| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. อคฺคิกฺขโนฺธปมสุตฺตวณฺณนา
8. Aggikkhandhopamasuttavaṇṇanā
๗๒. อฎฺฐมํ อตฺถุปฺปตฺติยํ กถิตํฯ อตฺถุปฺปตฺติ ปนสฺส เหฎฺฐา จูฬจฺฉราสงฺฆาตสุตฺตวณฺณนาย (อ. นิ. อฎฺฐ. ๑.๑.๕๑ อาทโย) วิตฺถาริตา เอวฯ ปสฺสถ โนติ ปสฺสถ นุฯ อาลิงฺคิตฺวาติ อุปคูหิตฺวาฯ อุปนิสีเทยฺยาติ สมีเป นิสฺสาย นิสีเทยฺยฯ อุปนิปเชฺชยฺยาติ อุปคนฺตฺวา นิปเชฺชยฺยฯ อาโรจยามีติ อาจิกฺขามิฯ ปฎิเวทยามีติ ปฎิเวเทตฺวา ชานาเปตฺวา กเถมิฯ วาลรชฺชุยาติ อสฺสวาลโควาเลหิ วฎฺฎิตรชฺชุยาฯ ปโจฺจรสฺมินฺติ อุรมเชฺฌฯ เผณุเทฺทหกนฺติ เผณํ อุเทฺทหิตฺวา, อุสฺสาเทตฺวาติ อโตฺถฯ อตฺตตฺถนฺติ อตฺตโน ทิฎฺฐธมฺมิกสมฺปรายิกโลกิยโลกุตฺตรํ อตฺถํฯ ปรโตฺถภยเตฺถสุปิ เอเสว นโยฯ เสสเมตฺถ ยํ วตฺตพฺพํ สิยา, ตํ สพฺพํ จูฬจฺฉราสงฺฆาตสุตฺตสฺส (อ. นิ. ๑.๕๑ อาทโย) อตฺถุปฺปตฺติยํ กถิตเมวฯ อิทญฺจ ปน สุตฺตํ กเถตฺวา สตฺถา จูฬจฺฉราสงฺฆาตสุตฺตํ กเถสิฯ นวมํ อุตฺตานตฺถเมวฯ
72. Aṭṭhamaṃ atthuppattiyaṃ kathitaṃ. Atthuppatti panassa heṭṭhā cūḷaccharāsaṅghātasuttavaṇṇanāya (a. ni. aṭṭha. 1.1.51 ādayo) vitthāritā eva. Passatha noti passatha nu. Āliṅgitvāti upagūhitvā. Upanisīdeyyāti samīpe nissāya nisīdeyya. Upanipajjeyyāti upagantvā nipajjeyya. Ārocayāmīti ācikkhāmi. Paṭivedayāmīti paṭivedetvā jānāpetvā kathemi. Vālarajjuyāti assavālagovālehi vaṭṭitarajjuyā. Paccorasminti uramajjhe. Pheṇuddehakanti pheṇaṃ uddehitvā, ussādetvāti attho. Attatthanti attano diṭṭhadhammikasamparāyikalokiyalokuttaraṃ atthaṃ. Paratthobhayatthesupi eseva nayo. Sesamettha yaṃ vattabbaṃ siyā, taṃ sabbaṃ cūḷaccharāsaṅghātasuttassa (a. ni. 1.51 ādayo) atthuppattiyaṃ kathitameva. Idañca pana suttaṃ kathetvā satthā cūḷaccharāsaṅghātasuttaṃ kathesi. Navamaṃ uttānatthameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. อคฺคิกฺขโนฺธปมสุตฺตํ • 8. Aggikkhandhopamasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘-๙. อคฺคิกฺขโนฺธปมสุตฺตาทิวณฺณนา • 8-9. Aggikkhandhopamasuttādivaṇṇanā
