| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. аг̇г̇игканд̇хобамасуд̇д̇аван̣н̣анаа
8. Aggikkhandhopamasuttavaṇṇanā
72. адтамам̣ ад̇т̇уббад̇д̇ияам̣ гат̇ид̇ам̣. ад̇т̇уббад̇д̇и банасса хздтаа жуул̣ажчараасан̇гхаад̇асуд̇д̇аван̣н̣анааяа (а. ни. адта. 1.1.51 аад̣̇аяо) вид̇т̇аарид̇аа зва. бассат̇а нод̇и бассат̇а ну. аалин̇г̇ид̇ваад̇и убаг̇уухид̇ваа. убанисийд̣̇зяяаад̇и самийбз ниссааяа нисийд̣̇зяяа. убанибаж̇ж̇зяяаад̇и убаг̇анд̇ваа нибаж̇ж̇зяяа. аарожаяаамийд̇и аажигкаами. бадивзд̣̇аяаамийд̇и бадивзд̣̇зд̇ваа ж̇аанаабзд̇ваа гат̇зми. ваалараж̇ж̇уяаад̇и ассаваалаг̇оваалзхи ваддид̇араж̇ж̇уяаа. бажжорасминд̇и урамаж̇жхз. пзн̣уд̣̇д̣̇зхаганд̇и пзн̣ам̣ уд̣̇д̣̇зхид̇ваа, уссаад̣̇зд̇ваад̇и ад̇т̇о. ад̇д̇ад̇т̇анд̇и ад̇д̇ано д̣̇идтад̇хаммигасамбарааяигалогияалогуд̇д̇арам̣ ад̇т̇ам̣. барад̇т̇обхаяад̇т̇зсуби зсзва наяо. сзсамзд̇т̇а яам̣ вад̇д̇аб̣б̣ам̣ сияаа, д̇ам̣ саб̣б̣ам̣ жуул̣ажчараасан̇гхаад̇асуд̇д̇асса (а. ни. 1.51 аад̣̇аяо) ад̇т̇уббад̇д̇ияам̣ гат̇ид̇амзва. ид̣̇ан̃жа бана суд̇д̇ам̣ гат̇зд̇ваа сад̇т̇аа жуул̣ажчараасан̇гхаад̇асуд̇д̇ам̣ гат̇зси. навамам̣ уд̇д̇аанад̇т̇амзва.
72. Aṭṭhamaṃ atthuppattiyaṃ kathitaṃ. Atthuppatti panassa heṭṭhā cūḷaccharāsaṅghātasuttavaṇṇanāya (a. ni. aṭṭha. 1.1.51 ādayo) vitthāritā eva. Passatha noti passatha nu. Āliṅgitvāti upagūhitvā. Upanisīdeyyāti samīpe nissāya nisīdeyya. Upanipajjeyyāti upagantvā nipajjeyya. Ārocayāmīti ācikkhāmi. Paṭivedayāmīti paṭivedetvā jānāpetvā kathemi. Vālarajjuyāti assavālagovālehi vaṭṭitarajjuyā. Paccorasminti uramajjhe. Pheṇuddehakanti pheṇaṃ uddehitvā, ussādetvāti attho. Attatthanti attano diṭṭhadhammikasamparāyikalokiyalokuttaraṃ atthaṃ. Paratthobhayatthesupi eseva nayo. Sesamettha yaṃ vattabbaṃ siyā, taṃ sabbaṃ cūḷaccharāsaṅghātasuttassa (a. ni. 1.51 ādayo) atthuppattiyaṃ kathitameva. Idañca pana suttaṃ kathetvā satthā cūḷaccharāsaṅghātasuttaṃ kathesi. Navamaṃ uttānatthameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. аг̇г̇игканд̇хобамасуд̇д̇ам̣ • 8. Aggikkhandhopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. аг̇г̇игканд̇хобамасуд̇д̇аад̣̇иван̣н̣анаа • 8-9. Aggikkhandhopamasuttādivaṇṇanā
