| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
7. аг̇г̇игабхаарад̣̇вааж̇асуд̇д̇аван̣н̣анаа
7. Aggikabhāradvājasuttavaṇṇanā
звам̣ мз суд̇анд̇и аг̇г̇игабхаарад̣̇вааж̇асуд̇д̇ам̣, ‘‘васаласуд̇д̇а’’нд̇иби вужжад̇и. гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. гасибхаарад̣̇вааж̇асуд̇д̇з вуд̇д̇анаязна бажчаабхад̇д̇агижжаавасаанз б̣уд̣̇д̇хажагкунаа логам̣ вологзнд̇о аг̇г̇игабхаарад̣̇вааж̇ам̣ б̣раахман̣ам̣ саран̣асигкаабад̣̇аанам̣ убаниссаяасамбаннам̣ д̣̇исваа ‘‘д̇ад̇т̇а маяи г̇ад̇з гат̇аа бавад̇д̇иссад̇и, д̇ад̇о гат̇аавасаанз д̇хаммад̣̇зсанам̣ суд̇ваа зса б̣раахман̣о саран̣ам̣ г̇анд̇ваа сигкаабад̣̇аани самаад̣̇ияиссад̇ий’’д̇и н̃ад̇ваа, д̇ад̇т̇а г̇анд̇ваа, бавад̇д̇ааяа гат̇ааяа б̣раахман̣зна д̇хаммад̣̇зсанам̣ яаажид̇о имам̣ суд̇д̇ам̣ абхааси. д̇ад̇т̇а ‘‘звам̣ мз суд̇а’’нд̇иаад̣̇им̣ ман̇г̇аласуд̇д̇аван̣н̣анааяам̣ ван̣н̣аяиссаама, ‘‘ат̇а ко бхаг̇аваа буб̣б̣ан̣хасамаяа’’нд̇иаад̣̇и гасибхаарад̣̇вааж̇асуд̇д̇з вуд̇д̇анаязнзва взд̣̇ид̇аб̣б̣ам̣.
Evaṃme sutanti aggikabhāradvājasuttaṃ, ‘‘vasalasutta’’ntipi vuccati. Kā uppatti? Bhagavā sāvatthiyaṃ viharati jetavane anāthapiṇḍikassa ārāme. Kasibhāradvājasutte vuttanayena pacchābhattakiccāvasāne buddhacakkhunā lokaṃ volokento aggikabhāradvājaṃ brāhmaṇaṃ saraṇasikkhāpadānaṃ upanissayasampannaṃ disvā ‘‘tattha mayi gate kathā pavattissati, tato kathāvasāne dhammadesanaṃ sutvā esa brāhmaṇo saraṇaṃ gantvā sikkhāpadāni samādiyissatī’’ti ñatvā, tattha gantvā, pavattāya kathāya brāhmaṇena dhammadesanaṃ yācito imaṃ suttaṃ abhāsi. Tattha ‘‘evaṃ me suta’’ntiādiṃ maṅgalasuttavaṇṇanāyaṃ vaṇṇayissāma, ‘‘atha kho bhagavā pubbaṇhasamaya’’ntiādi kasibhāradvājasutte vuttanayeneva veditabbaṃ.
д̇зна ко бана самаязна аг̇г̇игабхаарад̣̇вааж̇ассаад̇и яам̣ яам̣ авуд̇д̇абуб̣б̣ам̣, д̇ам̣ д̇ад̣̇зва ван̣н̣аяиссаама. сзяяат̇ид̣̇ам̣ – со хи б̣раахман̣о аг̇г̇им̣ ж̇ухад̇и барижарад̇ийд̇и гад̇ваа аг̇г̇игод̇и наамзна баагадо ахоси, бхаарад̣̇вааж̇од̇и г̇од̇д̇зна. д̇асмаа вуд̇д̇ам̣ ‘‘аг̇г̇игабхаарад̣̇вааж̇ассаа’’д̇и. нивзсанзд̇и гхарз. д̇асса гира б̣раахман̣асса нивзсанад̣̇ваарз анд̇аравийт̇ияам̣ аг̇г̇ихуд̇асаалаа ахоси. д̇ад̇о ‘‘нивзсанад̣̇ваарз’’д̇и вад̇д̇аб̣б̣з д̇ассаби бад̣̇зсасса нивзсанзязва барияаабаннад̇д̇аа ‘‘нивзсанз’’д̇и вуд̇д̇ам̣. самийбад̇т̇з ваа бхуммаважанам̣, нивзсанасамийбзд̇и ад̇т̇о. аг̇г̇и баж̇ж̇алид̇о ход̇ийд̇и аг̇г̇ияаад̇хаанз тид̇о аг̇г̇и гад̇аб̣бхуд̣̇д̇харан̣о самид̇хаабагкзбам̣ б̣ийж̇анаваад̇ан̃жа лабхид̇ваа ж̇алид̇о уд̣̇д̇хам̣ самуг̇г̇ад̇ажжисамаагуло ход̇и. аахуд̇и баг̇г̇ахид̇аад̇и сасийсам̣ нхааяид̇ваа махад̇аа саггаарзна бааяаасасаббимад̇хупаан̣ид̇аад̣̇ийни абхисан̇кад̇аани хонд̇ийд̇и ад̇т̇о. яан̃хи гин̃жи аг̇г̇имхи ж̇ухид̇аб̣б̣ам̣, д̇ам̣ саб̣б̣ам̣ ‘‘аахуд̇ий’’д̇и вужжад̇и. сабад̣̇аананд̇и анугхарам̣. бхаг̇аваа хи саб̣б̣аж̇анаануг̇г̇ахад̇т̇ааяа аахаарасанд̇удтияаа жа ужжанийжагулам̣ авоггамма бин̣д̣ааяа жарад̇и. д̇зна вуд̇д̇ам̣ ‘‘сабад̣̇аанам̣ бин̣д̣ааяа жарамаано’’д̇и.
Tena kho pana samayena aggikabhāradvājassāti yaṃ yaṃ avuttapubbaṃ, taṃ tadeva vaṇṇayissāma. Seyyathidaṃ – so hi brāhmaṇo aggiṃ juhati paricaratīti katvā aggikoti nāmena pākaṭo ahosi, bhāradvājoti gottena. Tasmā vuttaṃ ‘‘aggikabhāradvājassā’’ti. Nivesaneti ghare. Tassa kira brāhmaṇassa nivesanadvāre antaravīthiyaṃ aggihutasālā ahosi. Tato ‘‘nivesanadvāre’’ti vattabbe tassapi padesassa nivesaneyeva pariyāpannattā ‘‘nivesane’’ti vuttaṃ. Samīpatthe vā bhummavacanaṃ, nivesanasamīpeti attho. Aggi pajjalito hotīti aggiyādhāne ṭhito aggi katabbhuddharaṇo samidhāpakkhepaṃ bījanavātañca labhitvā jalito uddhaṃ samuggataccisamākulo hoti. Āhuti paggahitāti sasīsaṃ nhāyitvā mahatā sakkārena pāyāsasappimadhuphāṇitādīni abhisaṅkhatāni hontīti attho. Yañhi kiñci aggimhi juhitabbaṃ, taṃ sabbaṃ ‘‘āhutī’’ti vuccati. Sapadānanti anugharaṃ. Bhagavā hi sabbajanānuggahatthāya āhārasantuṭṭhiyā ca uccanīcakulaṃ avokkamma piṇḍāya carati. Tena vuttaṃ ‘‘sapadānaṃ piṇḍāya caramāno’’ti.
ат̇а гимад̇т̇ам̣ саб̣б̣аагаарасамбаннам̣ саманд̇абаасаад̣̇игам̣ бхаг̇аванд̇ам̣ д̣̇исваа б̣раахман̣асса жид̇д̇ам̣ наббасийд̣̇ад̇и? гасмаа жа звам̣ парусзна важанзна бхаг̇аванд̇ам̣ самуд̣̇аажарад̇ийд̇и? вужжад̇з – аяам̣ гира б̣раахман̣о ‘‘ман̇г̇алагижжзсу саман̣ад̣̇ассанам̣ аваман̇г̇ала’’нд̇и звам̣д̣̇идтиго, д̇ад̇о ‘‘махааб̣рахмуно бхун̃ж̇анавзлааяа гаал̣аган̣н̣ий мун̣д̣агасаман̣аго мама нивзсанам̣ убасан̇гамад̇ий’’д̇и манд̇ваа жид̇д̇ам̣ наббасаад̣̇зси, ан̃н̃ад̣̇ад̇т̇у д̣̇осавасам̣язва аг̇амааси. ат̇а гуд̣̇д̇хо анад̇д̇амано анад̇д̇аманаваажам̣ нижчаарзси ‘‘д̇ад̇рзва мун̣д̣агаа’’д̇иаад̣̇и. д̇ад̇рааби жа яасмаа ‘‘мун̣д̣о асуд̣̇д̇хо ход̇ий’’д̇и б̣раахман̣аанам̣ д̣̇идти, д̇асмаа ‘‘аяам̣ асуд̣̇д̇хо, д̇зна д̣̇зваб̣раахман̣абууж̇аго на ход̇ий’’д̇и ж̇иг̇ужчанд̇о ‘‘мун̣д̣агаа’’д̇и ааха. мун̣д̣агад̇д̇аа ваа ужчидто зса, на имам̣ бад̣̇зсам̣ арахад̇и ааг̇ажчид̇унд̇и саман̣о худ̇вааби ийд̣̇исам̣ гааяагилзсам̣ на ван̣н̣зд̇ийд̇и жа саман̣абхаавам̣ ж̇иг̇ужчанд̇о ‘‘саман̣агаа’’д̇и ааха. на гзвалам̣ д̣̇осавасзнзва, васалз ваа баб̣б̣ааж̇зд̇ваа д̇зхи сад̣̇д̇хим̣ згад̇о самбхог̇абарибхог̇агаран̣зна бад̇ид̇о аяам̣ васалад̇оби баабад̇арод̇и ж̇иг̇ужчанд̇о ‘‘васалагаа’’д̇и ааха – ‘‘васалаж̇аад̇игаанам̣ ваа аахуд̇ид̣̇ассанамад̇д̇асаванзна баабам̣ ход̇ий’’д̇и ман̃н̃амааноби звамааха.
Atha kimatthaṃ sabbākārasampannaṃ samantapāsādikaṃ bhagavantaṃ disvā brāhmaṇassa cittaṃ nappasīdati? Kasmā ca evaṃ pharusena vacanena bhagavantaṃ samudācaratīti? Vuccate – ayaṃ kira brāhmaṇo ‘‘maṅgalakiccesu samaṇadassanaṃ avamaṅgala’’nti evaṃdiṭṭhiko, tato ‘‘mahābrahmuno bhuñjanavelāya kāḷakaṇṇī muṇḍakasamaṇako mama nivesanaṃ upasaṅkamatī’’ti mantvā cittaṃ nappasādesi, aññadatthu dosavasaṃyeva agamāsi. Atha kuddho anattamano anattamanavācaṃ nicchāresi ‘‘tatreva muṇḍakā’’tiādi. Tatrāpi ca yasmā ‘‘muṇḍo asuddho hotī’’ti brāhmaṇānaṃ diṭṭhi, tasmā ‘‘ayaṃ asuddho, tena devabrāhmaṇapūjako na hotī’’ti jigucchanto ‘‘muṇḍakā’’ti āha. Muṇḍakattā vā ucchiṭṭho esa, na imaṃ padesaṃ arahati āgacchitunti samaṇo hutvāpi īdisaṃ kāyakilesaṃ na vaṇṇetīti ca samaṇabhāvaṃ jigucchanto ‘‘samaṇakā’’ti āha. Na kevalaṃ dosavaseneva, vasale vā pabbājetvā tehi saddhiṃ ekato sambhogaparibhogakaraṇena patito ayaṃ vasalatopi pāpataroti jigucchanto ‘‘vasalakā’’ti āha – ‘‘vasalajātikānaṃ vā āhutidassanamattasavanena pāpaṃ hotī’’ti maññamānopi evamāha.
бхаг̇аваа д̇ат̇аа вуд̇д̇оби виббасаннзнзва мукаван̣н̣зна мад̇хурзна сарзна б̣раахман̣асса убари анугамбаасийд̇алзна жид̇д̇зна ад̇д̇ано саб̣б̣асад̇д̇зхи асаад̇хааран̣ад̇аад̣̇ибхаавам̣ багаасзнд̇о ааха ‘‘ж̇аанааси бана, д̇вам̣ б̣раахман̣аа’’д̇и. ат̇а б̣раахман̣о бхаг̇авад̇о мукаббасаад̣̇асуужид̇ам̣ д̇аад̣̇ибхаавам̣ н̃ад̇ваа анугамбаасийд̇алзна жид̇д̇зна нижчаарид̇ам̣ мад̇хурассарам̣ суд̇ваа амад̇знзва абхисид̇д̇ахад̣̇аяо ад̇д̇амано виббасаннинд̣̇рияо нихад̇амаано худ̇ваа д̇ам̣ ж̇аад̇исабхаавам̣ висауг̇г̇ирасад̣̇исам̣ самуд̣̇аажаараважанам̣ бахааяа ‘‘нууна яамахам̣ хийнаж̇ажжам̣ васаланд̇и бажжзми, на со барамад̇т̇ад̇о васало, на жа хийнаж̇ажжад̇аа зва васалагаран̣о д̇хаммо’’д̇и ман̃н̃амаано ‘‘на кваахам̣, бхо г̇од̇амаа’’д̇и ааха. д̇хаммад̇аа хзсаа, яам̣ хзд̇усамбанно бажжаяаалаабхзна парусоби самаано лад̣̇д̇хамад̇д̇з бажжаяз муд̣̇уго ход̇ийд̇и.
Bhagavā tathā vuttopi vippasanneneva mukhavaṇṇena madhurena sarena brāhmaṇassa upari anukampāsītalena cittena attano sabbasattehi asādhāraṇatādibhāvaṃ pakāsento āha ‘‘jānāsi pana, tvaṃ brāhmaṇā’’ti. Atha brāhmaṇo bhagavato mukhappasādasūcitaṃ tādibhāvaṃ ñatvā anukampāsītalena cittena nicchāritaṃ madhurassaraṃ sutvā amateneva abhisittahadayo attamano vippasannindriyo nihatamāno hutvā taṃ jātisabhāvaṃ visauggirasadisaṃ samudācāravacanaṃ pahāya ‘‘nūna yamahaṃ hīnajaccaṃ vasalanti paccemi, na so paramatthato vasalo, na ca hīnajaccatā eva vasalakaraṇo dhammo’’ti maññamāno ‘‘na khvāhaṃ, bho gotamā’’ti āha. Dhammatā hesā, yaṃ hetusampanno paccayālābhena pharusopi samāno laddhamatte paccaye muduko hotīti.
д̇ад̇т̇а саад̇хууд̇и аяам̣ сад̣̇д̣̇о ааяаажанасамбадижчанасамбахам̣санасунд̣̇арад̣̇ал̣хийгаммаад̣̇ийсу д̣̇иссад̇и. ‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 4.95; а. ни. 7.83) хи ааяаажанз. ‘‘саад̇ху, бханд̇зд̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа’’д̇иаад̣̇ийсу (ма. ни. 3.86) самбадижчанз. ‘‘саад̇ху, саад̇ху, саарибуд̇д̇аа’’д̇иаад̣̇ийсу (д̣̇ий. ни. 3.349) самбахам̣санз.
Tattha sādhūti ayaṃ saddo āyācanasampaṭicchanasampahaṃsanasundaradaḷhīkammādīsu dissati. ‘‘Sādhu me, bhante, bhagavā saṃkhittena dhammaṃ desetū’’tiādīsu (saṃ. ni. 4.95; a. ni. 7.83) hi āyācane. ‘‘Sādhu, bhanteti kho so bhikkhu bhagavato bhāsitaṃ abhinanditvā anumoditvā’’tiādīsu (ma. ni. 3.86) sampaṭicchane. ‘‘Sādhu, sādhu, sāriputtā’’tiādīsu (dī. ni. 3.349) sampahaṃsane.
‘‘саад̇ху д̇хаммаружий рааж̇аа, саад̇ху бан̃н̃аан̣аваа наро;
‘‘Sādhu dhammarucī rājā, sādhu paññāṇavā naro;
саад̇ху мид̇д̇аанамад̣̇д̣̇уб̣бхо, баабассаагаран̣ам̣ сука’’нд̇и. (ж̇аа. 2.18.101) –
Sādhu mittānamaddubbho, pāpassākaraṇaṃ sukha’’nti. (jā. 2.18.101) –
аад̣̇ийсу сунд̣̇арз. ‘‘д̇ам̣ сун̣аат̇а, саад̇хугам̣ манаси гарот̇аа’’д̇иаад̣̇ийсу (ма. ни. 1.1) д̣̇ал̣хийгаммз. ид̇ха бана ааяаажанз.
Ādīsu sundare. ‘‘Taṃ suṇātha, sādhukaṃ manasi karothā’’tiādīsu (ma. ni. 1.1) daḷhīkamme. Idha pana āyācane.
д̇зна хийд̇и д̇ассаад̇хиббааяанид̣̇ассанам̣, сажз н̃аад̇угаамосийд̇и вуд̇д̇ам̣ ход̇и. гааран̣аважанам̣ ваа, д̇асса яасмаа н̃аад̇угаамоси, д̇асмаа, б̣раахман̣а, сун̣аахи, саад̇хугам̣ манаси гарохи, д̇ат̇аа д̇з бхаасиссаами, яат̇аа д̇вам̣ ж̇ааниссасийд̇и звам̣ барабад̣̇зхи сад̣̇д̇хим̣ самб̣анд̇хо взд̣̇ид̇аб̣б̣о. д̇ад̇ра жа сун̣аахийд̇и сод̇инд̣̇рияавигкзбавааран̣ам̣, саад̇хугам̣ манаси гарохийд̇и манасигаарз д̣̇ал̣хийгамманияож̇анзна манинд̣̇рияавигкзбавааран̣ам̣. буриман̃жзд̇т̇а б̣яан̃ж̇анавибаллаасаг̇г̇аахавааран̣ам̣, бажчимам̣ ад̇т̇авибаллаасаг̇г̇аахавааран̣ам̣ . буримзна жа д̇хаммассаванз нияож̇зд̇и, бажчимзна суд̇аанам̣ д̇хаммаанам̣ д̇хааран̣ад̇т̇уубабаригкаад̣̇ийсу. буримзна жа ‘‘саб̣яан̃ж̇ано аяам̣ д̇хаммо, д̇асмаа саванийяо’’д̇и д̣̇ийбзд̇и, бажчимзна ‘‘саад̇т̇о, д̇асмаа манаси гаад̇аб̣б̣о’’д̇и. саад̇хугабад̣̇ам̣ ваа убхаяабад̣̇зхи яож̇зд̇ваа ‘‘яасмаа аяам̣ д̇хаммо д̇хаммаг̇амбхийро жа д̣̇зсанааг̇амбхийро жа, д̇асмаа сун̣аахи саад̇хугам̣. яасмаа ад̇т̇аг̇амбхийро бадивзд̇хаг̇амбхийро жа, д̇асмаа саад̇хугам̣ манаси гарохий’’д̇и зд̇амад̇т̇ам̣ д̣̇ийбзнд̇о ааха – ‘‘сун̣аахи саад̇хугам̣ манаси гарохий’’д̇и.
Tena hīti tassādhippāyanidassanaṃ, sace ñātukāmosīti vuttaṃ hoti. Kāraṇavacanaṃ vā, tassa yasmā ñātukāmosi, tasmā, brāhmaṇa, suṇāhi, sādhukaṃ manasi karohi, tathā te bhāsissāmi, yathā tvaṃ jānissasīti evaṃ parapadehi saddhiṃ sambandho veditabbo. Tatra ca suṇāhīti sotindriyavikkhepavāraṇaṃ, sādhukaṃ manasi karohīti manasikāre daḷhīkammaniyojanena manindriyavikkhepavāraṇaṃ. Purimañcettha byañjanavipallāsaggāhavāraṇaṃ, pacchimaṃ atthavipallāsaggāhavāraṇaṃ . Purimena ca dhammassavane niyojeti, pacchimena sutānaṃ dhammānaṃ dhāraṇatthūpaparikkhādīsu. Purimena ca ‘‘sabyañjano ayaṃ dhammo, tasmā savanīyo’’ti dīpeti, pacchimena ‘‘sāttho, tasmā manasi kātabbo’’ti. Sādhukapadaṃ vā ubhayapadehi yojetvā ‘‘yasmā ayaṃ dhammo dhammagambhīro ca desanāgambhīro ca, tasmā suṇāhi sādhukaṃ. Yasmā atthagambhīro paṭivedhagambhīro ca, tasmā sādhukaṃ manasi karohī’’ti etamatthaṃ dīpento āha – ‘‘suṇāhi sādhukaṃ manasi karohī’’ti.
д̇ад̇о ‘‘звам̣ г̇амбхийрз гат̇амахам̣ бад̇идтам̣ лабхиссаамий’’д̇и висийд̣̇анд̇амива д̇ам̣ б̣раахман̣ам̣ самуссаахзнд̇о ааха – ‘‘бхаасиссаамий’’д̇и. д̇ад̇т̇а ‘‘яат̇аа д̇вам̣ н̃ассаси, д̇ат̇аа бариман̣д̣алзхи бад̣̇аб̣яан̃ж̇анзхи уд̇д̇аанзна наязна бхаасиссаамий’’д̇и звамад̇хиббааяо взд̣̇ид̇аб̣б̣о. д̇ад̇о уссаахаж̇аад̇о худ̇ваа ‘‘звам̣ бхо’’д̇и ко аг̇г̇игабхаарад̣̇вааж̇о б̣раахман̣о бхаг̇авад̇о бажжассоси, самбадижчи бадиг̇г̇ахзсийд̇и вуд̇д̇ам̣ ход̇и, яат̇аанусидтам̣ ваа бадибаж̇ж̇анзна абхимуко ассосийд̇и. ат̇асса ‘‘бхаг̇аваа зд̇ад̣̇авожаа’’д̇и ид̣̇аани вад̇д̇аб̣б̣ам̣ санд̇хааяа вуд̇д̇ам̣ ‘‘год̇хано убанаахий’’д̇и звамаад̣̇игам̣.
Tato ‘‘evaṃ gambhīre kathamahaṃ patiṭṭhaṃ labhissāmī’’ti visīdantamiva taṃ brāhmaṇaṃ samussāhento āha – ‘‘bhāsissāmī’’ti. Tattha ‘‘yathā tvaṃ ñassasi, tathā parimaṇḍalehi padabyañjanehi uttānena nayena bhāsissāmī’’ti evamadhippāyo veditabbo. Tato ussāhajāto hutvā ‘‘evaṃ bho’’ti kho aggikabhāradvājo brāhmaṇo bhagavato paccassosi, sampaṭicchi paṭiggahesīti vuttaṃ hoti, yathānusiṭṭhaṃ vā paṭipajjanena abhimukho assosīti. Athassa ‘‘bhagavā etadavocā’’ti idāni vattabbaṃ sandhāya vuttaṃ ‘‘kodhano upanāhī’’ti evamādikaṃ.
116. д̇ад̇т̇а год̇ханод̇и гуж̇жханасийло. убанаахийд̇и д̇ассзва год̇хасса д̣̇ал̣хийгаммзна убанаахзна саманнааг̇ад̇о. барзсам̣ г̇ун̣з магкзд̇и бун̃чад̇ийд̇и магкий, баабо жа со магкий жаад̇и баабамагкий. вибаннад̣̇идтийд̇и винадтасаммаад̣̇идти, вибаннааяа ваа вируубам̣ г̇ад̇ааяа д̣̇асавад̇т̇угааяа мижчаад̣̇идтияаа саманнааг̇ад̇о. мааяаавийд̇и ад̇д̇ани виж̇ж̇амаанад̣̇осабадижчаад̣̇аналагкан̣ааяа мааяааяа саманнааг̇ад̇о. д̇ам̣ ж̇ан̃н̃аа васало ид̇ийд̇и д̇ам̣ зваруубам̣ буг̇г̇алам̣ зд̇зсам̣ хийнад̇хаммаанам̣ вассанад̇о син̃жанад̇о анваассаванад̇о ‘‘васало’’д̇и ж̇аанзяяаад̇и, зд̇зхи саб̣б̣зхи б̣раахман̣амад̇т̇агз ж̇аад̇о. аяан̃хи барамад̇т̇ад̇о васало зва, ад̇д̇ано хад̣̇аяад̇удтимад̇д̇ам̣, на баранд̇и. звамзд̇т̇а бхаг̇аваа аад̣̇ибад̣̇знзва д̇асса б̣раахман̣асса год̇ханиг̇г̇ахам̣ гад̇ваа ‘‘год̇хаад̣̇ид̇хаммо хийнабуг̇г̇ало’’д̇и буг̇г̇алаад̇хидтаанааяа жа д̣̇зсанааяа год̇хаад̣̇ид̇хаммз д̣̇зсзнд̇о згзна д̇аава барияааязна васалан̃жа васалагаран̣з жа д̇хаммз д̣̇зсзси. звам̣ д̣̇зсзнд̇о жа ‘‘д̇вам̣ аха’’нд̇и баравамбханам̣ ад̇д̇уггам̣санан̃жа агад̇ваа д̇хаммзнзва самзна н̃ааязна д̇ам̣ б̣раахман̣ам̣ васалабхаавз, ад̇д̇аанан̃жа б̣раахман̣абхаавз табзси.
116. Tattha kodhanoti kujjhanasīlo. Upanāhīti tasseva kodhassa daḷhīkammena upanāhena samannāgato. Paresaṃ guṇe makkheti puñchatīti makkhī, pāpo ca so makkhī cāti pāpamakkhī. Vipannadiṭṭhīti vinaṭṭhasammādiṭṭhi, vipannāya vā virūpaṃ gatāya dasavatthukāya micchādiṭṭhiyā samannāgato. Māyāvīti attani vijjamānadosapaṭicchādanalakkhaṇāya māyāya samannāgato. Taṃ jaññā vasalo itīti taṃ evarūpaṃ puggalaṃ etesaṃ hīnadhammānaṃ vassanato siñcanato anvāssavanato ‘‘vasalo’’ti jāneyyāti, etehi sabbehi brāhmaṇamatthake jāto. Ayañhi paramatthato vasalo eva, attano hadayatuṭṭhimattaṃ, na paranti. Evamettha bhagavā ādipadeneva tassa brāhmaṇassa kodhaniggahaṃ katvā ‘‘kodhādidhammo hīnapuggalo’’ti puggalādhiṭṭhānāya ca desanāya kodhādidhamme desento ekena tāva pariyāyena vasalañca vasalakaraṇe ca dhamme desesi. Evaṃ desento ca ‘‘tvaṃ aha’’nti paravambhanaṃ attukkaṃsanañca akatvā dhammeneva samena ñāyena taṃ brāhmaṇaṃ vasalabhāve, attānañca brāhmaṇabhāve ṭhapesi.
117. ид̣̇аани яааяам̣ б̣раахман̣аанам̣ д̣̇идти ‘‘гад̣̇аажи баан̣аад̇ибаад̇аад̣̇иннаад̣̇аанаад̣̇ийни гаронд̇оби б̣раахман̣о зваа’’д̇и. д̇ам̣ д̣̇идтим̣ бадисзд̇хзнд̇о, яз жа сад̇д̇авихим̣саад̣̇ийсу агусалад̇хаммзсу д̇зхи д̇зхи саманнааг̇ад̇аа аад̣̇ийнавам̣ абассанд̇аа д̇з д̇хаммз уббаад̣̇знд̇и, д̇зсам̣ ‘‘хийнаа зд̇з д̇хаммаа васалагаран̣аа’’д̇и д̇ад̇т̇а аад̣̇ийнаван̃жа д̣̇ассзнд̇о абарзхиби барияааязхи васалан̃жа васалагаран̣з жа д̇хаммз д̣̇зсзд̇ум̣ ‘‘згаж̇ам̣ ваа д̣̇виж̇ам̣ ваа’’д̇и звамаад̣̇иг̇аат̇ааяо абхааси.
117. Idāni yāyaṃ brāhmaṇānaṃ diṭṭhi ‘‘kadāci pāṇātipātaadinnādānādīni karontopi brāhmaṇo evā’’ti. Taṃ diṭṭhiṃ paṭisedhento, ye ca sattavihiṃsādīsu akusaladhammesu tehi tehi samannāgatā ādīnavaṃ apassantā te dhamme uppādenti, tesaṃ ‘‘hīnā ete dhammā vasalakaraṇā’’ti tattha ādīnavañca dassento aparehipi pariyāyehi vasalañca vasalakaraṇe ca dhamme desetuṃ ‘‘ekajaṃ vā dvijaṃ vā’’ti evamādigāthāyo abhāsi.
д̇ад̇т̇а згаж̇од̇и табзд̇ваа ан̣д̣аж̇ам̣ авасзсаяониж̇о. со хи згад̣̇аа зва ж̇ааяад̇и. д̣̇виж̇од̇и ан̣д̣аж̇о. со хи маад̇угужчид̇о ан̣д̣агосад̇о жаад̇и д̣̇вигкад̇д̇ум̣ ж̇ааяад̇и. д̇ам̣ згаж̇ам̣ ваа д̣̇виж̇ам̣ вааби. яод̇ха баан̣анд̇и яо ид̇ха сад̇д̇ам̣. вихим̣сад̇ийд̇и гааяад̣̇вааригажзд̇анаасамудтид̇зна ваа важийд̣̇вааригажзд̇анаасамудтид̇зна ваа баяог̇зна ж̇ийвид̇аа воробзд̇и. ‘‘баан̣аани хим̣сад̇ий’’д̇иби баато. д̇ад̇т̇а згаж̇ам̣ ваа д̣̇виж̇ам̣ ваад̇и звам̣бабхзд̣̇аани яод̇ха баан̣аани хим̣сад̇ийд̇и звам̣ самб̣анд̇хо взд̣̇ид̇аб̣б̣о. яасса баан̣з д̣̇аяаа над̇т̇ийд̇и зд̇зна манасаа анугамбааяа абхаавам̣ ааха. сзсамзд̇т̇а вуд̇д̇анаяамзва. ид̇о бараасу жа г̇аат̇аасу, яад̇о зд̇д̇агамби авад̇ваа ид̇о барам̣ уд̇д̇аанад̇т̇аани бад̣̇аани барихаранд̇аа аван̣н̣ид̇абад̣̇аван̣н̣анаамад̇д̇амзва гариссаама.
Tattha ekajoti ṭhapetvā aṇḍajaṃ avasesayonijo. So hi ekadā eva jāyati. Dvijoti aṇḍajo. So hi mātukucchito aṇḍakosato cāti dvikkhattuṃ jāyati. Taṃ ekajaṃ vā dvijaṃ vāpi. Yodha pāṇanti yo idha sattaṃ. Vihiṃsatīti kāyadvārikacetanāsamuṭṭhitena vā vacīdvārikacetanāsamuṭṭhitena vā payogena jīvitā voropeti. ‘‘Pāṇāni hiṃsatī’’tipi pāṭho. Tattha ekajaṃ vā dvijaṃ vāti evaṃpabhedāni yodha pāṇāni hiṃsatīti evaṃ sambandho veditabbo. Yassa pāṇe dayā natthīti etena manasā anukampāya abhāvaṃ āha. Sesamettha vuttanayameva. Ito parāsu ca gāthāsu, yato ettakampi avatvā ito paraṃ uttānatthāni padāni pariharantā avaṇṇitapadavaṇṇanāmattameva karissāma.
118. ханд̇ийд̇и ханад̇и винаасзд̇и. барирунд̇хад̇ийд̇и сзнааяа бариваарзд̇ваа д̇идтад̇и. г̇аамаани ниг̇амаани жаад̇и зд̇т̇а жа-сад̣̇д̣̇зна наг̇араанийд̇иби вад̇д̇аб̣б̣ам̣. ниг̇г̇аахаго саман̃н̃аад̇од̇и иминаа хананабарирунд̇ханзна г̇ааманиг̇аманаг̇арагхаад̇агод̇и логз вид̣̇ид̇о.
118.Hantīti hanati vināseti. Parirundhatīti senāya parivāretvā tiṭṭhati. Gāmāni nigamāni cāti ettha ca-saddena nagarānītipi vattabbaṃ. Niggāhako samaññātoti iminā hananaparirundhanena gāmanigamanagaraghātakoti loke vidito.
119. г̇аамз ваа яад̣̇и вааран̃н̃зд̇и г̇аамоби ниг̇амоби наг̇арамби саб̣б̣ова ид̇ха г̇аамо сад̣̇д̇хим̣ убажаарзна, д̇ам̣ табзд̇ваа сзсам̣ аран̃н̃ам̣. д̇асмим̣ г̇аамз ваа яад̣̇и вааран̃н̃з яам̣ барзсам̣ мамааяид̇ам̣, яам̣ барасад̇д̇аанам̣ бариг̇г̇ахид̇амабарижжад̇д̇ам̣ сад̇д̇о ваа сан̇кааро ваа. т̇зяяаа ад̣̇иннамаад̣̇зд̇ийд̇и д̇зхи ад̣̇иннам̣ ананун̃н̃аад̇ам̣ т̇зяяажид̇д̇зна аад̣̇ияад̇и, язна гзнажи баяог̇зна язна гзнажи авахаарзна ад̇д̇ано г̇ахан̣ам̣ саад̇хзд̇и.
119.Gāme vā yadi vāraññeti gāmopi nigamopi nagarampi sabbova idha gāmo saddhiṃ upacārena, taṃ ṭhapetvā sesaṃ araññaṃ. Tasmiṃ gāme vā yadi vāraññe yaṃ paresaṃ mamāyitaṃ, yaṃ parasattānaṃ pariggahitamapariccattaṃ satto vā saṅkhāro vā. Theyyā adinnamādetīti tehi adinnaṃ ananuññātaṃ theyyacittena ādiyati, yena kenaci payogena yena kenaci avahārena attano gahaṇaṃ sādheti.
120. ин̣амаад̣̇ааяаад̇и ад̇д̇ано санд̇агам̣ гин̃жи нигкибид̇ваа нигкзбаг̇г̇ахан̣зна ваа, гин̃жи анигкибид̇ваа ‘‘зд̇д̇агзна гаалзна зд̇д̇агам̣ вад̣дхим̣ д̣̇ассаамий’’д̇и вад̣дхиг̇г̇ахан̣зна ваа, ‘‘яам̣ ид̇о уд̣̇аяам̣ бхависсад̇и, д̇ам̣ маяхам̣ муулам̣ д̇авзва бхависсад̇ий’’д̇и ваа ‘‘уд̣̇аяам̣ убхиннамби саад̇хааран̣а’’нд̇и ваа звам̣ д̇ам̣д̇ам̣ааяог̇аг̇г̇ахан̣зна ваа ин̣ам̣ г̇ахзд̇ваа. жуж̇ж̇амаано балааяад̇и на хи д̇з ин̣амад̇т̇ийд̇и д̇зна ин̣ааяигзна ‘‘д̣̇зхи мз ин̣а’’нд̇и жод̣̇ияамаано ‘‘на хи д̇з ин̣амад̇т̇и, маяаа г̇ахид̇анд̇и го сагкий’’д̇и звам̣ бхан̣анзна гхарз васанд̇оби балааяад̇и.
120.Iṇamādāyāti attano santakaṃ kiñci nikkhipitvā nikkhepaggahaṇena vā, kiñci anikkhipitvā ‘‘ettakena kālena ettakaṃ vaḍḍhiṃ dassāmī’’ti vaḍḍhiggahaṇena vā, ‘‘yaṃ ito udayaṃ bhavissati, taṃ mayhaṃ mūlaṃ taveva bhavissatī’’ti vā ‘‘udayaṃ ubhinnampi sādhāraṇa’’nti vā evaṃ taṃtaṃāyogaggahaṇena vā iṇaṃ gahetvā. Cujjamāno palāyati na hi te iṇamatthīti tena iṇāyikena ‘‘dehi me iṇa’’nti codiyamāno ‘‘na hi te iṇamatthi, mayā gahitanti ko sakkhī’’ti evaṃ bhaṇanena ghare vasantopi palāyati.
121. гин̃жигкагамяад̇аад̇и аббамад̇д̇агзби гисмин̃жид̣̇зва ижчааяа. бант̇асмим̣ важ̇анд̇ам̣ ж̇ананд̇и маг̇г̇з г̇ажчанд̇ам̣ яам̣гин̃жи ид̇т̇им̣ ваа бурисам̣ ваа. ханд̇ваа гин̃жигкамаад̣̇зд̇ийд̇и маарзд̇ваа годдзд̇ваа д̇ам̣ бхан̣д̣агам̣ г̇ан̣хаад̇и.
121.Kiñcikkhakamyatāti appamattakepi kismiñcideva icchāya. Panthasmiṃ vajantaṃ jananti magge gacchantaṃ yaṃkiñci itthiṃ vā purisaṃ vā. Hantvā kiñcikkhamādetīti māretvā koṭṭetvā taṃ bhaṇḍakaṃ gaṇhāti.
122. ад̇д̇ахзд̇ууд̇и ад̇д̇ано ж̇ийвид̇агааран̣аа, д̇ат̇аа барахзд̇у. д̇ханахзд̇ууд̇и сагад̇ханасса ваа барад̇ханасса ваа гааран̣аа. жа-гааро саб̣б̣ад̇т̇а вигаббанад̇т̇о. сагкибудтод̇и яам̣ ж̇аанааси, д̇ам̣ вад̣̇зхийд̇и бужчид̇о. мусаа б̣рууд̇ийд̇и ж̇аананд̇о ваа ‘‘на ж̇аанаамий’’д̇и аж̇аананд̇о ваа ‘‘ж̇аанаамий’’д̇и бхан̣ад̇и, саамигз асаамигз, асаамигз жа саамигз гарод̇и.
122.Attahetūti attano jīvitakāraṇā, tathā parahetu. Dhanahetūti sakadhanassa vā paradhanassa vā kāraṇā. Ca-kāro sabbattha vikappanattho. Sakkhipuṭṭhoti yaṃ jānāsi, taṃ vadehīti pucchito. Musā brūtīti jānanto vā ‘‘na jānāmī’’ti ajānanto vā ‘‘jānāmī’’ti bhaṇati, sāmike asāmike, asāmike ca sāmike karoti.
123. н̃аад̇ийнанд̇и самб̣анд̇хийнам̣. сакийнанд̇и ваяассаанам̣ д̣̇аарзсууд̇и барабариг̇г̇ахид̇зсу. бадид̣̇иссад̇ийд̇и бадигуулзна д̣̇иссад̇и, ад̇ижаранд̇о д̣̇иссад̇ийд̇и ад̇т̇о. саахасаад̇и б̣алаггаарзна анижчам̣. самбиязнаад̇и д̇зхи д̇зсам̣ д̣̇аарзхи бад̇т̇ияамаано саяан̃жа бад̇т̇аяамаано, убхаяасинзхавасзнаабийд̇и вуд̇д̇ам̣ ход̇и.
123.Ñātīnanti sambandhīnaṃ. Sakhīnanti vayassānaṃ dāresūti parapariggahitesu. Paṭidissatīti paṭikūlena dissati, aticaranto dissatīti attho. Sāhasāti balakkārena anicchaṃ. Sampiyenāti tehi tesaṃ dārehi patthiyamāno sayañca patthayamāno, ubhayasinehavasenāpīti vuttaṃ hoti.
124. маад̇арам̣ бид̇арам̣ ваад̇и звам̣ мзд̇д̇ааяа бад̣̇адтаанабхууд̇амби, ж̇ин̣н̣агам̣ г̇ад̇аяоб̣б̣ананд̇и звам̣ гарун̣ааяа бад̣̇адтаанабхууд̇амби . баху санд̇о на бхарад̇ийд̇и ад̇т̇асамбанно убагаран̣асамбанно худ̇вааби на босзд̇и.
124.Mātaraṃ pitaraṃ vāti evaṃ mettāya padaṭṭhānabhūtampi, jiṇṇakaṃ gatayobbananti evaṃ karuṇāya padaṭṭhānabhūtampi . Pahu santo na bharatīti atthasampanno upakaraṇasampanno hutvāpi na poseti.
125. сасунд̇и сассум̣. ханд̇ийд̇и баан̣инаа ваа лзд̣д̣унаа ваа ан̃н̃зна ваа гзнажи бахарад̇и. росзд̇ийд̇и год̇хамасса сан̃ж̇анзд̇и ваажааяа парусаважанзна.
125.Sasunti sassuṃ. Hantīti pāṇinā vā leḍḍunā vā aññena vā kenaci paharati. Rosetīti kodhamassa sañjaneti vācāya pharusavacanena.
126. ад̇т̇анд̇и санд̣̇идтигасамбарааяигабарамад̇т̇зсу яам̣гин̃жи. бужчид̇о санд̇од̇и будто самаано. анад̇т̇аманусаасад̇ийд̇и д̇асса ахид̇амзва аажигкад̇и. бадижчаннзна манд̇зд̇ийд̇и ад̇т̇ам̣ аажигканд̇оби яат̇аа со на ж̇аанаад̇и, д̇ат̇аа абаагадзхи бад̣̇аб̣яан̃ж̇анзхи бадижчаннзна важанзна манд̇зд̇и, аажарияамудтим̣ ваа гад̇ваа д̣̇ийгхарад̇д̇ам̣ васаабзд̇ваа саавасзсамзва манд̇зд̇и.
126.Atthanti sandiṭṭhikasamparāyikaparamatthesu yaṃkiñci. Pucchito santoti puṭṭho samāno. Anatthamanusāsatīti tassa ahitameva ācikkhati. Paṭicchannena mantetīti atthaṃ ācikkhantopi yathā so na jānāti, tathā apākaṭehi padabyañjanehi paṭicchannena vacanena manteti, ācariyamuṭṭhiṃ vā katvā dīgharattaṃ vasāpetvā sāvasesameva manteti.
127. яо гад̇ваад̇и зд̇т̇а маяаа буб̣б̣абхааг̇з баабижчад̇аа вуд̇д̇аа. яаа саа ‘‘ид̇хзгажжо гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа, д̇асса бадижчаад̣̇анахзд̇у баабигам̣ ижчам̣ бан̣ид̣̇ахад̇и, маа мам̣ ж̇ан̃н̃аад̇и ижчад̇ий’’д̇и звам̣ ааг̇ад̇аа. яат̇аа ан̃н̃з на ж̇аананд̇и, д̇ат̇аа гаран̣зна гад̇аанан̃жа авиваран̣зна бадижчаннаа асса гамманд̇аад̇и бадижчаннагамманд̇о.
127.Yo katvāti ettha mayā pubbabhāge pāpicchatā vuttā. Yā sā ‘‘idhekacco kāyena duccaritaṃ caritvā, vācāya duccaritaṃ caritvā, manasā duccaritaṃ caritvā, tassa paṭicchādanahetu pāpikaṃ icchaṃ paṇidahati, mā maṃ jaññāti icchatī’’ti evaṃ āgatā. Yathā aññe na jānanti, tathā karaṇena katānañca avivaraṇena paṭicchannā assa kammantāti paṭicchannakammanto.
128. барагуланд̇и н̃аад̇игулам̣ ваа мид̇д̇агулам̣ ваа. ааг̇ад̇анд̇и яасса д̇зна гулз бхуд̇д̇ам̣, д̇ам̣ ад̇д̇ано г̇зхамааг̇ад̇ам̣ баанабхож̇анаад̣̇ийхи наббадибууж̇зд̇и, на ваа д̣̇зд̇и, авабхуд̇д̇ам̣ ваа д̣̇зд̇ийд̇и ад̇хиббааяо.
128.Parakulanti ñātikulaṃ vā mittakulaṃ vā. Āgatanti yassa tena kule bhuttaṃ, taṃ attano gehamāgataṃ pānabhojanādīhi nappaṭipūjeti, na vā deti, avabhuttaṃ vā detīti adhippāyo.
129. яо б̣раахман̣ам̣ ваад̇и бараабхавасуд̇д̇з вуд̇д̇анаяамзва.
129.Yo brāhmaṇaṃ vāti parābhavasutte vuttanayameva.
130. бхад̇д̇агаалз убадтид̇зд̇и бхож̇анагаалз ж̇аад̇з. убадтид̇анд̇иби баато, бхад̇д̇агаалз ааг̇ад̇анд̇и ад̇т̇о. росзд̇и ваажаа на жа д̣̇зд̇ийд̇и ‘‘ад̇т̇агаамо мз аяам̣ б̣алаггаарзна мам̣ бун̃н̃ам̣ гаараабзд̇ум̣ ааг̇ад̇о’’д̇и ажинд̇зд̇ваа аббад̇ируубзна парусаважанзна росзд̇и, анд̇амасо саммукабхаавамад̇д̇амби жасса на д̣̇зд̇и, баг̇зва бхож̇ананд̇и ад̇хиббааяо.
130.Bhattakāleupaṭṭhiteti bhojanakāle jāte. Upaṭṭhitantipi pāṭho, bhattakāle āgatanti attho. Roseti vācā na ca detīti ‘‘atthakāmo me ayaṃ balakkārena maṃ puññaṃ kārāpetuṃ āgato’’ti acintetvā appatirūpena pharusavacanena roseti, antamaso sammukhabhāvamattampi cassa na deti, pageva bhojananti adhippāyo.
131. асад̇ам̣ яод̇ха баб̣рууд̇ийд̇и яо ид̇ха яат̇аа нимид̇д̇аани д̣̇иссанд̇и ‘‘асугад̣̇ивасз ид̣̇ан̃жид̣̇ан̃жа д̇з бхависсад̇ий’’д̇и звам̣ асаж̇ж̇анаанам̣ важанам̣ баб̣рууд̇и. ‘‘асанд̇а’’нд̇иби баато, абхууд̇анд̇и ад̇т̇о. баб̣рууд̇ийд̇и бхан̣ад̇и ‘‘амугасмим̣ наама г̇аамз маяхам̣ ийд̣̇исо гхаравибхаво, зхи д̇ад̇т̇а г̇ажчаама, гхаран̣ий мз бхависсаси, ид̣̇ан̃жид̣̇ан̃жа д̇з д̣̇ассаамий’’д̇и барабхарияам̣ барад̣̇аасим̣ ваа ван̃жзнд̇о д̇худ̇д̇о вияа. ниж̇иг̇ийсаанод̇и ниж̇иг̇ийсамаано маг̇г̇амаано, д̇ам̣ ван̃жзд̇ваа яам̣гин̃жи г̇ахзд̇ваа балааяид̇угаамод̇и ад̇хиббааяо.
131.Asataṃ yodha pabrūtīti yo idha yathā nimittāni dissanti ‘‘asukadivase idañcidañca te bhavissatī’’ti evaṃ asajjanānaṃ vacanaṃ pabrūti. ‘‘Asanta’’ntipi pāṭho, abhūtanti attho. Pabrūtīti bhaṇati ‘‘amukasmiṃ nāma gāme mayhaṃ īdiso gharavibhavo, ehi tattha gacchāma, gharaṇī me bhavissasi, idañcidañca te dassāmī’’ti parabhariyaṃ paradāsiṃ vā vañcento dhutto viya. Nijigīsānoti nijigīsamāno maggamāno, taṃ vañcetvā yaṃkiñci gahetvā palāyitukāmoti adhippāyo.
132. яо жад̇д̇аананд̇и яо жа ад̇д̇аанам̣. самуггам̣сзд̇и ж̇аад̇иаад̣̇ийхи самуггам̣сад̇и ужжадтаанз табзд̇и. барз жа маваж̇аанаад̇ийд̇и д̇зхиязва барз аваж̇аанаад̇и, нийжам̣ гарод̇и. ма-гааро бад̣̇асанд̇хигаро . нихийнод̇и г̇ун̣авуд̣дхид̇о барихийно, ад̇хамабхаавам̣ ваа г̇ад̇о. сзна маанзнаад̇и д̇зна уггам̣санааваж̇аананасан̇каад̇зна ад̇д̇ано маанзна.
132.Yo cattānanti yo ca attānaṃ. Samukkaṃseti jātiādīhi samukkaṃsati uccaṭṭhāne ṭhapeti. Pare ca mavajānātīti tehiyeva pare avajānāti, nīcaṃ karoti. Ma-kāro padasandhikaro . Nihīnoti guṇavuḍḍhito parihīno, adhamabhāvaṃ vā gato. Sena mānenāti tena ukkaṃsanāvajānanasaṅkhātena attano mānena.
133. росагод̇и гааяаваажаахи барзсам̣ росаж̇анаго. гад̣̇арияод̇и т̇ад̣̇д̇хамажчарий, яо барз барзсам̣ д̣̇знд̇з ан̃н̃ам̣ ваа бун̃н̃ам̣ гаронд̇з ваарзд̇и, д̇ассзд̇ам̣ ад̇хиважанам̣. баабижчод̇и асанд̇аг̇ун̣асамбхааванижчааяа саманнааг̇ад̇о. мажчарийд̇и ааваасаад̣̇имажчарияаяуд̇д̇о. сатод̇и асанд̇аг̇ун̣аббагаасаналагкан̣зна саатзяязна саманнааг̇ад̇о, асаммаабхаасий ваа агаад̇угаамоби ‘‘гаромий’’д̇иаад̣̇иважанзна. наасса баабаж̇иг̇ужчаналагкан̣аа хирий, наасса уд̇д̇аасанад̇о уб̣б̣зг̇алагкан̣ам̣ од̇д̇аббанд̇и ахириго анод̇д̇аббий.
133.Rosakoti kāyavācāhi paresaṃ rosajanako. Kadariyoti thaddhamaccharī, yo pare paresaṃ dente aññaṃ vā puññaṃ karonte vāreti, tassetaṃ adhivacanaṃ. Pāpicchoti asantaguṇasambhāvanicchāya samannāgato. Maccharīti āvāsādimacchariyayutto. Saṭhoti asantaguṇappakāsanalakkhaṇena sāṭheyyena samannāgato, asammābhāsī vā akātukāmopi ‘‘karomī’’tiādivacanena. Nāssa pāpajigucchanalakkhaṇā hirī, nāssa uttāsanato ubbegalakkhaṇaṃ ottappanti ahiriko anottappī.
134. б̣уд̣̇д̇ханд̇и саммаасамб̣уд̣̇д̇хам̣. барибхаасад̇ийд̇и ‘‘асаб̣б̣ан̃н̃уу’’д̇иаад̣̇ийхи абавад̣̇ад̇и, сааваган̃жа ‘‘д̣̇уббадибанно’’д̇иаад̣̇ийхи. бариб̣б̣ааж̇ам̣ г̇ахадтам̣ ваад̇и саавагависзсанамзвзд̇ам̣ баб̣б̣аж̇ид̇ам̣ ваа д̇асса саавагам̣, г̇ахадтам̣ ваа бажжаяад̣̇ааяаганд̇и ад̇т̇о. б̣аахирагам̣ ваа бариб̣б̣ааж̇агам̣ яам̣гин̃жи г̇ахадтам̣ ваа абхууд̇зна д̣̇осзна барибхаасад̇ийд̇и звамбзд̇т̇а ад̇т̇ам̣ ижчанд̇и бораан̣аа.
134.Buddhanti sammāsambuddhaṃ. Paribhāsatīti ‘‘asabbaññū’’tiādīhi apavadati, sāvakañca ‘‘duppaṭipanno’’tiādīhi. Paribbājaṃ gahaṭṭhaṃ vāti sāvakavisesanamevetaṃ pabbajitaṃ vā tassa sāvakaṃ, gahaṭṭhaṃ vā paccayadāyakanti attho. Bāhirakaṃ vā paribbājakaṃ yaṃkiñci gahaṭṭhaṃ vā abhūtena dosena paribhāsatīti evampettha atthaṃ icchanti porāṇā.
135. анарахам̣ санд̇од̇и акийн̣аасаво самаано. арахам̣ бадиж̇аанаад̇ийд̇и ‘‘ахам̣ арахаа’’д̇и бадиж̇аанаад̇и, яат̇аа нам̣ ‘‘арахаа аяа’’нд̇и ж̇аананд̇и, д̇ат̇аа ваажам̣ нижчаарзд̇и, гааязна бараггамад̇и, жид̇д̇зна ижчад̇и ад̇хиваасзд̇и. жород̇и т̇зно. саб̣рахмагз логзд̇и уггадтавасзна ааха – саб̣б̣алогзд̇и вуд̇д̇ам̣ ход̇и . логз хи санд̇хижчзд̣̇ананиллобахаран̣азгааг̇ааригагаран̣абарибант̇ад̇идтанаад̣̇ийхи барзсам̣ д̇ханам̣ вилумбанд̇аа жораад̇и вужжанд̇и. саасанз бана барисасамбад̇д̇иаад̣̇ийхи бажжаяаад̣̇ийни вилумбанд̇аа. яат̇ааха –
135.Anarahaṃ santoti akhīṇāsavo samāno. Arahaṃ paṭijānātīti ‘‘ahaṃ arahā’’ti paṭijānāti, yathā naṃ ‘‘arahā aya’’nti jānanti, tathā vācaṃ nicchāreti, kāyena parakkamati, cittena icchati adhivāseti. Coroti theno. Sabrahmake loketi ukkaṭṭhavasena āha – sabbaloketi vuttaṃ hoti . Loke hi sandhicchedananillopaharaṇaekāgārikakaraṇaparipanthatiṭṭhanādīhi paresaṃ dhanaṃ vilumpantā corāti vuccanti. Sāsane pana parisasampattiādīhi paccayādīni vilumpantā. Yathāha –
‘‘бан̃жимз, бхигкавз, махаажораа санд̇о сам̣виж̇ж̇амаанаа логасмим̣. гад̇амз бан̃жа? ид̇ха, бхигкавз, згажжасса махаажорасса звам̣ ход̇и ‘гуд̣̇аассу наамаахам̣ сад̇зна ваа сахассзна ваа баривуд̇о г̇ааманиг̇амарааж̇ад̇хаанийсу аахин̣д̣иссаами хананд̇о, гхаад̇знд̇о, чинд̣̇анд̇о, чзд̣̇аабзнд̇о, бажанд̇о баажзнд̇од̇и, со абарзна самаязна сад̇зна ваа сахассзна ваа баривуд̇о г̇ааманиг̇амарааж̇ад̇хаанийсу аахин̣д̣ад̇и хананд̇о…бз… баажзнд̇о. звамзва ко, бхигкавз, ид̇хзгажжасса баабабхигкуно звам̣ ход̇и ‘гуд̣̇аассу наамаахам̣ сад̇зна ваа…бз… рааж̇ад̇хаанийсу жааригам̣ жариссаами саггад̇о, г̇аругад̇о, маанид̇о, бууж̇ид̇о, абажид̇о, г̇ахадтаанан̃жзва баб̣б̣аж̇ид̇аанан̃жа лаабхий жийвара…бз… баригкаараана’нд̇и. со абарзна самаязна сад̇зна ваа сахассзна ваа баривуд̇о г̇ааманиг̇амарааж̇ад̇хаанийсу жааригам̣ жарад̇и саггад̇о…бз… баригкаараанам̣. аяам̣, бхигкавз, батамо махаажоро санд̇о сам̣виж̇ж̇амаано логасмим̣.
‘‘Pañcime, bhikkhave, mahācorā santo saṃvijjamānā lokasmiṃ. Katame pañca? Idha, bhikkhave, ekaccassa mahācorassa evaṃ hoti ‘kudāssu nāmāhaṃ satena vā sahassena vā parivuto gāmanigamarājadhānīsu āhiṇḍissāmi hananto, ghātento, chindanto, chedāpento, pacanto pācentoti, so aparena samayena satena vā sahassena vā parivuto gāmanigamarājadhānīsu āhiṇḍati hananto…pe… pācento. Evameva kho, bhikkhave, idhekaccassa pāpabhikkhuno evaṃ hoti ‘kudāssu nāmāhaṃ satena vā…pe… rājadhānīsu cārikaṃ carissāmi sakkato, garukato, mānito, pūjito, apacito, gahaṭṭhānañceva pabbajitānañca lābhī cīvara…pe… parikkhārāna’nti. So aparena samayena satena vā sahassena vā parivuto gāmanigamarājadhānīsu cārikaṃ carati sakkato…pe… parikkhārānaṃ. Ayaṃ, bhikkhave, paṭhamo mahācoro santo saṃvijjamāno lokasmiṃ.
‘‘буна жабарам̣, бхигкавз, ид̇хзгажжо баабабхигку д̇ат̇ааг̇ад̇аббавзд̣̇ид̇ам̣ д̇хаммавинаяам̣ барияаабун̣ид̇ваа ад̇д̇ано д̣̇ахад̇и, аяам̣, бхигкавз, д̣̇уд̇ияо…бз… логасмим̣.
‘‘Puna caparaṃ, bhikkhave, idhekacco pāpabhikkhu tathāgatappaveditaṃ dhammavinayaṃ pariyāpuṇitvā attano dahati, ayaṃ, bhikkhave, dutiyo…pe… lokasmiṃ.
‘‘буна жабарам̣, бхигкавз, ид̇хзгажжо баабабхигку суд̣̇д̇хам̣ б̣рахмажаарим̣ барисуд̣̇д̇хам̣ б̣рахмажарияам̣ жаранд̇ам̣ амуулагзна аб̣рахмажариязна ануд̣̇д̇хам̣сзд̇и. аяам̣, бхигкавз, д̇ад̇ияо…бз… логасмим̣.
‘‘Puna caparaṃ, bhikkhave, idhekacco pāpabhikkhu suddhaṃ brahmacāriṃ parisuddhaṃ brahmacariyaṃ carantaṃ amūlakena abrahmacariyena anuddhaṃseti. Ayaṃ, bhikkhave, tatiyo…pe… lokasmiṃ.
‘‘буна жабарам̣, бхигкавз, ид̇хзгажжо, баабабхигку яаани д̇аани сан̇гхасса г̇арубхан̣д̣аани г̇арубаригкаараани, сзяяат̇ид̣̇ам̣ – аараамо, аараамавад̇т̇у, вихааро, вихааравад̇т̇у, ман̃жо, бийтам̣, бхиси, б̣имб̣оханам̣, лохагумбхий, лохабхаан̣агам̣, лохаваараго, лохагадаахам̣, вааси, парасу, гутаарий, гуд̣̇аало, никаад̣̇анам̣, валли, взл̣у, мун̃ж̇ам̣, баб̣б̣аж̇ам̣, д̇ин̣ам̣, мад̇д̇игаа, д̣̇аарубхан̣д̣ам̣, мад̇д̇игаабхан̣д̣ам̣, д̇зхи г̇ихим̣ сан̇г̇ан̣хаад̇и убалаабзд̇и. аяам̣, бхигкавз, жад̇уд̇т̇о…бз… логасмим̣.
‘‘Puna caparaṃ, bhikkhave, idhekacco, pāpabhikkhu yāni tāni saṅghassa garubhaṇḍāni garuparikkhārāni, seyyathidaṃ – ārāmo, ārāmavatthu, vihāro, vihāravatthu, mañco, pīṭhaṃ, bhisi, bimbohanaṃ, lohakumbhī, lohabhāṇakaṃ, lohavārako, lohakaṭāhaṃ, vāsi, pharasu, kuṭhārī, kudālo, nikhādanaṃ, valli, veḷu, muñjaṃ, pabbajaṃ, tiṇaṃ, mattikā, dārubhaṇḍaṃ, mattikābhaṇḍaṃ, tehi gihiṃ saṅgaṇhāti upalāpeti. Ayaṃ, bhikkhave, catuttho…pe… lokasmiṃ.
‘‘сад̣̇звагз, бхигкавз, логз…бз… сад̣̇звамануссааяа аяам̣ аг̇г̇о махаажоро, яо асанд̇ам̣ абхууд̇ам̣ уд̇д̇аримануссад̇хаммам̣ уллабад̇ий’’д̇и (баараа. 195).
‘‘Sadevake, bhikkhave, loke…pe… sadevamanussāya ayaṃ aggo mahācoro, yo asantaṃ abhūtaṃ uttarimanussadhammaṃ ullapatī’’ti (pārā. 195).
д̇ад̇т̇а логияажораа логияамзва д̇ханад̇хан̃н̃аад̣̇им̣ т̇знзнд̇и. саасанз вуд̇д̇ажорзсу батамо д̇ат̇ааруубамзва жийвараад̣̇ибажжаяамад̇д̇ам̣, д̣̇уд̇ияо барияад̇д̇ид̇хаммам̣, д̇ад̇ияо барасса б̣рахмажарияам̣, жад̇уд̇т̇о сан̇гхигаг̇арубхан̣д̣ам̣, бан̃жамо жхаанасамаад̇хисамаабад̇д̇имаг̇г̇апалаббабхзд̣̇ам̣ логияалогуд̇д̇араг̇ун̣ад̇ханам̣, логияан̃жа жийвараад̣̇ибажжаяаж̇аад̇ам̣. яат̇ааха – ‘‘т̇зяяааяа во, бхигкавз, радтабин̣д̣о бхуд̇д̇о’’д̇и. д̇ад̇т̇а явааяам̣ бан̃жамо махаажоро, д̇ам̣ санд̇хааяааха бхаг̇аваа ‘‘жоро саб̣рахмагз логз’’д̇и. со хи ‘‘сад̣̇звагз, бхигкавз, логз…бз… сад̣̇звамануссааяа аяам̣ аг̇г̇о махаажоро, яо асанд̇ам̣ абхууд̇ам̣ уд̇д̇аримануссад̇хаммам̣ уллабад̇ий’’д̇и (баараа. 195) звам̣ логияалогуд̇д̇арад̇ханат̇знанад̇о аг̇г̇о махаажород̇и вуд̇д̇о, д̇асмаа д̇ам̣ ид̇хааби ‘‘саб̣рахмагз логз’’д̇и иминаа уггадтабарижчзд̣̇зна багаасзси.
Tattha lokiyacorā lokiyameva dhanadhaññādiṃ thenenti. Sāsane vuttacoresu paṭhamo tathārūpameva cīvarādipaccayamattaṃ, dutiyo pariyattidhammaṃ, tatiyo parassa brahmacariyaṃ, catuttho saṅghikagarubhaṇḍaṃ, pañcamo jhānasamādhisamāpattimaggaphalappabhedaṃ lokiyalokuttaraguṇadhanaṃ, lokiyañca cīvarādipaccayajātaṃ. Yathāha – ‘‘theyyāya vo, bhikkhave, raṭṭhapiṇḍo bhutto’’ti. Tattha yvāyaṃ pañcamo mahācoro, taṃ sandhāyāha bhagavā ‘‘coro sabrahmake loke’’ti. So hi ‘‘sadevake, bhikkhave, loke…pe… sadevamanussāya ayaṃ aggo mahācoro, yo asantaṃ abhūtaṃ uttarimanussadhammaṃ ullapatī’’ti (pārā. 195) evaṃ lokiyalokuttaradhanathenanato aggo mahācoroti vutto, tasmā taṃ idhāpi ‘‘sabrahmake loke’’ti iminā ukkaṭṭhaparicchedena pakāsesi.
зсо ко васалаад̇хамод̇и. зд̇т̇а код̇и авад̇хааран̣ад̇т̇о, д̇зна зсо зва васалаад̇хамо. васалаанам̣ хийно саб̣б̣абажчимагод̇и авад̇хаарзд̇и. гасмаа? висидтавад̇т̇умхи т̇зяяад̇хаммавассанад̇о, яаава д̇ам̣ бадин̃н̃ам̣ на виссаж̇ж̇зд̇и, д̇аава авиг̇ад̇авасалагаран̣ад̇хаммад̇о жаад̇и.
Eso kho vasalādhamoti. Ettha khoti avadhāraṇattho, tena eso eva vasalādhamo. Vasalānaṃ hīno sabbapacchimakoti avadhāreti. Kasmā? Visiṭṭhavatthumhi theyyadhammavassanato, yāva taṃ paṭiññaṃ na vissajjeti, tāva avigatavasalakaraṇadhammato cāti.
зд̇з ко васалаад̇и. ид̣̇аани яз д̇з батамаг̇аат̇ааяа аасаяавибад̇д̇ивасзна год̇ханаад̣̇аяо бан̃жа, баабамагким̣ ваа д̣̇вид̇хаа гад̇ваа ча, д̣̇уд̇ияаг̇аат̇ааяа баяог̇авибад̇д̇ивасзна баан̣ахим̣саго зго, д̇ад̇ияааяа баяог̇авибад̇д̇ивасзнзва г̇ааманиг̇аманиг̇г̇аахаго зго, жад̇уд̇т̇ааяа т̇зяяаавахааравасзна зго, бан̃жамааяа ин̣аван̃жанавасзна зго, чадтааяа басаяхаавахааравасзна бант̇ад̣̇уусаго зго, сад̇д̇амааяа гуудасагкивасзна зго, адтамааяа мид̇д̇ад̣̇уб̣бхивасзна зго, навамааяа агад̇ан̃н̃увасзна зго, д̣̇асамааяа гад̇анаасанавихзсанавасзна зго, згаад̣̇асамааяа хад̣̇аяаван̃жанавасзна зго, д̣̇ваад̣̇асамааяа бадижчаннагамманд̇авасзна д̣̇вз, д̇зрасамааяа агад̇ан̃н̃увасзна зго, жуд̣̇д̣̇асамааяа ван̃жанавасзна зго, баннарасамааяа вихзсанавасзна зго, сол̣асамааяа ван̃жанавасзна зго, сад̇д̇арасамааяа ад̇д̇уггам̣санабаравамбханавасзна д̣̇вз, адтаарасамааяа баяог̇аасаяавибад̇д̇ивасзна росагаад̣̇аяо сад̇д̇а, згуунавийсад̇имааяа барибхаасанавасзна д̣̇вз, вийсад̇имааяа аг̇г̇амахаажоравасзна згод̇и звам̣ д̇зд̇д̇им̣са жад̇уд̇д̇им̣са ваа васалаа вуд̇д̇аа. д̇з нид̣̇д̣̇исанд̇о ааха ‘‘зд̇з ко васалаа вуд̇д̇аа, маяаа яз д̇з багаасид̇аа’’д̇и. д̇ассад̇т̇о – яз д̇з маяаа буб̣б̣з ‘‘ж̇аанааси бана д̇вам̣, б̣раахман̣а, васала’’нд̇и звам̣ сан̇кзбад̇о васалаа вуд̇д̇аа, д̇з вид̇т̇аарад̇о зд̇з ко багаасид̇аад̇и. ат̇а ваа яз д̇з маяаа буг̇г̇алавасзна вуд̇д̇аа, д̇з д̇хаммавасзнааби зд̇з ко багаасид̇аа. ат̇а ваа зд̇з ко васалаа вуд̇д̇аа ариязхи гаммавасзна, на ж̇аад̇ивасзна, маяаа яз д̇з багаасид̇аа ‘‘год̇хано убанаахий’’д̇иаад̣̇инаа наязна.
Etekho vasalāti. Idāni ye te paṭhamagāthāya āsayavipattivasena kodhanādayo pañca, pāpamakkhiṃ vā dvidhā katvā cha, dutiyagāthāya payogavipattivasena pāṇahiṃsako eko, tatiyāya payogavipattivaseneva gāmanigamaniggāhako eko, catutthāya theyyāvahāravasena eko, pañcamāya iṇavañcanavasena eko, chaṭṭhāya pasayhāvahāravasena panthadūsako eko, sattamāya kūṭasakkhivasena eko, aṭṭhamāya mittadubbhivasena eko, navamāya akataññuvasena eko, dasamāya katanāsanavihesanavasena eko, ekādasamāya hadayavañcanavasena eko, dvādasamāya paṭicchannakammantavasena dve, terasamāya akataññuvasena eko, cuddasamāya vañcanavasena eko, pannarasamāya vihesanavasena eko, soḷasamāya vañcanavasena eko, sattarasamāya attukkaṃsanaparavambhanavasena dve, aṭṭhārasamāya payogāsayavipattivasena rosakādayo satta, ekūnavīsatimāya paribhāsanavasena dve, vīsatimāya aggamahācoravasena ekoti evaṃ tettiṃsa catuttiṃsa vā vasalā vuttā. Te niddisanto āha ‘‘ete kho vasalā vuttā, mayā ye te pakāsitā’’ti. Tassattho – ye te mayā pubbe ‘‘jānāsi pana tvaṃ, brāhmaṇa, vasala’’nti evaṃ saṅkhepato vasalā vuttā, te vitthārato ete kho pakāsitāti. Atha vā ye te mayā puggalavasena vuttā, te dhammavasenāpi ete kho pakāsitā. Atha vā ete kho vasalā vuttā ariyehi kammavasena, na jātivasena, mayā ye te pakāsitā ‘‘kodhano upanāhī’’tiādinā nayena.
136. звам̣ бхаг̇аваа васалам̣ д̣̇ассзд̇ваа ид̣̇аани яасмаа б̣раахман̣о сагааяа д̣̇идтияаа ад̇ийва абхинивидто ход̇и, д̇асмаа д̇ам̣ д̣̇идтим̣ бадисзд̇хзнд̇о ааха ‘‘на ж̇ажжаа васало ход̇ий’’д̇и. д̇ассад̇т̇о – барамад̇т̇ад̇о хи на ж̇ажжаа васало ход̇и, на ж̇ажжаа ход̇и б̣раахман̣о, абижа ко гаммунаа васало ход̇и, гаммунаа ход̇и б̣раахман̣о, абарисуд̣̇д̇хагаммавассанад̇о васало ход̇и, барисуд̣̇д̇хзна гаммунаа абарисуд̣̇д̇хавааханад̇о б̣раахман̣о ход̇и. яасмаа ваа д̇умхз хийнам̣ васалам̣ уггадтам̣ б̣раахман̣ам̣ ман̃н̃ид̇т̇а, д̇асмаа хийнзна гаммунаа васало ход̇и, уггадтзна гаммунаа б̣раахман̣о ход̇ийд̇и звамби ад̇т̇ам̣ н̃аабзнд̇о звамааха.
136. Evaṃ bhagavā vasalaṃ dassetvā idāni yasmā brāhmaṇo sakāya diṭṭhiyā atīva abhiniviṭṭho hoti, tasmā taṃ diṭṭhiṃ paṭisedhento āha ‘‘na jaccā vasalo hotī’’ti. Tassattho – paramatthato hi na jaccā vasalo hoti, na jaccā hoti brāhmaṇo, apica kho kammunā vasalo hoti, kammunā hoti brāhmaṇo, aparisuddhakammavassanato vasalo hoti, parisuddhena kammunā aparisuddhavāhanato brāhmaṇo hoti. Yasmā vā tumhe hīnaṃ vasalaṃ ukkaṭṭhaṃ brāhmaṇaṃ maññittha, tasmā hīnena kammunā vasalo hoti, ukkaṭṭhena kammunā brāhmaṇo hotīti evampi atthaṃ ñāpento evamāha.
137-139. ид̣̇аани д̇амзвад̇т̇ам̣ нид̣̇ассанзна саад̇хзд̇ум̣ ‘‘д̇ад̣̇аминааби ж̇аанаат̇аа’’д̇иаад̣̇игаа д̇иссо г̇аат̇ааяо ааха. д̇аасу д̣̇вз жад̇уббаад̣̇аа, згаа чаббаад̣̇аа, д̇аасам̣ ад̇т̇о – яам̣ маяаа вуд̇д̇ам̣ ‘‘на ж̇ажжаа васало ход̇ий’’д̇иаад̣̇и, д̇ад̣̇аминааби ж̇аанаат̇а, яат̇аа мзд̣̇ам̣ нид̣̇ассанам̣, д̇ам̣ иминааби багаарзна ж̇аанаат̇а, язна мз багаарзна язна сааман̃н̃зна ид̣̇ам̣ нид̣̇ассананд̇и вуд̇д̇ам̣ ход̇и. гад̇амам̣ нид̣̇ассананд̇и жз? жан̣д̣аалабуд̇д̇о собааго…бз… б̣рахмалогуубабад̇д̇ияаад̇и.
137-139. Idāni tamevatthaṃ nidassanena sādhetuṃ ‘‘tadamināpi jānāthā’’tiādikā tisso gāthāyo āha. Tāsu dve catuppādā, ekā chappādā, tāsaṃ attho – yaṃ mayā vuttaṃ ‘‘na jaccā vasalo hotī’’tiādi, tadamināpi jānātha, yathā medaṃ nidassanaṃ, taṃ imināpi pakārena jānātha, yena me pakārena yena sāmaññena idaṃ nidassananti vuttaṃ hoti. Katamaṃ nidassananti ce? Caṇḍālaputto sopāko…pe… brahmalokūpapattiyāti.
жан̣д̣ааласса буд̇д̇о жан̣д̣аалабуд̇д̇о. ад̇д̇ано каад̣̇анад̇т̇ааяа мад̇з сунакз лабхид̇ваа бажад̇ийд̇и собааго. маад̇ан̇г̇од̇и звам̣наамо виссуд̇од̇и звам̣ хийнааяа ж̇аад̇ияаа жа ж̇ийвигааяа жа наамзна жа баагадо.
Caṇḍālassa putto caṇḍālaputto. Attano khādanatthāya mate sunakhe labhitvā pacatīti sopāko. Mātaṅgoti evaṃnāmo vissutoti evaṃ hīnāya jātiyā ca jīvikāya ca nāmena ca pākaṭo.
сод̇и буримабад̣̇зна самб̣анд̇хид̇ваа со маад̇ан̇г̇о яасам̣ барамам̣ бад̇д̇о, аб̣бхуд̇ам̣ уд̇д̇амам̣ ад̇ивисидтам̣ яасам̣ гид̇д̇им̣ басам̣сам̣ бад̇д̇о. яам̣ суд̣̇уллабханд̇и яам̣ ул̣аарагулуубабаннзнааби д̣̇уллабхам̣, хийнагулуубабаннзна суд̣̇уллабхам̣. звам̣ яасаббад̇д̇асса жа ааг̇ажчум̣ д̇ассубадтаанам̣, кад̇д̇ияаа б̣раахман̣аа б̣ахуу, д̇асса маад̇ан̇г̇асса баарижарияад̇т̇ам̣ кад̇д̇ияаа жа б̣раахман̣аа жа ан̃н̃з жа б̣ахуу взссасуд̣̇д̣̇аад̣̇аяо ж̇амб̣уд̣̇ийбамануссаа язбхуяязна убадтаанам̣ ааг̇амим̣сууд̇и ад̇т̇о.
Soti purimapadena sambandhitvā so mātaṅgo yasaṃ paramaṃ patto, abbhutaṃ uttamaṃ ativisiṭṭhaṃ yasaṃ kittiṃ pasaṃsaṃ patto. Yaṃ sudullabhanti yaṃ uḷārakulūpapannenāpi dullabhaṃ, hīnakulūpapannena sudullabhaṃ. Evaṃ yasappattassa ca āgacchuṃ tassupaṭṭhānaṃ, khattiyā brāhmaṇā bahū, tassa mātaṅgassa pāricariyatthaṃ khattiyā ca brāhmaṇā ca aññe ca bahū vessasuddādayo jambudīpamanussā yebhuyyena upaṭṭhānaṃ āgamiṃsūti attho.
звам̣ убадтаанасамбанно со маад̇ан̇г̇о виг̇ад̇агилзсараж̇ад̇д̇аа вираж̇ам̣, маханд̇зхи б̣уд̣̇д̇хаад̣̇ийхи бадибаннад̇д̇аа махаабат̇ам̣, б̣рахмалогасан̇каад̇ам̣ д̣̇звалогам̣ яаабзд̇ум̣ самад̇т̇ад̇д̇аа д̣̇звалогаяаанасан̃н̃ид̇ам̣ адтасамаабад̇д̇ияаанам̣ абхируяха, д̇ааяа бадибад̇д̇ияаа гаамарааг̇ам̣ вирааж̇зд̇ваа, гааяасса бхзд̣̇аа б̣рахмалогуубаг̇о аху, саа д̇ат̇аа хийнааби на нам̣ ж̇аад̇и ниваарзси б̣рахмалогуубабад̇д̇ияаа, б̣рахмалогуубабад̇д̇ид̇од̇и вуд̇д̇ам̣ ход̇и.
Evaṃ upaṭṭhānasampanno so mātaṅgo vigatakilesarajattā virajaṃ, mahantehi buddhādīhi paṭipannattā mahāpathaṃ, brahmalokasaṅkhātaṃ devalokaṃ yāpetuṃ samatthattā devalokayānasaññitaṃ aṭṭhasamāpattiyānaṃ abhiruyha, tāya paṭipattiyā kāmarāgaṃ virājetvā, kāyassa bhedā brahmalokūpago ahu, sā tathā hīnāpi na naṃ jāti nivāresi brahmalokūpapattiyā, brahmalokūpapattitoti vuttaṃ hoti.
аяам̣ банад̇т̇о звам̣ взд̣̇ид̇аб̣б̣о – ад̇ийд̇з гира махаабурисо д̇зна д̇знубааязна сад̇д̇ахид̇ам̣ гаронд̇о собаагаж̇ийвигз жан̣д̣аалагулз уббаж̇ж̇и. со наамзна маад̇ан̇г̇о , руубзна д̣̇уд̣̇д̣̇асиго худ̇ваа б̣ахинаг̇арз жаммагудигааяа васад̇и, анд̇онаг̇арз бхигкам̣ жарид̇ваа ж̇ийвигам̣ габбзд̇и. ат̇згад̣̇ивасам̣ д̇асмим̣ наг̇арз сураанагкад̇д̇з гхосид̇з д̇худ̇д̇аа яат̇аасагзна бариваарзна гийл̣анд̇и. ан̃н̃ад̇арааби б̣раахман̣амахаасаалад̇хийд̇аа баннарасасол̣асавассуд̣̇д̣̇зсигаа д̣̇зваган̃н̃аа вияа руубзна д̣̇ассанийяаа баасаад̣̇игаа ‘‘ад̇д̇ано гулавам̣саануруубам̣ гийл̣иссаамий’’д̇и бахууд̇ам̣ каж̇ж̇абхож̇ж̇аад̣̇игийл̣анасамбхаарам̣ сагадзсу ааробзд̇ваа саб̣б̣асзд̇авал̣аваяуд̇д̇ам̣ яаанамааруяха махаабариваарзна уяяаанабхуумим̣ г̇ажчад̇и д̣̇идтаман̇г̇алигаад̇и наамзна. саа гира ‘‘д̣̇уссан̣тид̇ам̣ руубам̣ аваман̇г̇ала’’нд̇и д̣̇адтум̣ на ижчад̇и, д̇знассаа д̣̇идтаман̇г̇алигаад̇взва сан̇каа уд̣̇абаад̣̇и.
Ayaṃ panattho evaṃ veditabbo – atīte kira mahāpuriso tena tenupāyena sattahitaṃ karonto sopākajīvike caṇḍālakule uppajji. So nāmena mātaṅgo , rūpena duddasiko hutvā bahinagare cammakuṭikāya vasati, antonagare bhikkhaṃ caritvā jīvikaṃ kappeti. Athekadivasaṃ tasmiṃ nagare surānakkhatte ghosite dhuttā yathāsakena parivārena kīḷanti. Aññatarāpi brāhmaṇamahāsāladhītā pannarasasoḷasavassuddesikā devakaññā viya rūpena dassanīyā pāsādikā ‘‘attano kulavaṃsānurūpaṃ kīḷissāmī’’ti pahūtaṃ khajjabhojjādikīḷanasambhāraṃ sakaṭesu āropetvā sabbasetavaḷavayuttaṃ yānamāruyha mahāparivārena uyyānabhūmiṃ gacchati diṭṭhamaṅgalikāti nāmena. Sā kira ‘‘dussaṇṭhitaṃ rūpaṃ avamaṅgala’’nti daṭṭhuṃ na icchati, tenassā diṭṭhamaṅgalikātveva saṅkhā udapādi.
д̇ад̣̇аа со маад̇ан̇г̇о гаалассзва вудтааяа бадабилод̇игам̣ ниваасзд̇ваа, гам̣сад̇аал̣ам̣ хад̇т̇з б̣анд̇хид̇ваа, бхааж̇анахад̇т̇о наг̇арам̣ бависад̇и, мануссз д̣̇исваа д̣̇уурад̇о зва гам̣сад̇аал̣ам̣ аагодзнд̇о. ат̇а д̣̇идтаман̇г̇алигаа ‘‘уссарат̇а, уссарат̇аа’’д̇и бурад̇о бурад̇о хийнаж̇анам̣ абанзнд̇зхи бурисзхи нийяамаанаа наг̇арад̣̇ваарамаж̇жхз маад̇ан̇г̇ам̣ д̣̇исваа ‘‘го зсо’’д̇и ааха. ахам̣ маад̇ан̇г̇ажан̣д̣аалод̇и. саа ‘‘ийд̣̇исам̣ д̣̇исваа г̇ад̇аанам̣ гуд̇о вуд̣дхий’’д̇и яаанам̣ нивад̇д̇аабзси. мануссаа ‘‘яам̣ маяам̣ уяяаанам̣ г̇анд̇ваа каж̇ж̇абхож̇ж̇аад̣̇им̣ лабхзяяаама, д̇асса но маад̇ан̇г̇зна анд̇арааяо гад̇о’’д̇и губид̇аа ‘‘г̇ан̣хат̇а жан̣д̣аала’’нд̇и лзд̣д̣уухи бахарид̇ваа ‘‘мад̇о’’д̇и баад̣̇з г̇ахзд̇ваа згаманд̇з чад̣д̣зд̇ваа гажаварзна бадижчаад̣̇зд̇ваа аг̇амам̣су. со сад̇им̣ бадилабхид̇ваа удтааяа мануссз бужчи – ‘‘гим̣, аяяаа, д̣̇ваарам̣ наама саб̣б̣асаад̇хааран̣ам̣, уд̣̇ааху б̣раахман̣аанам̣язва гад̇а’’нд̇и? мануссаа аахам̣су – ‘‘саб̣б̣зсам̣ саад̇хааран̣а’’нд̇и. ‘‘звам̣ саб̣б̣асаад̇хааран̣ад̣̇ваарзна бависид̇ваа бхигкаахаарзна яаабзнд̇ам̣ мам̣ д̣̇идтаман̇г̇алигааяа мануссаа имам̣ анаяаб̣яасанам̣ баабзсу’’нд̇и рат̇игааяа рат̇игам̣ аахин̣д̣анд̇о мануссаанам̣ аарожзд̇ваа б̣раахман̣асса гхарад̣̇ваарз нибаж̇ж̇и – ‘‘д̣̇идтаман̇г̇алигам̣ алад̣̇д̇хаа на вудтахиссаамий’’д̇и.
Tadā so mātaṅgo kālasseva vuṭṭhāya paṭapilotikaṃ nivāsetvā, kaṃsatāḷaṃ hatthe bandhitvā, bhājanahattho nagaraṃ pavisati, manusse disvā dūrato eva kaṃsatāḷaṃ ākoṭento. Atha diṭṭhamaṅgalikā ‘‘ussaratha, ussarathā’’ti purato purato hīnajanaṃ apanentehi purisehi nīyamānā nagaradvāramajjhe mātaṅgaṃ disvā ‘‘ko eso’’ti āha. Ahaṃ mātaṅgacaṇḍāloti. Sā ‘‘īdisaṃ disvā gatānaṃ kuto vuḍḍhī’’ti yānaṃ nivattāpesi. Manussā ‘‘yaṃ mayaṃ uyyānaṃ gantvā khajjabhojjādiṃ labheyyāma, tassa no mātaṅgena antarāyo kato’’ti kupitā ‘‘gaṇhatha caṇḍāla’’nti leḍḍūhi paharitvā ‘‘mato’’ti pāde gahetvā ekamante chaḍḍetvā kacavarena paṭicchādetvā agamaṃsu. So satiṃ paṭilabhitvā uṭṭhāya manusse pucchi – ‘‘kiṃ, ayyā, dvāraṃ nāma sabbasādhāraṇaṃ, udāhu brāhmaṇānaṃyeva kata’’nti? Manussā āhaṃsu – ‘‘sabbesaṃ sādhāraṇa’’nti. ‘‘Evaṃ sabbasādhāraṇadvārena pavisitvā bhikkhāhārena yāpentaṃ maṃ diṭṭhamaṅgalikāya manussā imaṃ anayabyasanaṃ pāpesu’’nti rathikāya rathikaṃ āhiṇḍanto manussānaṃ ārocetvā brāhmaṇassa gharadvāre nipajji – ‘‘diṭṭhamaṅgalikaṃ aladdhā na vuṭṭhahissāmī’’ti.
б̣раахман̣о ‘‘гхарад̣̇ваарз маад̇ан̇г̇о нибанно’’д̇и суд̇ваа ‘‘д̇асса гааган̣игам̣ д̣̇зт̇а, д̇злзна ан̇г̇ам̣ магкзд̇ваа г̇ажчад̇уу’’д̇и ааха. со д̇ам̣ на ижчад̇и, ‘‘д̣̇идтаман̇г̇алигам̣ алад̣̇д̇хаа на вудтахиссаами’’жжзва ааха. д̇ад̇о б̣раахман̣о ‘‘д̣̇вз гааган̣игааяо д̣̇зт̇а, гааган̣игааяа буувам̣ каад̣̇ад̇у, гааган̣игааяа д̇злзна ан̇г̇ам̣ магкзд̇ваа г̇ажчад̇уу’’д̇и ааха. со д̇ам̣ на ижчад̇и, д̇ат̇зва вад̣̇ад̇и. б̣раахман̣о суд̇ваа ‘‘маасагам̣ д̣̇зт̇а, баад̣̇ам̣, убад̣дхагахаабан̣ам̣, гахаабан̣ам̣ д̣̇вз д̇ийн̣ий’’д̇и яаава сад̇ам̣ аан̣аабзси. со на ижчад̇и, д̇ат̇зва вад̣̇ад̇и. звам̣ яаажанд̇аанам̣язва суурияо ад̇т̇ан̇г̇ад̇о. ат̇а б̣раахман̣ий баасаад̣̇аа оруяха саан̣ибаагаарам̣ баригкибаабзд̇ваа д̇ам̣ убасан̇гамид̇ваа яаажи – ‘‘д̇аад̇а маад̇ан̇г̇а, д̣̇идтаман̇г̇алигааяа абараад̇хам̣ кама, сахассам̣ г̇ан̣хаахи, д̣̇вз д̇ийн̣ий’’д̇и яаава ‘‘сад̇асахассам̣ г̇ан̣хаахий’’д̇и ааха. со д̇ун̣хийбхууд̇о нибаж̇ж̇иязва.
Brāhmaṇo ‘‘gharadvāre mātaṅgo nipanno’’ti sutvā ‘‘tassa kākaṇikaṃ detha, telena aṅgaṃ makkhetvā gacchatū’’ti āha. So taṃ na icchati, ‘‘diṭṭhamaṅgalikaṃ aladdhā na vuṭṭhahissāmi’’cceva āha. Tato brāhmaṇo ‘‘dve kākaṇikāyo detha, kākaṇikāya pūvaṃ khādatu, kākaṇikāya telena aṅgaṃ makkhetvā gacchatū’’ti āha. So taṃ na icchati, tatheva vadati. Brāhmaṇo sutvā ‘‘māsakaṃ detha, pādaṃ, upaḍḍhakahāpaṇaṃ, kahāpaṇaṃ dve tīṇī’’ti yāva sataṃ āṇāpesi. So na icchati, tatheva vadati. Evaṃ yācantānaṃyeva sūriyo atthaṅgato. Atha brāhmaṇī pāsādā oruyha sāṇipākāraṃ parikkhipāpetvā taṃ upasaṅkamitvā yāci – ‘‘tāta mātaṅga, diṭṭhamaṅgalikāya aparādhaṃ khama, sahassaṃ gaṇhāhi, dve tīṇī’’ti yāva ‘‘satasahassaṃ gaṇhāhī’’ti āha. So tuṇhībhūto nipajjiyeva.
звам̣ жад̇уухабан̃жаахз вийд̇ивад̇д̇з б̣ахумби бан̣н̣аагаарам̣ д̣̇ад̇ваа д̣̇идтаман̇г̇алигам̣ алабханд̇аа кад̇д̇ияагумаараад̣̇аяо маад̇ан̇г̇асса убаган̣н̣агз аарожаабзсум̣ – ‘‘бурисаа наама анзгааниби сам̣важчараани вийрияам̣ гад̇ваа ижчид̇ад̇т̇ам̣ баабун̣анд̇и, маа ко д̇вам̣ ниб̣б̣иж̇ж̇и, ад̣̇д̇хаа д̣̇вийхад̇ийхажжаязна д̣̇идтаман̇г̇алигам̣ лажчасий’’д̇и. со д̇ун̣хийбхууд̇о нибаж̇ж̇иязва. ат̇а сад̇д̇амз д̣̇ивасз саманд̇аа бадивиссагаа удтахид̇ваа ‘‘д̇умхз маад̇ан̇г̇ам̣ ваа удтаабзт̇а, д̣̇ааригам̣ ваа д̣̇зт̇а, маа амхз саб̣б̣з наасаяид̇т̇аа’’д̇и аахам̣су. д̇зсам̣ гира аяам̣ д̣̇идти ‘‘яасса гхарад̣̇ваарз звам̣ нибанно жан̣д̣аало марад̇и, д̇асса гхарзна саха саманд̇аа сад̇д̇асад̇д̇агхараваасино жан̣д̣аалаа хонд̇ий’’д̇и. д̇ад̇о д̣̇идтаман̇г̇алигам̣ нийлабадабилод̇игам̣ ниваасаабзд̇ваа ул̣ун̇гагал̣обигаад̣̇ийни д̣̇ад̇ваа барид̣̇звамаанам̣ д̇асса санд̇игам̣ нзд̇ваа ‘‘г̇ан̣ха д̣̇ааригам̣, удтааяа г̇ажчаахий’’д̇и ад̣̇ам̣су. саа бассз тад̇ваа ‘‘удтаахий’’д̇и ааха, со ‘‘хад̇т̇зна мам̣ г̇ахзд̇ваа удтаабзхий’’д̇и ааха. саа нам̣ удтаабзси. со нисийд̣̇ид̇ваа ааха – ‘‘маяам̣ анд̇онаг̇арз васид̇ум̣ на лабхаама, зхи мам̣ б̣ахинаг̇арз жаммагудим̣ нзхий’’д̇и. саа нам̣ хад̇т̇з г̇ахзд̇ваа д̇ад̇т̇а нзси. ‘‘бидтияам̣ ааробзд̇ваа’’д̇и ж̇аад̇агабхаан̣агаа. нзд̇ваа жасса сарийрам̣ д̇злзна магкзд̇ваа, ун̣ход̣̇агзна нхаабзд̇ваа, яааг̇ум̣ бажид̇ваа ад̣̇ааси. со ‘‘б̣раахман̣аган̃н̃аа аяам̣ маа винассий’’д̇и ж̇аад̇исамбхзд̣̇ам̣ агад̇ваава ад̣дхамаасамад̇д̇ам̣ б̣алам̣ г̇ахзд̇ваа ‘‘ахам̣ ванам̣ г̇ажчаами, ‘ад̇ижирааяад̇ий’д̇и маа д̇вам̣ угган̣тий’’д̇и вад̇ваа гхарамаанусагаани жа ‘‘имам̣ маа бамаж̇ж̇ид̇т̇аа’’д̇и аан̣аабзд̇ваа гхараа нигкамма д̇аабасабаб̣б̣аж̇ж̇ам̣ баб̣б̣аж̇ид̇ваа, гасин̣абаригаммам̣ гад̇ваа, гад̇ибаахзнзва адта самаабад̇д̇ияо бан̃жа жа абхин̃н̃ааяо ниб̣б̣ад̇д̇зд̇ваа ‘‘ид̣̇аанаахам̣ д̣̇идтаман̇г̇алигааяа манаабо бхависсаамий’’д̇и аагаасзнааг̇анд̇ваа наг̇арад̣̇ваарз орохид̇ваа д̣̇идтаман̇г̇алигааяа санд̇игам̣ бзсзси.
Evaṃ catūhapañcāhe vītivatte bahumpi paṇṇākāraṃ datvā diṭṭhamaṅgalikaṃ alabhantā khattiyakumārādayo mātaṅgassa upakaṇṇake ārocāpesuṃ – ‘‘purisā nāma anekānipi saṃvaccharāni vīriyaṃ katvā icchitatthaṃ pāpuṇanti, mā kho tvaṃ nibbijji, addhā dvīhatīhaccayena diṭṭhamaṅgalikaṃ lacchasī’’ti. So tuṇhībhūto nipajjiyeva. Atha sattame divase samantā paṭivissakā uṭṭhahitvā ‘‘tumhe mātaṅgaṃ vā uṭṭhāpetha, dārikaṃ vā detha, mā amhe sabbe nāsayitthā’’ti āhaṃsu. Tesaṃ kira ayaṃ diṭṭhi ‘‘yassa gharadvāre evaṃ nipanno caṇḍālo marati, tassa gharena saha samantā sattasattagharavāsino caṇḍālā hontī’’ti. Tato diṭṭhamaṅgalikaṃ nīlapaṭapilotikaṃ nivāsāpetvā uḷuṅkakaḷopikādīni datvā paridevamānaṃ tassa santikaṃ netvā ‘‘gaṇha dārikaṃ, uṭṭhāya gacchāhī’’ti adaṃsu. Sā passe ṭhatvā ‘‘uṭṭhāhī’’ti āha, so ‘‘hatthena maṃ gahetvā uṭṭhāpehī’’ti āha. Sā naṃ uṭṭhāpesi. So nisīditvā āha – ‘‘mayaṃ antonagare vasituṃ na labhāma, ehi maṃ bahinagare cammakuṭiṃ nehī’’ti. Sā naṃ hatthe gahetvā tattha nesi. ‘‘Piṭṭhiyaṃ āropetvā’’ti jātakabhāṇakā. Netvā cassa sarīraṃ telena makkhetvā, uṇhodakena nhāpetvā, yāguṃ pacitvā adāsi. So ‘‘brāhmaṇakaññā ayaṃ mā vinassī’’ti jātisambhedaṃ akatvāva aḍḍhamāsamattaṃ balaṃ gahetvā ‘‘ahaṃ vanaṃ gacchāmi, ‘aticirāyatī’ti mā tvaṃ ukkaṇṭhī’’ti vatvā gharamānusakāni ca ‘‘imaṃ mā pamajjitthā’’ti āṇāpetvā gharā nikkhamma tāpasapabbajjaṃ pabbajitvā, kasiṇaparikammaṃ katvā, katipāheneva aṭṭha samāpattiyo pañca ca abhiññāyo nibbattetvā ‘‘idānāhaṃ diṭṭhamaṅgalikāya manāpo bhavissāmī’’ti ākāsenāgantvā nagaradvāre orohitvā diṭṭhamaṅgalikāya santikaṃ pesesi.
саа суд̇ваа ‘‘гожи ман̃н̃з мама н̃аад̇аго баб̣б̣аж̇ид̇о мам̣ д̣̇угкид̇ам̣ н̃ад̇ваа д̣̇адтум̣ ааг̇ад̇о бхависсад̇ий’’д̇и жинд̇аяамаанаа г̇анд̇ваа, д̇ам̣ н̃ад̇ваа, баад̣̇зсу нибад̇ид̇ваа ‘‘гисса мам̣ анаат̇ам̣ д̇умхз агад̇т̇аа’’д̇и ааха. махаабурисо ‘‘маа д̇вам̣ д̣̇идтаман̇г̇алигз д̣̇угкиний ахоси, сагалаж̇амб̣уд̣̇ийбаваасийхи д̇з саггаарам̣ гаарзссаамий’’д̇и вад̇ваа зд̇ад̣̇авожа – ‘‘г̇ажча д̇вам̣ гхосанам̣ гарохи – ‘махааб̣рахмаа мама саамиго на маад̇ан̇г̇о, со жанд̣̇авимаанам̣ бхинд̣̇ид̇ваа сад̇д̇амз д̣̇ивасз мама санд̇игам̣ ааг̇амиссад̇ий’’’д̇и. саа ааха – ‘‘ахам̣, бханд̇з, б̣раахман̣амахаасаалад̇хийд̇аа худ̇ваа ад̇д̇ано баабагаммзна имам̣ жан̣д̣аалабхаавам̣ бад̇д̇аа, на саггоми звам̣ вад̇д̇у’’нд̇и. махаабурисо ‘‘на д̇вам̣ маад̇ан̇г̇асса аанубхаавам̣ ж̇аанаасий’’д̇и вад̇ваа яат̇аа саа сад̣̇д̣̇ахад̇и, д̇ат̇аа анзгаани баадихаарияаани д̣̇ассзд̇ваа д̇ат̇зва д̇ам̣ аан̣аабзд̇ваа ад̇д̇ано васад̇им̣ аг̇амааси. саа д̇ат̇аа агааси.
Sā sutvā ‘‘koci maññe mama ñātako pabbajito maṃ dukkhitaṃ ñatvā daṭṭhuṃ āgato bhavissatī’’ti cintayamānā gantvā, taṃ ñatvā, pādesu nipatitvā ‘‘kissa maṃ anāthaṃ tumhe akatthā’’ti āha. Mahāpuriso ‘‘mā tvaṃ diṭṭhamaṅgalike dukkhinī ahosi, sakalajambudīpavāsīhi te sakkāraṃ kāressāmī’’ti vatvā etadavoca – ‘‘gaccha tvaṃ ghosanaṃ karohi – ‘mahābrahmā mama sāmiko na mātaṅgo, so candavimānaṃ bhinditvā sattame divase mama santikaṃ āgamissatī’’’ti. Sā āha – ‘‘ahaṃ, bhante, brāhmaṇamahāsāladhītā hutvā attano pāpakammena imaṃ caṇḍālabhāvaṃ pattā, na sakkomi evaṃ vattu’’nti. Mahāpuriso ‘‘na tvaṃ mātaṅgassa ānubhāvaṃ jānāsī’’ti vatvā yathā sā saddahati, tathā anekāni pāṭihāriyāni dassetvā tatheva taṃ āṇāpetvā attano vasatiṃ agamāsi. Sā tathā akāsi.
мануссаа уж̇жхааяанд̇и хасанд̇и – ‘‘гат̇ан̃хи наамааяам̣ ад̇д̇ано баабагаммзна жан̣д̣аалабхаавам̣ бад̇ваа буна д̇ам̣ махааб̣рахмаанам̣ гариссад̇ий’’д̇и. саа ад̇химаанаа зва худ̇ваа д̣̇ивасз д̣̇ивасз гхосанд̇ий наг̇арам̣ аахин̣д̣ад̇и ‘‘ид̇о чадтз д̣̇ивасз, бан̃жамз, жад̇уд̇т̇з, д̇ад̇ияз, сувз, аж̇ж̇а ааг̇амиссад̇ий’’д̇и. мануссаа д̇ассаа виссад̇т̇аваажам̣ суд̇ваа ‘‘гад̣̇аажи звамби сияаа’’д̇и ад̇д̇ано ад̇д̇ано гхарад̣̇ваарзсу ман̣д̣абам̣ гаараабзд̇ваа, саан̣ибаагаарам̣ саж̇ж̇зд̇ваа, ваяаббад̇д̇аа д̣̇ааригааяо алан̇гарид̇ваа ‘‘махааб̣рахмани ааг̇ад̇з ган̃н̃аад̣̇аанам̣ д̣̇ассаамаа’’д̇и аагаасам̣ уллогзнд̇аа нисийд̣̇им̣су. ат̇а махаабурисо бун̣н̣амад̣̇ивасз г̇аг̇анад̇алам̣ убааруул̣хз жанд̣̇з жанд̣̇авимаанам̣ паалзд̇ваа бассад̇о махааж̇анасса махааб̣рахмаруубзна ниг̇г̇ажчи. махааж̇ано ‘‘д̣̇вз жанд̣̇аа ж̇аад̇аа’’д̇и ад̇иман̃н̃и. д̇ад̇о ануггамзна ааг̇ад̇ам̣ д̣̇исваа ‘‘сажжам̣ д̣̇идтаман̇г̇алигаа ааха, махааб̣рахмаава аяам̣ д̣̇идтаман̇г̇алигам̣ д̣̇амзд̇ум̣ буб̣б̣з маад̇ан̇г̇авзсзнааг̇ажчий’’д̇и нидтам̣ аг̇амааси. звам̣ со махааж̇анзна д̣̇иссамаано д̣̇идтаман̇г̇алигааяа васанадтаанз зва од̇ари. саа жа д̇ад̣̇аа уд̇уний ахоси. со д̇ассаа наабхим̣ ан̇г̇удтагзна бараамаси. д̇зна пассзна г̇аб̣бхо бад̇идтааси. д̇ад̇о нам̣ ‘‘г̇аб̣бхо д̇з сан̣тид̇о , буд̇д̇амхи ж̇аад̇з д̇ам̣ ниссааяа ж̇ийваахий’’д̇и вад̇ваа бассад̇о махааж̇анасса буна жанд̣̇авимаанам̣ баависи.
Manussā ujjhāyanti hasanti – ‘‘kathañhi nāmāyaṃ attano pāpakammena caṇḍālabhāvaṃ patvā puna taṃ mahābrahmānaṃ karissatī’’ti. Sā adhimānā eva hutvā divase divase ghosantī nagaraṃ āhiṇḍati ‘‘ito chaṭṭhe divase, pañcame, catutthe, tatiye, suve, ajja āgamissatī’’ti. Manussā tassā vissatthavācaṃ sutvā ‘‘kadāci evampi siyā’’ti attano attano gharadvāresu maṇḍapaṃ kārāpetvā, sāṇipākāraṃ sajjetvā, vayappattā dārikāyo alaṅkaritvā ‘‘mahābrahmani āgate kaññādānaṃ dassāmā’’ti ākāsaṃ ullokentā nisīdiṃsu. Atha mahāpuriso puṇṇamadivase gaganatalaṃ upārūḷhe cande candavimānaṃ phāletvā passato mahājanassa mahābrahmarūpena niggacchi. Mahājano ‘‘dve candā jātā’’ti atimaññi. Tato anukkamena āgataṃ disvā ‘‘saccaṃ diṭṭhamaṅgalikā āha, mahābrahmāva ayaṃ diṭṭhamaṅgalikaṃ dametuṃ pubbe mātaṅgavesenāgacchī’’ti niṭṭhaṃ agamāsi. Evaṃ so mahājanena dissamāno diṭṭhamaṅgalikāya vasanaṭṭhāne eva otari. Sā ca tadā utunī ahosi. So tassā nābhiṃ aṅguṭṭhakena parāmasi. Tena phassena gabbho patiṭṭhāsi. Tato naṃ ‘‘gabbho te saṇṭhito , puttamhi jāte taṃ nissāya jīvāhī’’ti vatvā passato mahājanassa puna candavimānaṃ pāvisi.
б̣раахман̣аа ‘‘д̣̇идтаман̇г̇алигаа махааб̣рахмуно баж̇аабад̇и амхаагам̣ маад̇аа ж̇аад̇аа’’д̇и вад̇ваа д̇ад̇о д̇ад̇о ааг̇ажчанд̇и. д̇ам̣ саггаарам̣ гаад̇угаамаанам̣ мануссаанам̣ самбийл̣анзна наг̇арад̣̇ваараани аногаасаани ахзсум̣. д̇з д̣̇идтаман̇г̇алигам̣ хиран̃н̃араасимхи табзд̇ваа, нхаабзд̇ваа, ман̣д̣зд̇ваа, рат̇ам̣ ааробзд̇ваа, махаасаггаарзна наг̇арам̣ бад̣̇агкин̣ам̣ гаараабзд̇ваа, наг̇арамаж̇жхз ман̣д̣абам̣ гаараабзд̇ваа, д̇ад̇ра нам̣ ‘‘махааб̣рахмуно баж̇аабад̇ий’’д̇и д̣̇идтадтаанз табзд̇ваа васаабзнд̇и ‘‘яаавассаа бад̇ируубам̣ васаногаасам̣ гарома, д̇аава ид̇хзва васад̇уу’’д̇и. саа ман̣д̣абз зва буд̇д̇ам̣ виж̇ааяи. д̇ам̣ висуд̣̇д̇хад̣̇ивасз сад̣̇д̇хим̣ буд̇д̇зна сасийсам̣ нхаабзд̇ваа ман̣д̣абз ж̇аад̇од̇и д̣̇аарагасса ‘‘ман̣д̣аб̣яагумааро’’д̇и наамам̣ агам̣су. д̇ад̇о бабхуд̇и жа нам̣ б̣раахман̣аа ‘‘махааб̣рахмуно буд̇д̇о’’д̇и бариваарзд̇ваа жаранд̇и. д̇ад̇о анзгасад̇асахассаббагаараа бан̣н̣аагаараа ааг̇ажчанд̇и, д̇з б̣раахман̣аа гумаарассаарагкам̣ табзсум̣, ааг̇ад̇аа лахум̣ гумаарам̣ д̣̇адтум̣ на лабханд̇и.
Brāhmaṇā ‘‘diṭṭhamaṅgalikā mahābrahmuno pajāpati amhākaṃ mātā jātā’’ti vatvā tato tato āgacchanti. Taṃ sakkāraṃ kātukāmānaṃ manussānaṃ sampīḷanena nagaradvārāni anokāsāni ahesuṃ. Te diṭṭhamaṅgalikaṃ hiraññarāsimhi ṭhapetvā, nhāpetvā, maṇḍetvā, rathaṃ āropetvā, mahāsakkārena nagaraṃ padakkhiṇaṃ kārāpetvā, nagaramajjhe maṇḍapaṃ kārāpetvā, tatra naṃ ‘‘mahābrahmuno pajāpatī’’ti diṭṭhaṭṭhāne ṭhapetvā vasāpenti ‘‘yāvassā patirūpaṃ vasanokāsaṃ karoma, tāva idheva vasatū’’ti. Sā maṇḍape eva puttaṃ vijāyi. Taṃ visuddhadivase saddhiṃ puttena sasīsaṃ nhāpetvā maṇḍape jātoti dārakassa ‘‘maṇḍabyakumāro’’ti nāmaṃ akaṃsu. Tato pabhuti ca naṃ brāhmaṇā ‘‘mahābrahmuno putto’’ti parivāretvā caranti. Tato anekasatasahassappakārā paṇṇākārā āgacchanti, te brāhmaṇā kumārassārakkhaṃ ṭhapesuṃ, āgatā lahuṃ kumāraṃ daṭṭhuṃ na labhanti.
гумааро анубуб̣б̣зна вуд̣дхиманвааяа д̣̇аанам̣ д̣̇аад̇ум̣ аарад̣̇д̇хо. со саалааяа самбад̇д̇аанам̣ габан̣ад̣̇д̇хигаанам̣ ад̣̇ад̇ваа б̣раахман̣аанам̣язва д̣̇зд̇и. махаабурисо ‘‘гим̣ мама буд̇д̇о д̣̇аанам̣ д̣̇зд̇ий’’д̇и ааваж̇ж̇зд̇ваа б̣раахман̣аанам̣язва д̣̇аанам̣ д̣̇знд̇ам̣ д̣̇исваа ‘‘яат̇аа саб̣б̣зсам̣ д̣̇ассад̇и, д̇ат̇аа гариссаамий’’д̇и жийварам̣ баарубид̇ваа бад̇д̇ам̣ г̇ахзд̇ваа аагаасзна ааг̇амма буд̇д̇асса гхарад̣̇ваарз адтааси. гумааро д̇ам̣ д̣̇исваа ‘‘гуд̇о аяам̣ звам̣ вируубавзсо васало ааг̇ад̇о’’д̇и гуд̣̇д̇хо имам̣ г̇аат̇амааха –
Kumāro anupubbena vuḍḍhimanvāya dānaṃ dātuṃ āraddho. So sālāya sampattānaṃ kapaṇaddhikānaṃ adatvā brāhmaṇānaṃyeva deti. Mahāpuriso ‘‘kiṃ mama putto dānaṃ detī’’ti āvajjetvā brāhmaṇānaṃyeva dānaṃ dentaṃ disvā ‘‘yathā sabbesaṃ dassati, tathā karissāmī’’ti cīvaraṃ pārupitvā pattaṃ gahetvā ākāsena āgamma puttassa gharadvāre aṭṭhāsi. Kumāro taṃ disvā ‘‘kuto ayaṃ evaṃ virūpaveso vasalo āgato’’ti kuddho imaṃ gāthamāha –
‘‘гуд̇о ну ааг̇ажчаси д̣̇уммаваасий, од̇аллаго бам̣субисаажагова;
‘‘Kuto nu āgacchasi dummavāsī, otallako paṃsupisācakova;
сан̇гааражол̣ам̣ бадимун̃жа ган̣тз, го рз д̇увам̣ хоси ад̣̇агкин̣зяяо’’д̇и.
Saṅkāracoḷaṃ paṭimuñca kaṇṭhe, ko re tuvaṃ hosi adakkhiṇeyyo’’ti.
б̣раахман̣аа ‘‘г̇ан̣хат̇а г̇ан̣хат̇аа’’д̇и д̇ам̣ г̇ахзд̇ваа аагодзд̇ваа анаяаб̣яасанам̣ баабзсум̣. со аагаасзна г̇анд̇ваа б̣ахинаг̇арз бажжадтааси . д̣̇звад̇аа губид̇аа гумаарам̣ г̇алз г̇ахзд̇ваа уд̣̇д̇хам̣баад̣̇ам̣ ад̇хосирам̣ табзсум̣. со агкийхи ниг̇г̇ад̇зхи мукзна кзл̣ам̣ баг̇гхаранд̇зна гхаругхарубассаасий д̣̇угкам̣ взд̣̇аяад̇и. д̣̇идтаман̇г̇алигаа суд̇ваа ‘‘гожи ааг̇ад̇о ад̇т̇ий’’д̇и бужчи. ‘‘аама, баб̣б̣аж̇ид̇о ааг̇ажчий’’д̇и. ‘‘гухим̣ г̇ад̇о’’д̇и? ‘‘звам̣ г̇ад̇о’’д̇и. саа д̇ад̇т̇а г̇анд̇ваа ‘‘камат̇а, бханд̇з, ад̇д̇ано д̣̇аасассаа’’д̇и яаажанд̇ий д̇асса баад̣̇амуулз бхуумияаа нибаж̇ж̇и. д̇зна жа самаязна махаабурисо бин̣д̣ааяа жарид̇ваа, яааг̇ум̣ лабхид̇ваа, д̇ам̣ биванд̇о д̇ад̇т̇а нисинно ход̇и, со авасидтам̣ т̇огам̣ яааг̇ум̣ д̣̇идтаман̇г̇алигааяа ад̣̇ааси. ‘‘г̇ажча имам̣ яааг̇ум̣ уд̣̇агагумбхияаа аалолзд̇ваа язсам̣ бхууд̇авигааро ад̇т̇и, д̇зсам̣ агкимукаган̣н̣анаасааб̣илзсу аасин̃жа, сарийран̃жа барибпосзхи, звам̣ ниб̣б̣игаараа бхависсанд̇ий’’д̇и. саа д̇ат̇аа агааси. д̇ад̇о гумаарз багад̇исарийрз ж̇аад̇з ‘‘зхи, д̇аад̇а ман̣д̣аб̣яа, д̇ам̣ камаабзссаамаа’’д̇и буд̇д̇ан̃жа саб̣б̣з б̣раахман̣з жа д̇асса баад̣̇амуулз ниггуж̇ж̇ид̇ваа нибаж̇ж̇аабзд̇ваа камаабзси.
Brāhmaṇā ‘‘gaṇhatha gaṇhathā’’ti taṃ gahetvā ākoṭetvā anayabyasanaṃ pāpesuṃ. So ākāsena gantvā bahinagare paccaṭṭhāsi . Devatā kupitā kumāraṃ gale gahetvā uddhaṃpādaṃ adhosiraṃ ṭhapesuṃ. So akkhīhi niggatehi mukhena kheḷaṃ paggharantena gharugharupassāsī dukkhaṃ vedayati. Diṭṭhamaṅgalikā sutvā ‘‘koci āgato atthī’’ti pucchi. ‘‘Āma, pabbajito āgacchī’’ti. ‘‘Kuhiṃ gato’’ti? ‘‘Evaṃ gato’’ti. Sā tattha gantvā ‘‘khamatha, bhante, attano dāsassā’’ti yācantī tassa pādamūle bhūmiyā nipajji. Tena ca samayena mahāpuriso piṇḍāya caritvā, yāguṃ labhitvā, taṃ pivanto tattha nisinno hoti, so avasiṭṭhaṃ thokaṃ yāguṃ diṭṭhamaṅgalikāya adāsi. ‘‘Gaccha imaṃ yāguṃ udakakumbhiyā āloletvā yesaṃ bhūtavikāro atthi, tesaṃ akkhimukhakaṇṇanāsābilesu āsiñca, sarīrañca paripphosehi, evaṃ nibbikārā bhavissantī’’ti. Sā tathā akāsi. Tato kumāre pakatisarīre jāte ‘‘ehi, tāta maṇḍabya, taṃ khamāpessāmā’’ti puttañca sabbe brāhmaṇe ca tassa pādamūle nikkujjitvā nipajjāpetvā khamāpesi.
со ‘‘саб̣б̣аж̇анасса д̣̇аанам̣ д̣̇аад̇аб̣б̣а’’нд̇и овад̣̇ид̇ваа, д̇хаммагат̇ам̣ гад̇ваа, ад̇д̇ано васанадтаанам̣язва г̇анд̇ваа, жинд̇зси ‘‘ид̇т̇ийсу баагадаа д̣̇идтаман̇г̇алигаа д̣̇амид̇аа, бурисзсу баагадо ман̣д̣аб̣яагумааро, ид̣̇аани го д̣̇амзд̇аб̣б̣о’’д̇и. д̇ад̇о ж̇аад̇иманд̇ад̇аабасам̣ ад̣̇д̣̇аса б̣анд̇хумад̇ийнаг̇арам̣ ниссааяа гумбхавад̇ийнад̣̇ийд̇ийрз вихаранд̇ам̣. со ‘‘ахам̣ ж̇аад̇ияаа висидто, ан̃н̃зхи барибхуд̇д̇од̣̇агам̣ на барибхун̃ж̇аамий’’д̇и убаринад̣̇ияаа васад̇и. махаабурисо д̇асса убарибхааг̇з ваасам̣ габбзд̇ваа д̇асса уд̣̇агабарибхог̇авзлааяам̣ д̣̇анд̇агадтам̣ каад̣̇ид̇ваа уд̣̇агз багкиби. д̇аабасо д̇ам̣ уд̣̇агзна вуяхамаанам̣ д̣̇исваа ‘‘гзнид̣̇ам̣ кид̇д̇а’’нд̇и бадисод̇ам̣ г̇анд̇ваа махаабурисам̣ д̣̇исваа ‘‘го зд̇т̇аа’’д̇и ааха. ‘‘маад̇ан̇г̇ажан̣д̣аало, аажарияаа’’д̇и. ‘‘абзхи, жан̣д̣аала, маа убаринад̣̇ияаа васий’’д̇и. махаабурисо ‘‘саад̇ху, аажарияаа’’д̇и хздтаанад̣̇ияаа васад̇и, бадисод̇амби д̣̇анд̇агадтам̣ д̇аабасасса санд̇игам̣ ааг̇ажчад̇и. д̇аабасо буна г̇анд̇ваа ‘‘абзхи, жан̣д̣аала, маа хздтаанад̣̇ияам̣ васа, убаринад̣̇ияааязва васаа’’д̇и ааха. махаабурисо ‘‘саад̇ху, аажарияаа’’д̇и д̇ат̇аа агааси, бунаби д̇ат̇зва ахоси. д̇аабасо бунаби ‘‘д̇ат̇аа гарод̇ий’’д̇и д̣̇удто махаабурисам̣ саби ‘‘суурияасса д̇з уг̇г̇аманавзлааяа сад̇д̇ад̇хаа муд̣̇д̇хаа палад̇уу’’д̇и. махаабурисоби ‘‘саад̇ху, аажарияа, ахам̣ бана суурияудтаанам̣ на д̣̇змий’’д̇и вад̇ваа суурияудтаанам̣ ниваарзси . д̇ад̇о рад̇д̇и на вибхааяад̇и, анд̇хагааро ж̇аад̇о, бхийд̇аа б̣анд̇хумад̇ийваасино д̇аабасасса санд̇игам̣ г̇анд̇ваа ‘‘ад̇т̇и ну ко, аажарияа, амхаагам̣ сод̇т̇ибхааво’’д̇и бужчим̣су. д̇з хи д̇ам̣ ‘‘арахаа’’д̇и ман̃н̃анд̇и. со д̇зсам̣ саб̣б̣амаажигки. д̇з махаабурисам̣ убасан̇гамид̇ваа ‘‘суурияам̣, бханд̇з, мун̃жат̇аа’’д̇и яаажим̣су. махаабурисо ‘‘яад̣̇и д̇умхаагам̣ арахаа ааг̇анд̇ваа мам̣ камаабзд̇и, мун̃жаамий’’д̇и ааха.
So ‘‘sabbajanassa dānaṃ dātabba’’nti ovaditvā, dhammakathaṃ katvā, attano vasanaṭṭhānaṃyeva gantvā, cintesi ‘‘itthīsu pākaṭā diṭṭhamaṅgalikā damitā, purisesu pākaṭo maṇḍabyakumāro, idāni ko dametabbo’’ti. Tato jātimantatāpasaṃ addasa bandhumatīnagaraṃ nissāya kumbhavatīnadītīre viharantaṃ. So ‘‘ahaṃ jātiyā visiṭṭho, aññehi paribhuttodakaṃ na paribhuñjāmī’’ti uparinadiyā vasati. Mahāpuriso tassa uparibhāge vāsaṃ kappetvā tassa udakaparibhogavelāyaṃ dantakaṭṭhaṃ khāditvā udake pakkhipi. Tāpaso taṃ udakena vuyhamānaṃ disvā ‘‘kenidaṃ khitta’’nti paṭisotaṃ gantvā mahāpurisaṃ disvā ‘‘ko etthā’’ti āha. ‘‘Mātaṅgacaṇḍālo, ācariyā’’ti. ‘‘Apehi, caṇḍāla, mā uparinadiyā vasī’’ti. Mahāpuriso ‘‘sādhu, ācariyā’’ti heṭṭhānadiyā vasati, paṭisotampi dantakaṭṭhaṃ tāpasassa santikaṃ āgacchati. Tāpaso puna gantvā ‘‘apehi, caṇḍāla, mā heṭṭhānadiyaṃ vasa, uparinadiyāyeva vasā’’ti āha. Mahāpuriso ‘‘sādhu, ācariyā’’ti tathā akāsi, punapi tatheva ahosi. Tāpaso punapi ‘‘tathā karotī’’ti duṭṭho mahāpurisaṃ sapi ‘‘sūriyassa te uggamanavelāya sattadhā muddhā phalatū’’ti. Mahāpurisopi ‘‘sādhu, ācariya, ahaṃ pana sūriyuṭṭhānaṃ na demī’’ti vatvā sūriyuṭṭhānaṃ nivāresi . Tato ratti na vibhāyati, andhakāro jāto, bhītā bandhumatīvāsino tāpasassa santikaṃ gantvā ‘‘atthi nu kho, ācariya, amhākaṃ sotthibhāvo’’ti pucchiṃsu. Te hi taṃ ‘‘arahā’’ti maññanti. So tesaṃ sabbamācikkhi. Te mahāpurisaṃ upasaṅkamitvā ‘‘sūriyaṃ, bhante, muñcathā’’ti yāciṃsu. Mahāpuriso ‘‘yadi tumhākaṃ arahā āgantvā maṃ khamāpeti, muñcāmī’’ti āha.
мануссаа г̇анд̇ваа д̇аабасам̣ аахам̣су – ‘‘зхи, бханд̇з, маад̇ан̇г̇абан̣д̣ид̇ам̣ камаабзхи, маа д̇умхаагам̣ галахагааран̣аа маяам̣ нассимхаа’’д̇и. со ‘‘наахам̣ жан̣д̣аалам̣ камаабзмий’’д̇и ааха. мануссаа ‘‘амхз д̇вам̣ наасзсий’’д̇и д̇ам̣ хад̇т̇абаад̣̇зсу г̇ахзд̇ваа махаабурисасса санд̇игам̣ нзсум̣. махаабурисо ‘‘мама баад̣̇амуулз гужчияаа нибаж̇ж̇ид̇ваа камаабзнд̇з камаамий’’д̇и ааха. мануссаа ‘‘звам̣ гарохий’’д̇и аахам̣су. д̇аабасо ‘‘наахам̣ жан̣д̣аалам̣ ванд̣̇аамий’’д̇и. мануссаа ‘‘д̇ава чанд̣̇зна на ванд̣̇иссасий’’д̇и хад̇т̇абаад̣̇амассуг̇ийваад̣̇ийсу г̇ахзд̇ваа махаабурисасса баад̣̇амуулз саяаабзсум̣. со ‘‘камаамахам̣ имасса, абижаахам̣ д̇ассзваанугамбааяа суурияам̣ на мун̃жаами, суурияз хи уг̇г̇ад̇амад̇д̇з муд̣̇д̇хаа асса сад̇д̇ад̇хаа палиссад̇ий’’д̇и ааха. мануссаа ‘‘ид̣̇аани, бханд̇з, гим̣ гаад̇аб̣б̣а’’нд̇и аахам̣су. махаабурисо ‘‘д̇зна хи имам̣ г̇алаббамаан̣з уд̣̇агз табзд̇ваа мад̇д̇игаабин̣д̣знасса сийсам̣ бадижчаад̣̇зт̇а, суурияарасмийхи пудто мад̇д̇игаабин̣д̣о сад̇д̇ад̇хаа палиссад̇и. д̇асмим̣ палид̇з зса ан̃н̃ад̇ра г̇ажчад̇уу’’д̇и ааха. д̇з д̇аабасам̣ хад̇т̇абаад̣̇аад̣̇ийсу г̇ахзд̇ваа д̇ат̇аа агам̣су. суурияз мун̃жид̇амад̇д̇з мад̇д̇игаабин̣д̣о сад̇д̇ад̇хаа палид̇ваа бад̇и, д̇аабасо бхийд̇о балааяи. мануссаа д̣̇исваа ‘‘бассат̇а, бхо, саман̣асса аанубхаава’’нд̇и д̣̇анд̇агадтабагкибанамаад̣̇им̣ гад̇ваа саб̣б̣ам̣ вид̇т̇аарзд̇ваа ‘‘над̇т̇и ийд̣̇исо саман̣о’’д̇и д̇асмим̣ басийд̣̇им̣су. д̇ад̇о бабхуд̇и сагалаж̇амб̣уд̣̇ийбз кад̇д̇ияаб̣раахман̣аад̣̇аяо г̇ахадтабаб̣б̣аж̇ид̇аа маад̇ан̇г̇абан̣д̣ид̇асса убадтаанам̣ аг̇амам̣су. со яаавад̇ааяугам̣ тад̇ваа гааяасса бхзд̣̇аа б̣рахмалогз уббаж̇ж̇и. д̇знааха бхаг̇аваа ‘‘д̇ад̣̇аминааби ж̇аанаат̇а…бз… б̣рахмалогуубабад̇д̇ияаа’’д̇и.
Manussā gantvā tāpasaṃ āhaṃsu – ‘‘ehi, bhante, mātaṅgapaṇḍitaṃ khamāpehi, mā tumhākaṃ kalahakāraṇā mayaṃ nassimhā’’ti. So ‘‘nāhaṃ caṇḍālaṃ khamāpemī’’ti āha. Manussā ‘‘amhe tvaṃ nāsesī’’ti taṃ hatthapādesu gahetvā mahāpurisassa santikaṃ nesuṃ. Mahāpuriso ‘‘mama pādamūle kucchiyā nipajjitvā khamāpente khamāmī’’ti āha. Manussā ‘‘evaṃ karohī’’ti āhaṃsu. Tāpaso ‘‘nāhaṃ caṇḍālaṃ vandāmī’’ti. Manussā ‘‘tava chandena na vandissasī’’ti hatthapādamassugīvādīsu gahetvā mahāpurisassa pādamūle sayāpesuṃ. So ‘‘khamāmahaṃ imassa, apicāhaṃ tassevānukampāya sūriyaṃ na muñcāmi, sūriye hi uggatamatte muddhā assa sattadhā phalissatī’’ti āha. Manussā ‘‘idāni, bhante, kiṃ kātabba’’nti āhaṃsu. Mahāpuriso ‘‘tena hi imaṃ galappamāṇe udake ṭhapetvā mattikāpiṇḍenassa sīsaṃ paṭicchādetha, sūriyarasmīhi phuṭṭho mattikāpiṇḍo sattadhā phalissati. Tasmiṃ phalite esa aññatra gacchatū’’ti āha. Te tāpasaṃ hatthapādādīsu gahetvā tathā akaṃsu. Sūriye muñcitamatte mattikāpiṇḍo sattadhā phalitvā pati, tāpaso bhīto palāyi. Manussā disvā ‘‘passatha, bho, samaṇassa ānubhāva’’nti dantakaṭṭhapakkhipanamādiṃ katvā sabbaṃ vitthāretvā ‘‘natthi īdiso samaṇo’’ti tasmiṃ pasīdiṃsu. Tato pabhuti sakalajambudīpe khattiyabrāhmaṇādayo gahaṭṭhapabbajitā mātaṅgapaṇḍitassa upaṭṭhānaṃ agamaṃsu. So yāvatāyukaṃ ṭhatvā kāyassa bhedā brahmaloke uppajji. Tenāha bhagavā ‘‘tadamināpi jānātha…pe… brahmalokūpapattiyā’’ti.
140-141. звам̣ ‘‘на ж̇ажжаа васало ход̇и, гаммунаа васало ход̇ий’’д̇и саад̇хзд̇ваа ид̣̇аани ‘‘на ж̇ажжаа ход̇и б̣раахман̣о, гаммунаа ход̇и б̣раахман̣о’’д̇и зд̇ам̣ саад̇хзд̇ум̣ ааха ‘‘аж̇жхааяагагулз ж̇аад̇аа …бз… д̣̇уг̇г̇ад̇яаа г̇арахааяа ваа’’д̇и. д̇ад̇т̇а аж̇жхааяагагулз ж̇аад̇аад̇и манд̇аж̇жхааяагз б̣раахман̣агулз ж̇аад̇аа. ‘‘аж̇жхааяагаагул̣з ж̇аад̇аа’’д̇иби баато. манд̇аанам̣ аж̇жхааяагз анубагудтз жа б̣раахман̣агулз ж̇аад̇аад̇и ад̇т̇о. манд̇аа б̣анд̇хаваа зд̇зсанд̇и манд̇аб̣анд̇хаваа. взд̣̇аб̣анд̇хуу взд̣̇абадиссаран̣аад̇и вуд̇д̇ам̣ ход̇и. д̇з жа баабзсу гаммзсу абхин̣хамубад̣̇иссарзд̇и д̇з звам̣ гулз ж̇аад̇аа манд̇аб̣анд̇хаваа жа самаанааби яад̣̇и баан̣аад̇ибаад̇аад̣̇ийсу баабагаммзсу бунаббунам̣ убад̣̇иссанд̇и, ат̇а д̣̇идтзва д̇хаммз г̇аараяхаа самбарааяз жа д̣̇уг̇г̇ад̇и д̇з звамубад̣̇иссамаанаа имасмим̣язва ад̇д̇абхаавз маад̇аабид̇уухиби ‘‘наяимз амхаагам̣ буд̇д̇аа, д̣̇уж̇ж̇аад̇аа зд̇з гуласса ан̇г̇аарабхууд̇аа, ниггад̣дхат̇а нз’’д̇и, б̣раахман̣зхиби ‘‘г̇ахабад̇игаа зд̇з, на зд̇з б̣раахман̣аа, маа нзсам̣ сад̣̇д̇хаяан̃н̃ат̇аалибаагаад̣̇ийсу бавзсам̣ д̣̇зт̇а, маа нзхи сад̣̇д̇хим̣ саллабат̇аа’’д̇и, ан̃н̃зхиби мануссзхи ‘‘баабагамманд̇аа зд̇з, на зд̇з б̣раахман̣аа’’д̇и звам̣ г̇аараяхаа хонд̇и. самбарааяз жа нзсам̣ д̣̇уг̇г̇ад̇и нираяаад̣̇ибхзд̣̇аа, д̣̇уг̇г̇ад̇и зд̇зсам̣ баралогз ход̇ийд̇и ад̇т̇о. самбарааяз ваад̇иби баато. баралогз зд̇зсам̣ д̣̇угкасса г̇ад̇и д̣̇уг̇г̇ад̇и, д̣̇угкаббад̇д̇иязва ход̇ийд̇и ад̇т̇о. на нз ж̇аад̇и ниваарзд̇и, д̣̇уг̇г̇ад̇яаа г̇арахааяа ваад̇и саа д̇ат̇аа уггадтааби яам̣ д̇вам̣ саарад̇о бажжзси, ж̇аад̇и зд̇з баабагаммзсу бад̣̇иссанд̇з б̣раахман̣з ‘‘самбарааяз жа д̣̇уг̇г̇ад̇ий’’д̇и зд̇т̇а вуд̇д̇аббагаарааяа д̣̇уг̇г̇ад̇ияаа ваа, ‘‘д̣̇идтзва д̇хаммз г̇аараяхаа’’д̇и зд̇т̇а вуд̇д̇аббагаарааяа г̇арахааяа ваа на ниваарзд̇и.
140-141. Evaṃ ‘‘na jaccā vasalo hoti, kammunā vasalo hotī’’ti sādhetvā idāni ‘‘na jaccā hoti brāhmaṇo, kammunā hoti brāhmaṇo’’ti etaṃ sādhetuṃ āha ‘‘ajjhāyakakule jātā …pe… duggatyā garahāyavā’’ti. Tattha ajjhāyakakule jātāti mantajjhāyake brāhmaṇakule jātā. ‘‘Ajjhāyakākuḷe jātā’’tipi pāṭho. Mantānaṃ ajjhāyake anupakuṭṭhe ca brāhmaṇakule jātāti attho. Mantā bandhavā etesanti mantabandhavā. Vedabandhū vedapaṭissaraṇāti vuttaṃ hoti. Te ca pāpesu kammesu abhiṇhamupadissareti te evaṃ kule jātā mantabandhavā ca samānāpi yadi pāṇātipātādīsu pāpakammesu punappunaṃ upadissanti, atha diṭṭheva dhamme gārayhā samparāye ca duggati te evamupadissamānā imasmiṃyeva attabhāve mātāpitūhipi ‘‘nayime amhākaṃ puttā, dujjātā ete kulassa aṅgārabhūtā, nikkaḍḍhatha ne’’ti, brāhmaṇehipi ‘‘gahapatikā ete, na ete brāhmaṇā, mā nesaṃ saddhayaññathālipākādīsu pavesaṃ detha, mā nehi saddhiṃ sallapathā’’ti, aññehipi manussehi ‘‘pāpakammantā ete, na ete brāhmaṇā’’ti evaṃ gārayhā honti. Samparāye ca nesaṃ duggati nirayādibhedā, duggati etesaṃ paraloke hotīti attho. Samparāye vātipi pāṭho. Paraloke etesaṃ dukkhassa gati duggati, dukkhappattiyeva hotīti attho. Na ne jāti nivāreti, duggatyā garahāya vāti sā tathā ukkaṭṭhāpi yaṃ tvaṃ sārato paccesi, jāti ete pāpakammesu padissante brāhmaṇe ‘‘samparāye ca duggatī’’ti ettha vuttappakārāya duggatiyā vā, ‘‘diṭṭheva dhamme gārayhā’’ti ettha vuttappakārāya garahāya vā na nivāreti.
142. звам̣ бхаг̇аваа аж̇жхааяагагулз ж̇аад̇аанамби б̣раахман̣аанам̣ г̇аараяхаад̣̇игаммавасзна д̣̇идтзва д̇хаммз бад̇ид̇абхаавам̣ д̣̇ийбзнд̇о д̣̇уг̇г̇ад̇иг̇аманзна жа самбарааяз б̣раахман̣аж̇аад̇ияаа абхаавам̣ д̣̇ийбзнд̇о ‘‘на ж̇ажжаа ход̇и б̣раахман̣о, гаммунаа ход̇и б̣раахман̣о’’д̇и зд̇амби ад̇т̇ам̣ саад̇хзд̇ваа ид̣̇аани д̣̇увид̇хамби ад̇т̇ам̣ ниг̇амзнд̇о ааха, звам̣ б̣раахман̣а –
142. Evaṃ bhagavā ajjhāyakakule jātānampi brāhmaṇānaṃ gārayhādikammavasena diṭṭheva dhamme patitabhāvaṃ dīpento duggatigamanena ca samparāye brāhmaṇajātiyā abhāvaṃ dīpento ‘‘na jaccā hoti brāhmaṇo, kammunā hoti brāhmaṇo’’ti etampi atthaṃ sādhetvā idāni duvidhampi atthaṃ nigamento āha, evaṃ brāhmaṇa –
‘‘на ж̇ажжаа васало ход̇и, на ж̇ажжаа ход̇и б̣раахман̣о;
‘‘Na jaccā vasalo hoti, na jaccā hoti brāhmaṇo;
гаммунаа васало ход̇и, гаммунаа ход̇и б̣раахман̣о’’д̇и.
Kammunā vasalo hoti, kammunā hoti brāhmaṇo’’ti.
сзсам̣ гасибхаарад̣̇вааж̇асуд̇д̇з вуд̇д̇анаяамзва. висзсад̇о ваа зд̇т̇а ниггуж̇ж̇ид̇ам̣ ваад̇иаад̣̇ийнам̣ звам̣ яож̇анаа взд̣̇ид̇аб̣б̣аа – яат̇аа гожи ниггуж̇ж̇ид̇ам̣ ваа уггуж̇ж̇зяяа, звам̣ мам̣ гаммавимукам̣ ж̇аад̇иваад̣̇з бад̇ид̇ам̣ ‘‘ж̇аад̇ияаа б̣раахман̣авасалабхааво ход̇ий’’д̇и д̣̇идтид̇о вудтаабзнд̇зна, яат̇аа бадижчаннам̣ виварзяяа, звам̣ ж̇аад̇иваад̣̇абадижчаннам̣ гаммаваад̣̇ам̣ виваранд̇зна, яат̇аа муул̣хасса маг̇г̇ам̣ аажигкзяяа, звам̣ б̣раахман̣авасалабхаавасса асамбхиннауж̇умаг̇г̇ам̣ аажигканд̇зна, яат̇аа анд̇хагаарз ваа д̇злабаж̇ж̇од̇ам̣ д̇хаарзяяа, звам̣ маад̇ан̇г̇аад̣̇инид̣̇ассанабаж̇ж̇од̇ад̇хааран̣зна маяхам̣ бход̇аа г̇од̇амзна зд̇зхи барияааязхи багаасид̇ад̇д̇аа анзгабарияааязна д̇хаммо багаасид̇од̇и.
Sesaṃ kasibhāradvājasutte vuttanayameva. Visesato vā ettha nikkujjitaṃ vātiādīnaṃ evaṃ yojanā veditabbā – yathā koci nikkujjitaṃ vā ukkujjeyya, evaṃ maṃ kammavimukhaṃ jātivāde patitaṃ ‘‘jātiyā brāhmaṇavasalabhāvo hotī’’ti diṭṭhito vuṭṭhāpentena, yathā paṭicchannaṃ vivareyya, evaṃ jātivādapaṭicchannaṃ kammavādaṃ vivarantena, yathā mūḷhassa maggaṃ ācikkheyya, evaṃ brāhmaṇavasalabhāvassa asambhinnaujumaggaṃ ācikkhantena, yathā andhakāre vā telapajjotaṃ dhāreyya, evaṃ mātaṅgādinidassanapajjotadhāraṇena mayhaṃ bhotā gotamena etehi pariyāyehi pakāsitattā anekapariyāyena dhammo pakāsitoti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа аг̇г̇игабхаарад̣̇вааж̇асуд̇д̇аван̣н̣анаа нидтид̇аа.
Suttanipāta-aṭṭhakathāya aggikabhāradvājasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 7. васаласуд̇д̇ам̣ • 7. Vasalasuttaṃ
