| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
2. бариваасо
2. Parivāso
аг̇гхасамод̇хаанабариваасо
Agghasamodhānaparivāso
134. д̇зна ко бана самаязна ан̃н̃ад̇аро бхигку самб̣ахулаа сан̇гхаад̣̇исзсаа аабад̇д̇ияо аабанно ход̇и – згаа аабад̇д̇и згаахаббадижчаннаа, згаа аабад̇д̇и д̣̇вийхаббадижчаннаа, згаа аабад̇д̇и д̇ийхаббадижчаннаа, згаа аабад̇д̇и жад̇уухаббадижчаннаа, згаа аабад̇д̇и бан̃жаахаббадижчаннаа, згаа аабад̇д̇и чаахаббадижчаннаа, згаа аабад̇д̇и сад̇д̇аахаббадижчаннаа, згаа аабад̇д̇и адтаахаббадижчаннаа, згаа аабад̇д̇и наваахаббадижчаннаа, згаа аабад̇д̇и д̣̇асаахаббадижчаннаа. со бхигкуунам̣ аарожзси – ‘‘ахам̣, аавусо, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ – згаа аабад̇д̇и згаахаббадижчаннаа…бз… згаа аабад̇д̇и д̣̇асаахаббадижчаннаа. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ‘‘д̇зна хи, бхигкавз, сан̇гхо д̇асса бхигкуно д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ д̣̇зд̇у. зван̃жа бана, бхигкавз, д̣̇аад̇аб̣б̣о –
134. Tena kho pana samayena aññataro bhikkhu sambahulā saṅghādisesā āpattiyo āpanno hoti – ekā āpatti ekāhappaṭicchannā, ekā āpatti dvīhappaṭicchannā, ekā āpatti tīhappaṭicchannā, ekā āpatti catūhappaṭicchannā, ekā āpatti pañcāhappaṭicchannā, ekā āpatti chāhappaṭicchannā, ekā āpatti sattāhappaṭicchannā, ekā āpatti aṭṭhāhappaṭicchannā, ekā āpatti navāhappaṭicchannā, ekā āpatti dasāhappaṭicchannā. So bhikkhūnaṃ ārocesi – ‘‘ahaṃ, āvuso, sambahulā saṅghādisesā āpattiyo āpajjiṃ – ekā āpatti ekāhappaṭicchannā…pe… ekā āpatti dasāhappaṭicchannā. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho tassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ detu. Evañca pana, bhikkhave, dātabbo –
‘‘д̇зна , бхигкавз, бхигкунаа сан̇гхам̣ убасан̇гамид̇ваа…бз… звамасса важанийяо – ‘ахам̣, бханд̇з, самб̣ахулаа сан̇гхаад̣̇исзсаа аабад̇д̇ияо аабаж̇ж̇им̣ – згаа аабад̇д̇и згаахаббадижчаннаа…бз… згаа аабад̇д̇и д̣̇асаахаббадижчаннаа. сохам̣, бханд̇з, сан̇гхам̣ д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ яаажаамий’д̇и. д̣̇уд̇ияамби яаажид̇аб̣б̣о. д̇ад̇ияамби яаажид̇аб̣б̣о. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Tena , bhikkhave, bhikkhunā saṅghaṃ upasaṅkamitvā…pe… evamassa vacanīyo – ‘ahaṃ, bhante, sambahulā saṅghādisesā āpattiyo āpajjiṃ – ekā āpatti ekāhappaṭicchannā…pe… ekā āpatti dasāhappaṭicchannā. Sohaṃ, bhante, saṅghaṃ tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ yācāmī’ti. Dutiyampi yācitabbo. Tatiyampi yācitabbo. Byattena bhikkhunā paṭibalena saṅgho ñāpetabbo –
135. ‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку самб̣ахулаа сан̇гхаад̣̇исзсаа аабад̇д̇ияо аабаж̇ж̇и – згаа аабад̇д̇и згаахаббадижчаннаа…бз… згаа аабад̇д̇и д̣̇асаахаббадижчаннаа. со сан̇гхам̣ д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ яаажад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамасса бхигкуно д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ д̣̇ад̣̇зяяа. зсаа н̃ад̇д̇и.
135. ‘‘Suṇātu me, bhante, saṅgho. Ayaṃ itthannāmo bhikkhu sambahulā saṅghādisesā āpattiyo āpajji – ekā āpatti ekāhappaṭicchannā…pe… ekā āpatti dasāhappaṭicchannā. So saṅghaṃ tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ yācati. Yadi saṅghassa pattakallaṃ, saṅgho itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ dadeyya. Esā ñatti.
‘‘сун̣аад̇у мз, бханд̇з, сан̇гхо. аяам̣ ид̇т̇аннаамо бхигку самб̣ахулаа сан̇гхаад̣̇исзсаа аабад̇д̇ияо аабаж̇ж̇и – згаа аабад̇д̇и згаахаббадижчаннаа…бз… згаа аабад̇д̇и д̣̇асаахаббадижчаннаа. со сан̇гхам̣ д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ яаажад̇и. сан̇гхо ид̇т̇аннаамасса бхигкуно д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасам̣ д̣̇зд̇и. яассааяасмад̇о камад̇и ид̇т̇аннаамасса бхигкуно д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа; д̇ассаа аг̇гхзна самод̇хаанабариваасасса д̣̇аанам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ itthannāmo bhikkhu sambahulā saṅghādisesā āpattiyo āpajji – ekā āpatti ekāhappaṭicchannā…pe… ekā āpatti dasāhappaṭicchannā. So saṅghaṃ tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ yācati. Saṅgho itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ deti. Yassāyasmato khamati itthannāmassa bhikkhuno tāsaṃ āpattīnaṃ yā āpatti dasāhappaṭicchannā; tassā agghena samodhānaparivāsassa dānaṃ, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘д̣̇инно сан̇гхзна ид̇т̇аннаамасса бхигкуно д̇аасам̣ аабад̇д̇ийнам̣ яаа аабад̇д̇и д̣̇асаахаббадижчаннаа д̇ассаа аг̇гхзна самод̇хаанабариваасо. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Dinno saṅghena itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāso. Khamati saṅghassa, tasmā tuṇhī, evametaṃ dhārayāmī’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / аг̇гхасамод̇хаанабариваасагат̇аа • Agghasamodhānaparivāsakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аг̇гхасамод̇хаанабариваасагат̇ааван̣н̣анаа • Agghasamodhānaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аг̇гхасамод̇хаанабариваасагат̇ааван̣н̣анаа • Agghasamodhānaparivāsakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / аг̇гхасамод̇хаанабариваасагат̇аа • Agghasamodhānaparivāsakathā
