| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
аг̇г̇аасанаад̣̇иануж̇аананам̣
Aggāsanādianujānanaṃ
310. ат̇а ко бхаг̇аваа взсаалияам̣ яат̇аабхиранд̇ам̣ вихарид̇ваа язна саавад̇т̇и д̇зна жааригам̣ баггаами . д̇зна ко бана самаязна чаб̣б̣аг̇г̇ияаанам̣ бхигкуунам̣ анд̇зваасигаа бхигкуу б̣уд̣̇д̇хаббамукасса сан̇гхасса бурад̇о бурад̇о г̇анд̇ваа вихаарз бариг̇г̇ан̣ханд̇и, сзяяааяо бариг̇г̇ан̣ханд̇и – ид̣̇ам̣ амхаагам̣ убаж̇жхааяаанам̣ бхависсад̇и, ид̣̇ам̣ амхаагам̣ аажарияаанам̣ бхависсад̇и, ид̣̇ам̣ амхаагам̣ бхависсад̇ий’’д̇и.
310. Atha kho bhagavā vesāliyaṃ yathābhirantaṃ viharitvā yena sāvatthi tena cārikaṃ pakkāmi . Tena kho pana samayena chabbaggiyānaṃ bhikkhūnaṃ antevāsikā bhikkhū buddhappamukhassa saṅghassa purato purato gantvā vihāre pariggaṇhanti, seyyāyo pariggaṇhanti – idaṃ amhākaṃ upajjhāyānaṃ bhavissati, idaṃ amhākaṃ ācariyānaṃ bhavissati, idaṃ amhākaṃ bhavissatī’’ti.
ат̇а ко ааяасмаа саарибуд̇д̇о б̣уд̣̇д̇хаббамукасса сан̇гхасса бидтид̇о бидтид̇о г̇анд̇ваа вихаарзсу бариг̇г̇ахид̇зсу, сзяяаасу бариг̇г̇ахид̇аасу, сзяяам̣ алабхамаано ан̃н̃ад̇арасмим̣ ругкамуулз нисийд̣̇и. ат̇а ко бхаг̇аваа рад̇д̇ияаа бажжуусасамаяам̣ бажжудтааяа уггааси. ааяасмааби саарибуд̇д̇о уггааси. ‘‘го зд̇т̇аа’’д̇и? ‘‘ахам̣, бхаг̇аваа, саарибуд̇д̇о’’д̇и. ‘‘гисса д̇вам̣, саарибуд̇д̇ам̣, ид̇ха нисинно’’д̇и? ат̇а ко ааяасмаа саарибуд̇д̇о бхаг̇авад̇о зд̇амад̇т̇ам̣ аарожзси. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, чаб̣б̣аг̇г̇ияаанам̣ бхигкуунам̣ анд̇зваасигаа бхигкуу б̣уд̣̇д̇хаббамукасса сан̇гхасса бурад̇о бурад̇о г̇анд̇ваа вихаарз бариг̇г̇ан̣ханд̇и, сзяяааяо бариг̇г̇ан̣ханд̇и – ид̣̇ам̣ амхаагам̣ убаж̇жхааяаанам̣ бхависсад̇и, ид̣̇ам̣ амхаагам̣ аажарияаанам̣ бхависсад̇и, ид̣̇ам̣ амхаагам̣ бхависсад̇ий’’д̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа б̣уд̣̇д̇хаббамукасса сан̇гхасса бурад̇о бурад̇о г̇анд̇ваа вихаарз бариг̇г̇ахзссанд̇и, сзяяааяо бариг̇г̇ахзссанд̇и – ид̣̇ам̣ амхаагам̣ убаж̇жхааяаанам̣ бхависсад̇и, ид̣̇ам̣ амхаагам̣ аажарияаанам̣ бхависсад̇и, ид̣̇ам̣ амхаагам̣ бхависсад̇ийд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘го, бхигкавз, арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и?
Atha kho āyasmā sāriputto buddhappamukhassa saṅghassa piṭṭhito piṭṭhito gantvā vihāresu pariggahitesu, seyyāsu pariggahitāsu, seyyaṃ alabhamāno aññatarasmiṃ rukkhamūle nisīdi. Atha kho bhagavā rattiyā paccūsasamayaṃ paccuṭṭhāya ukkāsi. Āyasmāpi sāriputto ukkāsi. ‘‘Ko etthā’’ti? ‘‘Ahaṃ, bhagavā, sāriputto’’ti. ‘‘Kissa tvaṃ, sāriputtaṃ, idha nisinno’’ti? Atha kho āyasmā sāriputto bhagavato etamatthaṃ ārocesi. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, chabbaggiyānaṃ bhikkhūnaṃ antevāsikā bhikkhū buddhappamukhassa saṅghassa purato purato gantvā vihāre pariggaṇhanti, seyyāyo pariggaṇhanti – idaṃ amhākaṃ upajjhāyānaṃ bhavissati, idaṃ amhākaṃ ācariyānaṃ bhavissati, idaṃ amhākaṃ bhavissatī’’ti? ‘‘Saccaṃ bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā buddhappamukhassa saṅghassa purato purato gantvā vihāre pariggahessanti, seyyāyo pariggahessanti – idaṃ amhākaṃ upajjhāyānaṃ bhavissati, idaṃ amhākaṃ ācariyānaṃ bhavissati, idaṃ amhākaṃ bhavissatīti! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘ko, bhikkhave, arahati aggāsanaṃ aggodakaṃ aggapiṇḍa’’nti?
згажжз бхигкуу звамаахам̣су – ‘‘яо, бхаг̇аваа, кад̇д̇ияагулаа баб̣б̣аж̇ид̇о со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, б̣раахман̣агулаа баб̣б̣аж̇ид̇о со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, г̇ахабад̇игулаа баб̣б̣аж̇ид̇о со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, суд̇д̇анд̇иго со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, винаяад̇харо со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, д̇хаммагат̇иго со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, батамасса жхаанасса лаабхий со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, д̣̇уд̇ияасса жхаанасса лаабхий со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, д̇ад̇ияасса жхаанасса лаабхий со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, жад̇уд̇т̇асса жхаанасса лаабхий со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, сод̇аабанно со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, сагад̣̇ааг̇аамий…бз… яо, бхаг̇аваа, анааг̇аамий…бз… яо, бхаг̇аваа , арахаа со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, д̇звиж̇ж̇о со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и. згажжз бхигкуу звамаахам̣су – ‘‘яо, бхаг̇аваа, чал̣абхин̃н̃о со арахад̇и аг̇г̇аасанам̣ аг̇г̇од̣̇агам̣ аг̇г̇абин̣д̣а’’нд̇и.
Ekacce bhikkhū evamāhaṃsu – ‘‘yo, bhagavā, khattiyakulā pabbajito so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, brāhmaṇakulā pabbajito so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, gahapatikulā pabbajito so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, suttantiko so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, vinayadharo so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, dhammakathiko so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, paṭhamassa jhānassa lābhī so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, dutiyassa jhānassa lābhī so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, tatiyassa jhānassa lābhī so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, catutthassa jhānassa lābhī so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, sotāpanno so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, sakadāgāmī…pe… yo, bhagavā, anāgāmī…pe… yo, bhagavā , arahā so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, tevijjo so arahati aggāsanaṃ aggodakaṃ aggapiṇḍa’’nti. Ekacce bhikkhū evamāhaṃsu – ‘‘yo, bhagavā, chaḷabhiñño so arahati aggāsanaṃ aggodakaṃ aggapiṇḍa’’nti.
311. ат̇а ко бхаг̇аваа бхигкуу ааманд̇зси – ‘‘бхууд̇абуб̣б̣ам̣, бхигкавз, химаванд̇абад̣̇зсз 1 махааниг̇род̇хо ахоси. д̇ам̣ д̇аяо сахааяаа убаниссааяа вихарим̣су – д̇ид̇д̇иро жа, маггадо жа, хад̇т̇инааг̇о жа. д̇з ан̃н̃аман̃н̃ам̣ аг̇аараваа аббад̇иссаа асабхааг̇авуд̇д̇игаа вихаранд̇и. ат̇а ко, бхигкавз, д̇зсам̣ сахааяаанам̣ зд̇ад̣̇ахоси – ‘ахо нууна маяам̣ ж̇аанзяяаама яам̣ амхаагам̣ ж̇аад̇ияаа маханд̇ад̇арам̣ д̇ам̣ маяам̣ саггарзяяаама г̇арум̣ гарзяяаама маанзяяаама бууж̇зяяаама, д̇асса жа маяам̣ оваад̣̇з д̇идтзяяаамаа’д̇и.
311. Atha kho bhagavā bhikkhū āmantesi – ‘‘bhūtapubbaṃ, bhikkhave, himavantapadese 2 mahānigrodho ahosi. Taṃ tayo sahāyā upanissāya vihariṃsu – tittiro ca, makkaṭo ca, hatthināgo ca. Te aññamaññaṃ agāravā appatissā asabhāgavuttikā viharanti. Atha kho, bhikkhave, tesaṃ sahāyānaṃ etadahosi – ‘aho nūna mayaṃ jāneyyāma yaṃ amhākaṃ jātiyā mahantataraṃ taṃ mayaṃ sakkareyyāma garuṃ kareyyāma māneyyāma pūjeyyāma, tassa ca mayaṃ ovāde tiṭṭheyyāmā’ti.
‘‘ат̇а ко, бхигкавз, д̇ид̇д̇иро жа маггадо жа хад̇т̇инааг̇ам̣ бужчим̣су – ‘д̇вам̣, самма, гим̣ бораан̣ам̣ сарасий’д̇и? ‘яад̣̇аахам̣, саммаа, бод̇о хоми, имам̣ ниг̇род̇хам̣ анд̇араа сад̇т̇ийнам̣ 3 гарид̇ваа ад̇иггамаами, аг̇г̇ан̇гурагам̣ мз уд̣̇арам̣ чубад̇и. имаахам̣, саммаа, бораан̣ам̣ сараамий’д̇и.
‘‘Atha kho, bhikkhave, tittiro ca makkaṭo ca hatthināgaṃ pucchiṃsu – ‘tvaṃ, samma, kiṃ porāṇaṃ sarasī’ti? ‘Yadāhaṃ, sammā, poto homi, imaṃ nigrodhaṃ antarā satthīnaṃ 4 karitvā atikkamāmi, aggaṅkurakaṃ me udaraṃ chupati. Imāhaṃ, sammā, porāṇaṃ sarāmī’ti.
‘‘ат̇а ко, бхигкавз, д̇ид̇д̇иро жа хад̇т̇инааг̇о жа маггадам̣ бужчим̣су – ‘д̇вам̣, самма, гим̣ бораан̣ам̣ сарасий’д̇и? ‘яад̣̇аахам̣, саммаа, чаабо хоми, чамааяам̣ нисийд̣̇ид̇ваа имасса ниг̇род̇хасса аг̇г̇ан̇гурагам̣ каад̣̇аами. имаахам̣, саммаа, бораан̣ам̣ сараамий’д̇и.
‘‘Atha kho, bhikkhave, tittiro ca hatthināgo ca makkaṭaṃ pucchiṃsu – ‘tvaṃ, samma, kiṃ porāṇaṃ sarasī’ti? ‘Yadāhaṃ, sammā, chāpo homi, chamāyaṃ nisīditvā imassa nigrodhassa aggaṅkurakaṃ khādāmi. Imāhaṃ, sammā, porāṇaṃ sarāmī’ti.
‘‘ат̇а ко, бхигкавз, маггадо жа хад̇т̇инааг̇о жа д̇ид̇д̇ирам̣ бужчим̣су – ‘д̇вам̣, самма, гим̣ бораан̣ам̣ сарасий’д̇и? ‘амугасмим̣, саммаа, огаасз махааниг̇род̇хо ахоси. д̇ад̇о ахам̣ палам̣ бхагкид̇ваа имасмим̣ огаасз важжам̣ агаасим̣; д̇ассааяам̣ ниг̇род̇хо ж̇аад̇о. д̇ад̣̇аахам̣, саммаа, ж̇аад̇ияаа маханд̇ад̇аро’д̇и .
‘‘Atha kho, bhikkhave, makkaṭo ca hatthināgo ca tittiraṃ pucchiṃsu – ‘tvaṃ, samma, kiṃ porāṇaṃ sarasī’ti? ‘Amukasmiṃ, sammā, okāse mahānigrodho ahosi. Tato ahaṃ phalaṃ bhakkhitvā imasmiṃ okāse vaccaṃ akāsiṃ; tassāyaṃ nigrodho jāto. Tadāhaṃ, sammā, jātiyā mahantataro’ti .
‘‘ат̇а ко, бхигкавз, маггадо жа хад̇т̇инааг̇о жа д̇ид̇д̇ирам̣ зд̇ад̣̇авожум̣ – ‘д̇вам̣, самма, амхаагам̣ ж̇аад̇ияаа маханд̇ад̇аро. д̇ам̣ маяам̣ саггариссаама г̇арум̣ гариссаама маанзссаама бууж̇зссаама, д̇уяхан̃жа маяам̣ оваад̣̇з бад̇идтиссаамаа’д̇и. ат̇а ко, бхигкавз, д̇ид̇д̇иро маггадан̃жа хад̇т̇инааг̇ан̃жа бан̃жасу сийлзсу самаад̣̇абзси, ад̇д̇анаа жа бан̃жасу сийлзсу самаад̣̇ааяа вад̇д̇ад̇и. д̇з ан̃н̃аман̃н̃ам̣ саг̇аараваа саббад̇иссаа сабхааг̇авуд̇д̇игаа вихарид̇ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇им̣су. звам̣ ко д̇ам̣, бхигкавз, д̇ид̇д̇ирияам̣ наама б̣рахмажарияам̣ ахоси.
‘‘Atha kho, bhikkhave, makkaṭo ca hatthināgo ca tittiraṃ etadavocuṃ – ‘tvaṃ, samma, amhākaṃ jātiyā mahantataro. Taṃ mayaṃ sakkarissāma garuṃ karissāma mānessāma pūjessāma, tuyhañca mayaṃ ovāde patiṭṭhissāmā’ti. Atha kho, bhikkhave, tittiro makkaṭañca hatthināgañca pañcasu sīlesu samādapesi, attanā ca pañcasu sīlesu samādāya vattati. Te aññamaññaṃ sagāravā sappatissā sabhāgavuttikā viharitvā kāyassa bhedā paraṃ maraṇā sugatiṃ saggaṃ lokaṃ upapajjiṃsu. Evaṃ kho taṃ, bhikkhave, tittiriyaṃ nāma brahmacariyaṃ ahosi.
5 ‘‘яз вуд̣дхамабажааяанд̇и, нараа д̇хаммасса говид̣̇аа;
6 ‘‘Ye vuḍḍhamapacāyanti, narā dhammassa kovidā;
д̣̇идтз д̇хаммз жа баасам̣саа, самбарааяз жа суг̇г̇ад̇ий’’д̇и.
Diṭṭhe dhamme ca pāsaṃsā, samparāye ca suggatī’’ti.
‘‘д̇з хи наама, бхигкавз, д̇иражчаанаг̇ад̇аа баан̣аа ан̃н̃аман̃н̃ам̣ саг̇аараваа саббад̇иссаа сабхааг̇авуд̇д̇игаа вихариссанд̇и. ид̇ха ко д̇ам̣, бхигкавз, собхзт̇а яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа ан̃н̃аман̃н̃ам̣ аг̇аараваа аббад̇иссаа асабхааг̇авуд̇д̇игаа вихарзяяаат̇а? нзд̇ам̣, бхигкавз , аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, яат̇аавуд̣дхам̣ абхиваад̣̇анам̣, бажжудтаанам̣, ан̃ж̇алигаммам̣, саамийжигаммам̣, аг̇г̇аасанам̣, аг̇г̇од̣̇агам̣, аг̇г̇абин̣д̣ам̣. на жа, бхигкавз, сан̇гхигам̣ яат̇аавуд̣дхам̣ бадиб̣аахид̇аб̣б̣ам̣. яо бадиб̣аахзяяа, аабад̇д̇и д̣̇уггадассаа’’д̇и.
‘‘Te hi nāma, bhikkhave, tiracchānagatā pāṇā aññamaññaṃ sagāravā sappatissā sabhāgavuttikā viharissanti. Idha kho taṃ, bhikkhave, sobhetha yaṃ tumhe evaṃ svākkhāte dhammavinaye pabbajitā samānā aññamaññaṃ agāravā appatissā asabhāgavuttikā vihareyyātha? Netaṃ, bhikkhave , appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘anujānāmi, bhikkhave, yathāvuḍḍhaṃ abhivādanaṃ, paccuṭṭhānaṃ, añjalikammaṃ, sāmīcikammaṃ, aggāsanaṃ, aggodakaṃ, aggapiṇḍaṃ. Na ca, bhikkhave, saṅghikaṃ yathāvuḍḍhaṃ paṭibāhitabbaṃ. Yo paṭibāheyya, āpatti dukkaṭassā’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аг̇г̇аасанаад̣̇иануж̇аананагат̇ааван̣н̣анаа • Aggāsanādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
