| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аг̇г̇аасанаад̣̇иануж̇аананагат̇ааван̣н̣анаа
Aggāsanādianujānanakathāvaṇṇanā
310-311. д̣̇агкин̣од̣̇аганд̇и аг̇г̇ад̇о убанийяамаанам̣ д̣̇агкин̣од̣̇агам̣. ат̇а ко бхаг̇аваа бхигкуу ааманд̇зсийд̇и (ж̇аа. адта. 1.1.36 д̇ид̇д̇ираж̇аад̇агаван̣н̣анаа) д̇зхи бхигкуухи ад̇д̇ано ад̇д̇ано руживасзна аг̇г̇аасанаад̣̇ирахаанам̣ гат̇ид̇агаалз ‘‘на, бхигкавз, маяхам̣ саасанз аг̇г̇аасанаад̣̇ийни бад̇ваа кад̇д̇ияагулаа баб̣б̣аж̇ид̇о бамаан̣ам̣, на б̣раахман̣агулаа, на г̇ахабад̇игулаа баб̣б̣аж̇ид̇о, на винаяад̇харо, на суд̇д̇анд̇иго, на аабхид̇хаммиго, на батамаж̇жхаанаад̣̇илаабхино, на сод̇аабаннаад̣̇аяо бамаан̣ам̣, ат̇а ко, бхигкавз, имасмим̣ саасанз яат̇аавуд̣дхам̣ абхиваад̣̇анам̣ бажжудтаанам̣ ан̃ж̇алигаммам̣ саамийжигаммам̣ гад̇д̇аб̣б̣ам̣, аг̇г̇аасанам̣ аг̇г̇од̣̇агам̣ аг̇г̇абин̣д̣о лад̣̇д̇хаб̣б̣о, ид̣̇амзд̇т̇а бамаан̣ам̣, д̇асмаа вуд̣дхад̇аро бхигку зд̇зсам̣ анужчавиго. ид̣̇аани ко бана, бхигкавз, саарибуд̇д̇о маяхам̣ аг̇г̇асааваго ануд̇хаммажаггаббавад̇д̇аго мамаананд̇арасзнаасанам̣ лад̣̇д̇хум̣ арахад̇и. со имам̣ рад̇д̇им̣ сзнаасанам̣ алабханд̇о ругкамуулз вийд̇инаамзси. д̇умхз ид̣̇аанзва звам̣ аг̇аараваа аббад̇иссаа, г̇ажчанд̇з г̇ажчанд̇з гаалз гинд̇и гад̇ваа вихариссат̇аа’’д̇и вад̇ваа ат̇а нзсам̣ оваад̣̇ад̣̇аанад̇т̇ааяа ‘‘буб̣б̣з, бхигкавз, д̇иражчаанаг̇ад̇ааби ‘на ко банзд̇ам̣ амхаагам̣ бад̇ируубам̣, яам̣ маяам̣ ан̃н̃аман̃н̃ам̣ аг̇аараваа аббад̇иссаа асабхааг̇авуд̇д̇ино вихарзяяаама, амхзсу махаллагад̇арам̣ ж̇аанид̇ваа д̇асса абхиваад̣̇анаад̣̇ийни гариссаамаа’д̇и саад̇хугам̣ виймам̣сид̇ваа ‘аяам̣ махаллаго’д̇и н̃ад̇ваа д̇асса абхиваад̣̇анаад̣̇ийни гад̇ваа д̣̇звабат̇ам̣ буураяамаанаа г̇ад̇аа’’д̇и вад̇ваа ад̇ийд̇ам̣ аахарид̇ваа д̣̇ассзд̇ум̣ бхигкуу ааманд̇зси.
310-311.Dakkhiṇodakanti aggato upanīyamānaṃ dakkhiṇodakaṃ. Atha kho bhagavā bhikkhū āmantesīti (jā. aṭṭha. 1.1.36 tittirajātakavaṇṇanā) tehi bhikkhūhi attano attano rucivasena aggāsanādirahānaṃ kathitakāle ‘‘na, bhikkhave, mayhaṃ sāsane aggāsanādīni patvā khattiyakulā pabbajito pamāṇaṃ, na brāhmaṇakulā, na gahapatikulā pabbajito, na vinayadharo, na suttantiko, na ābhidhammiko, na paṭhamajjhānādilābhino, na sotāpannādayo pamāṇaṃ, atha kho, bhikkhave, imasmiṃ sāsane yathāvuḍḍhaṃ abhivādanaṃ paccuṭṭhānaṃ añjalikammaṃ sāmīcikammaṃ kattabbaṃ, aggāsanaṃ aggodakaṃ aggapiṇḍo laddhabbo, idamettha pamāṇaṃ, tasmā vuḍḍhataro bhikkhu etesaṃ anucchaviko. Idāni kho pana, bhikkhave, sāriputto mayhaṃ aggasāvako anudhammacakkappavattako mamānantarasenāsanaṃ laddhuṃ arahati. So imaṃ rattiṃ senāsanaṃ alabhanto rukkhamūle vītināmesi. Tumhe idāneva evaṃ agāravā appatissā, gacchante gacchante kāle kinti katvā viharissathā’’ti vatvā atha nesaṃ ovādadānatthāya ‘‘pubbe, bhikkhave, tiracchānagatāpi ‘na kho panetaṃ amhākaṃ patirūpaṃ, yaṃ mayaṃ aññamaññaṃ agāravā appatissā asabhāgavuttino vihareyyāma, amhesu mahallakataraṃ jānitvā tassa abhivādanādīni karissāmā’ti sādhukaṃ vīmaṃsitvā ‘ayaṃ mahallako’ti ñatvā tassa abhivādanādīni katvā devapathaṃ pūrayamānā gatā’’ti vatvā atītaṃ āharitvā dassetuṃ bhikkhū āmantesi.
яз вуд̣дхамабажааяанд̇ийд̇и ж̇аад̇ивуд̣дхо ваяовуд̣дхо г̇ун̣авуд̣дход̇и д̇аяо вуд̣дхаа. д̇зсу ж̇аад̇исамбанно ж̇аад̇ивуд̣дхо наама, ваяз тид̇о ваяовуд̣дхо наама, г̇ун̣асамбанно г̇ун̣авуд̣дхо наама. д̇зсу г̇ун̣асамбанно ваяовуд̣дхо имасмим̣ таанз вуд̣дход̇и ад̇хиббзд̇о. абажааяанд̇ийд̇и ж̇здтаабажааяигагаммзна бууж̇знд̇и. д̇хаммасса говид̣̇аад̇и ж̇здтаабажааяанад̇хаммасса говид̣̇аа гусалаа. д̣̇идтзва д̇хаммзд̇и имасмим̣язва ад̇д̇абхаавз. баасам̣саад̇и басам̣саарахаа. самбарааяз жа суг̇г̇ад̇ийд̇и самбарзд̇аб̣б̣з имам̣ логам̣ хид̇ваа г̇анд̇аб̣б̣з баралогзби д̇зсам̣ суг̇ад̇иязва ход̇ийд̇и ад̇т̇о. аяам̣ банзд̇т̇а бин̣д̣ад̇т̇о – бхигкавз, кад̇д̇ияаа ваа хонд̇у б̣раахман̣аа ваа взссаа ваа суд̣̇д̣̇аа ваа г̇ахадтаа ваа баб̣б̣аж̇ид̇аа ваа д̇иражчаанаг̇ад̇аа ваа, яз гзжи сад̇д̇аа ж̇здтаабажид̇игаммз чзгаа гусалаа г̇ун̣асамбаннаанам̣ ваяовуд̣дхаанам̣ абажид̇им̣ гаронд̇и, д̇з имасмин̃жа ад̇д̇абхаавз ж̇здтаабажид̇игаарагаад̇и басам̣сам̣ ван̣н̣анам̣ т̇оманам̣ лабханд̇и, гааяасса жа бхзд̣̇аа саг̇г̇з ниб̣б̣ад̇д̇анд̇ийд̇и.
Ye vuḍḍhamapacāyantīti jātivuḍḍho vayovuḍḍho guṇavuḍḍhoti tayo vuḍḍhā. Tesu jātisampanno jātivuḍḍho nāma, vaye ṭhito vayovuḍḍho nāma, guṇasampanno guṇavuḍḍho nāma. Tesu guṇasampanno vayovuḍḍho imasmiṃ ṭhāne vuḍḍhoti adhippeto. Apacāyantīti jeṭṭhāpacāyikakammena pūjenti. Dhammassa kovidāti jeṭṭhāpacāyanadhammassa kovidā kusalā. Diṭṭheva dhammeti imasmiṃyeva attabhāve. Pāsaṃsāti pasaṃsārahā. Samparāye ca suggatīti samparetabbe imaṃ lokaṃ hitvā gantabbe paralokepi tesaṃ sugatiyeva hotīti attho. Ayaṃ panettha piṇḍattho – bhikkhave, khattiyā vā hontu brāhmaṇā vā vessā vā suddā vā gahaṭṭhā vā pabbajitā vā tiracchānagatā vā, ye keci sattā jeṭṭhāpacitikamme chekā kusalā guṇasampannānaṃ vayovuḍḍhānaṃ apacitiṃ karonti, te imasmiñca attabhāve jeṭṭhāpacitikārakāti pasaṃsaṃ vaṇṇanaṃ thomanaṃ labhanti, kāyassa ca bhedā sagge nibbattantīti.
аг̇г̇аасанаад̣̇иануж̇аананагат̇ааван̣н̣анаа нидтид̇аа.
Aggāsanādianujānanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / аг̇г̇аасанаад̣̇иануж̇аананам̣ • Aggāsanādianujānanaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
