| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. аг̇г̇игасуд̇д̇аван̣н̣анаа
8. Aggikasuttavaṇṇanā
194. аг̇г̇ибарижаран̣авасзнаад̇и аг̇г̇ихуд̇д̇аж̇уханавасзна. саннихид̇од̇и миссийбхаавам̣ самбаабид̇о. д̇ат̇аабхууд̇о жа со саббинаа сад̣̇д̇хим̣ яож̇ид̇о наама ход̇ийд̇и ааха ‘‘сам̣яож̇ид̇о’’д̇и. абааяамаг̇г̇ам̣ оггамад̇и мижчаад̣̇идтимижчаасан̇габбаад̣̇ийнам̣ ад̇д̇ано санд̇аанз самуббаад̣̇анад̇о. д̇знааха ‘‘имам̣ лад̣̇д̇хи’’нд̇иаад̣̇и.
194.Aggiparicaraṇavasenāti aggihuttajuhanavasena. Sannihitoti missībhāvaṃ sampāpito. Tathābhūto ca so sappinā saddhiṃ yojito nāma hotīti āha ‘‘saṃyojito’’ti. Apāyamaggaṃ okkamati micchādiṭṭhimicchāsaṅkappādīnaṃ attano santāne samuppādanato. Tenāha ‘‘imaṃ laddhi’’ntiādi.
ж̇аад̇ияаад̇и сад̣̇осагирияаабараад̇хасса асамбхавзна барисуд̣̇д̇хааяа ж̇аад̇ияаа. наанаббагаарз адтаарасавиж̇ж̇аадтаанасан̃н̃ид̇з г̇ант̇з. суд̇аваад̇и суд̇ваа нидтам̣ бад̇д̇о аг̇г̇ад̣̇агкин̣зяяад̇д̇аад̇и ад̇хиббааяо.
Jātiyāti sadosakiriyāparādhassa asambhavena parisuddhāya jātiyā. Nānappakāre aṭṭhārasavijjāṭṭhānasaññite ganthe. Sutavāti sutvā niṭṭhaṃ patto aggadakkhiṇeyyattāti adhippāyo.
буб̣б̣зниваасан̃аан̣знаад̇и ид̣̇ам̣ логз саасанз жа нирул̣хад̇аавасзна вуд̇д̇ам̣. ан̃н̃з хи буб̣б̣зниваасам̣ ж̇аананд̇аа буб̣б̣зниваасан̃аан̣знзва ж̇аананд̇и, бхаг̇аваа бана саб̣б̣ан̃н̃уд̇ан̃н̃аан̣знаби ж̇аанаад̇и. д̣̇иб̣б̣зна жагкунаад̇и зд̇т̇ааби зсзва наяо. саб̣б̣асо ж̇аад̇и кийяад̇и зд̇знаад̇и ж̇аад̇игкаяо, аг̇г̇амаг̇г̇о , д̇зна бад̇д̇аб̣б̣ад̇д̇аа аабаннад̇д̇аа жа ж̇аад̇игкаяо арахад̇д̇ам̣. ж̇аанид̇ваа восид̇авосаанод̇и виж̇аанид̇аб̣б̣ам̣ жад̇усажжад̇хаммам̣ маг̇г̇ан̃аан̣зна ж̇аанид̇ваа сол̣асаннамби гижжаанам̣ восид̇авосаано.
Pubbenivāsañāṇenāti idaṃ loke sāsane ca niruḷhatāvasena vuttaṃ. Aññe hi pubbenivāsaṃ jānantā pubbenivāsañāṇeneva jānanti, bhagavā pana sabbaññutaññāṇenapi jānāti. Dibbena cakkhunāti etthāpi eseva nayo. Sabbaso jāti khīyati etenāti jātikkhayo, aggamaggo , tena pattabbattā āpannattā ca jātikkhayo arahattaṃ. Jānitvā vositavosānoti vijānitabbaṃ catusaccadhammaṃ maggañāṇena jānitvā soḷasannampi kiccānaṃ vositavosāno.
уббад̇д̇им̣ д̣̇ийбзд̇ваад̇и бааяасад̣̇аанасса ааг̇аманам̣ багаасзд̇ваа. г̇аат̇аахи абхиг̇ийд̇анд̇и д̣̇вийхи г̇аат̇аахи маяаа абхиг̇ийд̇ам̣. абхун̃ж̇ид̇аб̣б̣анд̇и бхун̃ж̇ид̇ум̣ на яуд̇д̇ам̣. ‘‘абхож̇анзяяа’’нд̇и гасмаа вуд̇д̇ам̣, нану бхаг̇авад̇о аж̇жхаасаяо ажжанд̇амзва суд̣̇д̇ход̇и? сажжамзд̇ам̣, б̣раахман̣о бана буб̣б̣з ад̣̇аад̇угаамо бажчаа г̇аат̇аа суд̇ваа д̇хаммад̣̇зсанааяа муд̣̇ухад̣̇аяо худ̇ваа д̣̇аад̇угаамо ахоси, д̇асмаа д̇ам̣ бхигкуунам̣ анааг̇ад̇з д̣̇идтаануг̇ад̇иаабаж̇ж̇анад̇т̇ам̣ бадигкиби. д̇ат̇аа хи ананд̇арасуд̇д̇з гасибхаарад̣̇вааж̇асуд̇д̇з жа звамзва бадибаж̇ж̇и. д̇знааха ‘‘д̇вам̣ б̣раахман̣аа’’д̇иаад̣̇и. гилан̃ж̇амхи…бз… багаасид̇аад̇и зд̇зна г̇аат̇ам̣ уд̣̇д̣̇зсадтаанзва табзд̇ваа бхаг̇аваа б̣раахман̣асса вид̇т̇аарзна д̇хаммам̣ д̣̇зсзсийд̇и д̣̇ассзд̇и. г̇ааяанзнаад̇и г̇ааяанагзна, г̇аанзна ваа. ад̇т̇ан̃жа д̇хамман̃жаад̇и сад̣̇звагасса логасса хид̇ан̃жзва д̇асса гааран̣ан̃жа. самбассанд̇аананд̇и саммад̣̇зва бассанд̇аанам̣. д̇хаммод̇и бавзн̣иааг̇ад̇о жаарид̇д̇ад̇хаммо на ход̇и. бхож̇анзсу уггам̣саг̇ад̇ам̣ д̣̇ассзд̇ум̣ ‘‘суд̇хаабхож̇ана’’нд̇и ааха. д̇хаммз сад̇ийд̇и арияаанам̣ аажаарад̇хаммз сад̇и д̇ам̣ ааламб̣ид̇ваа ж̇ийванд̇аанам̣ зд̇ад̣̇зва сздтанд̇и ‘‘сомам̣ бхун̃ж̇зяяа бааяаса’’нд̇и д̇ам̣ аараб̣бха гат̇ааяа уббаннад̇д̇аа.
Uppattiṃ dīpetvāti pāyasadānassa āgamanaṃ pakāsetvā. Gāthāhi abhigītanti dvīhi gāthāhi mayā abhigītaṃ. Abhuñjitabbanti bhuñjituṃ na yuttaṃ. ‘‘Abhojaneyya’’nti kasmā vuttaṃ, nanu bhagavato ajjhāsayo accantameva suddhoti? Saccametaṃ, brāhmaṇo pana pubbe adātukāmo pacchā gāthā sutvā dhammadesanāya muduhadayo hutvā dātukāmo ahosi, tasmā taṃ bhikkhūnaṃ anāgate diṭṭhānugatiāpajjanatthaṃ paṭikkhipi. Tathā hi anantarasutte kasibhāradvājasutte ca evameva paṭipajji. Tenāha ‘‘tvaṃ brāhmaṇā’’tiādi. Kilañjamhi…pe… pakāsitāti etena gāthaṃ uddesaṭṭhāneva ṭhapetvā bhagavā brāhmaṇassa vitthārena dhammaṃ desesīti dasseti. Gāyanenāti gāyanakena, gānena vā. Atthañca dhammañcāti sadevakassa lokassa hitañceva tassa kāraṇañca. Sampassantānanti sammadeva passantānaṃ. Dhammoti paveṇiāgato cārittadhammo na hoti. Bhojanesu ukkaṃsagataṃ dassetuṃ ‘‘sudhābhojana’’nti āha. Dhamme satīti ariyānaṃ ācāradhamme sati taṃ ālambitvā jīvantānaṃ etadeva seṭṭhanti ‘‘somaṃ bhuñjeyya pāyasa’’nti taṃ ārabbha kathāya uppannattā.
саллагкзд̇и аяам̣ б̣раахман̣о. сзсаа бажжаяаа нид̣̇д̣̇осаа д̇з аараб̣бха гат̇ааяа аббавад̇д̇ид̇ад̇д̇аа. гуггужжавуубасанд̇анд̇и аг̇г̇иаахид̇абад̣̇асса вияа сад̣̇д̣̇асид̣̇д̇хи взд̣̇ид̇аб̣б̣аа. аннзна баанзнаад̇и лагкан̣аважанамзд̇ам̣ яат̇аа ‘‘гаагзхи сабби рагкид̇аб̣б̣а’’нд̇и. д̇знааха ‘‘д̣̇зсанаамад̇д̇амзд̇а’’нд̇и. б̣ахусассапалад̣̇ааяагам̣ сукзд̇д̇ам̣ вияа бадияад̇д̇анд̇и саммаа гасанаб̣ийж̇анауд̣̇агаанаяанаабанаяанаад̣̇инаа сусаж̇ж̇ид̇ам̣ кзд̇д̇ам̣ вияа сийлаад̣̇иг̇ун̣ависзсасамбаад̣̇анзна бадияад̇д̇ам̣ бун̃н̃агкзд̇д̇ам̣ зд̇ам̣.
Sallakkheti ayaṃ brāhmaṇo. Sesā paccayā niddosā te ārabbha kathāya appavattitattā. Kukkuccavūpasantanti aggiāhitapadassa viya saddasiddhi veditabbā. Annena pānenāti lakkhaṇavacanametaṃ yathā ‘‘kākehi sappi rakkhitabba’’nti. Tenāha ‘‘desanāmattameta’’nti. Bahusassaphaladāyakaṃ sukhettaṃ viya paṭiyattanti sammā kasanabījanaudakānayanāpanayanādinā susajjitaṃ khettaṃ viya sīlādiguṇavisesasampādanena paṭiyattaṃ puññakkhettaṃ etaṃ.
аг̇г̇игасуд̇д̇аван̣н̣анаа нидтид̇аа.
Aggikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. аг̇г̇игасуд̇д̇ам̣ • 8. Aggikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. аг̇г̇игасуд̇д̇аван̣н̣анаа • 8. Aggikasuttavaṇṇanā
