкавз, баад̇убхааво д̣̇уллабхо логасмим̣, гад̇амасса згабуг̇г̇аласса? д̇ат̇ааг̇ад̇асса арахад̇о саммаасамб̣уд̣̇д̇хасса.
‘‘Ekapuggalassa , bhikkhave, pātubhāvo dullabho lokasmiṃ, katamassa ekapuggalassa? Tathāgatassa arahato sammāsambuddhassa.
‘‘згабуг̇г̇ало , бхигкавз, логз уббаж̇ж̇амаано уббаж̇ж̇ад̇и ажчарияамануссо.
‘‘Ekapuggalo , bhikkhave, loke uppajjamāno uppajjati acchariyamanusso.
‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и б̣ахуж̇ана…бз… саммаасамб̣уд̣̇д̇хо.
‘‘Ekapuggalo, bhikkhave, loke uppajjamāno uppajjati bahujana…pe… sammāsambuddho.
‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и, ад̣̇уд̇ияо асахааяо аббадимо аббадисамо аббадибхааг̇о аббадибуг̇г̇ало асамо асамасамо д̣̇вибад̣̇аанам̣ аг̇г̇о. гад̇амо згабуг̇г̇ало? д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.170-172, 174).
‘‘Ekapuggalo, bhikkhave, loke uppajjamāno uppajjati, adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṃ aggo. Katamo ekapuggalo? Tathāgato arahaṃ sammāsambuddho’’ti (a. ni. 1.170-172, 174).
д̇хаммасан̇гхааби ан̃н̃ад̇хаммасан̇гхзхи асад̣̇исадтзна висидтаг̇ун̣ад̇ааяа д̣̇уллабхабаад̇убхааваад̣̇инаа жа аг̇г̇аа. д̇ат̇аа хи д̇зсам̣ сваагкаад̇ад̇аад̣̇исуббадибаннад̇аад̣̇иг̇ун̣ависзсзхи ан̃н̃ад̇хаммасан̇гхаа сад̣̇исаа аббад̇аранихийнаа ваа над̇т̇и, гуд̇о сздтаа. саяамзва жа бана д̇зхи висидтаг̇ун̣ад̇ааяа сздтаа. д̇ат̇аа д̣̇уллабхуббаад̣̇аажчарияабхааваб̣ахуж̇анахид̇асукаавахаа ад̣̇уд̇ияаасахааяаад̣̇исабхааваа жа д̇з. яад̣̇аг̇г̇зна хи бхаг̇аваа д̣̇уллабхабаад̇убхааво, д̇ад̣̇аг̇г̇зна д̇хаммасан̇гхаабийд̇и. ажчарияаад̣̇ибхаавзби зсзва наяо. звам̣ аг̇г̇зсу сздтзсу уд̇д̇амзсу баварзсу г̇ун̣ависидтзсу басаад̣̇аад̇и аг̇г̇аббасаад̣̇аа.
Dhammasaṅghāpi aññadhammasaṅghehi asadisaṭṭhena visiṭṭhaguṇatāya dullabhapātubhāvādinā ca aggā. Tathā hi tesaṃ svākkhātatādisuppaṭipannatādiguṇavisesehi aññadhammasaṅghā sadisā appataranihīnā vā natthi, kuto seṭṭhā. Sayameva ca pana tehi visiṭṭhaguṇatāya seṭṭhā. Tathā dullabhuppādaacchariyabhāvabahujanahitasukhāvahā adutiyaasahāyādisabhāvā ca te. Yadaggena hi bhagavā dullabhapātubhāvo, tadaggena dhammasaṅghāpīti. Acchariyādibhāvepi eseva nayo. Evaṃ aggesu seṭṭhesu uttamesu pavaresu guṇavisiṭṭhesu pasādāti aggappasādā.
д̣̇уд̇ияасмим̣ бана ад̇т̇з яат̇аавуд̇д̇зсу аг̇г̇зсу б̣уд̣̇д̇хаад̣̇ийсу уббад̇д̇ияаа аг̇г̇абхууд̇аа басаад̣̇аа аг̇г̇аббасаад̣̇аа. яз бана арияамаг̇г̇зна ааг̇ад̇аа авзжжаббасаад̣̇аа, д̇з зганд̇знзва аг̇г̇абхууд̇аа басаад̣̇аад̇и аг̇г̇аббасаад̣̇аа. яат̇ааха ‘‘ид̇ха , бхигкавз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇ий’’д̇иаад̣̇и (сам̣. ни. 5.1027). аг̇г̇авибаагад̇д̇ааби жзд̇з аг̇г̇аббасаад̣̇аа. вуд̇д̇ан̃хи ‘‘аг̇г̇з ко бана басаннаанам̣ аг̇г̇о вибааго’’д̇и.
Dutiyasmiṃ pana atthe yathāvuttesu aggesu buddhādīsu uppattiyā aggabhūtā pasādā aggappasādā. Ye pana ariyamaggena āgatā aveccappasādā, te ekanteneva aggabhūtā pasādāti aggappasādā. Yathāha ‘‘idha , bhikkhave, ariyasāvako buddhe aveccappasādena samannāgato hotī’’tiādi (saṃ. ni. 5.1027). Aggavipākattāpi cete aggappasādā. Vuttañhi ‘‘agge kho pana pasannānaṃ aggo vipāko’’ti.
яаавад̇аад̇и яад̇д̇агаа. сад̇д̇аад̇и баан̣ино. абад̣̇аад̇и абаад̣̇агаа. д̣̇вибад̣̇аад̇и д̣̇вибаад̣̇агаа. сзсабад̣̇ад̣̇ваязби зсзва наяо. ваа-сад̣̇д̣̇о самужжаяад̇т̇о, на вигаббад̇т̇о. яат̇аа ‘‘ануббанно ваа гаамаасаво уббаж̇ж̇ад̇и, уббанно ваа гаамаасаво бавад̣дхад̇ий’’д̇и (ма. ни. 1.17) зд̇т̇а ануббанно жа уббанно жаад̇и ад̇т̇о. яат̇аа жа ‘‘бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяаа’’д̇и (ма. ни. 1.402; сам̣. ни. 2.12) зд̇т̇а бхууд̇аанан̃жа самбхавзсийнан̃жаад̇и ад̇т̇о. яат̇аа жа ‘‘аг̇г̇ид̇о ваа уд̣̇агад̇о ваа мит̇убхзд̣̇ад̇о ваа’’д̇и (д̣̇ий. ни. 2.152; уд̣̇аа. 76; махаава. 286) зд̇т̇а аг̇г̇ид̇о жа уд̣̇агад̇о жа мит̇убхзд̣̇ад̇о жаад̇и ад̇т̇о, звам̣ ‘‘абад̣̇аа ваа…бз… аг̇г̇амагкааяад̇ий’’д̇и зд̇т̇ааби абад̣̇аа жа д̣̇вибад̣̇аа жаад̇и самбин̣д̣анавасзна ад̇т̇о д̣̇адтаб̣б̣о. д̇зна вуд̇д̇ам̣ ‘‘ваа-сад̣̇д̣̇о самужжаяад̇т̇о, на вигаббад̇т̇о’’д̇и.
Yāvatāti yattakā. Sattāti pāṇino. Apadāti apādakā. Dvipadāti dvipādakā. Sesapadadvayepi eseva nayo. Vā-saddo samuccayattho, na vikappattho. Yathā ‘‘anuppanno vā kāmāsavo uppajjati, uppanno vā kāmāsavo pavaḍḍhatī’’ti (ma. ni. 1.17) ettha anuppanno ca uppanno cāti attho. Yathā ca ‘‘bhūtānaṃ vā sattānaṃ ṭhitiyā sambhavesīnaṃ vā anuggahāyā’’ti (ma. ni. 1.402; saṃ. ni. 2.12) ettha bhūtānañca sambhavesīnañcāti attho. Yathā ca ‘‘aggito vā udakato vā mithubhedato vā’’ti (dī. ni. 2.152; udā. 76; mahāva. 286) ettha aggito ca udakato ca mithubhedato cāti attho, evaṃ ‘‘apadā vā…pe… aggamakkhāyatī’’ti etthāpi apadā ca dvipadā cāti sampiṇḍanavasena attho daṭṭhabbo. Tena vuttaṃ ‘‘vā-saddo samuccayattho, na vikappattho’’ti.
руубинод̇и руубаванд̇о. на руубинод̇и аруубино. сан̃н̃инод̇и сан̃н̃ааванд̇о. на сан̃н̃инод̇и асан̃н̃ино. нзвасан̃н̃инаасан̃н̃ино наама бхаваг̇г̇абарияаабаннаа. зд̇д̇аавад̇аа жа гаамабхаво, руубабхаво, аруубабхаво, згавогаарабхаво, жад̇увогаарабхаво, бан̃жавогаарабхаво, сан̃н̃ийбхаво, асан̃н̃ийбхаво, нзвасан̃н̃ийнаасан̃н̃ийбхавод̇и нававид̇хзби бхавз сад̇д̇з анавасзсад̇о барияаад̣̇ияид̇ваа д̣̇ассзси д̇хаммарааж̇аа. зд̇т̇а хи руубиг̇г̇ахан̣зна гаамабхаво руубабхаво бан̃жавогаарабхаво згавогаарабхаво жа д̣̇ассид̇о, аруубиг̇г̇ахан̣зна аруубабхаво жад̇увогаарабхаво жа д̣̇ассид̇о. сан̃н̃ийбхаваад̣̇аяо бана саруубзнзва д̣̇ассид̇аа. абад̣̇аад̣̇иг̇г̇ахан̣зна гаамабхавабан̃жавогаарабхавасан̃н̃ийбхаваанам̣ згад̣̇зсо д̣̇ассид̇од̇и.
Rūpinoti rūpavanto. Na rūpinoti arūpino. Saññinoti saññāvanto. Na saññinoti asaññino. Nevasaññināsaññino nāma bhavaggapariyāpannā. Ettāvatā ca kāmabhavo, rūpabhavo, arūpabhavo, ekavokārabhavo, catuvokārabhavo, pañcavokārabhavo, saññībhavo, asaññībhavo, nevasaññīnāsaññībhavoti navavidhepi bhave satte anavasesato pariyādiyitvā dassesi dhammarājā. Ettha hi rūpiggahaṇena kāmabhavo rūpabhavo pañcavokārabhavo ekavokārabhavo ca dassito, arūpiggahaṇena arūpabhavo catuvokārabhavo ca dassito. Saññībhavādayo pana sarūpeneva dassitā. Apadādiggahaṇena kāmabhavapañcavokārabhavasaññībhavānaṃ ekadeso dassitoti.
гасмаа банзд̇т̇а яат̇аа ад̣̇уд̇ияасуд̇д̇з ‘‘д̣̇вибад̣̇аанам̣ аг̇г̇о’’д̇и д̣̇вибад̣̇аанам̣ г̇ахан̣амзва агад̇ваа абад̣̇аад̣̇иг̇г̇ахан̣ам̣ гад̇анд̇и? вужжад̇з – ад̣̇уд̇ияасуд̇д̇з д̇аава сздтад̇аравасзна д̣̇вибад̣̇аг̇г̇ахан̣амзва гад̇ам̣. имасмин̃хи логз сздто наама уббаж̇ж̇амаано абад̣̇ажад̇уббад̣̇аб̣ахуббад̣̇зсу на уббаж̇ж̇ад̇и, д̣̇вибад̣̇зсуязва уббаж̇ж̇ад̇и. гад̇арзсу д̣̇вибад̣̇зсу? мануссзсу жзва д̣̇звзсу жа. мануссзсу уббаж̇ж̇амаано сагалалогам̣ васз вад̇д̇зд̇ум̣ самад̇т̇о б̣уд̣̇д̇хо худ̇ваа уббаж̇ж̇ад̇и. ан̇г̇уд̇д̇арадтагат̇ааяам̣ бана ‘‘д̇исахассимахаасахассилогад̇хаад̇ум̣ васз вад̇д̇зд̇ум̣ самад̇т̇о’’д̇и (а. ни. адта. 1.1.174) вуд̇д̇ам̣. д̣̇звзсу уббаж̇ж̇амаано д̣̇асасахассилогад̇хаад̇ум̣ васз вад̇д̇анаго махааб̣рахмаа худ̇ваа уббаж̇ж̇ад̇и, со д̇асса габбияагаараго ваа аараамиго ваа самбаж̇ж̇ад̇и. ид̇и д̇ад̇оби сздтад̇аравасзнзса ‘‘д̣̇вибад̣̇аанам̣ аг̇г̇о’’д̇и д̇ад̇т̇а вуд̇д̇о, ид̇ха бана анавасзсабарияаад̣̇аанавасзна звам̣ вуд̇д̇ам̣. яаавад̇д̇агаа хи сад̇д̇аа ад̇д̇абхаавабарияаабаннаа абад̣̇аа ваа…бз… нзвасан̃н̃ийнаасан̃н̃ино ваа, д̇ат̇ааг̇ад̇о д̇зсам̣ аг̇г̇амагкааяад̇ийд̇и. нид̣̇д̇хааран̣з жзд̇ам̣ саамиважанам̣, магааро бад̣̇асанд̇хигаро. аг̇г̇о агкааяад̇ийд̇и бад̣̇авибхааг̇о.
Kasmā panettha yathā adutiyasutte ‘‘dvipadānaṃ aggo’’ti dvipadānaṃ gahaṇameva akatvā apadādiggahaṇaṃ katanti? Vuccate – adutiyasutte tāva seṭṭhataravasena dvipadaggahaṇameva kataṃ. Imasmiñhi loke seṭṭho nāma uppajjamāno apadacatuppadabahuppadesu na uppajjati, dvipadesuyeva uppajjati. Kataresu dvipadesu? Manussesu ceva devesu ca. Manussesu uppajjamāno sakalalokaṃ vase vattetuṃ samattho buddho hutvā uppajjati. Aṅguttaraṭṭhakathāyaṃ pana ‘‘tisahassimahāsahassilokadhātuṃ vase vattetuṃ samattho’’ti (a. ni. aṭṭha. 1.1.174) vuttaṃ. Devesu uppajjamāno dasasahassilokadhātuṃ vase vattanako mahābrahmā hutvā uppajjati, so tassa kappiyakārako vā ārāmiko vā sampajjati. Iti tatopi seṭṭhataravasenesa ‘‘dvipadānaṃ aggo’’ti tattha vutto, idha pana anavasesapariyādānavasena evaṃ vuttaṃ. Yāvattakā hi sattā attabhāvapariyāpannā apadā vā…pe… nevasaññīnāsaññino vā, tathāgato tesaṃ aggamakkhāyatīti. Niddhāraṇe cetaṃ sāmivacanaṃ, makāro padasandhikaro. Aggo akkhāyatīti padavibhāgo.
аг̇г̇о вибааго ход̇ийд̇и аг̇г̇з саммаасамб̣уд̣̇д̇хз басаннаанам̣ яо басаад̣̇о, со аг̇г̇о сздто уд̇д̇амо годибхууд̇о ваа, д̇асмаа д̇асса вибаагоби аг̇г̇о сздто уд̇д̇амо годибхууд̇о ул̣аарад̇амо бан̣ийд̇ад̇амо ход̇и. со бана басаад̣̇о д̣̇увид̇хо логияалогуд̇д̇арабхзд̣̇ад̇о. д̇зсу логияасса д̇аава –
Aggo vipāko hotīti agge sammāsambuddhe pasannānaṃ yo pasādo, so aggo seṭṭho uttamo koṭibhūto vā, tasmā tassa vipākopi aggo seṭṭho uttamo koṭibhūto uḷāratamo paṇītatamo hoti. So pana pasādo duvidho lokiyalokuttarabhedato. Tesu lokiyassa tāva –
‘‘яз гзжи б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣;
‘‘Ye keci buddhaṃ saraṇaṃ gatāse, na te gamissanti apāyabhūmiṃ;
бахааяа маанусам̣ д̣̇зхам̣, д̣̇звагааяам̣ барибуурзссанд̇и. (д̣̇ий. ни. 2.332; сам̣. ни. 1.37);
Pahāya mānusaṃ dehaṃ, devakāyaṃ paripūressanti. (dī. ni. 2.332; saṃ. ni. 1.37);
‘‘б̣уд̣̇д̇ход̇и гид̇д̇аяанд̇асса, гааяз бхавад̇и яаа бийд̇и;
‘‘Buddhoti kittayantassa, kāye bhavati yā pīti;
варамзва хи саа бийд̇и, гасин̣знаби ж̇амб̣уд̣̇ийбасса.
Varameva hi sā pīti, kasiṇenapi jambudīpassa.
‘‘сад̇ам̣ хад̇т̇ий сад̇ам̣ ассаа, сад̇ам̣ ассад̇арий рат̇аа;
‘‘Sataṃ hatthī sataṃ assā, sataṃ assatarī rathā;
сад̇ам̣ ган̃н̃аасахассаани, аамуггаман̣игун̣д̣алаа;
Sataṃ kaññāsahassāni, āmukkamaṇikuṇḍalā;
згасса бад̣̇авийд̇ихаарасса, галам̣ нааг̇гханд̇и сол̣асим̣’’. (сам̣. ни. 1.242; жуул̣ава. 305);
Ekassa padavītihārassa, kalaṃ nāgghanti soḷasiṃ’’. (saṃ. ni. 1.242; cūḷava. 305);
‘‘саад̇ху ко, д̣̇зваанаминд̣̇а, б̣уд̣̇д̇хам̣ саран̣аг̇аманам̣ ход̇и, б̣уд̣̇д̇хам̣ саран̣аг̇аманахзд̇у ко, д̣̇зваанаминд̣̇а, звамид̇хзгажжз сад̇д̇аа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. д̇з ан̃н̃з д̣̇звз д̣̇асахи таанзхи ад̇хиг̇ан̣ханд̇и – д̣̇иб̣б̣зна ааяунаа, д̣̇иб̣б̣зна ван̣н̣зна, д̣̇иб̣б̣зна сукзна, д̣̇иб̣б̣зна яасзна, д̣̇иб̣б̣зна аад̇хибад̇зяязна, д̣̇иб̣б̣зхи руубзхи, д̣̇иб̣б̣зхи сад̣̇д̣̇зхи, д̣̇иб̣б̣зхи г̇анд̇хзхи, д̣̇иб̣б̣зхи расзхи, д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, buddhaṃ saraṇagamanaṃ hoti, buddhaṃ saraṇagamanahetu kho, devānaminda, evamidhekacce sattā kāyassa bhedā paraṃ maraṇā sugatiṃ saggaṃ lokaṃ upapajjanti. Te aññe deve dasahi ṭhānehi adhigaṇhanti – dibbena āyunā, dibbena vaṇṇena, dibbena sukhena, dibbena yasena, dibbena ādhipateyyena, dibbehi rūpehi, dibbehi saddehi, dibbehi gandhehi, dibbehi rasehi, dibbehi phoṭṭhabbehī’’ti (saṃ. ni. 4.341) –
звамаад̣̇ийнам̣ суд̇д̇абад̣̇аанам̣ васзна басаад̣̇асса палависзсаяог̇о взд̣̇ид̇аб̣б̣о. д̇асмаа со абааяад̣̇угкавинивад̇д̇анзна сад̣̇д̇хим̣ самбад̇д̇ибхавзсу сукавибаагад̣̇ааяагод̇и д̣̇адтаб̣б̣о. логуд̇д̇аро бана сааман̃н̃апалавибаагад̣̇ааяаго ваддад̣̇угкавинивад̇д̇аго жа. саб̣б̣оби жааяам̣ басаад̣̇о барамбарааяа ваддад̣̇угкам̣ винивад̇д̇зд̇иязва. вуд̇д̇ан̃хзд̇ам̣ –
Evamādīnaṃ suttapadānaṃ vasena pasādassa phalavisesayogo veditabbo. Tasmā so apāyadukkhavinivattanena saddhiṃ sampattibhavesu sukhavipākadāyakoti daṭṭhabbo. Lokuttaro pana sāmaññaphalavipākadāyako vaṭṭadukkhavinivattako ca. Sabbopi cāyaṃ pasādo paramparāya vaṭṭadukkhaṃ vinivattetiyeva. Vuttañhetaṃ –
‘‘яасмим̣ , бхигкавз, самаяз арияасааваго ад̇д̇ано сад̣̇д̇хам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣, на мохабарияудтид̇ам̣ жид̇д̇ам̣ ход̇и, уж̇уг̇ад̇амзвасса д̇асмим̣ самаяз жид̇д̇ам̣ ход̇и. уж̇уг̇ад̇ажид̇д̇асса баамож̇ж̇ам̣ ж̇ааяад̇и, бамуд̣̇ид̇асса бийд̇и ж̇ааяад̇и…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и (а. ни. 6.10; 26).
‘‘Yasmiṃ , bhikkhave, samaye ariyasāvako attano saddhaṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ, na mohapariyuṭṭhitaṃ cittaṃ hoti, ujugatamevassa tasmiṃ samaye cittaṃ hoti. Ujugatacittassa pāmojjaṃ jāyati, pamuditassa pīti jāyati…pe… nāparaṃ itthattāyāti pajānātī’’ti (a. ni. 6.10; 26).
д̇хаммаад̇и сабхаавад̇хаммаа. сан̇кад̇аад̇и самзжжа самбхуяяа бажжаязхи гад̇аад̇и сан̇кад̇аа, саббажжаяад̇хаммаа. хзд̇уухи бажжаязхи жа на гзхижи гад̇аад̇и асан̇кад̇аа, аббажжаяаниб̣б̣аанам̣. сан̇кад̇аанам̣ бадияог̇ибхаавзна ‘‘асан̇кад̇аа’’д̇и бут̇уважанам̣. вирааг̇о д̇зсам̣ аг̇г̇амагкааяад̇ийд̇и д̇зсам̣ сан̇кад̇аасан̇кад̇ад̇хаммаанам̣ яо вирааг̇асан̇каад̇о асан̇кад̇ад̇хаммо, со сабхаавзнзва сан̣хасукумабхаавад̇о санд̇ад̇арабан̣ийд̇ад̇арабхаавад̇о г̇амбхийраад̣̇ибхаавад̇о мад̣̇аниммад̣̇анаад̣̇ибхаавад̇о жа аг̇г̇ам̣ сздтам̣ уд̇д̇амам̣ баваранд̇и вужжад̇и. яад̣̇ид̣̇анд̇и нибаад̇о, яо аяанд̇и ад̇т̇о. мад̣̇аниммад̣̇анод̇иаад̣̇ийни саб̣б̣аани ниб̣б̣аанавзважанааниязва. д̇ат̇аа хи д̇ам̣ ааг̇амма маанамад̣̇абурисамад̣̇аад̣̇иго саб̣б̣о мад̣̇о ниммад̣̇ийяад̇и бамад̣̇д̣̇ийяад̇и, гаамабибаасаад̣̇игаа саб̣б̣аа бибаасаа винийяад̇и, гаамаалаяаад̣̇игаа саб̣б̣зби аалаяаа самуг̇гхаад̇ийяанд̇и, саб̣б̣зби гаммаваддагилзсаваддавибаагаваддаа убажчиж̇ж̇анд̇и, адтасад̇абхзд̣̇аа саб̣б̣ааби д̇ан̣хаа кийяад̇и, саб̣б̣зби гилзсаа вираж̇ж̇анд̇и, саб̣б̣ам̣ д̣̇угкам̣ нируж̇жхад̇и, д̇асмаа мад̣̇аниммад̣̇ано…бз… нирод̇ход̇и вужжад̇и. яаа банзсаа д̇ан̣хаа бхавзна бхавам̣, палзна гаммам̣ винад̇и сам̣сиб̣б̣ад̇ийд̇и гад̇ваа ваананд̇и вужжад̇и. д̇ам̣ ваанам̣ зд̇т̇а над̇т̇и, зд̇асмим̣ ваа ад̇хиг̇ад̇з арияабуг̇г̇аласса на ход̇ийд̇и ниб̣б̣аанам̣.
Dhammāti sabhāvadhammā. Saṅkhatāti samecca sambhuyya paccayehi katāti saṅkhatā, sappaccayadhammā. Hetūhi paccayehi ca na kehici katāti asaṅkhatā, appaccayanibbānaṃ. Saṅkhatānaṃ paṭiyogibhāvena ‘‘asaṅkhatā’’ti puthuvacanaṃ. Virāgo tesaṃ aggamakkhāyatīti tesaṃ saṅkhatāsaṅkhatadhammānaṃ yo virāgasaṅkhāto asaṅkhatadhammo, so sabhāveneva saṇhasukhumabhāvato santatarapaṇītatarabhāvato gambhīrādibhāvato madanimmadanādibhāvato ca aggaṃ seṭṭhaṃ uttamaṃ pavaranti vuccati. Yadidanti nipāto, yo ayanti attho. Madanimmadanotiādīni sabbāni nibbānavevacanāniyeva. Tathā hi taṃ āgamma mānamadapurisamadādiko sabbo mado nimmadīyati pamaddīyati, kāmapipāsādikā sabbā pipāsā vinīyati, kāmālayādikā sabbepi ālayā samugghātīyanti, sabbepi kammavaṭṭakilesavaṭṭavipākavaṭṭā upacchijjanti, aṭṭhasatabhedā sabbāpi taṇhā khīyati, sabbepi kilesā virajjanti, sabbaṃ dukkhaṃ nirujjhati, tasmā madanimmadano…pe… nirodhoti vuccati. Yā panesā taṇhā bhavena bhavaṃ, phalena kammaṃ vinati saṃsibbatīti katvā vānanti vuccati. Taṃ vānaṃ ettha natthi, etasmiṃ vā adhigate ariyapuggalassa na hotīti nibbānaṃ.
аг̇г̇о вибааго ход̇ийд̇и зд̇т̇ааби –
Aggo vipāko hotīti etthāpi –
‘‘яз гзжи д̇хаммам̣ саран̣ам̣ г̇ад̇аасз…бз…. (д̣̇ий. ни. 2.332; сам̣. ни. 1.37);
‘‘Ye keci dhammaṃ saraṇaṃ gatāse…pe…. (dī. ni. 2.332; saṃ. ni. 1.37);
‘‘д̇хаммод̇и гид̇д̇аяанд̇асса, гааяз бхавад̇и яаа бийд̇и…бз….
‘‘Dhammoti kittayantassa, kāye bhavati yā pīti…pe….
‘‘саад̇ху ко, д̣̇зваанаминд̣̇а, д̇хаммам̣ саран̣аг̇аманам̣ ход̇и. д̇хаммам̣ саран̣аг̇аманахзд̇у ко, д̣̇зваанаминд̣̇а, звамид̇хзгажжз…бз… д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, dhammaṃ saraṇagamanaṃ hoti. Dhammaṃ saraṇagamanahetu kho, devānaminda, evamidhekacce…pe… dibbehi phoṭṭhabbehī’’ti (saṃ. ni. 4.341) –
звамаад̣̇ийнам̣ суд̇д̇абад̣̇аанам̣ васзна д̇хаммз басаад̣̇асса палависзсаяог̇о взд̣̇ид̇аб̣б̣о. звамзд̇т̇а асан̇кад̇ад̇хаммавасзнзва аг̇г̇абхааво ааг̇ад̇о, саб̣б̣асан̇кад̇аниссаран̣ад̣̇ассанад̇т̇ам̣ арияамаг̇г̇авасзнаби аяамад̇т̇о лаб̣бхад̇зва. вуд̇д̇ан̃хзд̇ам̣ –
Evamādīnaṃ suttapadānaṃ vasena dhamme pasādassa phalavisesayogo veditabbo. Evamettha asaṅkhatadhammavaseneva aggabhāvo āgato, sabbasaṅkhatanissaraṇadassanatthaṃ ariyamaggavasenapi ayamattho labbhateva. Vuttañhetaṃ –
‘‘яаавад̇аа , бхигкавз, д̇хаммаа сан̇кад̇аа, арияо адтан̇г̇иго маг̇г̇о д̇зсам̣ аг̇г̇амагкааяад̇ий’’д̇и (а. ни. 4.34).
‘‘Yāvatā , bhikkhave, dhammā saṅkhatā, ariyo aṭṭhaṅgiko maggo tesaṃ aggamakkhāyatī’’ti (a. ni. 4.34).
‘‘маг̇г̇аанадтан̇г̇иго сздто’’д̇и жа. (д̇ха. ба. 273).
‘‘Maggānaṭṭhaṅgiko seṭṭho’’ti ca. (Dha. pa. 273).
сан̇гхаа ваа г̇ан̣аа ваад̇и ж̇анасамуухасан̇каад̇аа яаавад̇аа логз сан̇гхаа ваа г̇ан̣аа ваа. д̇ат̇ааг̇ад̇асаавагасан̇гход̇и адтаарияабуг̇г̇аласамуухасан̇каад̇о д̣̇идтисийласааман̃н̃зна сам̣хад̇о д̇ат̇ааг̇ад̇асса саавагасан̇гхо. д̇зсам̣ аг̇г̇амагкааяад̇ийд̇и ад̇д̇ано сийласамаад̇хибан̃н̃аавимуд̇д̇иаад̣̇иг̇ун̣ависзсзна д̇зсам̣ сан̇гхаанам̣ аг̇г̇о сздто уд̇д̇амо баварод̇и вужжад̇и. яад̣̇ид̣̇анд̇и яаани имаани. жад̇д̇аари бурисаяуг̇аанийд̇и яуг̇ал̣авасзна батамамаг̇г̇адто батамапаладтод̇и ид̣̇амзгам̣ яуг̇ал̣ам̣, яаава жад̇уд̇т̇амаг̇г̇адто жад̇уд̇т̇апаладтод̇и ид̣̇амзгам̣ яуг̇ал̣анд̇и звам̣ жад̇д̇аари бурисаяуг̇аани. адта бурисабуг̇г̇алаад̇и бурисабуг̇г̇алавасзна зго батамамаг̇г̇адто зго батамапаладтод̇и иминаа наязна адта бурисабуг̇г̇алаа. зд̇т̇а жа бурисод̇и ваа буг̇г̇алод̇и ваа згад̇т̇аани зд̇аани бад̣̇аани, взнзяяавасзна банзвам̣ вуд̇д̇ам̣. зса бхаг̇авад̇о саавагасан̇гход̇и яаанимаани яуг̇авасзна жад̇д̇аари бурисаяуг̇аани, баадзггад̇о адта бурисабуг̇г̇алаа, зса бхаг̇авад̇о саавагасан̇гхо.
Saṅghā vā gaṇā vāti janasamūhasaṅkhātā yāvatā loke saṅghā vā gaṇā vā. Tathāgatasāvakasaṅghoti aṭṭhaariyapuggalasamūhasaṅkhāto diṭṭhisīlasāmaññena saṃhato tathāgatassa sāvakasaṅgho. Tesaṃ aggamakkhāyatīti attano sīlasamādhipaññāvimuttiādiguṇavisesena tesaṃ saṅghānaṃ aggo seṭṭho uttamo pavaroti vuccati. Yadidanti yāni imāni. Cattāri purisayugānīti yugaḷavasena paṭhamamaggaṭṭho paṭhamaphalaṭṭhoti idamekaṃ yugaḷaṃ, yāva catutthamaggaṭṭho catutthaphalaṭṭhoti idamekaṃ yugaḷanti evaṃ cattāri purisayugāni. Aṭṭha purisapuggalāti purisapuggalavasena eko paṭhamamaggaṭṭho eko paṭhamaphalaṭṭhoti iminā nayena aṭṭha purisapuggalā. Ettha ca purisoti vā puggaloti vā ekatthāni etāni padāni, veneyyavasena panevaṃ vuttaṃ. Esa bhagavato sāvakasaṅghoti yānimāni yugavasena cattāri purisayugāni, pāṭekkato aṭṭha purisapuggalā, esa bhagavato sāvakasaṅgho.
аахунзяяод̇иаад̣̇ийсу аанзд̇ваа хунид̇аб̣б̣анд̇и аахунам̣, д̣̇уурад̇оби ааг̇анд̇ваа сийлаванд̇зсу д̣̇аад̇аб̣б̣анд̇и ад̇т̇о. жад̇уннам̣ бажжаяаанамзд̇ам̣ ад̇хиважанам̣. махабпалабхаавагаран̣ад̇о д̇ам̣ аахунам̣ бадиг̇г̇ахзд̇ум̣ яуд̇д̇од̇и аахунзяяо. ат̇а ваа д̣̇уурад̇оби ааг̇анд̇ваа саб̣б̣ам̣ саабад̇зяяамби зд̇т̇а хунид̇аб̣б̣ам̣, саггаад̣̇ийнамби аахаванам̣ арахад̇ийд̇и ваа аахаванийяо. яо жааяам̣ б̣раахман̣аанам̣ аахаванийяо наама аг̇г̇и, яад̇т̇а худ̇ам̣ махабпаланд̇и д̇зсам̣ лад̣̇д̇хи, со жз худ̇асса махабпалад̇ааяа аахаванийяо, сан̇гхова аахаванийяо. сан̇гхз худ̇ан̃хи махабпалам̣ ход̇и. яат̇ааха –
Āhuneyyotiādīsu ānetvā hunitabbanti āhunaṃ, dūratopi āgantvā sīlavantesu dātabbanti attho. Catunnaṃ paccayānametaṃ adhivacanaṃ. Mahapphalabhāvakaraṇato taṃ āhunaṃ paṭiggahetuṃ yuttoti āhuneyyo. Atha vā dūratopi āgantvā sabbaṃ sāpateyyampi ettha hunitabbaṃ, sakkādīnampi āhavanaṃ arahatīti vā āhavanīyo. Yo cāyaṃ brāhmaṇānaṃ āhavanīyo nāma aggi, yattha hutaṃ mahapphalanti tesaṃ laddhi, so ce hutassa mahapphalatāya āhavanīyo, saṅghova āhavanīyo. Saṅghe hutañhi mahapphalaṃ hoti. Yathāha –
‘‘яо жа вассасад̇ам̣ ж̇анд̇у, аг̇г̇им̣ барижарз ванз;
‘‘Yo ca vassasataṃ jantu, aggiṃ paricare vane;
зган̃жа бхаавид̇ад̇д̇аанам̣, мухуд̇д̇амаби бууж̇аяз;
Ekañca bhāvitattānaṃ, muhuttamapi pūjaye;
саа зва бууж̇анаа сзяяо, яан̃жз вассасад̇ам̣ худ̇а’’нд̇и. (д̇ха. ба. 107);
Sā eva pūjanā seyyo, yañce vassasataṃ huta’’nti. (dha. pa. 107);
д̇аяид̣̇ам̣ нигааяанд̇арз ‘‘аахаванийяо’’д̇и бад̣̇ам̣ ид̇ха ‘‘аахунзяяо’’д̇и иминаа бад̣̇зна ад̇т̇ад̇о згам̣, б̣яан̃ж̇анад̇о бана гин̃жимад̇д̇амзва наанам̣, д̇асмаа звамад̇т̇аван̣н̣анаа гад̇аа.
Tayidaṃ nikāyantare ‘‘āhavanīyo’’ti padaṃ idha ‘‘āhuneyyo’’ti iminā padena atthato ekaṃ, byañjanato pana kiñcimattameva nānaṃ, tasmā evamatthavaṇṇanā katā.
баахунзяяод̇и зд̇т̇а бана баахунам̣ вужжад̇и д̣̇исаавид̣̇исад̇о ааг̇ад̇аанам̣ бияаманаабаанам̣ н̃аад̇имид̇д̇аанам̣ ад̇т̇ааяа саггаарзна бадияад̇д̇ам̣ ааг̇анд̇угад̣̇аанам̣, д̇амби табзд̇ваа д̇з д̇ат̇ааруубз баахунагз сан̇гхассзва д̣̇аад̇ум̣ яуд̇д̇ам̣. д̇ат̇аа хзса згаб̣уд̣̇д̇ханд̇арзби д̣̇иссад̇и аб̣б̣огин̣н̣ан̃жа. аяам̣ банзд̇т̇а бад̣̇ад̇т̇о – ‘‘бияаманаабад̇д̇агарзхи д̇хаммзхи саманнааг̇ад̇о’’д̇и звам̣ баахунамасса д̣̇аад̇ум̣ яуд̇д̇ам̣, баахунан̃жа бадиг̇г̇ахзд̇ум̣ яуд̇д̇од̇и баахунзяяо. язсам̣ бана баахаванийяод̇и баал̣и, д̇зсам̣ яасмаа сан̇гхо буб̣б̣агаарам̣ арахад̇и, д̇асмаа сан̇гхо саб̣б̣абатамам̣ аанзд̇ваа зд̇т̇а хунид̇аб̣б̣анд̇и баахаванийяо, саб̣б̣аббагаарзна ваа аахаванам̣ арахад̇ийд̇и баахаванийяо. свааяамид̇ха д̇знзва ад̇т̇зна баахунзяяод̇и вужжад̇и.
Pāhuneyyoti ettha pana pāhunaṃ vuccati disāvidisato āgatānaṃ piyamanāpānaṃ ñātimittānaṃ atthāya sakkārena paṭiyattaṃ āgantukadānaṃ, tampi ṭhapetvā te tathārūpe pāhunake saṅghasseva dātuṃ yuttaṃ. Tathā hesa ekabuddhantarepi dissati abbokiṇṇañca. Ayaṃ panettha padattho – ‘‘piyamanāpattakarehi dhammehi samannāgato’’ti evaṃ pāhunamassa dātuṃ yuttaṃ, pāhunañca paṭiggahetuṃ yuttoti pāhuneyyo. Yesaṃ pana pāhavanīyoti pāḷi, tesaṃ yasmā saṅgho pubbakāraṃ arahati, tasmā saṅgho sabbapaṭhamaṃ ānetvā ettha hunitabbanti pāhavanīyo, sabbappakārena vā āhavanaṃ arahatīti pāhavanīyo. Svāyamidha teneva atthena pāhuneyyoti vuccati.
‘‘д̣̇агкин̣аа’’д̇и баралогам̣ сад̣̇д̣̇ахид̇ваа д̣̇аад̇аб̣б̣ад̣̇аанам̣, д̇ам̣ д̣̇агкин̣ам̣ арахад̇и д̣̇агкин̣ааяа ваа хид̇о махабпалабхаавагаран̣зна висод̇ханад̇од̇и д̣̇агкин̣зяяо. убхо хад̇т̇з сираси бад̇идтабзд̇ваа саб̣б̣алогзна гарияамаанам̣ ан̃ж̇алигаммам̣ арахад̇ийд̇и ан̃ж̇алигаран̣ийяо. ануд̇д̇арам̣ бун̃н̃агкзд̇д̇ам̣ логассаад̇и саб̣б̣алогасса асад̣̇исам̣ бун̃н̃авирууханадтаанам̣. яат̇аа хи рад̇д̇асаалийнам̣ ваа яаваанам̣ ваа вирууханадтаанам̣ ‘‘рад̇д̇асаалигкзд̇д̇ам̣ яавагкзд̇д̇а’’нд̇и вужжад̇и, звам̣ сан̇гхо сад̣̇звагасса логасса бун̃н̃авирууханадтаанам̣. сан̇гхам̣ ниссааяа хи логасса наанаббагаарахид̇асуканиб̣б̣ад̇д̇агаани бун̃н̃аани вирууханд̇и, д̇асмаа сан̇гхо ануд̇д̇арам̣ бун̃н̃агкзд̇д̇ам̣ логасса. ид̇хааби –
‘‘Dakkhiṇā’’ti paralokaṃ saddahitvā dātabbadānaṃ, taṃ dakkhiṇaṃ arahati dakkhiṇāya vā hito mahapphalabhāvakaraṇena visodhanatoti dakkhiṇeyyo. Ubho hatthe sirasi patiṭṭhapetvā sabbalokena kariyamānaṃ añjalikammaṃ arahatīti añjalikaraṇīyo. Anuttaraṃ puññakkhettaṃ lokassāti sabbalokassa asadisaṃ puññavirūhanaṭṭhānaṃ. Yathā hi rattasālīnaṃ vā yavānaṃ vā virūhanaṭṭhānaṃ ‘‘rattasālikkhettaṃ yavakkhetta’’nti vuccati, evaṃ saṅgho sadevakassa lokassa puññavirūhanaṭṭhānaṃ. Saṅghaṃ nissāya hi lokassa nānappakārahitasukhanibbattakāni puññāni virūhanti, tasmā saṅgho anuttaraṃ puññakkhettaṃ lokassa. Idhāpi –
‘‘яз гзжи сан̇гхам̣ саран̣ам̣ г̇ад̇аасз…бз…. (д̣̇ий. ни. 2.332; сам̣. ни. 1.37);
‘‘Ye keci saṅghaṃ saraṇaṃ gatāse…pe…. (dī. ni. 2.332; saṃ. ni. 1.37);
‘‘сан̇гход̇и гид̇д̇аяанд̇асса, гааяз бхавад̇и яаа бийд̇и…бз…’’.
‘‘Saṅghoti kittayantassa, kāye bhavati yā pīti…pe…’’.
‘‘саад̇ху ко, д̣̇зваанаминд̣̇а, сан̇гхам̣ саран̣аг̇аманам̣ ход̇и, сан̇гхам̣ саран̣аг̇аманахзд̇у ко д̣̇зваанаминд̣̇а…бз… д̣̇иб̣б̣зхи подтаб̣б̣зхий’’д̇и (сам̣. ни. 4.341) –
‘‘Sādhu kho, devānaminda, saṅghaṃ saraṇagamanaṃ hoti, saṅghaṃ saraṇagamanahetu kho devānaminda…pe… dibbehi phoṭṭhabbehī’’ti (saṃ. ni. 4.341) –
аад̣̇ийнам̣ суд̇д̇абад̣̇аанам̣ васзна сан̇гхз басаад̣̇асса палависзсаяог̇о, д̇знасса аг̇г̇ад̇аа аг̇г̇авибаагад̇аа жа взд̣̇ид̇аб̣б̣аа. д̇ат̇аа ануд̇д̇арияабадилаабхо сад̇д̇амабхаваад̣̇ид̇о бадтааяа ваддад̣̇угкасамужчзд̣̇о ануд̇д̇арасукаад̇хиг̇амод̇и звамаад̣̇иул̣аарапаланибпаад̣̇анавасзна аг̇г̇авибаагад̇аа взд̣̇ид̇аб̣б̣аа.
Ādīnaṃ suttapadānaṃ vasena saṅghe pasādassa phalavisesayogo, tenassa aggatā aggavipākatā ca veditabbā. Tathā anuttariyapaṭilābho sattamabhavādito paṭṭhāya vaṭṭadukkhasamucchedo anuttarasukhādhigamoti evamādiuḷāraphalanipphādanavasena aggavipākatā veditabbā.
г̇аат̇аасу аг̇г̇ад̇од̇и аг̇г̇з рад̇анад̇д̇аяз, аг̇г̇абхаавад̇о ваа басаннаанам̣. аг̇г̇ам̣ д̇хамманд̇и аг̇г̇асабхаавам̣ б̣уд̣̇д̇хасуб̣уд̣̇д̇хад̇ам̣ д̇хаммасуд̇хаммад̇ам̣ сан̇гхасуббадибад̇д̇им̣ рад̇анад̇д̇аяасса анан̃н̃асаад̇хааран̣ам̣ уд̇д̇амасабхаавам̣ , д̣̇асаб̣алаад̣̇исваагкаад̇ад̇аад̣̇исуббадибаннад̇аад̣̇иг̇ун̣асабхаавам̣ ваа виж̇аанад̇ам̣ виж̇аананд̇аанам̣. звам̣ саад̇хааран̣ад̇о аг̇г̇аббасаад̣̇авад̇т̇ум̣ д̣̇ассзд̇ваа ид̣̇аани асаад̇хааран̣ад̇о д̇ам̣ вибхааг̇зна д̣̇ассзд̇ум̣ ‘‘аг̇г̇з б̣уд̣̇д̇хз’’д̇иаад̣̇и вуд̇д̇ам̣. д̇ад̇т̇а басаннаананд̇и авзжжаббасаад̣̇зна ид̇араббасаад̣̇зна жа басаннаанам̣ ад̇химуд̇д̇аанам̣. вирааг̇уубасамзд̇и вирааг̇з убасамз жа, саб̣б̣асса рааг̇асса саб̣б̣зсам̣ гилзсаанам̣ ажжанд̇авирааг̇ахзд̇убхууд̇з ажжанд̇аубасамахзд̇убхууд̇з жаад̇и ад̇т̇о. сукзд̇и ваддад̣̇угкагкаяабхаавзна сан̇кааруубасамасукабхаавзна жа сукз.
Gāthāsu aggatoti agge ratanattaye, aggabhāvato vā pasannānaṃ. Aggaṃ dhammanti aggasabhāvaṃ buddhasubuddhataṃ dhammasudhammataṃ saṅghasuppaṭipattiṃ ratanattayassa anaññasādhāraṇaṃ uttamasabhāvaṃ , dasabalādisvākkhātatādisuppaṭipannatādiguṇasabhāvaṃ vā vijānataṃ vijānantānaṃ. Evaṃ sādhāraṇato aggappasādavatthuṃ dassetvā idāni asādhāraṇato taṃ vibhāgena dassetuṃ ‘‘agge buddhe’’tiādi vuttaṃ. Tattha pasannānanti aveccappasādena itarappasādena ca pasannānaṃ adhimuttānaṃ. Virāgūpasameti virāge upasame ca, sabbassa rāgassa sabbesaṃ kilesānaṃ accantavirāgahetubhūte accantaupasamahetubhūte cāti attho. Sukheti vaṭṭadukkhakkhayabhāvena saṅkhārūpasamasukhabhāvena ca sukhe.
аг̇г̇асмим̣ д̣̇аанам̣ д̣̇ад̣̇ад̇анд̇и аг̇г̇з рад̇анад̇д̇аяз д̣̇аанам̣ д̣̇знд̇аанам̣ д̣̇зяяад̇хаммам̣ барижжаж̇анд̇аанам̣. д̇ад̇т̇а д̇харамаанам̣ бхаг̇аванд̇ам̣ жад̇уухи бажжаязхи убадтаханд̇аа бууж̇знд̇аа саггаронд̇аа бариниб̣б̣уд̇ан̃жа бхаг̇аванд̇ам̣ уд̣̇д̣̇исса д̇хаад̇ужзд̇ияаад̣̇игз убадтаханд̇аа бууж̇знд̇аа саггаронд̇аа б̣уд̣̇д̇хз д̣̇аанам̣ д̣̇ад̣̇анд̇и наама. ‘‘д̇хаммам̣ бууж̇зссаамаа’’д̇и д̇хаммад̇харз буг̇г̇алз жад̇уухи бажжаязхи убадтаханд̇аа бууж̇знд̇аа саггаронд̇аа д̇хамман̃жа жирадтид̇игам̣ гаронд̇аа д̇хаммз д̣̇аанам̣ д̣̇ад̣̇анд̇и наама. д̇ат̇аа арияасан̇гхам̣ жад̇уухи бажжаязхи убадтаханд̇аа бууж̇знд̇аа саггаронд̇аа д̇ам̣ уд̣̇д̣̇исса ид̇арасмимби д̇ат̇аа бадибаж̇ж̇анд̇аа сан̇гхз д̣̇аанам̣ д̣̇ад̣̇анд̇и наама. аг̇г̇ам̣ бун̃н̃ам̣ бавад̣дхад̇ийд̇и звам̣ рад̇анад̇д̇аяз басаннзна жзд̇асаа ул̣аарам̣ барижжааг̇ам̣ ул̣ааран̃жа бууж̇аасаггаарам̣ бавад̇д̇знд̇аанам̣ д̣̇ивасз д̣̇ивасз аг̇г̇ам̣ ул̣аарам̣ гусалам̣ убажийяад̇и. ид̣̇аани д̇асса бун̃н̃асса аг̇г̇авибаагад̇ааяа аг̇г̇абхаавам̣ д̣̇ассзд̇ум̣ ‘‘аг̇г̇ам̣ ааяуу’’д̇иаад̣̇и вуд̇д̇ам̣. д̇ад̇т̇а аг̇г̇ам̣ ааяууд̇и д̣̇иб̣б̣ам̣ ваа маанусам̣ ваа аг̇г̇ам̣ ул̣аарад̇амам̣ ааяу. бавад̣дхад̇ийд̇и убаруубари б̣руухад̇и. ван̣н̣од̇и руубасамбад̣̇аа. яасод̇и бариваарасамбад̣̇аа. гид̇д̇ийд̇и т̇уд̇игхосо. суканд̇и гааяигам̣ жзд̇асиган̃жа сукам̣. б̣аланд̇и гааяаб̣алам̣ н̃аан̣аб̣алан̃жа.
Aggasmiṃ dānaṃ dadatanti agge ratanattaye dānaṃ dentānaṃ deyyadhammaṃ pariccajantānaṃ. Tattha dharamānaṃ bhagavantaṃ catūhi paccayehi upaṭṭhahantā pūjentā sakkarontā parinibbutañca bhagavantaṃ uddissa dhātucetiyādike upaṭṭhahantā pūjentā sakkarontā buddhe dānaṃ dadanti nāma. ‘‘Dhammaṃ pūjessāmā’’ti dhammadhare puggale catūhi paccayehi upaṭṭhahantā pūjentā sakkarontā dhammañca ciraṭṭhitikaṃ karontā dhamme dānaṃ dadanti nāma. Tathā ariyasaṅghaṃ catūhi paccayehi upaṭṭhahantā pūjentā sakkarontā taṃ uddissa itarasmimpi tathā paṭipajjantā saṅghe dānaṃ dadanti nāma. Aggaṃ puññaṃ pavaḍḍhatīti evaṃ ratanattaye pasannena cetasā uḷāraṃ pariccāgaṃ uḷārañca pūjāsakkāraṃ pavattentānaṃ divase divase aggaṃ uḷāraṃ kusalaṃ upacīyati. Idāni tassa puññassa aggavipākatāya aggabhāvaṃ dassetuṃ ‘‘aggaṃ āyū’’tiādi vuttaṃ. Tattha aggaṃ āyūti dibbaṃ vā mānusaṃ vā aggaṃ uḷāratamaṃ āyu. Pavaḍḍhatīti uparūpari brūhati. Vaṇṇoti rūpasampadā. Yasoti parivārasampadā. Kittīti thutighoso. Sukhanti kāyikaṃ cetasikañca sukhaṃ. Balanti kāyabalaṃ ñāṇabalañca.
аг̇г̇асса д̣̇аад̇аад̇и аг̇г̇асса рад̇анад̇д̇аяасса д̣̇аад̇аа, ат̇а ваа аг̇г̇асса д̣̇зяяад̇хаммасса д̣̇аанам̣ ул̣аарам̣ гад̇ваа д̇ад̇т̇а бун̃н̃ам̣ бавад̇д̇зд̇аа. аг̇г̇ад̇хаммасамаахид̇од̇и аг̇г̇зна басаад̣̇ад̇хаммзна д̣̇аанаад̣̇ид̇хаммзна жа самаахид̇о саманнааг̇ад̇о ажалаббасаад̣̇аяуд̇д̇о, д̇асса ваа вибаагабхууд̇зхи б̣ахуж̇анасса бияаманаабад̇аад̣̇ид̇хаммзхи яуд̇д̇о. аг̇г̇аббад̇д̇о бамод̣̇ад̇ийд̇и яад̇т̇а яад̇т̇а сад̇д̇анигааяз уббанно, д̇ад̇т̇а д̇ад̇т̇а аг̇г̇абхаавам̣ сздтабхаавам̣ ад̇хиг̇ад̇о, аг̇г̇абхаавам̣ ваа логуд̇д̇арамаг̇г̇апалам̣ ад̇хиг̇ад̇о бамод̣̇ад̇и абхирамад̇и барид̇уссад̇ийд̇и.
Aggassa dātāti aggassa ratanattayassa dātā, atha vā aggassa deyyadhammassa dānaṃ uḷāraṃ katvā tattha puññaṃ pavattetā. Aggadhammasamāhitoti aggena pasādadhammena dānādidhammena ca samāhito samannāgato acalappasādayutto, tassa vā vipākabhūtehi bahujanassa piyamanāpatādidhammehi yutto. Aggappatto pamodatīti yattha yattha sattanikāye uppanno, tattha tattha aggabhāvaṃ seṭṭhabhāvaṃ adhigato, aggabhāvaṃ vā lokuttaramaggaphalaṃ adhigato pamodati abhiramati paritussatīti.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. аг̇г̇аббасаад̣̇асуд̇д̇ам̣ • 1. Aggappasādasuttaṃ
