| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8-9. аг̇г̇игканд̇хобамасуд̇д̇аад̣̇иван̣н̣анаа
8-9. Aggikkhandhopamasuttādivaṇṇanā
72-73. адтамз бассат̇а нууд̇и аби бассат̇а. маханд̇анд̇и вибулам̣. аг̇г̇игканд̇ханд̇и аг̇г̇исамуухам̣. аад̣̇ид̇д̇анд̇и бад̣̇ид̇д̇ам̣. самбаж̇ж̇алид̇анд̇и саманд̇ад̇о баж̇ж̇алид̇ам̣ ажживибпулин̇г̇аани мун̃жанд̇ам̣. саж̇од̇ибхууд̇анд̇и саманд̇ад̇о удтид̇аахи ж̇аалаахи згаббабхаасамуд̣̇аяабхууд̇ам̣. д̇ам̣ гим̣ ман̃н̃ат̇аад̇и д̇ам̣ ид̣̇аани маяаа вужжамаанад̇т̇ам̣ гим̣ ман̃н̃ат̇аад̇и анумад̇иг̇г̇ахан̣ад̇т̇ам̣ бужчад̇и. яад̣̇зд̇т̇а сад̇т̇аа аг̇г̇игканд̇хаалин̇г̇анам̣ ган̃н̃аалин̇г̇анан̃жа аанзси, д̇амад̇т̇ам̣ вибхаавзд̇ум̣ ‘‘аарожаяаамий’’д̇иаад̣̇имааха.
72-73. Aṭṭhame passatha nūti api passatha. Mahantanti vipulaṃ. Aggikkhandhanti aggisamūhaṃ. Ādittanti padittaṃ. Sampajjalitanti samantato pajjalitaṃ accivipphuliṅgāni muñcantaṃ. Sajotibhūtanti samantato uṭṭhitāhi jālāhi ekappabhāsamudayabhūtaṃ. Taṃ kiṃ maññathāti taṃ idāni mayā vuccamānatthaṃ kiṃ maññathāti anumatiggahaṇatthaṃ pucchati. Yadettha satthā aggikkhandhāliṅganaṃ kaññāliṅganañca ānesi, tamatthaṃ vibhāvetuṃ ‘‘ārocayāmī’’tiādimāha.
д̣̇уссийлассаад̇и ниссийласса сийлавирахид̇асса. баабад̇хаммассаад̇и д̣̇уссийлад̇д̇аа зва хийнаж̇жхаасаяад̇ааяа лаамагасабхаавасса. асужисан̇гассарасамаажаарассаад̇и абарисуд̣̇д̇хад̇ааяа асужи худ̇ваа сан̇гааяа сарид̇аб̣б̣асамаажаарасса. д̣̇уссийло хи гин̃жид̣̇зва асааруббам̣ д̣̇исваа ‘‘ид̣̇ам̣ асугзна гад̇ам̣ бхависсад̇ий’’д̇и барзсам̣ аасан̇гаа ход̇и. гзнажид̣̇зва гаран̣ийязна манд̇аяанд̇з бхигкуу д̣̇исваа ‘‘гажжи ну ко имз маяаа гад̇агаммам̣ ж̇аанид̇ваа манд̇знд̇ий’’д̇и ад̇д̇аноязва сан̇гааяа сарид̇аб̣б̣асамаажааро . бадижчаннагамманд̇ассаад̇и лаж̇ж̇ид̇аб̣б̣ад̇ааяа бадижчаад̣̇зд̇аб̣б̣агамманд̇асса. ассаман̣ассаад̇и на саман̣асса. салаагаг̇г̇ахан̣аад̣̇ийсу ‘‘ахамби саман̣о’’д̇и мижчаабадин̃н̃ааяа саман̣абадин̃н̃асса. асздтажаарид̇ааяа аб̣рахмажаарисса. убосат̇аад̣̇ийсу ‘‘ахамби б̣рахмажаарий’’д̇и мижчаабадин̃н̃ааяа б̣рахмажаарибадин̃н̃асса. бууд̇инаа гаммзна сийлавибад̇д̇ияаа анд̇о анубавидтад̇д̇аа анд̇обууд̇игасса. чад̣̇ваарзхи рааг̇аад̣̇игилзсаануссаванзна д̇инд̇ад̇д̇аа авассуд̇асса. сан̃ж̇аад̇арааг̇аад̣̇игажаварад̇д̇аа сийлаванд̇зхи чад̣д̣зд̇аб̣б̣ад̇д̇аа жа гасамб̣уж̇аад̇асса.
Dussīlassāti nissīlassa sīlavirahitassa. Pāpadhammassāti dussīlattā eva hīnajjhāsayatāya lāmakasabhāvassa. Asucisaṅkassarasamācārassāti aparisuddhatāya asuci hutvā saṅkāya saritabbasamācārassa. Dussīlo hi kiñcideva asāruppaṃ disvā ‘‘idaṃ asukena kataṃ bhavissatī’’ti paresaṃ āsaṅkā hoti. Kenacideva karaṇīyena mantayante bhikkhū disvā ‘‘kacci nu kho ime mayā katakammaṃ jānitvā mantentī’’ti attanoyeva saṅkāya saritabbasamācāro . Paṭicchannakammantassāti lajjitabbatāya paṭicchādetabbakammantassa. Assamaṇassāti na samaṇassa. Salākaggahaṇādīsu ‘‘ahampi samaṇo’’ti micchāpaṭiññāya samaṇapaṭiññassa. Aseṭṭhacāritāya abrahmacārissa. Uposathādīsu ‘‘ahampi brahmacārī’’ti micchāpaṭiññāya brahmacāripaṭiññassa. Pūtinā kammena sīlavipattiyā anto anupaviṭṭhattā antopūtikassa. Chadvārehi rāgādikilesānussavanena tintattā avassutassa. Sañjātarāgādikacavarattā sīlavantehi chaḍḍetabbattā ca kasambujātassa.
ваалараж̇ж̇уяаад̇и ваалзхи гад̇араж̇ж̇уяаа. саа хи карад̇араа ход̇и. гхам̣сзяяаад̇и мат̇анавасзна гхам̣сзяяа. д̇злад̇ход̇ааяаад̇и д̇злзна нисид̇ааяа. бажжорасминд̇и бад̇иурасмим̣, абхимукз урамаж̇жхзд̇и ад̇хиббааяо. аяосан̇гунаад̇и сан̣д̣аасзна. пзн̣уд̣̇д̣̇зхаганд̇и пзн̣ам̣ уд̣̇д̣̇зхзд̇ваа уд̣̇д̣̇зхзд̇ваа, анзгаваарам̣ пзн̣ам̣ удтаабзд̇ваад̇и ад̇т̇о. звамзд̇т̇а сан̇кзбад̇о баал̣иван̣н̣анаа взд̣̇ид̇аб̣б̣аа. навамам̣ уд̇д̇аанамзва.
Vālarajjuyāti vālehi katarajjuyā. Sā hi kharatarā hoti. Ghaṃseyyāti mathanavasena ghaṃseyya. Teladhotāyāti telena nisitāya. Paccorasminti patiurasmiṃ, abhimukhe uramajjheti adhippāyo. Ayosaṅkunāti saṇḍāsena. Pheṇuddehakanti pheṇaṃ uddehetvā uddehetvā, anekavāraṃ pheṇaṃ uṭṭhāpetvāti attho. Evamettha saṅkhepato pāḷivaṇṇanā veditabbā. Navamaṃ uttānameva.
аг̇г̇игканд̇хобамасуд̇д̇аад̣̇иван̣н̣анаа нидтид̇аа.
Aggikkhandhopamasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
8. аг̇г̇игканд̇хобамасуд̇д̇ам̣ • 8. Aggikkhandhopamasuttaṃ
9. сунзд̇д̇асуд̇д̇ам̣ • 9. Sunettasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. аг̇г̇игканд̇хобамасуд̇д̇аван̣н̣анаа • 8. Aggikkhandhopamasuttavaṇṇanā
