| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៨. អគ្គិក្ខន្ធោបមសុត្តវណ្ណនា
8. Aggikkhandhopamasuttavaṇṇanā
៧២. អដ្ឋមំ អត្ថុប្បត្តិយំ កថិតំ។ អត្ថុប្បត្តិ បនស្ស ហេដ្ឋា ចូឡច្ឆរាសង្ឃាតសុត្តវណ្ណនាយ (អ. និ. អដ្ឋ. ១.១.៥១ អាទយោ) វិត្ថារិតា ឯវ។ បស្សថ នោតិ បស្សថ នុ។ អាលិង្គិត្វាតិ ឧបគូហិត្វា។ ឧបនិសីទេយ្យាតិ សមីបេ និស្សាយ និសីទេយ្យ។ ឧបនិបជ្ជេយ្យាតិ ឧបគន្ត្វា និបជ្ជេយ្យ។ អារោចយាមីតិ អាចិក្ខាមិ។ បដិវេទយាមីតិ បដិវេទេត្វា ជានាបេត្វា កថេមិ។ វាលរជ្ជុយាតិ អស្សវាលគោវាលេហិ វដ្ដិតរជ្ជុយា។ បច្ចោរស្មិន្តិ ឧរមជ្ឈេ។ ផេណុទ្ទេហកន្តិ ផេណំ ឧទ្ទេហិត្វា, ឧស្សាទេត្វាតិ អត្ថោ។ អត្តត្ថន្តិ អត្តនោ ទិដ្ឋធម្មិកសម្បរាយិកលោកិយលោកុត្តរំ អត្ថំ។ បរត្ថោភយត្ថេសុបិ ឯសេវ នយោ។ សេសមេត្ថ យំ វត្តព្ពំ សិយា, តំ សព្ពំ ចូឡច្ឆរាសង្ឃាតសុត្តស្ស (អ. និ. ១.៥១ អាទយោ) អត្ថុប្បត្តិយំ កថិតមេវ។ ឥទញ្ច បន សុត្តំ កថេត្វា សត្ថា ចូឡច្ឆរាសង្ឃាតសុត្តំ កថេសិ។ នវមំ ឧត្តានត្ថមេវ។
72. Aṭṭhamaṃ atthuppattiyaṃ kathitaṃ. Atthuppatti panassa heṭṭhā cūḷaccharāsaṅghātasuttavaṇṇanāya (a. ni. aṭṭha. 1.1.51 ādayo) vitthāritā eva. Passatha noti passatha nu. Āliṅgitvāti upagūhitvā. Upanisīdeyyāti samīpe nissāya nisīdeyya. Upanipajjeyyāti upagantvā nipajjeyya. Ārocayāmīti ācikkhāmi. Paṭivedayāmīti paṭivedetvā jānāpetvā kathemi. Vālarajjuyāti assavālagovālehi vaṭṭitarajjuyā. Paccorasminti uramajjhe. Pheṇuddehakanti pheṇaṃ uddehitvā, ussādetvāti attho. Attatthanti attano diṭṭhadhammikasamparāyikalokiyalokuttaraṃ atthaṃ. Paratthobhayatthesupi eseva nayo. Sesamettha yaṃ vattabbaṃ siyā, taṃ sabbaṃ cūḷaccharāsaṅghātasuttassa (a. ni. 1.51 ādayo) atthuppattiyaṃ kathitameva. Idañca pana suttaṃ kathetvā satthā cūḷaccharāsaṅghātasuttaṃ kathesi. Navamaṃ uttānatthameva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. អគ្គិក្ខន្ធោបមសុត្តំ • 8. Aggikkhandhopamasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨-៩. អគ្គិក្ខន្ធោបមសុត្តាទិវណ្ណនា • 8-9. Aggikkhandhopamasuttādivaṇṇanā
